Iragarkia

154. ALDIZKARIA - 2014ko abuztuaren 7a

1. NAFARROAKO FORU KOMUNITATEA

1.7. BESTELAKOAK

325/2014 EBAZPENA, uztailaren 9koa, Hezkuntzaren, Lanbide Heziketaren eta Unibertsitateen zuzendari nagusiak emana, jarraibideak onesten dituena 2014-2015 ikasturtean honako hauek arautzeko: batetik, Helduen Oinarrizko Hezkuntzako ikastetxe publikoen eta ikasgelen antolaketa eta jarduna, eta bestetik, ikastetxe publiko baimenduetan Helduentzako Bigarren Hezkuntzako ikasketak, hala bertaratzeko modalitatekoak nola urrutikoak, emateko modua.

Ebazpen honen xedea da jarraibide batzuk onestea, indarreko araudiaren zenbait alderdi zehaztu eta garatzeko balio dutenak, helduen hezkuntzako ikastetxe publikoen eta ikasgelen antolaketa egokia eta funtzionamendu ona lortzeko 2014-2015 ikasturtean.

Antolamenduaren eta Aukera Berdintasunaren Zerbitzuko zuzendariak ebazpen hau onestearen aldeko txostena aurkeztu du. Bertaratzeko modalitatean eta urrutikoan helduentzako irakaskuntza ematen duten ikastetxe eta eskualdeen antolaketarekin eta jardunarekin zerikusia duten alderdi batzuetarako jarraibideak ematea da ebazpenaren helburua.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Helduen Oinarrizko Hezkuntzako ikastetxe publikoen eta Helduen Oinarrizko Hezkuntzako ikasgelen antolaketa eta jarduna arautzeko jarraibideak onestea, I. eranskinean agertu bezala.

2. Helduentzako Bigarren Hezkuntzako ikasketak urrutiko modalitatean nahiz bertaratzekoan garatzeko jarraibideak onestea. II. eranskinean ageri dira.

3. Helduen Oinarrizko Hezkuntzako ikastetxe publikoek eta ikasgelek, bai eta Helduentzako Bigarren Hezkuntza irakasten duten Bigarren Hezkuntzako institutuek ere, jarraibide hauetan ageri ez den orotan, Hezkuntzaren, Lanbide Heziketaren eta Unibertsitateen zuzendari nagusiak ekainaren 25ean emandako 286/2014 Ebazpenean izaera orokorrez ezarritakoa bete beharko dute, izan ere, ebazpen horren bidez jarraibideak onetsi dira Nafarroako Foru Komunitatean Haur Hezkuntzako bigarren zikloa, Lehen Hezkuntza, Derrigorrezko Bigarren Hezkuntza eta Batxilergoa ematen duten ikastetxe publikoen antolaketa eta funtzionamendua 2014-2015 ikasturtean arautzeko.

4. Ebazpen hau eta eranskinak Nafarroako Aldizkari Ofizialean argitaratzea.

5. Ebazpen hau eta eranskinak Antolamenduaren eta Aukera Berdintasunaren Zerbitzura, Hezkuntzako Ikuskapen Zerbitzura eta Giza Baliabideen Zerbitzura, Ikasketak Antolatzeko Atalera, Etengabeko Prestakuntzaren Bulegora eta Helduentzako Oinarrizko Hezkuntza irakasten duten ikastetxeetara igortzea, behar diren ondorioak izan ditzaten.

6. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, argitaratu eta biharamunetik hilabeteko epean.

Iruñean, 2014ko uztailaren 9an.–Lanbide Heziketaren eta Unibertsitateen zuzendari nagusia, David Herreros Sota.

I. ERANSKINA

Helduen Oinarrizko Hezkuntzako ikastetxeen eta Helduen Oinarrizko Hezkuntzako ikasgelen antolaketa eta jarduna arautzeko jarraibideak 2014-2015 ikasturterako

Ikasturte hasierako jarraipenetan indarreko araudiaren hainbat alderdi zehaztu eta argitzen dira, eta arautu gabeko beste alderdi batzuk arautzen, hori guztia Helduen Oinarrizko Hezkuntzako ikastetxe publikoen eta Helduen Oinarrizko Hezkuntzako ikasgelak dituzten eskualdeen antolaketa eta funtzionamendua hobetzeko asmoz. Horretaz gainera, ikasturterako lan ildo nagusiak ezarri nahi dituzte.

Jarraibideak hiru kapitulutan daude banatuta:

Lehenbizikoan, Urteko Programazio Orokorrari buruzkoan, oharrak ematen dira ikastetxea edo eskualdea hobetzeko plana prestatzeko.

Bigarrenean, antolakuntza alderdi batzuk zehazten dira, ikastetxearen eta eskualdeko ikasgelen funtzionamendurako beharrezkoak direnak.

Hirugarrenean, gehien erabiltzen diren LOEren ondoriozko arauak zerrendatzen dira.

I.–Urteko Programazio Orokorra

Urteko Programazio Orokorra (UPO) oinarrizko tresna bat da, eta bertan ikastetxearen edo eskualdearen plangintza, antolaketa eta funtzionamendua biltzen dira. Garrantzi berezia du hobekuntza planak, ikastetxeko edo eskualdeko hezkuntza proiektuan dauden alderdiak urtero zehazten baititu. Agiri hori prestatzeko orduan, zorroztasuna, erraztasuna eta erabilgarritasuna hartuko dira kontuan.

Autonomiaren, erantzukizunaren eta efizientziaren printzipioekin bat etorriz, zuzendaritza taldeak bere baliabideak kudeatu behar ditu eta plangintza egin behar du (antolaketa, ordutegia, barruko eta kanpoko koordinaziorako egutegia, etab.), ikasleentzako laguntza eta emaitza akademikoak hobetzeko.

Urteko Programazio Orokorra prestatzean, ikastetxearen hobekuntza plana egiteak izanen du lehentasuna. Hezkuntza Departamentuko indarreko araudiari jarraitzen dioten kalitate programetan parte hartzen duten ikastetxeek hobekuntza planaren helburuak sartuko dituzte urteko planean. Ikastetxe horien dokumentazioa kalitate planean bildutakoa izanen da, bidezkotzat jotzen dutenean hura osatzeko aukera galarazi gabe.

Urteko Programazio Orokorra egiteko, kontuan hartuko dituzte Hezkuntzaren, Lanbide Heziketaren eta Unibertsitateen zuzendari nagusiak ekainaren 25ean emandako 286/2014 Ebazpenaren I. eranskineko I. atalean, Urteko Programazio Orokorra izenekoan, jasotako oharrak, izan ere, ebazpen horren bidez, 2014-2014 ikasturtean ikastetxe publikoen antolaketa eta jarduna arautzeko jarraibideak onetsi ziren.

Bigarren lauhilekoaren hasieran, ikastetxeko zuzendaritza taldeak edo eskualdeko taldeko buruak Urteko Programazio Orokorrean sartuko ditu irakas jardueretan eta irakasleen ordutegian egindako aldaketak.

II.–Antolaketari dagozkion alderdiak

1.–Irakaskuntzen antolaketa.

1.1. Prestakuntza eskaintzak.

Helduen Oinarrizko Hezkuntzako ikastetxe publikoek eta eskualdeek ikastaro mota hauek eskaini ahal izanen dituzte:

–Lehentasunezko prestakuntza jarduerak: Helduen Hezkuntzari buruzko 19/2002 Foru Legearen 5. artikuluko a), f) eta g) letretan aipatzen diren programei loturik daudenak:

• Helduen Oinarrizko Hezkuntzako ikastaroak:
• Hasierako Ikasketak I eta II.
• Eskualdeko BHI baimendu baten mendeko Helduentzako Bigarren Hezkuntzako I. maila.
• 2. mailako funtsezko gaitasunei (N-2) loturiko prestakuntza moduluak:
• N-2 Komunikazioa gaztelaniaz.
• N.2 Matematika.
• N-2 Zientziak.
• N-2 Teknologia.
• N-2 Digitala.
• Etorkinen integrazioan laguntzen duten ikastaroak:
• Gaztelania ikastaroak eta herrialde hartzaileari buruzkoak.
• Bide hezkuntzakoak eta irakurritakoaren ulermena hobetzekoak.
• Desgaitasunak dituzten pertsonak edo egoera soziokultural ahula dutenak gizarteratzeko bidea ematen duten ikastaroak:
• Desgaitasunak dituzten helduak.
• Tailer Eskolak.
• Espetxea.
• Komunitate terapeutikoak.

–Prestakuntza pertsonalerako jarduerak: Helduen Hezkuntzari buruzko 19/2002 Foru Legearen 5. artikuluko c), d), e), h) eta i) letretan aipatzen diren programekin loturik daudenak:

• Mentor ikasgeletako ikastaroak.
• Prestakuntza instrumentaleko arautu gabeko irakaskuntzak.
• Informatikan hasteko ikastaroa.
• Atzerriko hizkuntzen oinarrizko ikastaroak.
• Kultura zabaltzeko ikastaroak.
• Pertsonen arteko harremanen eta komunikazioaren tailerra.

Ikastetxeek eta ikasgelek zilegi izanen dute irabazi asmorik gabeko erakunde nahiz elkarteekin batera lan egitea, desgaitasunak dituztenentzako edo egoera soziokultural ahula duten pertsonentzako programak aurrera eramateko. Lankidetza hori Hezkuntza Departamentuak ontzat eman beharko du, eta ikastetxeek edo eskualdeek ikasturtearen hasieran egiten duten lehentasunezko eskaintzan agertuko da.

1.1.1. Ikastetxe eta eskualde bakoitzeko eskaintza.

Ikastetxeak eta eskualdeak ahaleginduko dira prestakuntza premia handienak dituzten eta gizartean bazterturik gelditzeko arriskuan dauden pertsonen eta gizataldeen partaidetza sustatzen. Oro har, lauhileko bakoitzean aurkezten duten eskaintzan, ordutegiaren %80, gutxienez, lehentasunezko jarduerek beteko dute.

Ikastetxeak eta eskualdeak ahaleginduko dira lauhileko bakoitzaren hasieran beren jarduketa eremuan sortzen diren lehentasunezko ikastaroen eskariari erantzuten, beraiek dituzten langileekin. Beharrezkoa bada, prestakuntza pertsonalerako ikastaroen ordutegia edo kopurua murriztuko da.

Ikastetxeetako zuzendaritza taldeak, klaustroari entzun ondoren, edo eskualdeetako irakasle taldeek taldeak eta ordutegiak berrantolatzea proposatu dezakete lauhilekoetan zehar, edo lehendabizikoa amaitu ondoren, talde batzuetan asistentziak behera egiten badu edo eskaera berriak baldin badaude, bereziki lehentasunezko eskaintzako ikastaroetan. Aldaketa horrek Hezkuntzako Ikuskapen Zerbitzuaren baimena izan beharko du.

1.2. Izen-ematea eta matrikula.

1.2.1. Izena emateko epeak.

Oro har, jardueretarako inskripzioa ondoko egun hauetan eginen da:

–Lehen lauhilekoko ikastaroak: irailaren 12a baino lehen.

Bigarren lauhilekoko ikastaroak: otsailaren 4a baino lehen.

Ikastetxeek eta eskualdeek bi aldi bereizitan egin dezakete inskripzioa: lehenbizikoa lehentasunezko ikastaroetarako, eta bigarrena prestakuntza pertsonaleko ikastaroetarako.

Ikastetxe eta eskualdeetan lauhileko osoan ematen ahalko da izena lehentasunezko prestakuntza jardueretarako. Ahal izanez gero, berehala erantzunen zaio eskaerari; bestela, itxaron zerrenda batean sartuko dira interesdunak.

Mentor ikasgeletan izena emateko epea irailetik ekainera bitartekoa izanen da.

1.2.2. Adin baldintzak.

a) Lehentasunezko prestakuntza jardueretako ikastaroak:

–18 urtetik gorakoak izatea, edo jarduera hasten den urtean 18 urte beteak izatea.

–16 urtetik gorakoak izatea, baldin eta hala eskatzen badute eta ikastetxeetako araubide arruntean joaterik ez badute, lan kontratu bat dutelako edo goi mailako kirolariak direlako. Izena ematerakoan, alegatutako arrazoiak justifikatu beharko dituzte inskribatzen diren ikastetxean edo eskualdean.

–Gaztelania irakasteko ikastaroetan, salbuespen gisa, 16 urtetik gorako atzerritarrak onartzen ahalko dira, gaztelania ikasi behar dutenak.

b) Prestakuntza pertsonalerako ikastaroak:

–Izena ematen dutenean 18 urte beteak izatea.

1.2.3. Ikaskuntzaren hasierako balorazioa.

Ikastetxeek, uztailaren 20ko 61/2009 Foru Dekretuaren 16. artikuluan ezarritakoarekin bat, matrikulazioaren aurretik, ikaskuntzaren hasierako balorazioa (IHB) eginen diete nahitaez Helduen Oinarrizko Hezkuntzako ikastaroetan lehen aldiz inskribatzen direnei (hasierako ikasketak I eta II). Hasierako balorazio horretan jarraitu beharreko prozesua uztailaren 3ko 129/2009 Foru Legearen 3. oinarrian adierazten da. Ikasturtean zehar inskribatzen diren pertsonei ere eginen zaie, inskripzioa egiten dutenean.

N-2 funtsezko gaitasunen prestakuntza moduluetan izena ematen dutenei ere hasierako balorazioa eginen zaie. Hezkuntzaren, Lanbide Heziketaren eta Unibertsitateen zuzendari nagusiak apirilaren 29an emaniko 221/2013 Ebazpenaren III.4 atalean aipatzen den bezala. Ebazpen horren bidez, 2. mailako profesionaltasunaren ziurtagirien inguruan Nafarroako Enplegu Zerbitzuak programatutako ekintzak aprobetxamenduz egiteko nahikoa ezagutza lortzeko jarduketak arautzen dira Nafarroako Foru Komunitatean.

1.2.4. Onartzeko irizpideak.

Aurkeztutako eskaera guztiak onartuko dira. Eskatzaile gehiago daudenean eskaintzen diren postuak baino, ikastetxeak ezarriko duen sistemaren bidez beteko dira. Betiere, irizpide hauek hartuko dira kontuan:

–Helduen Oinarrizko Hezkuntza egiteko, aurreko lauhilekoan hartan egon direnek izanen dute lehentasuna, eta horien artean maila gainditu dutenek. Maila berean gelditzen direnen kasuan, hartan denbora gutxien daramatenek izanen dute lehentasuna. Modulu bat lau lauhilekotan eginik ere gainditu ez dutenek ez dute lehentasunik izanen lehenbiziko aldiz izena ematen dutenen aldean.

–N-2 funtsezko gaitasunen prestakuntza moduluetan kontuan hartuko dira hasierako balorazioaren emaitzak.

–Eskaintzen diren gainerako irakaskuntzetan, lehentasuna honako irizpide hauei segituz finkatuko da:

–Helduentzako hezkuntzako ikasketak beste ikasketa ofizial batzuekin batera ez egitea.

–Azken bi urteetan Helduen Hezkuntzako ikasketa beretan matrikulaturik egon ez izana edo horiek utzi ez izana.

Posturik lortzen ez duten pertsonak itxaron zerrenda batean sartuko dira, sortzen diren bajak betetzeko. Talde espezifikoen kasuan, lauhileko batean itxaron zerrendan egon direnek postua izateko lehentasuna izanen dute hurrengo lauhilekoan.

1.2.5. Matrikulazioa.

Izena emateko prozesua bukaturik eta ikaskuntzaren hasierako balorazia eginik, onartu diren pertsonak behar diren ikastaroetan inskribatuko dira, EDUCA eskolako kudeaketa sistemaren bidez.

1.3. Ikastaroak eta taldeak.

Oro har, ikastaroek lau hilabeteko iraupena izanen dute, Mentor ikasgeletakoak izan ezik.

Egutegia Hezkuntzaren, Lanbide Heziketaren eta Unibertsitateen zuzendari nagusiak maiatzaren 9an emandako 185/2014 Ebazpenaren I. eranskinean ezarritakoaren araberakoa izanen da. Ebazpen horren bidez, 2014-2015 ikasturterako eskola egutegia prestatzeko jarraibideak onetsi ziren Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako.

1.3.1. Taldeak osatzeko ratioak.

a) Helduen Oinarrizko Hezkuntza:

–Hasierako ikasketak I: 10 pertsona gutxienez.

–Hasierako ikasketak II: 15 pertsona gutxienez.

b) N-2 funtsezko gaitasunen prestakuntza moduluak: 15 pertsona gutxienez.

c) Etorkin atzerritarrak:

–Gaztelaniako ikastaroak: mailaren arabera.

–A0 (analfabetoak beren hizkuntzan edo aurretiazko prestakuntza apala dutenak) edo talde heterogeneoak: 10 pertsona gutxienez.

–A1, A2, B1, B2: 15 pertsona gutxienez.

–Bide hezkuntzako ikastaroak: 15 pertsona gutxienez.

d) Adimen edo entzumen desgaitasuna duten ikasleak: 6 ikasletik 8ra bitarte gutxienez, mailaren arabera.

e) Prestakuntza pertsonaleko ikastaroak: 25 pertsona gutxienez.

Ratio txikiagoko taldeak osatzeko Hezkuntzako Ikuskapen Zerbitzuaren baimena beharko da.

1.3.2. Jardueren asteko ordutegia.

a) Hasierako ikasketak:

–Hasierako ikasketak I: astean 10 ordu gehienez.

–Hasierako ikasketak II: astean 12 ordu gehienez.

Kasu berezietan bi maila hauetako asteko orduak gutxitzen ahalko dira, Hezkuntzako Ikuskapen Zerbitzuak baimena emanez gero.

b) 2. mailako funtsezko gaitasunei (N-2) loturiko prestakuntza moduluak.

–N-2 Komunikazioa gaztelaniaz eta N-2 matematika: astean 4 ordu.

–N-2 Teknologia: astean 3 ordu.

–N-2 Zientziak eta N-2 Digitala: astean 2 ordu.

c) Gaztelania atzerritarrentzat:

–Bertaratzekoak: astean 8 ordu gehienez ere.

–Partez bertaratzekoak direnak (Gaztelaniazko Ikasgela Birtualean izena emandako ikasleak): astean bertaratzeko 2 ordu gutxienez.

d) Adimen desgaitasuna duten ikasleak: 4 ordutik 6ra bitarte astean.

e) Mentor ikasgeletako ikastaroak: ikasgelara joanez egin nahi duten pertsonek ordenagailua erabili ahal izanen dute 3 orduz astean.

f) Prestakuntza instrumentaleko arautu gabeko irakaskuntzak (Informatika eta hizkuntzak): astean 3 ordu.

g) Kultura zabaltzeko programak: astean 2 ordu.

Aipatutako asteko ordutegiarekin bat ez datozen ikastaroetarako, Hezkuntzako Ikuskapen Zerbitzuaren baimena beharko da.

1.4. Ebaluazioa eta ziurtapena.

1.4.1. Hasierako Ikasketetako ikastaroen ebaluazioa.

Hasierako ikasketetako ikastaroen ebaluazio prozesua abuztuaren 3ko 129/2009 Foru Aginduaren 10., 11., 12., 13., 14. eta 16. oinarrietan ezarritakoari lotuko zaio.

1.4.2. 2. mailako funtsezko gaitasunei (N-2) loturiko prestakuntza moduluen ebaluazioa.

N-2 funtsezko gaitasunen prestakuntza moduluen ebaluazioa eta ziurtapena apirilaren 29ko 221/2013 Ebazpenaren IV. atalean ezarritakoari lotuko zaio.

1.4.3. Mentor ikasgeletako ikastaroen ziurtapena.

Ikastaroa bukatu eta bertaratzeko irakaskuntzaren azken ebaluazioa gainditzen duten pertsonek aprobetxamenduaren ziurtagiri bat jasoko dute, Hezkuntza Ministerioak eta Nafarroako Gobernuko Hezkuntza Departamentuak luzatua.

1.4.4. Gainerako prestakuntza jardueren ziurtapena.

Lau hileko ikastaro bakoitzaren hasieran, irakasleek ikastaroaren berri emanen diete partaideei, labur, alderdi hauek azalduz: zenbat ordu diren guztira, egutegia, helburuak, edukiak eta gutxieneko betebeharrak gainditzeko.

Ikastaroa amaituta, helburuak erdietsi eta adierazitako betebeharrak bete dituzten pertsonek ikastetxeko ziurtagiri bat jasoko dute. Aurrealdean pertsona identifikatzeko datuak agertuko dira, ikastaroaren izena eta ordu kopurua; atzealdean, garatutako edukiak jasoko dira. Eranskin honen amaieran ageri dena erabili daiteke eredutako.

Gaztelania ikastaro bat (bertaratzekoa edo partez bertaratzekoa) bukatu eta balorazio positiboa lortzen duten pertsonei ematen zaien ziurtagirietan ikastaroaren maila aipatu beharko da, eta ez da beharrezkoa izanen ikastaroaren ordu kopurua agerraraztea.

1.4.5. Bertaratze ziurtagiria.

Partaideek eskubidea izanen dute prestakuntza jardueretan izena eman edo parte hartu izanaren ziurtagiria jasotzeko, betiere klaseetara gutxienez 3 astez jarraian joan baldin badira.

2.–Irakasleak.

2.1. Irakasleen ordutegia.

Irakasleen ordutegiari dagokion guztia araudi orokorrean aipatutakoari lotuko zaio. Aplikatzekoa izanen da, halaber, Hezkuntzaren, Lanbide Heziketaren eta Unibertsitateen zuzendari nagusiak ekainaren 25ean emandako 286/2014 Ebazpenaren I. eranskineko II. atalean, Antolaketari buruzkoan, jasotakoa. Ebazpen horren bidez, 2014-2015 ikasturtean ikastetxe publikoen antolaketa eta jarduna arautzeko jarraibideak onetsi ziren.

2.2. Taldeak eta ordutegiak esleitzeko irizpideak.

Ikastetxearen antolaketa pedagogikoa hobea izan dadin, taldeak esleitzerakoan malgutasunaren printzipioari jarraituko zaio, irakasleen atxikipena eta ikastetxearen egiazko beharrak ongi bateratzeko.

Ikastetxe eta eskualdeetako zuzendariek irizpide hauen arabera esleituko dituzte taldeak:

2.2.1. Lehentasun ordena:

–Behin betiko irakasleak, aitorturik dauzkaten eskubideen arabera: antzinatasuna (lanpostuaren atxikipenean, eta, horretan berdinketa gertatuz gero, kidegoan duten antzinatasuna), herria aukeratzeko lehentasuna ...

Iruñeko “José María Iribarren” Helduen Oinarrizko Hezkuntzako ikastetxe publikoan ari diren irakasleen kasuan, eranskin honen amaierako zerrendan ezarritako ordenari segituko zaio.

–Behin-behineko irakasleak, lehentasuna kidegoko antzinatasunari emanez.

–Praktiketan ari diren irakasleak.

–Aldi baterako irakasle kontratudunak, administrazio edo lan araubidekoak .

Aurreko atalean ezarritakoa gorabehera, ikastetxe eta eskualdeetako zuzendaritzek ikastetxeko edo eskualdeko eskola aprobetxamendua eta antolaketa hobetzen duten bestelako inguruabarrak ere kontuan hartzen ahalko dituzte ikasle taldeak esleitzerakoan.

Bigarren lauhilekoan, eskaeraren arabera, irakasle baten ardurapean dauden taldeetan aldaketak izan daitezke.

2.2.2. Espezialitateak.

–Helduen Oinarrizko Hezkuntzako Hasierako Ikasketen gradua: hezkuntza orokorreko maisu-maistrak.

–Helduen Oinarrizko Hezkuntzako helduendako Bigarren Hezkuntzaren I. maila: behar den gaikuntza duten maisu-maistrak.

–N-2 funtsezko gaitasunen prestakuntza moduluak: behar den gaikuntza duten maisu-maistrak edo irakaskuntzan esperientzia aitortua dutenak.

–Hizkuntza: behar den gaikuntza duten maisu-maistrak.

–Etorkinak, gizarte egoera ahulean dauden taldeak: hezkuntza orokorreko maisu-maistrak.

–Desgaitasun fisikoak, psikikoak edo zentzumenezkoak dituztenak: hezkuntza orokorreko maisu-maistrak edo pedagogia terapeutikoko edo entzumen eta hizkuntzako espezialistak.

–Mentor ikasgeletako ikastaroak: Informazioaren eta Komunikazioaren Teknologietan prestakuntza eta esperientzia frogatzen duten irakasleak, ikasgelako administratzaileentzako prestakuntza ikastaroa egina badute.

–Partez bertaratzekoak diren gaztelania ikastaroak (Cervantes Institutuko Gaztelaniako Ikasgela Birtuala), Gaztelaniako Ikasgela Birtualeko Tutoreen Prestakuntzarako ikastaroa egina duten irakasleak.

–Gainerako ikastaroak: ikastaro horiek emateko behar den prestakuntza dutela uste duten irakasleak.

2.3. Mentor Ikasgelako administratzaileak.

2.3.1. Eginkizunak:

–Ikasgelako ikus-entzunezko materialek eta informatika eta kontsulta tresnek ongi funtzionatzen dutela ziurtatzea.

–Eskaintza honetan interesa duten pertsonei aholkuak ematea ikastaroen ezaugarriei buruz, beren behar eta nahietarako zer ikastaro diren egokienak aditzera emanez.

–Ikaslea gidatzea bere lehenbiziko komunikazio telematikoetan, aurkitzen dituen zailtasunak konpontzeko.

–Ikastaroko ikasleen eta tutoreen artean gertatzen ahal diren zailtasunak konpontzea.

–Ikasleren baten gorabeheren berri ematea tutoreei.

–Ikastaroetako tutore eta koordinatzaileekin batera azterketetarako deiak antolatzea.

–Ikasgelaren erabilera kudeatzea, bere jardunari ahalik etekin handiena ateraz eta ikasleen beharrak eta dauden eskariak bateragarri eginez.

2.3.2. Ordutegia:

Administratzaileek ordutegi hau izanen dute astean, beren eginkizunak betetzeko:

–Tuterako, Tafallako eta Lizarrako Mentor ikasgelak: gehienez ere 6 ordu astean: irakaskuntza zuzeneko 2 ordu, gainerako 4ak irakastordutzat jotzen direnak eta osagarriak.

–Iruñeko Mentor ikasgela: gehienez ere 12 ordu astean: irakaskuntza zuzeneko 6 ordu, gainerako 6ak irakastordutzat jotzen direnak eta osagarriak.

2.4. Partez bertaratzekoak diren ikastaroetako gaztelania irakasleak.

2.4.1. Eginkizunak:

–Ikasleak beren ikaskuntzan gidatu eta orientatzea.

–Talde barruko komunikazioa sustatu eta antolatzea.

–Ikasleen jarraipena eta ebaluazioa egitea.

–Asteko bertaratzeko saioak programatu eta irakastea.

2.4.2. Ordutegia:

Gaztelaniako Ikasgela Birtualean dauden taldeetako ikasleei laguntzeaz arduratzen diren irakasleek ordu-dedikazio hau izanen dute:

–Irakaskuntza zuzeneko orduak, bertaratzekoak: taldeak esleiturik dauzkanak (gutxienez 2 ordu).

–On-line tutoretzako jarraipen orduak:

• 10 pertsona baino gutxiago: ordu 1 astean, irakastordutzat jotzen dena.
• 10 pertsonatik 20ra bitarte: 2 ordu astean, 1 zuzeneko irakaskuntzakoa eta 1 irakastordutzat jotzen direnetakoa.
• 20 pertsonatik 40ra bitarte: 4 ordu astean, 2 zuzeneko irakaskuntzakoak eta 2 irakastordutzat jotzen direnetakoak.
• 40 pertsonatik gora: 6 ordu astean, 3 zuzeneko irakaskuntzakoak eta 3 irakastordutzat jotzen direnetakoak.

2.5. Iruñeko Espetxeko irakasleak.

Espetxeko irakasleak “José María Iribarren” Helduen Oinarrizko Hezkuntzako ikastetxe publikoari atxikirik egonen dira funtzioei dagokienez. Gainera, Iruñeko espetxean dauden kontrol eta segurtasun kontrol guztiak bete beharko dituzte.

Asteko ordutegia eranskin honetako 2.1 puntuan orokorrean xedaturikoa izanen da.

Irakaslana espetxean eginen dute, asteko egun guztietan, astelehenetik ostiralera bitarte.

Irakastordutzat jotzen diren orduen barruan, zuzeneko irakaskuntzako ordutzat jo gabe, irakasleek eginkizun hauek izanen dituzte:

–Taldeen koordinazio didaktikoa eta tutoretzakoa.

–Oinarrizko hezkuntzako taldeetan sartuko diren pertsonei harrera eta hasierako balorazioa egitea.

–Presoen ikasketa eta kultura mailak ebaluatzea, oinarrizko hezkuntzako balizko ikasleak ez izanik ere.

–José María Iribarren ikastetxeak edo Espetxeen Erakundeak sustatutako proiektu edo kanpainetako hezkuntza jarduerak garatzen laguntzea.

Nahitaez ikastetxean egon beharreko ordu osagarrietan honako jarduera hauetan arituko dira:

–Jarduerak programatzea eta material didaktikoa prestatzea.

–Ebaluazio saioak.

–Administrazio agiriak betetzea.

Ikastetxean egon beharreko asteko ordu osagarrien barruan, José María Iribarren ikastetxean egiten diren jarduerak hartuko dira kontuan: klaustroak, irakaskuntzako koordinazio organoak, trebatze jarduerak...

“José María Iribarren” HOHIPeko zuzendaritza taldeari lehenbailehen jakinarazi beharko diote lanera ez agertuz gero edo irakaslanean gertatutako edozein gorabehera, hutsegiteen hileko partean ager dadin, irakaskuntzako orduetan izan nahiz ordu osagarrietan.

Horretarako, ‘’José María Iribarren’’ HOHIPeko zuzendaritzak bidezkotzat jotzen duen informazioa eskatzen ahalko die Espetxeko arduradunei.

Iraileko eta ekaineko eskolarik gabeko egunetan, horrelakorik baldin badago, José María Iribarren ikastetxera joan beharko dute, egun horietarako programatutako lanak egiteko.

3.–Gobernu organoak.

3.1. Helduen Oinarrizko Hezkuntzako ikastetxe publikoak.

Ikastetxeek gobernu organo hauek izanen dituzte:

–Kide anitzeko organoak: Eskola Kontseilua eta Irakasleen Klaustroa.

–Kide bakarreko organoak: Zuzendaritza taldea.

Talde horretako kideei eta eginkizunei dagokienez, honako hauek aplikatuko dira: Hezkuntzari buruzko Lege Organikoaren III. kapitulua, Hezkuntza kalitatea hobetzeko Lege Organikoak sartutako hobekuntzak eta Haur eta Lehen Hezkuntzako Ikastetxe Publikoen Erregelamendu Organikoa (otsailaren 10eko 24/1997 Foru Dekretua).

3.2. Helduen Oinarrizko Hezkuntzako ikasgelak.

Eskualdeko irakasle taldea eremu geografiko bakoitzeko ikasgelez arduratzen diren irakasleek osatuta dago, eta irakasle horietako baten zuzendaritzapean jardunen du, taldeko burua izanen baita.

Taldeko burua eskualdean behin betiko destinoa duten irakasleen artetik izendatuko du Hezkuntza Departamentuak ikasturte baterako. Zuzeneko irakaskuntzako 3 ordu kenduko zaizkio astean, lan hori bete dezan.

3.2.1. Eskualdeko irakasle taldearen eginkizunak.

a) Eskualdeko prestakuntza jarduerak antolatu eta garatzea modu koordinatuan: eskaintza planifikatzea, hasierako balorazioak egitea, taldeak eratzea, eskolak ematea eta ebaluatzea.

b) EDUCAren bidez, eskualdeko jarduketak kudeatzea: altak, bajak, ikasleen segimendua eta ikastaroetako dokumentazioa.

c) Plangintza instituzionaleko agiriak prestatzea edo, beharrezkoa denean, aldatzea (hezkuntza proiektua, urteko programazio orokorra, azken memoria eta antolaketa eta jarduera arauak), betiere taldeko buruaren zuzendaritzapean.

d) Ikasgelako programazioen prestaketa gidatuko duten ildo orokorrak ezartzea, hezkuntza proiektuan oinarrituta.

e) Ikasleen ikaste prozesurako egokienak diren metodologia didaktikoak erabil daitezen laguntzea.

f) Irakaslanerako material didaktikoak proposatzea.

g) Hezkuntza Departamentuak emandako beste edozein, edo eskualdeko antolaketa eta jarduera arauetan ezarritakoa.

3.2.2. Eskualdeko irakasle taldeko buruaren eginkizunak.

a) Eskualdeko irakasleen taldeak, aurreko atalaren arabera talde horrek esleiturik dituen eginkizunak betetzeko, egiten dituen bilerak zuzendu eta koordinatzea, bereziki plangintza instituzionalerako agirien ingurukoak.

b) Eskualdeko prestakuntza jarduerak koordinatzea, eta hezkuntza proiektuan eta urteko programazio orokorrean ezarritakoarekin bat betetzen direla begiratzea.

c) Urteko programazio orokorra, hileko gorabeheren agiriak eta eskatzen zaizkion beste dokumentu guztiak egin eta Hezkuntzako Ikuskapen Zerbitzuari aurkezteaz arduratzea.

d) Eskualdeko funtzionamendu gastuen kudeaketa ekonomikoa bere gain hartzea.

c) Hezkuntza Departamentuak bere eskumenen esparruan emandako beste edozein, helburua izanik eskualdeko irakasle taldearen antolaketa egokia eta funtzionamendu zuzena.

4.–Irakaslana koordinatzeko organoak.

Helduen Oinarrizko Hezkuntzako ikastetxe publikoek gobernu organo hauek izanen dituzte irakaslana koordinatzeko:

–Tutoreak.

–Mailako taldeak.

–Koordinazio Pedagogikorako Batzordea.

Haur eta Lehen Hezkuntzako Ikastetxe Publikoen Erregelamendu Organikoaren III. tituluko II., III. eta IV. kapituluek (otsailaren 10eko 24/1997 Foru Dekretua) eta 257/1998 Foru Aginduaren II. tituluak arautzen dute irakaslana koordinatzeko organoen izendapenari, osaerari, eginkizunei eta eskumenei buruzko guztia. Kasu honetan, Zikloko Taldeei buruz adierazitako guztia Mailako Taldeei buruz adierazten dela ulertu behar da.

Helduen Oinarrizko Hezkuntzako ikastetxe publikoetan ikastetxeko beste prestakuntza jarduera batzuen ardura (gaztelania atzerritarrentzat, arautu gabeko prestakuntza pertsonala...) hartuko duten mailako taldeak eratzen ahalko dira, jarduera horietan aritzen diren irakasleak bi badira gutxienez.

4.1. Tutoretza eta orientazioa.

Ikasleen tutoretza eta orientazioa irakaslanari lotutako zereginak dira.

Hasierako ikasketen talde bakoitzak tutore bat izanen du. Ikastetxeko zuzendariak izendatuko ditu, ikasketaburuak proposatuta, ikasle horiekin lan egiten duten irakasleen artetik. Beren eginkizunak betetzeko, tutoreek irakastordu bana izanen dute astean (129/2009 Foru Aginduaren 8.6 oinarria).

Lehentasunezko eskaintzan bertaratzeko modalitatean dauden gainerako ikastaroetako irakasleek gehienez ere bi irakastordu erabiltzen ahalko dituzte, asteko kopurutik, ikasleei orientazioa eta aholkularitza emateko.

Ikastaroen hasieran, irakasleek tutoretzarako ezarritako ordutegiaren berri emanen diete beren taldeetako ikasleei.

5.–Ikasleak eskoletara joatea.

Pertsona helduak beren borondatez eta berek erabakita hasten dira Helduen Oinarrizko Hezkuntzako gradu, maila eta moduluetan.

Helduen Oinarrizko Hezkuntzan matrikula egin eta gero, argi izan behar dute ikasle guztien eskubidea eta betebeharra dela eskoletara joatea.

Zenbait egun jakinetan arrazoi batengatik edo bestearengatik ikasle gutxi egonagatik ere, ikastetxeak eta irakasleek normal eman beharko dituzte eskola horiek.

Irakasle guztiek egunero kontrolatu beharko dute ikasleak programatutako jardueretara joaten diren. Horretarako, bertaratze partea beteko dute egunero, eta izaten diren gorabeherak azalduko dituzte bertan.

Justifikatu gabeko hutsegite kopuru jakin batera ailegatzen diren pertsonei (jardueraren ardura duen irakasleari jakinarazi gabe) baja ematen ahalko zaie jarduera horretan. Hutsik gelditzen diren tokiak jarduera horretako itxaron zerrendako pertsonekin beteko dira, horrelakorik baldin badago.

Ikastetxe eta eskualdeek, oro har, ondoko hutsegiteen eskala erabiliko dute pertsona bati baja emateko.

–Lehentasunezko eskaintzako jarduerak:

• 8 hutsegite elkarren segidan, edo saio guztien %12.
• 15 hutsegite ez elkarren segidan, edo saio guztien %15.

–Prestakuntza pertsonalerako jarduerak:

• 5 hutsegite elkarren segidan, edo saio guztien %10.
• 8 hutsegite ez elkarren segidan, edo saio guztien %12.

Ikastetxeetako barne araubiderako erregelamenduetan eta eskualdeetako funtzionamendu arauetan gai hori jaso daiteke, bakoitzaren ezaugarrietara egokitua.

Aurretik aipatutakoa ez da Mentor ikasgeletako ikastaroetan aplikatuko, ikaslea denbora tarte jakin baterako matrikulatu baita, eta dagokion kopurua ordaindu.

III.–Araudia

1.–Orokorra.

–47/2010 Foru Dekretua (Bizikidetza). 2010eko irailaren 24ko Nafarroako Aldizkari Ofiziala.

–204/2010 Foru Agindua (Bizikidetza). 2011ko urtarrilaren 20ko Nafarroako Aldizkari Ofiziala.

–63/2013 Foru Agindua (Kalitatearen kudeaketa). 2013ko abuztuaren 22ko Nafarroako Aldizkari Ofiziala.

–37/2014 Foru Dekretua (Lanpostuak betetzea arautzen du). 2014ko maiatzaren 8ko Nafarroako Aldizkari Ofiziala.

2.–Helduen Hezkuntza.

–61/2009 Foru Dekretua (Helduen Oinarrizko Hezkuntza: curriculuma). 2012ko irailaren 4ko Nafarroako Aldizkari Ofiziala.

–129/2009 Foru Agindua (Helduen Oinarrizko Hezkuntza: ezarpena eta ebaluazioa). 2009ko irailaren 7ko Nafarroako Aldizkari Ofiziala.

–221/2013 Ebazpena (N-2 funtsezko gaitasunen ikastaroak). 2013ko maiatzaren 23ko Nafarroako Aldizkari Ofiziala.

–185/2014 Ebazpena (eskola egutegia prestatzeko jarraibideak). 2014ko maiatzaren 28ko Nafarroako Aldizkari Ofiziala.

–189/2013 Errege Dekretua (profesionaltasunaren ziurtagiriak). 2013ko martxoaren 21eko Estatuko Aldizkari Ofiziala.

–49/2013 Foru Agindua (Erreklamazioak). 2013ko ekainaren 21eko Nafarroako Aldizkari Ofiziala.

–1594/2011 Errege Dekretua (maisu-maistren kidegoko hezkuntza espezialitateak). 2011ko azaroaren 9ko Estatuko Aldizkari Ofiziala.

–66/2010 Foru Dekretua (hezkuntzako eta lanbideko orientazioa). 2010eko azaroaren 29ko Nafarroako Aldizkari Ofiziala.

–93/2008 Foru Agindua. (Aniztasunari arreta ematea). 2008ko uztailaren 30eko Nafarroako Aldizkari Ofiziala.

–Maiatzaren 31ko 287/2013 Ebazpena (Unibertsitateko ikasleen prestakuntza praktikoan parte hartzen duten ikastetxe eta irakasleentzako aitorpena). 2013ko ekainaren 7ko Nafarroako Aldizkari Ofiziala.

–342/2014 Ebazpena, ekainaren 25ekoa (ikastetxe publikoetako jarraibideak: I. eranskina).

A.–Arautu gabeko prestakuntza
jardueren ziurtagiri eredua

Helduen Hezkuntzan arautu gabe dauden
prestakuntza jardueren ziurtagiria

....................... jauna/andrea,

................................................... ikastetxeko idazkaria.

ZIURTATZEN DU:

.................................. jaunak/andreak,

...................,(e)n jaioak, ........... NANa duenak, ikastetxe honetan ................ ikastaroa egin eta gainditu duela, ......... ordukoa. Haren edukiak honen atzealdean ageri dira.

Eta behar diren ondorioetarako jasota geldi dadin, honako ziurtagiri hau luzatzen dut.

……..………….(e)n, 201...(e)ko …………….aren ....(e)an

IRUÑEKO “JOSÉ M.ª IRIBARREN” HOHIP-EKO
BEHIN BETIKO IRAKASLEEN ZERRENDA

Martínez Beorlegui, Concepción.

Alamán Galar, M.ª Teresa.

Subiza Ilincheta, M.ª Teresa.

Fernández Callejas, P. Consuelo.

Ortega Lozano, Roberto.

Muñoz Ruiz, José Luis.

Fernández Fernández, Lourdes.

Lana Gurucharri, Cristina.

Artázcoz Ardanaz, Lourdes.

Fernández Jiménez, Concepción.

Garatea Ayerra, M.ª Teresa.

Muruzábal Martínez, M.ª Lourdes.

Rupérez Díez, M.ª Ángeles.

Izu Belloso, Yolanda.

San Martin Aoiz, Agustin

Romera Gutiérrez, Luis M.ª.

Casi Arboniés, M.ª Carmen.

Urroz Barasoain J. Manuel.

Horcada Goñi, Micaela Susana.

Blanco Merino, M.ª Carmen.

II. ERANSKINA

Helduen Oinarrizko Hezkuntzako Helduentzako Bigarren Hezkuntzako ikasketak garatzeko jarraibideak, 2014-2015 ikasturterako

Ikasturte hasierako jarraibideek indarreko araudiaren alderdi batzuk zehaztu eta argitzen dituzte, eta arautu gabeko beste batzuk arautzen dituzte, ikastetxeen antolaketa eta jarduna hobetzeko. Horretaz gainera, ikasturterako lan ildo nagusiak ezarri nahi dituzte.

Jarraibideak hiru kapitulutan daude banatuta:

Lehenbizikoa, urteko programazio orokorrari buruz. Bertan ikastetxearen hobekuntza planaren gaineko argibideak ematen dira, bai eta ebaluazioetan duen parte-hartzearen gainekoak ere, hobetzen ahal diren eremuak detektatzeko.

Bigarrenean, antolakuntza alderdi batzuk zehazten dira, ikastetxearen funtzionamendurako beharrezkoak direnak.

Hirugarrenean, gehien erabiltzen diren LOEren ondoriozko arauak zerrendatzen dira.

I.–Urteko Programazio Orokorra

Urteko programazio orokorra oinarrizko tresna bat da eta ikastetxeko plangintza, antolaketa eta funtzionamendua biltzen ditu. Garrantzi berezia du haren hobekuntza planak, ikastetxeko hezkuntza proiektuan dauden alderdiak urtero zehazten baititu. Agiri hori prestatzeko orduan, zorroztasuna, erraztasuna eta erabilgarritasuna hartuko dira kontuan.

Autonomiaren, erantzukizunaren eta efizientziaren printzipioekin bat etorriz, zuzendaritza taldeak indarreko araudiari lotuta kudeatu behar ditu bere baliabideak eta harekin bat etorriz egin behar du plangintza (antolaketa, ordutegia, barruko eta kanpoko koordinaziorako egutegia, etab.).

Urteko Programazio Orokorra prestatzean, ikastetxearen hobekuntza plana egiteak izanen du lehentasuna. Hezkuntza Departamentuko indarreko araudiari jarraitzen dioten kalitate programetan parte hartzen duten ikastetxeek hobekuntza planaren helburuak sartuko dituzte urteko planean. Ikastetxe horien dokumentazioa kalitate planean bildutakoa izanen da, bidezkotzat jotzen dutenean hura osatzeko aukera galarazi gabe.

Urteko Programazio Orokorra egiteko, kontuan hartuko dituzte Hezkuntzaren, Lanbide Heziketaren eta Unibertsitateen zuzendari nagusiak emandako /2014 Ebazpenaren II. eranskineko I. atalean, Urteko Programazio Orokorra izenekoan, jasotako oharrak, izan ere, ebazpen horren bidez, 2014-2015 ikasturtean ikastetxe publikoen antolaketa eta jarduna arautzeko jarraibideak onetsi dira.

II.–Antolaketari dagozkion alderdiak

Ikasketen antolaketa.

1.1. Inskripzioa eta matrikula.

1.1.1. Ikasleak.

Helduen Oinarrizko Hezkuntzako Helduentzako Bigarren Hezkuntzako ikasketetan bertaratzeko modalitatean honako hauek matrikula daitezke:

–18 urtetik gorakoak izatea, edo jarduera hasten den urtean 18 urte beteak izatea.

–16 urtetik gorakoak izatea, baldin eta hala eskatzen badute eta ikastetxeetako araubide arruntean joaterik ez badute, lan kontratu bat dutelako edo goi mailako kirolariak direlako. Inskripzioa egiterakoan, alegatutako arrazoiak justifikatu beharko dituzte inskribatzen diren ikastetxean.

1.1.2. Inskripzioa egiteko epeak.

Oro har, inskripzioa ondoko egun hauetan eginen da:

–Lehen lauhilekoa: irailaren 12a arte. Ikastetxeek, bidezkoa iruditzen bazaie, inskripzioa egiteko aparteko epe bat irekitzen ahalko dute ekainean.

–Bigarren lauhilekoa: otsailaren 4a arte.

1.1.3. Ikaskuntzaren hasierako balorazioa.

Ikastetxeek, 61/2009 Foru Dekretuaren 16. artikuluan ezarritakoarekin bat, matrikulazioaren aurretik eta nahitaez, ikaskuntzaren hasierako balorazioa (IHB) eginen diete Helduen Oinarrizko Hezkuntzan lehen aldiz inskribatzen diren pertsonei. Horrela, ikasleari bere ezagutza eta gaitasunetarako gradu eta maila egokienak esleituko zaizkio, eta Helduen Oinarrizko Hezkuntza osatzeko zein modulu egin behar dituen zehaztuko da. Ikasleak ez ditu egin beharko esleitzen zaion mailaren aurretik ematen diren moduluak.

Hauxe da hasierako balorazioan jarraitu beharreko prozesua:

a) Prestakuntza arautuaren, Lehen Hezkuntzaren, Derrigorrezko Bigarren Hezkuntzaren edo iraungitako hezkuntza sistemen ziurtagiri ofizialak aurkezten dituztenei abuztuaren 3ko 129/2009 Foru Aginduaren I. eranskineko baliokidetasun taulak aplikatuko zaizkie. Curriculum egokitzapenak dituzten irakasgaiak baldin badaude, erreferentzia ikastaroa curriculum egokitzapen horretan agertzen dena izanen da.

b) Ikasketa arautuen ziurtagiririk aurkezten ez duten pertsonei edo Lehen Hezkuntzako seigarren mailatik beherakoak aurkezten dituztenei ezagutzak eta gaitasunak baloratzeko proba objektibo bat eta aurrez aurreko elkarrizketa bat eginen zaizkie. Emaitzak ikusirik, gradu eta maila egokiak esleituko zaizkie, eta ez dituzte hortik beheragoko moduluak egin beharrik izanen. Era berean, ikastetxeek proba hori egitea eskatzen ahalko diete ziurtagiri zehatz batzuk (eskola graduatua, HLKP...) aurkezten dituztenei edo hezkuntza sistematik kanpo denbora luzea daramatenei, haien ezagutza eta gaitasun mailarekin bat datorren prestakuntza-ibilbideaz orientabide egokiak emateko.

c) 255/1999 Foru Dekretuaren bidez araututako Helduen Oinarrizko Hezkuntzako ikasketak amaitu gabe utzi dituzten ikasleak 61/2009 Foru Dekretuaren bidez araututako ikasketa berrietan sartuko dira, abuztuaren 3ko 129/2009 Foru Aginduaren II. eranskineko baliokidetasun taulen arabera.

d) Ikasle batek aurreko ataletan sartu ez diren ikasketen ziurtagiriak aurkezten baditu, haien baliokidetasuna kontsultatuko da Hezkuntza Departamentuan.

b) atalean aipatzen den proba objektiboa proba orokor bat izaten ahalko da, edo modulu bakoitzerako ariketa batzuetan egituratua. Proba ikastetxeak prestatuko du; probaren bidez ikaslearen heldutasun pertsonala azalduko da, eta bere ahalmena, gaitasuna eta ezagutza baloratuko dira.

Ikastetxeko zuzendariak izendatuko du IHBa egin behar duen irakasle taldea. Horiek prestatu eta baloratzeko, komeni da HBHko bi mailetako eta Orientazio Departamentuko irakasleek parte hartzea.

1.1.4. Bertaratzeko HBHrako eskaeren baremazioa.

a) Eskainitako tokien kopurua aurkeztutako eskaerena baino handiagoa denean, ikasketak egiteko baldintzak betetzen dituzten eskatzaile guztiak onartuko dira.

b) Eskaeren kopurua eskainitako tokiena baino handiagoa bada, berriz, lehentasuna izanen dute aurreko lauhilekoan HBHko moduluetan aritu direnek. Eskoletara ez joateagatik baja eman zaien pertsonek ez dute lehentasunik izanen.

Aurreko ikasturtean Helduen Oinarrizko Hezkuntzako Hasierako Ikasketak II modulua ikasi eta gainditu dutenek (uztailaren 20ko 61/2009 Foru Dekretua) lehentasuna izanen dute HBHko 1. moduluetan matrikulatzeko.

Gainerako eskatzaileen kasuan ikastetxeek ezarrita dituzten irizpideak aplikatuko dituzte.

Ikastetxeek iragarki oholean emanen dituzte argitara baremazioaren emaitzak.

Onartzen ez diren pertsonei jakinaraziko zaie ikasketa hauek urrutiko modalitatean egiteko aukera dutela. Ikastetxeak laguntza eman dezake Felix Urabayen NHBHIan inskripzioa egiteko tramiteetan, horretan interesa duten pertsonak asko badira. Ez da IHBa berriz egin beharko.

1.1.5. Matrikula.

Inskripzio prozesua amaituta eta IHBa eginda, ikastetxeek ikasleak matrikulatuko dituzte. Ikastetxeko idazkaritzan espediente akademiko bana irekiko zaie ikasleei. IHBaren ondoriozko hezkuntza orientazioak adieraziko dira bertan.

Ikasleak nor bere gaitasunaren eta duten denboraren arabera matrikulatzen ahalko dira, nahi duten moduluetan, bostetan gehienez. Betiere, izen bereko bi modulutan ezin izanen dira matrikulatu, edukiak progresiboak baitira. Modulu jakin batean matrikulatu ahal izateko, izen bereko aurreko modulua gainditu beharko da.

Arau orokor gisa, ikasleak urrutiko modalitatera aldatzen ahalko dira hurrengo lauhilekorako inskripzioaldian. Salbuespenez, ikasleek, ikastetxeko zuzendariari aurkeztu beharreko idazki baten bidez, bertaratzeko nahiz urrutiko modalitateak batera eskatzen ahalko dituzte, matrikulatu nahi duten moduluetako eskola guztietara joaterik ez dutenean.

1.2. Urrutiko HBHko ikasleen hezkuntza arreta.

Helduentzako Bigarren Hezkuntzako urrutiko ikasketak egiten dituzten ikasleek tutore bat izanen dute matrikulatzen diren moduluetako bakoitzeko. Arau orokor gisa, jakintza esparru bereko modulu guztietan irakasle tutore bera izanen dute.

Hezkuntza arreta bi modutara emanen da: taldekako tutoretza, bertaratzekoa, eta orientaziorako tutoretza banakakoa.

Ikasketak urrutiko modalitatean egiten dituzten ikasleen berezitasunak direla eta, tutoretza saioetara joatea borondatezkoa izanen da. Taldeko tutoretza saioetara joan ezin diren ikasleek ikasturte hasieran eman beharko diote horren berri tutoreari, eta orduan zehaztuko da zein den haien beharretara egokitzen den banakako tutoretza mota.

Jakintza esparru bakoitzeko tutoretzen asteko ordutegia abuztuaren 3ko 129/2009 Foru Aginduaren III. eranskinean aipatzen dena izanen da.

Ikastetxeek ordubetetik beherako irakastaldietan zatitzen badute ordutegia, eranskin horretan zehazturiko irakastorduak bermatzeko adina irakastaldi izanen dira. Irakastaldi bakoitza 45 minutukoa izanen da gutxienez.

Tutoretzek ordutegi finkoa izanen dute, eta ikasleek zein den jakinen dute. Ikasturte hasieran, jendaurrean jarriko dira ondoko hauek: jakintza esparruetako modulu bakoitzaren banakako eta bertaratzeko taldeko tutoretzen ordutegia, taldeko tutoretzen jarduera programa, ebaluazioen egutegia eta ikasleentzat jakingarria den beste edozein informazio.

Ikasleak taldeko tutoretza saioetara joan daitezen errazteko, ordutegia erabakitzerakoan, maila bakoitzeko asteko tutoretza saioak ahalik eta egun gutxienetan bilduko dira.

Ikasketaburuak tutoretzen ordutegi orokorra prestatuko du, Urteko Programazio Orokorrean ezarritako irizpide pedagogikoei jarraikiz.

1.2.1. Taldeko tutoretzak.

Taldeka egiten diren bertaratzeko tutoretza saioetan irakasgaiaren funtsezko alderdiak jorratuko dira ikasleekin. Horretarako, tutoreak ikasturte hasieran ikasleei jakinaraziko dien jarduera programa beteko da. Modulu bakoitzaren hasieran, plangintzarako saio bat izanen da; jarraipenerako tarteko saio bat eginen da prozesuan, eta azken saio bat, ebaluazioa prestatzeko.

Hiru jakintza esparruetako modulu bakoitzak taldeko tutoretzaren saio bat izanen du astean.

1.2.2. Banakako tutoretzak.

Banakako tutoretza saioak telefono bidezkoak, telematikoak edo bertaratzekoak izan daitezke. Horien bidez, tutoreak ikasle bakoitzaren ikaskuntza prozesuaren banakako jarraipena eginen du, orientazioa emanen dio eta zalantzak argituko dizkio.

Hiru jakintza esparruetako modulu bakoitzak banakako tutoretzaren saio bat izanen du astean.

Modulu batzuetan 20 ikasle baino gutxiago matrikulatu badira, maila edo esparru bereko moduluak asteko tutoretza saio bakar batean biltzen ahalko dira.

1.2.3. Ikaslearen gidaliburua.

Helduentzako Bigarren Hezkuntzako ikasketak urrutiko modalitatean egiten dituztenei ikaslearen gidaliburu bat emanen zaie beren bakarkako lanean orientatzeko. Gidaliburuan ikastetxeari eta ikasketei buruzko informazio orokorra jasoko da, baita ebaluazioen eta tutoretzen egutegia eta jakintza esparru bakoitzeko moduluetan lan egiteko agenda ere. Agenda horretan jasoko da ikasleen ikasketarako lagungarritzat jotzen den informazioa: helburuak, edukiak, denbora banaketa, ebaluazio irizpideak, material didaktikoak, jarduerak, ikasteko orientabideak, etab.

Koordinazio didaktikorako departamentuen ardura izanen da ikaslearen gidaliburua prestatzea, eta ikasketaburuak lan hori zuzenduko du. Zuzendaritza taldeak, ikasturte hasieran, beharrezkoak diren neurriak hartuko ditu ikasle guztiek gida jaso dezaten edo bide telematikoz eskuratzeko aukera izan dezaten.

1.3. Ordu banaketa.

Lau hileko ikastaroak 80 eskola egunekoak izanen dira, gutxienez.

Helduentzako Bigarren Hezkuntzako asteko ordutegiaren banaketa abuztuaren 3ko 129/2009 Foru Aginduaren III. eranskinean ezartzen da.

Ikastetxeek ordubetetik beherako irakastaldietan zatitzen badute ordutegia, zehazturiko irakastorduak bermatzeko adina irakastaldi izanen dira. Irakastaldi bakoitza 45 minutukoa izanen da gutxienez.

Helduentzako Bigarren Hezkuntzako taldeetan, bertaratzeko modalitatean, ordutegia modu homogeneoan banatuko da astelehenetik ostiralera.

1.4. Ikasleak klaseetara joatea.

Helduak beren borondatez eta berek erabakita hasten dira Helduentzako Bigarren Hezkuntzako maila eta moduluetan.

Zenbait egun jakinetan arrazoi batengatik edo bestearengatik ikasle gutxi egonagatik ere, ikastetxeak eta irakasleek normal eman beharko dituzte eskola horiek.

Bertaratzeko modalitateko HBHan, Irakasle guztiek egunero kontrolatu beharko dute ikasleak programatutako jardueretara joaten diren. Horretarako, bertaratze partea beteko dute egunero, eta izaten diren gorabeherak azalduko dituzte bertan. Modulu bateko klaseetan egun askotan huts egiten dutenek modulu horretako etengabeko ebaluaziorako eskubidea galduko dute, baina azken ebaluaziorako eskubidea mantenduko dute. Eskoletara behin eta berriz huts egitea eta horren ondorioak ikastetxeko Elkarbizitzaren Erregelamenduan zehaztuko dira.

Urrutiko irakaskuntza motaren ezaugarriak kontuan hartuta, tutoretza saioetara agertzea, banakako saioak izan edo taldeko saioak izan, ez da ezinbestekoa izanen ebaluazio probetara aurkeztu ahal izateko. Banakako eta taldeko tutoretzetara joaten diren ikasleen asistentzia egunero kontrolatuko dute irakasleek; kontrol hori idatzita gordeko da, eta Hezkuntzako Ikuskapen Zerbitzuaren eskura egonen.

1.5. Ebaluazioa eta mailaz igotzea. Aparteko proba.

Helduentzako Bigarren Hezkuntzako ikasleen ebaluazioari, kalifikazioari eta ikastaroak gainditzeari dagokien guztia Helduentzako Oinarrizko Hezkuntzaren ezarpena arautzen duen abuztuaren 3ko 129/2009 Foru Aginduaren 15. oinarrian xedatutakoari lotuko zaio.

Mailaz igotzea moduluka eginen da, banaka banaka. Modulu batean kalifikazio positiboa lortzen duenak izen bereko hurrengo modulua egiten ahalko du. Kalifikazio negatiboa jasotzen badu, modulua errepikatu beharko du.

Ikasturteko bigarren lauhilekoa amaitutakoan moduluren bat gainditu gabe duten ikasleek proba berezia egiten ahalko dute, modulu horiek gainditu ahal izateko. Proba hori irailaren lehen egunetan izanen da.

2.–Irakasleak.

Hezkuntzari buruzko maiatzaren 3ko 2/2006 Lege Organikoaren 94. artikuluan eta lege horren lehen xedapen iragankorrean aipatzen dira Helduen Oinarrizko Hezkuntzako Helduentzako Bigarren Hezkuntzako ikasketak, bertaratzeko modalitatekoak, emanen dituzten irakasleak.

Helduentzako Bigarren Hezkuntza osatzen duten jakintza esparruak Bigarren Hezkuntzako Irakasleen Kidegoko irakasleen espezialitateei esleitzeko modua uztailaren 20ko 61/2009 Foru Dekretuaren 4. eranskinean ageri da.

Maisu-Maistren Kidegoko eta Bigarren Hezkuntzako Irakasleen Kidegoko irakaskuntzako funtzionarioen lanaldia indarra duen arautegiarekin bat etorriko da.

3.–Irakaslana koordinatzeko organoak.

Bigarren Hezkuntzako Institutuen Erregelamendu Organikoan ezarritakoaren bidez arautuko dira irakaslana koordinatzeko organoen osaera eta eginkizunak (otsailaren 10eko 25/1997 Foru Dekretua).

Departamentuek, zeinen arlo eta irakasgaiak jakintza esparru bakoitzean sartuak baitaude, lauhileko bakoitzean bi bilera eginen dituzte gutxienez, bata hasieran eta bestea bukaeran, jakintza esparru bakoitzeko moduluak ematen dituzten irakasle guztiekin. Bilera horietan ondoko alderdi hauek jorratuko dira:

–Ikaslearen hasierako balorazioko proba prestatzea (IHB).

–IHBa ebaluatzea.

–Helduentzako Bigarren Hezkuntzako esparruen moduluetako curriculuma garatu eta osatzea.

–Programazio didaktikoak gainbegiratzea.

–Metodologia didaktikoari buruzko erabaki orokorrak hartzea.

–Ikasleek nola ikasten duten ebaluatzeko prozedurak eta sistemak ezartzea.

–Mailaz igotzeko eta kalifikatzeko irizpideak finkatzea.

–Erabiliko diren materialak eta baliabide didaktikoak zehaztea.

3.1. Tutoretza eta orientazioa.

Ikasleen tutoretza eta orientazioa irakaslanari lotutako zereginak dira.

Helduentzako Bigarren Hezkuntza bertaratzeko modalitatean ikasten duen talde bakoitzak tutore bat izanen du, kasuan kasuko irakasle taldearen irakaskuntza eta jarduketa koordinatuko dituena. Urrutiko modalitatean, berriz, irakasle batek eginen du tutore lana I. mailako moduluetan aritzen diren ikasle guztientzat, eta beste batek, berriz, II. mailako moduluetan daudenentzat.

Ikastetxeko zuzendariak izendatuko ditu, ikasketaburuak proposatuta, ikasle horiekin lan egiten duten irakasleen artetik. Irakasle horrek koordinatuko ditu irakasle taldearen irakaskuntzak eta jarduketak.

4.–Berariazko jarduketen koordinazioa eta ebaluazioa.

Iruñeko espetxean Helduentzako Bigarren Hezkuntzan eta urrutiko batxilergoan matrikulaturik dauden ikasleei behar duten laguntza eman ahal izateko, NHBHIk astean gutxienez bi ordu utziko ditu tutoretzarako espetxeko ikasleen esku, komunikazio eta gizarte esparruan, eta beste bi, esparru zientifiko-teknologikoan, behar den koordinazioa, irakasleen eta ikasleen informazioaren transmisioa, ikasleekiko arreta eta azterketetako zainketa bermatzeko.

Helduentzako Bigarren Hezkuntzaren urrutiko modalitatean matrikulatuta egonik berariazko jarduketa eta programetan dauden ikasleak (Espetxea, Gizakia Helburu, Oasis, Antox, Ibarre-Multzoa), haien ezaugarri bereziak direla-eta ezin dira joan ez tutoretza saioetara, ez ebaluazio probetara.

Jarduketa horietarako Hezkuntza Departamentuko beste irakasle batzuk daude, eta horiekin behar den koordinazio lana egiten ahalko dute ‘’Félix Urabayen’’ NHBHIko irakasleek.

Ikasle horien ebaluazioa egiteko, kasuan kasuko zentro, elkarte, proiektu eta programez arduratzen diren irakasleen laguntza izanen da. Horretarako, ikasketaburuak ebaluazio ariketak bidaliko dizkie irakasle horiei, proba egiteko eta egindako azterketak itzultzeko ardura har dezaten.

III.–ARAUDIA

1. Orokorra.

–47/2010 Foru Dekretua (Bizikidetza). 2010eko irailaren 24ko Nafarroako Aldizkari Ofiziala.

–204/2010 Foru Agindua (Bizikidetza). 2011ko urtarrilaren 20ko Nafarroako Aldizkari Ofiziala.

–63/2013 Foru Agindua (Kalitatearen kudeaketa). 2013ko abuztuaren 22ko Nafarroako Aldizkari Ofiziala.

–37/2014 Foru Dekretua (Lanpostuen betetzea arautzen du). 2014ko maiatzaren 8ko Nafarroako Aldizkari Ofiziala.

2. Pertsona Helduen Hezkuntza.

–61/2009 Foru Dekretua (Helduen Oinarrizko Hezkuntza: curriculuma). 2012ko irailaren 4ko Nafarroako Aldizkari Ofiziala.

–129/2009 Foru Agindua (Helduen Oinarrizko Hezkuntza: ezarpena eta ebaluazioa). 2009ko irailaren 7ko Nafarroako Aldizkari Ofiziala.

–185/2014 Ebazpena (eskola egutegia prestatzeko jarraibideak). 2014ko maiatzaren 28ko Nafarroako Aldizkari Ofiziala.

–49/2013 Foru Agindua (Erreklamazioak). 2013ko ekainaren 21eko Nafarroako Aldizkari Ofiziala.

–1834/2008 Errege Dekretua. (Irakasleen espezialitateak). 2008ko azaroaren 28ko Estatuko Aldizkari Ofiziala.

–66/2010 Foru Dekretua (hezkuntzako eta lanbideko orientazioa). 2010eko azaroaren 29ko Nafarroako Aldizkari Ofiziala.

–93/2008 Foru Agindua (Aniztasunari arreta ematea). 2008ko uztailaren 30eko Nafarroako Aldizkari Ofiziala.

–Maiatzaren 31ko 287/2013 Ebazpena (Unibertsitateko ikasleen prestakuntza praktikoan parte hartzen duten ikastetxe eta irakasleentzako aitorpena). 2013ko ekainaren 7ko Nafarroako Aldizkari Ofiziala.

–286 Ebazpena, ekainaren 25ekoa (ikastetxe publikoetako jarraibideak: II. eranskina).

Iragarkiaren kodea: F1410280