1. NAFARROAKO FORU KOMUNITATEA
1.7. BESTELAKOAK
53/2014 FORU AGINDUA, ekainaren 10ekoa, Hezkuntzako kontseilariak emana, aldatzen dituena, batetik, Hezkuntzako kontseilariak urtarrilaren 3an eman 1/2013 Foru Agindua (Lanbide Heziketako ikastetxe bateratu izendatu zuena Salestarren lanbide heziketako ikastetxe pribatua, “Politécnico Salesianos” ikastetxe bateratu pribatuaren izenarekin), eta, bestetik, Hezkuntzako kontseilariak otsailaren 19an eman 15/2014 Foru Agindua (Lanbide Heziketako ikastetxe bateratu izendatu zuena Cuatrovientos I.T.C. Lanbide Heziketako ikastetxe pribatua, “Cuatrovientos” ikastetxe bateratu pribatuaren izenarekin).
Akatsa atzeman da urtarrilaren 3ko 1/2013 Foru Aginduaren 2. atalean eta otsailaren 19ko 15/2014 Foru Aginduaren 2. atalean, Hezkuntza Departamentuari atxiki baitzaizkio bi ikastetxe bateratu pribatu horiek. Hartara, bidezkoa da zuzenketa egitea.
AGINDU DUT:
1. Hezkuntzako kontseilariak urtarrilaren 3an eman 1/2013 Foru Aginduaren 2. atalaren testua aldatzea, (Salestarren Lanbide Heziketako ikastetxe pribatua lanbide heziketako ikastetxe bateratu izendatzen duena, Salesianos Politeknikoa ikastetxe bateratu pribatuaren izenarekin). Hona hemen aldaketa:
“2. Salesianos Lanbide Heziketako ikastetxe pribatua ikastetxe bateratu pribatu izendatzea, Iruñeko “Donapea” Ikastetxe Integratu Politeknikoa ikastetxe bateratu politeknikoari atxikia (ikastetxearen kodea 31004810).”
2. Hezkuntzako kontseilariak otsailaren 19an eman 15/2014 Foru Aginduaren 2. atalaren testua aldatzea (Cuatrovientos I.T.C. Lanbide Heziketako ikastetxe pribatua lanbide heziketako ikastetxe bateratu izendatzen duena, Cuatrovientos ikastetxe bateratu pribatuaren izenarekin). Hona hemen aldaketa:
“2. Cuatrovientos I.T.C. Lanbide Heziketako ikastetxe pribatua ikastetxe bateratu pribatu izendatzea, Burlatako “Burlada FP” ikastetxe bateratuari atxikia (ikastetxearen kodea 31004214).”
3. Foru agindu hau Nafarroako Aldizkari Ofizialean argitaratzea.
4. Foru agindu hau igortzea “Politécnico Salesianos” ikastetxe bateratu pribatuko zuzendaritzara, “Cuatrovientos I.T.C. ikastetxe bateratu pribatuko zuzendaritzara, “Donapea” I.I.P. ikastetxe bateratu politeknikoko zuzendaritzara, “Burlada FP” ikastetxe bateratuko zuzendaritzara, Hezkuntza Baliabideen Zuzendaritza Nagusira, Hezkuntzaren, Lanbide Heziketaren eta Unibertsitateen Zuzendaritza Nagusira, Hezkuntzako Ikuskapen Zerbitzura, Antolamenduaren eta Aukera Berdintasunaren Zerbitzura, Giza Baliabideen Zerbitzura, Baliabide Ekonomikoen Zerbitzura, Hezkuntzako Azpiegituren Zerbitzura, Lanbide Heziketaren Zerbitzura, Ikasketak Antolatzeko Atalera, Ikastetxeen, Finantzaketaren eta Ikasketetarako Laguntzen Atalera, Lanbide Heziketaren Plangintza, Antolamendu eta Garapenerako Atalera eta Ikastetxeetako Informazioa Kudeatzeko Bulegora, behar diren ondorioak izan ditzan.
5. Foru agindu honek Nafarroako Aldizkari Ofizialean argitaratu eta biharamunetik aurrera izanen ditu ondorioak.
Iruñean, 2014ko ekainaren 10ean.–Hezkuntzako kontseilaria, José Iribas Sánchez de Boado.
Iragarkiaren kodea: F1408651
