1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
4/2014 EBAZPENA, urtarrilaren 7koa, Nafarroako Unibertsitate Publikoko errektoreak emana, 2012-2013 ikasturteko Aparteko Sarien deialdia egiten duena.
Graduondoko Ikasketak, Sarbidea, Bekak eta Tituluak Ataleko buruaren txostena ikusita, Ikasleen Gaietarako eta Irakaskuntza Laguntzeko Zerbitzuko zuzendariak eta Irakaskuntzako errektoreordeak O.E.
Nafarroako Unibertsitate Publikoak eskaintzen dituen graduko irakaskuntza ofizialetan aparteko sariak emateko duen arautegi erregulatzailea, Gobernu Batzordean 2008ko ekainaren 23an onetsitakoa betez.
Nafarroako Unibertsitate Publikoko Estatutuen 40. artikuluak ematen dizkidan eskumenak betez,
EBATZI DUT:
Lehena.–Ikasketak 2012-2013 ikasturtean amaitu zituzten ikasleentzat Aparteko Sarietarako deialdia egitea.
Bigarrena.–Aparteko Sariak emateko arautegiaren 3.1 artikulua aplikatuz, karrera amaierako sariak emateko 50 ikasle-kopurua, 2012-2013 ikasturtean ikasketak bukatu dituzten ikasle kopuruaren arabera kalkulatuko da, hau da, 2012ko urria eta 2013ko iraila bitartean ikasketak bukatu dituztenak kontuan hartuta.
Hirugarrena.–Bekak eta Tituluen Bulegoari eskatzea Ebazpen hau jakinarazten den egunaren biharamunetik hasita, 15 eguneko epean Sari horietara aurkez daitezkeen espedienteak hauta ditzan eta Bulegoko Iragarki Taulan argitara ditzan.
Laugarrena.–Hautaketa prozesuaren hasiera eta amaiera epeak ezartzea, Ebazpen hau Nafarroako Aldizkari Ofizialean argitaratzen den egunaren biharamunean hasi eta hurrengo 30 egun naturalen buruan bukatuko dena.
Bosgarrena.–Deialdi hau Nafarroako Aldizkari Ofizialean argitara dadin agintzea.
Seigarrena.–Deialdi honen berri ematea Ikasleen Gaietarako eta Nazioarteko Harremanetarako errektoreordeari, Irakaskuntza Laguntzeko eta Ikasleen Gaietarako Zerbitzuari, Komunikazio Zerbitzuari eta Beka eta Tituluen Bulegoari.
Ebazpen honek administrazio bidea amaitzen du, Unibertsitateei buruzko Lege Organikoaren 6.4. artikuluak xedatzen duenari jarraikiz, eta interesdunak, aukeran, berraztertzeko errekurtsoa aurkez dezake errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena jakinarazi eta biharamunetik kontatzen hasita.
Iruñean, 2014ko urtarrilaren 7an.–Errektorea, Julio Lafuente López.
Iragarkiaren kodea: F1400472
