2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ANDOSILLA
Aldaketa, babes bereziko lurzoruak mugatzeko eta espazio libreen sistema orokorrak birsailkatzeko (egiturazko aldaketa).
Behin betiko onespena
Sustapeneko kontseilariaren azaroaren 18ko 150E/2013 Foru Aginduaren bidez, behin betiko onetsi zen Andosillako Udal Planean egiturazko aldaketa egiteko espedientea, arrisku naturalak izateagatik babestu beharreko lurzoru urbanizaezina mugatu eta espazio libre publikoen sistema orokorra birsailkatu beharrez, Andosillako Udalak sustaturik.
Lurraldearen Antolamenduari eta Hirigintzari buruzko abenduaren 20ko 35/2002 Legearen 81. artikuluan ezarritakoari jarraikiz, hirigintzako araudi aldatua Nafarroako Aldizkari Ofizialean argitaratzen da.
Andosillan, 2013ko azaroaren 26an.–Alkate udalburua, José Manuel Terés Azcona.
Aldaketaren edukia
1.–Sailkapen berria ematea katastroko 1541 eta 1800-A lurzatiei (biak 04 poligonoan) eta La Peñako labarrari, herrigunean hasi eta udal mugapeak San Adrianekiko duen mugaraino; hemendik aitzina arrisku naturaletatik eta masa mugimenduetatik babestu beharreko lurzoru urbanizaezina izanen da eta haren berariazko araudia indarra duen Planeko lurzoru urbanizaezinerako hirigintza araudian sartuta egonen da.
1.1, 1.2 eta 1.3 planoetan grafikoki definitzen dira lurzoruaren mota eta kategoria horiek. Horiek mugatzeko, LAP 5ean adierazten den irizpidetik abiatu da (50 m-ko zabalera duen zerrendaren gailurrean, malda aldaketa bortitzetik aitzina, eta higakinen eremuko behe aldean, labarraren zolan, uholdeak harrapatzen duen zelairaino), egungo lurzatiei egokiturik. Horrela kalifikatuko den lur eremuak 54,84 ha-ko azalera du
Ez da antolamendu xehakatua aldatu inguruneko hiri lurzoruari dagokionez. Gainerako lurzoru urbanizaezinean beren horretan utzi dira egungo planak lurzoru urbanizaezinerako esleitzen dituen kategoriak.
2.–El Sequeral alderdiko ekipamendu bereziaren sistema orokorraren birkalifikazioa, espazio libreen sistema orokorra izan dadin.
2.1, 2.2 eta 2.3 planoetan grafikoki definitzen da kalifikazio hori. Azalera mugatua 4575 m² da, guztira.
Ez da antolamendu xehakatua aldatu inguruneari dagokionez.
Hirigintzako Araudia
89. artikulu berria gehitu zaio Hirigintzako egungo Araudiaren IX . tituluari (Lurzoru Ubanizaezinerako Arau Partikularrak), arrisku naturaletatik eta masa mugimenduetatik babestu beharreko lurzoru urbanizaezineko jarduera baimengarri, onartu edo debekatuen gaineko araudiari dagokionez.
Artikulua honela gelditu da idatzirik:
89. artikulua. Arrisku naturaletatik eta masa mugimenduetatik babestu beharreko lurzoru urbanizaezina.
1.–Andosillaren eta San Adriánen artean dagoen labar eta buztin aldea harrapatzen du, babes zerrenda bat goiko plataformak eta higakinen eremua, beheko planoan.
2.–Erabiltzeko irizpide orokorrak.
Alderdi mugatuan ezin izanen da etxebizitzetarako eta ekipamenduetarako eraikuntzarik, industriarik eta aziendategirik paratu.
Lurzoru hauetan debeku dira eraikuntza mota guztiak, eta azpiegiturek babesteko sistema egokiak izan beharko dituzte.
3.–Babes araubidea.
–Eraikuntzako jarduerak.
- Erabilera debekatuak:
- Eraikuntza iraunkorrak nahiz aldi baterakoak
- Erauzketa jarduerak.
- Zabortegiak.
- Instalazio energetikoak: 50 m-ko zerrendan, gailurrean. Tarte hori aldatzen ahal da, segurtasunaren eta paisaiaren gaineko eraginaren kariaz.
- Taula honetan biltzen ez diren jarduerak edo eraikuntza erabilerak ere debekatutzat jotzen dira.
- Nagusiarekiko instalazio osagarriek zerbitzu egiten dioten jarduera nagusiaren eitea izanen dute.
–Lur erauzketak eragiten dituzten eraikuntzaz kanpoko jarduerak:
- Erabilera debekatuak:
- Lurzatien berrantolamendua: Egun diren lehorreko laborantzak mantentzen ahalko dira, harik eta azterlan berariazkoen bidez haien arriskugarritasuna zehazten den arte.
- –Ureztalur bilakatzea.
- Basoberritzeak, lur erauzketak edo lurzoruaren iragazgaiztasunean aldaketa ekartzen dituztenak. Beren kasa utziko dira, labarren inguruan makineria astunik erabili behar ez izateko eta lurzoru hauetan garatzen diren landare komunitateek duten balioaren kariaz.
- Eraikuntzaz kanpoko bertzelako jarduera eta erabilerak, lur erauzketak eragiten dituztenak, lauki honetan bildu gabe ere debekatutzat joko dira
–Lur erauzketak eragiten dituzten eraikuntzaz kanpoko jarduerak.
- Erabilera debekatuak:
- Nekazaritza eta abeltzaintza: goiko zerrendan, laborantzak debeku dira, bereziki ureztalurretakoak. Lehorreko laborantzak, berriz, mantentzen ahalko dira, harik eta azterlan berariazkoen bidez haien arriskugarritasuna zehazten den arte.
- Aisialdia eta turismoa: bide, landa eta baratzeen aprobetxamendua, begiratokien egokitzapena, interpretazio puntuak.
- Eraikuntzaz kanpoko bertzelako jarduera eta erabilerak, lur erauzketarik eragiten ez dutenak, lauki honetan bildu gabeak, bertzerik ez bada baimengarriak dira
Iragarkiaren kodea: L1316592
