1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2569/2013 EBAZPENA, azaroaren 25ekoa, Funtzio Publikoaren zuzendari nagusiak emana, Beatriz Cedazo Tellechea andrea, Javier Lobejón Sánchez jauna eta Jorge Oroz Baztán jauna Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzen dituena, eskolazain lanpostuan aritzeko.
Nafarroako Administrazio Publikoaren Institutuko zuzendari kudeatzailearen ekainaren 17ko 141/2010 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko eskolazain izateko 43 lanpostu oposizio bidez betetzeko deialdia onetsi zen. Deialdia 2010eko 79. Nafarroako Aldizkari Ofizialean argitaratu zen, ekainaren 30ean.
Azaroaren 8ko 78/2010 Ebazpenaren bidez (2010eko 142. Nafarroako Aldizkari Ofiziala, azaroaren 22koa), deialdian onartu eta baztertutako izangaien behin-behineko zerrenda onetsi zen.
2011ko 30. Nafarroako Aldizkari Ofizialean, otsailaren 14an; 2011ko 75.ean, apirilaren 18an, eta 2011ko 107.ean, ekainaren 3an, deialdiaren 1.2 oinarriko akatsen zuzenketak argitaratu ziren.
Otsailaren 3ko 7/2011 Ebazpenaren bidez, behin betiko zerrenda onetsi zen; ebazpena 2011ko 30. Nafarroako Aldizkari Ofizialean argitaratu zen, otsailaren 14an.
Eta martxoaren 4ko 14/2011 Ebazpenaren bidez (2011ko 55. Nafarroako Aldizkari Ofiziala, martxoaren 21ekoa), otsailaren 3ko 7/2011 Ebazpenaren I. eranskinean atzemandako akatsa zuzendu zen.
Hautaprobak amaiturik, epaimahaiak puntuazio hoberena lortu eta deitutako lanpostuetan sartzen diren izangaiak izendatzeko proposamena egin zuen.
Gerora, eta indarreko araudiarekin bat, izendapen proposamen osagarriak egin dira, izendapen berriak eginez. Zehazki, izendapen osagarriaren zazpigarren proposamenean, Beatriz Cedazo Tellechea andrea, igoera txandakoa, eta Javier Lobejón Sánchez jauna eta Jorge Oroz Baztán jauna, txanda irekikoak, sartu ziren.
Aipatu izangaiek eskatzen zaizkien baldintzak betetzen dituzte eta dagozkien lanpostu hutsak aukeratu dituzte; hortaz, bidezko da haien izendapena.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Beatriz Cedazo Tellechea andrea, Javier Lobejón Sánchez jauna eta Jorge Oroz Baztán jauna Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, eskolazain lanpostuan aritzeko.
2. Lanpostu hutsak honela esleitzea:
Beatriz Cedazo Tellechea andreari, 37444 lanpostua, funtzionarioen araubidekoa, Hezkuntza Departamentuko Hezkuntza Baliabideen Zuzendaritza Nagusiari atxikia, Tuteran aritzeko, Valle del Ebro BHIn.
Javier Lobejón Sánchez jaunari, 35832 lanpostua, funtzionarioen araubidekoa, Hezkuntza Departamentuko Hezkuntza Baliabideen Zuzendaritza Nagusiari atxikia, Tuteran aritzeko, ETI IIPn.
Jorge Oroz Baztán jaunari, 35643 lanpostua, funtzionarioen araubidekoa, Hezkuntza Departamentuko Hezkuntza Baliabideen Zuzendaritza Nagusiari atxikia, Tuteran aritzeko, Valle del Ebro BHIn.
Izangaiek Hezkuntza Departamentuko Giza Baliabideen Zerbitzuan hartu beharko dute lanpostuaren jabetza. Horretarako hilabeteko epea izanen dute, izendapena jakinarazten denetik hasita. Aipatutako epean eta behar bezala arrazoitutako ezinbesteko kasuetan izan ezik, ez baldin badute lanpostuaren jabetza hartzen, Foru Komunitateko Administrazioko eta haren erakunde autonomoetako funtzionario izateko eskubide guztiak galduko dituzte.
3. Ebazpen hau igortzea, behar diren ondorioak izan ditzan, Hezkuntza Departamentuko Giza Baliabideen Zerbitzura eta Baliabide Ekonomikoen Zerbitzura eta Funtzio Publikoaren Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura eta Gizarte Prestazioen Zerbitzura, eta interesdunei jakinaraztea. Halaber, interesdunei adierazten zaie gora jotzeko errekurtsoa jartzen ahal dutela Lehendakaritza, Justizia eta Barneko kontseilariari zuzendua, jakinarazi eta biharamunetik hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoarekin bat.
4. Nafarroako Aldizkari Ofizialean argitara dadila agintzea.
Iruñean, 2013ko azaroaren 25ean.–Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F1317126
