1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2013ko abuztuaren 28an hartua, Tuterako (Nafarroa) Andre Maria katedrala izeneko higiezinaren babes ingurunearen behin betiko mugaketa onesten duena.
Tuterako Andre Maria katedrala izeneko higiezina monumentu historiko-artistiko izendatu zuten 1884ko abenduaren 16ko Errege Aginduaren bidez.
Nafarroako Kultur Ondareari buruzko azaroaren 22ko 14/2005 Foru Legearen 19.1 artikuluan ezarritakoarekin bat, beharrezkoa da monumentu horren babes ingurunea finkatu eta zehatz-mehatz mugatzea.
Aipatutako foru lege horren arabera, espedienteak beharrezkoa du ondasuna behin-behinekoz mugatzea, jendaurreko fasea ezartzea eta behin betiko onestea Nafarroako Gobernuaren erabaki baten bidez.
Vianako Printzea Erakundea-Kulturako zuzendari nagusiak apirilaren 8an emandako 104/2013 Ebazpenaren bidez, Tuterako Andre Maria katedrala izeneko higiezinaren babes ingurunea behin-behinekoz mugatu eta haren interes kulturaleko ondasunaren espedientea jendaurrean egoteko epea ireki zen.
Ebazpena 2013ko 79. Nafarroako Aldizkari Ofizialean argitaratu zen, apirilaren 26an. Ez da espedientearen aurkako alegaziorik jaso.
2013ko uztailaren 1ean, Nafarroako Kulturaren Kontseilura igorri zen espedientea. Nafarroako Kulturaren Kontseiluak aldeko txostena eman zuen 2013ko uztailaren 29an.
Horrenbestez, Nafarroako Gobernuak, Kulturako, Turismoko eta Erakunde Harremanetako kontseilariak proposaturik,
ERABAKI DU:
1. Tuterako (Nafarroa) Andre Maria katedrala izeneko higiezinaren babes ingurunearen mugaketa onestea.
2. Andre Maria katedrala (Tutera) izeneko higiezinaren babes inguruneak honako lur hauek hartzen ditu barnean: 686., 687., 688. eta 689. lurzatiak, 269., 270., 571. eta 572. lurzatiek Roso kalera dituzten fatxadak, 271. eta 570. lurzatiek Roso eta Juicio kaleetara dituzten fatxadak, 1668., 1481., 1573., 600., 669., 670., 671., 672., 676., 677., 678., 679., 827., 828. eta 829. lurzatiek Vieja plazara dituztenak, 830., 831., 832. eta 833. lurzatiek Pontarrón kalera dituztenak, 1434., 420., 421., 422., 423., 424. eta 425. lurzatiek Portal kalera dituztenak eta 264., 265., 266., 258., 896. eta 897. lurzatiek Verjas kalera dituztenak, denak ere Tuterako udalerriko 5. poligonoan, eta Roso, Juicio, Pontarrón, Portal eta Verjas kaleek eta Vieja eta San Jaime plazek lurzati horien artean dituzten eremuak.
Monumentu honen inguruan, 686., 687., 688. eta 689. lurzatietan izan ezik –hantxe monumentua bera dago eta berariazko babesa dute–, babes maila Tuterako Alde Zaharreko B.B.B.P.B.ren determinazioetan ezarritakoa izanen da, Vianako Printzea Erakundea-Kulturako zuzendari nagusiak maiatzaren 20ko 212/2011 Ebazpenaren bidez txostena emanda. Nolanahi ere, edozein esku-hartze egiteko, Nafarroako Kultur Ondareari buruzko azaroaren 22ko 14/2005 Foru Legearen 36.1 artikuluan adierazitako baimena beharko da, 36.3 artikuluan adierazitakoarekin bat.
3. Erabaki hau Nafarroako Aldizkari Ofizialean argitaratzea.
4. Erabaki honek administrazio bidea amaitzen du, eta haren aurka, aukeran, berraztertzeko errekurtsoa jartzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta biharamunetik hasita hilabeteko epean edo, bestela, zuzenean, Nafarroako Justizia Auzitegi Nagusiko Administrazioarekiko Auzien Salan aurkaratzen ahal da, argitaratu eta biharamunetik hasita bi hilabeteko epean.
Administrazio publikoek, berraztertzeko errekurtsoaren ordez, aldez aurretik errekerimendua egin dezakete, Administrazioarekiko Auzien Jurisdikzioa arautzen duen uztailaren 13ko 29/1988 Legearen 44. artikuluan ezarritako moduan eta epean.
Iruñean, 2013ko abuztuaren 28an.–Nafarroako Gobernuko kontseilari eta idazkaria, F. Javier Morrás Iturmendi.
Iragarkiaren kodea: F1312149
