2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Udalaren 2012ko aurrekontu arruntean kreditu bereziak sartu
eta kreditu gehikuntzak egiteko espedientea.
Hasierako onespena
Tuterako Udalak 2012ko udal aurrekontu arruntean kreditu bereziak sartu eta kreditu gehikuntzak egiteko espedientea onetsi zuen, 2012ko abenduaren 21ean egin osoko bilkuran; osotara 55.275,35 euro dira gastu goitituak.
Espedientea Idazkaritzan egonen da ikusgai hamabortz egun baliodunean, iragarki hau Nafarroako Aldizkari Ofizialean argitaratu eta biharamunetik hasita, bizilagun edo interesdunek aztertu eta egokiak iruditzen zaizkien erreklamazioak aurkez ditzaten; hori guztia, Nafarroako Toki Ogasunei buruzko martxoaren 10eko 2/1995 Foru Legea aurrekontuen eta gastu publikoaren alorretan garatzen duen irailaren 21eko 270/1998 Foru Dekretuaren 33. artikuluan xedatuari jarraikiz.
Erreklamaziorik aurkeztu ezean, aipatu espedientea behin betiko onetsitzat joko da, aurreko paragrafoan aipatutako jendaurreko aldia iragan ondoan.
Aditzera ematen da, orok jakin dezan.
Tuteran, 2012ko abenduaren 28an.-Ogasuneko zinegotzi delegatua, Irene Royo Ortín.
Iragarkiaren kodea: L1300062
