2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LAKUNTZA
Lan-kontratudunak funtzionario bilakatzeko epea irekitzea
Lakuntzako Udalak, 2013ko abuztuaren 1ean egin osoko bilkuran, bertan ziren guztiak bat etorrita erabaki zuen abiatzea lan-kontratudun finkoak funtzionario bilakatzeko prozesua.
Nafarroako Administrazio Publikoetan funtzionarizazio prozesu berri bat abian jartzeari buruzko maiatzaren 29ko 19/2013 Foru Legean ezarritakoari jarraikiz, funtzionario bilakatzeko eskaerak udal honetako buruari zuzenduko zaizkio, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita, mailari dagokion titulazioarekin batera, Nafarroako Administrazio Publikoen Zerbitzuko Langileen Estatutuaren testu bategina onetsi zuen abuztuaren 30eko 251/1993 Foru Dekretuaren 12 eta 15. artikuluetan xedatuari jarraikiz.
Argitara ematen da, orok jakin dezan.
Lakuntzan, 2013ko abuztuaren 5ean.–Alkatea, Jose Ramon Garin Lizarraga.
Iragarkiaren kodea: L1311303
