1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
EBAZPENA, 2012ko martxoaren 1ekoa, Arriskuen Prebentziorako eta Lanaren zuzendari nagusiak emana, Nafarroako "Gozoki, opil eta pastel prestaleku eta fabrikak" sektorearen hitzarmen kolektiboko soldaten berrikuspena erregistratu, gorde eta Nafarroako Aldizkari Ofizialean argitaratzea erabakitzen duena.
"Gozoki, opil eta pastel prestaleku eta fabrikak" sektorearen hitzarmen kolektiboko soldaten berrikuspenari buruzko akordioaren testua (kode zk.: 31002705011981), 2012. urteari dagokiona, aztertu da. Erregistro honetan 2012ko otsailaren 21ean sartu zen eta sektoreko enpresa eta sindikatu ordezkariek urtarrilaren 26an izenpetu zuten, Langileen Estatutuari buruzko Legearen testu bategina onetsi zuen martxoaren 24ko 1/1995 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera.
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Ebazpen hau Negoziazio Batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Landa Garapen, Industria, Enplegu eta Ingurumeneko kontseilariari zuzendua, jakinarazi eta biharamunetik hilabeteko epean.
3. Nafarroako Aldizkari Ofizialean argitaratzeko agintzea, denek jakin dezaten.
Iruñean, 2012ko martxoaren 1ean.-Arriskuen Prebentziorako eta Lanaren zuzendari nagusia, Imelda Lorea Echavarren.
AKTA
NAFARROAKO "GOZOKI, OPIL
ETA PASTEL PRESTALEKU ETA FABRIKAK"
SEKTOREAREN HITZARMEN KOLEKTIBO PROBINTZIALA
Iruñean, 2012ko urtarrilaren 26ko 16:00etan, Nafarroako "Gozoki, opil eta pastel prestaleku eta fabrikak" sektorearen hitzarmen kolektiboaren negoziazio-mahaia bildu da, ondoko entitate eta ordezkariek osatzen dutela:
Asociación de Empresarios Artesanos de Pastelería de Navarra (ANEP) elkartearen aldetik: Gabriel Lamberto jauna, Javier San Miguel jauna eta Joaquín Pascual jauna.
CCOO sindikatuaren aldetik: Martín Tellechea jauna.
UGT sindikatuaren aldetik: M.ª Victoria Pastor andrea, Iñaki Turrillas jauna, Ana Isabel Salmerón andrea eta Diego Allo jauna.
Ekitaldia hasita,
Honako hau adierazten dute:
Nafarroako "Gozoki, opil eta pastel prestaleku eta fabrikak" sektorearen hitzarmen kolektibo indardunaren 7. artikuluan ezarritakoari jarraikiz, 2011n Kontsumoko Prezioen Indizea (KPI) % 2,4 igo dela jakin ondoren, bidezkoa da 2012ko urtarrilaren 1etik abenduaren 31ra bitarteko eperako hitzartutako igoera ezartzea, eta beraz,
Erabaki dute:
Lehena.-2012ko urtarrilaren 1etik abenduaren 31ra bitarte ondorioak izanen dituzten soldaten taulak izenpetzea. Taulak akta honi erantsirik daude.
Bigarrena.-Akta hau eta bere eranskina Nafarroako Gobernuko Landa Garapen, Industria, Enplegu eta Ingurumen Departamentura igortzea, hari jakinarazteko eta erregistratu, gorde eta Nafarroako Aldizkari Ofizialean argitara daitezen beharrezkoa dena xeda dadin eskatzeko.
Eta aztertzeko beste gairik ez izanik, bilera bukatu da eta, adostasunaren adierazgarri, honako akta hau sinatu da goian aipatu toki eta egunean.
Igoera: %2,65.
I. ERANSKINA
Soldaten taulak (Indarraldia: 2012-1-1etik 2012-12-31ra)
KATEGORIAK | OINARRIZKO SOLDATA/EUROAK | ANTZINATASUNA KALKULATZEKO OINARRIA |
Arduraduna | 48,53 euro | 31,33 euro |
1. mailako ofiziala | 43,29 euro | 29,95 euro |
2. mailako ofiziala | 39,30 euro | 28,53 euro |
Laguntzailea | 36,60 euro | 27,22 euro |
Garbitzaileak | 31,54 euro | 25,44 euro |
Peoia | 35,47 euro | 25,84 euro |
18 urtetik gorako saltzailea | 36,22 euro | 26,79 euro |
Ikastuna ez den 17 urteko langilea | 22,36 euro | 16,77 euro |
Ikastuna ez den 16 urteko langilea | 19,41 euro | 15,91 euro |
Prestakuntzako kontratuak: |
1. urtekoa: | 26,61 euro | |
Bigarren urtekoa: | 30,15 euro | |
3. urtekoa: | 35,47 euro | |
GAINERAKO KONTZEPTU EKONOMIKOAK
10. artikulua | Lanerako arropa: | 27,78 euro |
23. artikulua | Gaueko lanaren plusa: | 2,28 euro |
24. artikulua | Zaindariaren eguna: | 49,53 euro |
32. artikulua | Aparteko orduak: | |
Saltokiko langileak (saltzaileak): | 9,29 euro |
Prestalekuko langileak: | 10,05 euro |
34. artikulua. | Aseguruen poliza: | |
Lan istripuak eragindako erabateko ezgaitasuna edo osoa: | 53.684 euro |
Lan istripuak edo lanbide eritasunak eragindako heriotza: | 46.060 euro |
Iragarkiaren kodea: F1203688