4. PROZEDURA JUDIZIALAK
IRUÑEKO LAN ARLOKO 2. EPAITEGIA
Enkante publikoa. 27/2010 prozedura
Aranzazu Ballesteros Pérez de Albéniz andreak, Iruñeko Lan arloko 2. Epaitegiko idazkari judizialak,
Aditzera ematen dut: Nerea Chueca Sánchezek eskaturik, diru kopuru baten erreklamazioa dela-eta, Martínez Peralta Sociedad Limitadaren aurka Lan arloko 2. Epaitegi honetan bideratzen ari den 27/2010 betearazpen-prozeduran, gaur emandako ebazpenean erabaki dut enkante publikoan saltzea ondoko zerrendan, tasazio-prezioa finkatuta, ageri diren ondasun enbargatuak, betearazpenpeko alderdiarenak baitira:
Enkantean jartzen diren ondasunak eta horien balorazioa:
-Valtierrako 6008. finka, Tuterako 1. Jabetza Erregistroan inskribatuta, 108. liburuan, 3184. liburukian, 181. orrian; hona hemen deskripzioa: Hiri lurzoruko finka. Valtierrako Udal Plana garatzeko planeamenduko 9. eremuko UE-31 unitateko 745-A lurzatia, 661,58 metro koadroko okupazio azalera eraikigarria duena. Mugak: iparraldean, 746-A lurzatia (Promociones Martínez Peralta, S.L.) eta 745-B lurzatia, unitateko bi jabetzen komun pribatua, argi, bista eta erabilpen zortasunak dituena; hegoaldean, Virgen de la Esperanza kalea; ekialdean, Concordia pasealekua; eta mendebaldean, 475-B lurzatia, unitateko bi jabetzen komun pribatua, argi, bista eta erabilpen zortasunak dituena, eta etorkizuneko kalea Tomás Maezturen 403. lurzatiarekin, eta 745-B lurzatiaren sarbidea.
-Valtierrako 6006. finka, Tuterako 1. Jabetza Erregistroan inskribatuta, 108. liburuan, 3.184. liburukian, 173. orrian; hona hemen deskripzioa: Hiri lurzoruko finka. Valtierrako Udal Plana garatzeko planeamenduko 9. eremuko UE-31 unitateko 746-A lurzatia, 586,32 metro koadroko okupazio azalera eraikigarria duena. Mugak: iparraldean, 747. lurzatia (Julián Hualde); hegoaldean, 745-A (Mercedes Castillejo); ekialdean, Concordia pasealekua; eta mendebaldean, 745-B lurzatia, unitateko bi jabetzen komun pribatua, argi, bista eta erabilpen zortasunak dituena.
Tasazio balioa: 108.000,00 euro.
Enkantea egiteko baldintzak:
Epaitegi honen egoitzan eginen da, Iruñean, 2012ko apirilaren 16an, eguerdiko 13:15ean.
Ezinbesteko arrazoiengatik bertan behera uzten bada, hurrengo egun baliodunean eginen da (larunbatak salbu), ordu berean eta toki berean.
Enkantea egiteko baldintza hauek bete behar dira:
Lehenbizikoa.-Errematea egin aurretik zordunak bere ondasunak askatu ahal izanen ditu, printzipala, interesak eta kostuak ordainduz.
Bigarrena.-Lizitatzaileek beren nortasuna behar bezala frogatu beharko dute, enkantearen baldintza orokorrak eta partikularrak ezagutzen dituztela adierazi, eta epaitegi honek Baneston duen Gordailu eta Kontsignazioen kontuan, Iruñeko Nafarroako Gorteen kaleko 5eko sukurtsalean, 0030.1846 42.000500 1274 kontuan, hain zuzen, 3159.0000.64 0027.10 prozeduraren erreferentzia jarriz, enkanteko ondasunen tasazio-balioaren %20 sartu izanaren gordekina aurkeztuko dute edo, bestela, kopuru hori adinako banku-abala jarri izanarena. Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da diru-sarreraren gordekinean, Prozedura Zibilari buruzko Legearen 652. artikuluaren 2. idatz-zatian xedatutakoaren ondorioetarako.
Prozedura Zibilari buruzko Legearen 652. artikuluaren 1. idatz-zatian xedatutakoarekin bat, enkantean parte hartzeko jarritako diru kopuruak itzuli eginen dira errematea onetsi ondoren.
Hirugarrena.-Iragarki hau argitaratzen denetik enkantea egin arte, posturak idatziz aurkezten ahalko dira gutun-azal itxian. Horren barnean erantsi beharko dira posturagilearen behar adinako identifikazioa, enkantearen baldintzak ezagutzen dituelako adierazpena eta aurreko baldintzan aipatutako gordailua egin izanaren frogagiria. Gutun-azal itxiak enkantearen hasieran irekiko dira. Gutun-azaletako posturak jendaurrean eginen dira, besteekin batera, eta ahoz egiten direnen ondorio berberak izanen dituzte. Gutun-azal itxiak enkantearen hasieran irekiko dira. Gutun-azaletako posturak jendaurrean eginen dira, besteekin batera, eta ahoz egiten direnen ondorio berberak izanen dituzte.
Laugarrena.-Alderdi betearazleak enkantean parte har dezake, bakar-bakarrik, lizitatzailerik badago. Egiten diren posturak hobetu ahal izanen ditu eta horretarako ez du diru kopururik jarri behar izanen.
Bosgarrena.-Betearazleen edo legezko erantzule solidario edo subsidiarioen alde eskuratzea edo esleitzea soilik izan daiteke hirugarrenei lagatzea. (LJALaren 266. artikulua).
Seigarrena.-Errematearen prezioa 20 eguneko epean ordaindu beharko da, errematea onesten denetik hasita (PZLaren 607.1 artikulua).
Zazpigarrena.-Epaitegi honetako idazkaritzan dagoen erregistro-ziurtagirian ageri dira enkantean jarritako ondasunaren jabariaren titulartasuna eta haren zama eta kargen egoera. Agiri hori idazkaritzan ikusgai dago eta bera onartu behar da, ez dago beste bat eskatzeko eskubiderik (PZLaren 670.1 artikulua).
Betearazleen kreditua baino lehenagoko zamek eta kargek, horrelakorik badago, bere horretan segituko dute. Ulertzen da lizitatzaileak haiek onartzen dituela, eta haien ondoriozko erantzukizunean subrogatzen da. Errematearen prezioa ez da haiek azkentzeko erabiliko, errematea haren alde esleitzen bada (PZLaren 668.3 artikulua).
Zortzigarrena.-Enkantean nahi adina diru eskaini ahal izanen da, baina errematea zuzenean onets dadin, eskainitako diru kopururik handiena enkantean jarritako ondasunen balioaren %70 izan behar da gutxienez ere (PZLaren 670.1 artikulua).
Hala izan ezean, PZLaren 670.4 artikuluan ezarritako tramiteak beteko dira.
Bederatzigarrena.-Enkantea eman gabe gertatuz gero, betearazleek edo, bestela, legezko erantzule solidario edo subsidiarioek, eskubidea izanen dute ondasunak balorazioaren %30 ordainduta eskuratzeko, eta, horretarako, 10 eguneko epe komuna emanen zaie. Eskubide hori erabili ezean, enbargoa altxatuko da. (LJALaren 264. artikulua).
Hamargarrena.-Errematearen prezioa 654. artikuluaren lehen idatz-zatian aurreikusten den xederako erabiliko da, baina soberakinik bada atxiki eginen da, beren eskubidearen inskripzioa edo idatzoharra betearazlearen ondoren egin dutenei ordaintzeko. Hartzekodun horiei ordaindutakoan dirurik gelditzen bada, betearazpenpeko alderdiari edo hirugarren edukitzaileari emanen zaio.
Artikulu honetan xedatutakoak ez du inola ere eragotziko soberakina beste xede baterako erabiltzea, hura atxikitzeko agindua emanda badago beste betearazpen bereziren batean edo konkurtso-prozesuren batean (PZLaren 672.1 artikulua).
Eta, behin Nafarroako Aldizkari Ofizialean argitaraturik, herritar orori eta bereziki prozesu honetako alderdiei jakinarazteko balio izan dezan, eta prozesuari buruzko legeetan ezarritakoa betetzeko, honako hau egiten dut.
Iruñean, 2012ko martxoaren 6an.-Idazkari judiziala, Aránzazu Ballesteros Pérez de Albéniz.
Iragarkiaren kodea: J1203904
