1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
359/2012 EBAZPENA, otsailaren 23koa, Osasunbidea-Nafarroako Osasun Zerbitzuko zuzendari kudeatzaileak emana, Amalia Zarzuela Ituarte andrea, Osasunbidea-Nafarroako Osasun Zerbitzuko Adimen Osasuneko Errehabilitazio Klinikako zuzendari izendatzen duena, bitarte baterako.
Osasunbidea-Nafarroako Osasun Zerbitzuko eguneko eta errehabilitazio psikiatrikoko zerbitzuak berregituratu zituen abuztuaren 17ko 247/1998 Foru Dekretuaren 3.4 artikuluak ezartzen du Osasunbidea-Nafarroako Osasun Zerbitzuko zuzendari kudeatzaileak izendatu eta kargutik kenduko duela Adimen osasuneko Errehabilitazio Klinikako zuzendaria, askatasun osoz, unitate organiko horretara atxikitako fakultatibo espezialista eta ez espezialisten artetik.
Osasunbidea-Nafarroako Osasun Zerbitzuan sartu eta bertako lanpostuak betetzeko arauak ematen dituen azaroaren 22ko 347/1993 Foru Dekretuaren bigarren xedapen gehigarriko 6. atalak xedatzen duenez, Osasunbidea-Nafarroako Osasun Zerbitzuko zuzendari kudeatzaileak izanen du eskumena unitate organikoetako buruak bitarte baterako edo ordezko gisa izendatzeko.
Hortaz, Osasunbidea-Nafarroako Osasun Zerbitzuaren estatutuak onesten dituen uztailaren 3ko 45/2006 Foru Dekretuak ezarritakoari jarraikiz,
EBATZI DUT:
1. Amalia Zarzuela Ituarte andrea, Osasunbidea-Nafarroako Osasun Zerbitzuari atxikitako funtzionarioa, Adimen Osasuneko Errehabilitazio Klinikako zuzendari izendatzea, bitarte baterako.
2. Ebazpen hau Nafarroako Aldizkari Ofizialean argitara dadila agintzea.
3. Ebazpen hau igortzea interesdunari, Adimen Osasunerako Zuzendaritzako Kudeaketa Zerbitzuari, Osasunbidea-Nafarroako Osasun Zerbitzuko Langileriaren Kudeaketa, Sarrera eta Barne Igoerarako Zerbitzuko buruari eta Nominen eta Gastu Kontrolaren Zerbitzuko buruari, eta Osasun Departamentuko Idazkaritza Tekniko Nagusiari, behar diren ondorioak izan ditzan.
Iruñean, 2012ko otsailaren 23an.-Osasunbidea-Nafarroako Osasun Zerbitzuko zuzendari kudeatzailea, Ángel Sanz Barea.
Iragarkiaren kodea: F1203203
