1. NAFARROAKO FORU KOMUNITATEA
1.7. BESTELAKOAK
236/2012 EBAZPENA, urriaren 11koa, Lurraldearen Antolamendu, Mugikortasun eta Etxebizitzako zuzendari nagusiak emana, Iruña-Asiain-Etxauri-Beraskoain artean (NA-35) erabiltzaile guztientzako errepideko bidaiari-garraio publiko erregular finkoan aritzeko kontzesioa aldatzen duena, Iruña-Beraskoain eta Iruña-Arteta korridoreetako herrietarako bidaiak kenduta.
Garraioetako zuzendari nagusiak ekainaren 18an emandako 192/2012 Ebazpenaren bidez (2012ko 144. Nafarroako Aldizkari Ofizialean argitaratua, uztailaren 23an), 15 egun baliodunean jendaurrean jarri zen Iruña-Beraskoain eta Iruña-Arteta korridoreetako trafiko ezabaketa, Iruña-Asiain-Etxauri-Beraskoain artean (NA-35) erabiltzaile guztientzako errepideko bidaiari-garraio publiko erregular finkoan aritzeko kontzesioaren barrenean.
Iruña-Beraskoain korridoreko trafiko ezabaketak Iruña, Zizur Nagusia, Gazolatz, Sagues (bidegurutzea), Paternain, Larraia, Ubani, Zabaltza (bidegurutzea), Arraitza eta Beraskoain herrietan du eragina, eta Iruña-Artetakoak Orkoien, Arazuri, Itza, Ororbia, Lizasoain (bidegurutzea), Asiain, Beasoain, Egillor, Lete, Atondo, Anotz, Iltzarbe, Saldise, Ultzurrun, Ollo, Senosiain eta Arteta herrietan.
Herri Lan, Garraio eta Komunikazioetako abenduaren 30eko 139/2008 Foru Aginduaren eta Garraioetako zuzendari nagusiaren urriaren 21eko 325/2009 Ebazpenaren bidezko aldaketak medio eratu ziren, hurrenez hurren, Iruña-Beraskoain eta Iruña-Arteta korridoreetako aipatu herrietako trafikoak.
Orduko Herri Lan, Garraio eta Komunikazioetako Departamentuaren, udalen eta enpresa kontzesiodunaren arteko 2008ko abenduaren 30eko eta 2009ko urriaren 21eko lankidetza hitzarmenen bidez ezarri zen aldaketa horien ondoriozko konpentsazio ekonomikoaren araubide berezia finantzatzeko sistema. Orobat, Garraioetako zuzendari nagusiaren ekainaren 1eko 170/2012 Ebazpenaren bidez, Iruña-Arteta korridorerako, eta Garraioetako zuzendari nagusiaren ekainaren 1eko 175/2012 Ebazpenaren bidez, Iruña-Beraskoain korridorerako, luzatu ziren aldaketak eta finantzaketarako lankidetza hitzarmenak.
Garraio Zerbitzuak aurkeztutako txostenean adierazi du, jendaurreko epea bukaturik, Autobuses La Pamplonesa, S.A. enpresa kontzesiodunaren eta Oltza Zendeako Udalaren alegazioak jaso direla.
Alegazioak aztertuta, Garraio Zerbitzuaren txostenean ebatzi da ez dela bidezkoa Oltza Zendeako Udalak Iruña-Arteta korridoreko trafikoa kentzearen aurka egindako alegazioak kontuan hartzea; izan ere, argudio bakarrak, ezabaketak udalerri horietako herritarrengan eragina duela, zerbitzuaren kalitatea galtzen delako, ez dauka hori berresteko datu bakar bat ere. Aldiz, Administrazioaren proposamenak, autobus zerbitzua kendu eta taxi zerbitzua eskatu ahala ematekoak, kalitate handiagoa eransten dio garraio zerbitzuari eta erabiltzaileen alde dago, eskaeraren araberakoa baita, eta zerbitzu horren defizita murrizteko arrazoi ekonomikoak daude.
Autobuses La Pamplonesa, S.A.k alegatzen du kontzesioaren titulua eta trafiko horiek birgaitzeko enpresaren eskubidea aldatu gabe egin behar dela ezabaketa. Enpresa kontzesiodunak uste du ezabaketak aldi baterakoa izan behar duela, enpresak kontzesioa bere horretan mantentzeko duen eskubidea galarazi gabe, halako moduan non lehengoratzeko edo birgaitzeko eskatzen ahalko duen, hau da, zerbitzua emateko eskubideari eusteko inoiz horretarako inguruabarrak emanez gero. Orobat, aipatu lankidetza hitzarmenak 2012ko abenduaren 31 arte luzatzeko epea errespetatu behar dela alegatzen du; izan ere, sei hilabete aurretik iragarri behar da horien amaiera, hitzarmenetako beretako bederatzigarren klausularen arabera.
Garraio Zerbitzuaren txostenean esaten da bidezkoa dela Autobuses La Pamplonesa, S.A.k planteatutako alegazioak hein batean onestea; izan ere, nahiz ezabaketaren onura publikoa justifikatuta egon, ezarriko den taxi zerbitzua esperimentala denez eta kontzesioaren zerbitzua birgaituz gero beharko liratekeen tramiteak gutxituko liratekeenez, komenigarritzat jotzen dira herri horietarako bidaiak kentzea, baina kontzesio tituluaren trafiko gisa mantentzea. Dena dela, ezin dira gainerako alegazioak kontuan hartu, bidaien ezabaketak beste zerbitzu batzuk baliatuz egiteko ezintasuna dakarrelako eta bidaiak birgaitzea zerbitzuaren titulartasuna duenari dagokiolako.
Azkenik, enpresa kontzesiodunaren alegazioetan finantzaketa hitzarmenen epe luzapenak errespetatzea aipatzen denean, adierazten da epe hori, hitzarmenak luzatzen dituzten ebazpenetan propio ezarri bezala, bukatu eginen dela eskatu ahalako taxi zerbitzua ezartzeko tramiteak egiten direnean, zerbitzuen jarraipena bermatzen aldera, eta 2012ko abenduaren 31 ez dela azken eguna, baizik eta luzapenetarako gehieneko epea.
Espedientean jasota dago kontzesiodunaren aldaketa horrekiko adostasuna.
Horrenbestez, Sustapeneko kontseilariaren uztailaren 17ko 15/2012 Foru Aginduak emandako ahalmenak erabiliz eta Garraio Zerbitzuak proposatutakoarekin bat,
EBATZI DUT:
1. Jendaurreko epean aurkeztutako alegazioak ebaztea, azalpen zatian jaso den moduan.
2. Herri Lan, Garraio eta Komunikazioetako kontseilariaren abenduaren 30eko 139/2008 Foru Aginduaren eranskineko II. atalean jasotzen diren Iruña-Beraskoaingo bidaiak kentzea; orobat, Iruña-Asiain-Etxauri-Beraskoain arteko (N-35) erabiltzaile guztientzako errepideko bidaiari-garraio publiko erregular finkoaren kontzesioa aldatzen duen Garraioetako zuzendari nagusiaren urriaren 21eko 325/2009 Ebazpenaren eranskineko II. atalean, Iruña-Ollaran-Itzako korridorea izenekoan, jasotakoa; bestetik, bukatutzat ematen dira aldaketa horien eta finantzaketarako lankidetza hitzarmenen luzapenak, eskatu ahalako taxi zerbitzua ezartzen den egunetik aurrera, horren berri emanen baitzaio kontzesiodunari astebete lehenago, gutxienez ere.
3. Autobuses La Pamplonesa, S.A.ri adieraztea Administrazioari dagokiola kendutako bidaiak birgaitzea, halakorik eginez gero.
4. Ebazpen hau Nafarroako Aldizkari Ofizialean argitaratzea.
5. Ebazpen hau jakinaraztea Garraio Zerbitzuari, Autobuses La Pamplonesa, S.A. enpresari eta Oltza Zendeako, Zizurko, Zabaltzako, Beraskoaingo, Ollarango eta Itzako udalei.
6. Ebazpen honek ez du administrazio bidea amaitzen, eta partikularrek gora jotzeko errekurtsoa aurkezten ahal dute haren aurka, Nafarroako Gobernuari zuzendua, hilabeteko epean, ebazpena jakinarazi edo Nafarroako Aldizkari Ofizialean argitaratu eta biharamunetik aurrera.
Aurreko lerroaldean xedatutakoa deusetan ukatu gabe, ebazpen honek bukaera ematen dio administrazio publikoentzako administrazio bideari. Dena dela, administrazio publikoek administrazioarekiko auzi-errekurtsoa aurkez dezakete, Nafarroako Justizia Auzitegi Nagusiko Administrazioarekiko Auzien Salari zuzendua, hura jakinarazi edo argitaratu eta biharamunetik bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2012ko urriaren 11n.-Lurraldearen Antolamendu, Mugikortasun eta Etxebizitzako zuzendari nagusia, José Antonio Marcén Zunzarren.
Iragarkiaren kodea: F1214644
