Iragarkia

221. ALDIZKARIA - 2012ko azaroaren 12a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

817/2012 FORU AGINDUA, azaroaren 2koa, Ekonomia, Ogasun, Industria eta Enpleguko kontseilariak emana, balio erantsiaren gaineko zergako araubide berezi erraztuko ikur, indize edo moduluak aldatzen dituena. Horiek, Ekonomia eta Ogasuneko kontseilariak urtarrilaren 30ean eman 10/2012 Foru Aginduaren bidez onetsi ziren, Pertsona fisikoen errentaren gaineko zergaren zenbatespen objektiboko araubidea eta balio erantsiaren gaineko zergaren araubide erraztua garatu baitzituen 2012. urterako.

Ekonomia eta Ogasuneko kontseilariak urtarrilaren 30ean eman 10/2012 Foru Aginduaren bidez garatu ziren pertsona fisikoen errentaren gaineko zergaren zenbatespen objektiboko araubidea eta balio erantsiaren gaineko zergaren araubide erraztua 2012. urterako.

Tributu Harmonizazioari buruzko uztailaren 25eko 2/2012 Legegintzako Foru Dekretuak halako kontu batzuk aldatu ditu Balio Erantsiaren gaineko Zergari buruzko abenduaren 30eko 19/1992 Foru Legean.

Aldaketa horien artean balio erantsiaren gaineko zergaren karga-tasaren igoera dago 2012ko irailaren 1etik aitzina; orokorra, %18tik %21era pasatu da, eta murriztua, berriz, %8tik %10era. Aldi berean, halako ondasun eta zerbitzu batzuei aplikatzen ahal zaien karga-tasaren aldaketa sartzen du, zergaren tasa murriztutik tasa orokorrera pasatu baitira.

Aldaketa horien ondorioz, beharrezkoa da, balio erantsiaren gaineko zergaren araubide erraztuaz den bezainbatean, egokitzea aipatu 10/2012 Foru Aginduaren bidez onetsitako ikur, indize edo moduluak.

Alde horretatik, berriz ere kalkulatu dira hasieran onetsitako taulak. Hartara, nekazaritzako, abeltzaintzako eta oihangintzako jarduerei dagokienez, bi taula ezarri dira. Bata 2012ko abuztuaren 31ra artekoa da, eta hartan indizeak ez dira goititu. Bertzea 2012ko irailaren 1az geroztikoa da, eta hartan indizeak karga-tasen igoeraren heinean egokitu dira.

Foru agindu honen II. eranskinean jasotako gainerako jarduerei dagokienez, urteko modulua berriz ere kalkulatu da karga-tasen igoeraren heinean, eta hura 2012ko azken lau hilabeteei aplikatu zaie, karga-tasen igoeraren heinean, salbu eta enpresa edo lanbide jarduera osagarriei dagozkien moduluak, haietan ezarri baita goititu gabeko modulu bat abuztuaren 31 arte, eta bertze bat berrikusia, karga-tasaren igoeraren heinean, irailaren 1az geroztik.

Bertze alde batetik, tasen igoeraren eragina gibelatu beharrez, xedatu da I eta II. eranskinetan jasotako taulak erabiltzea, soil-soilik 2012ko laugarren hiruhilekoari dagokion kuota kalkulatzeko; gisa horretara, hiruhileko horretako aitorpen-likidazioan erregularizatuko da balio erantsiaren gaineko zergaren araubide berezi erraztuaren araubideko urteko kuota, ikur, indize edo modulu berriak aplikatzearen ondoriozkoa.

Delako aldaketen ondorioz, araubide bereziari uko egiteko ezohiko epea ezarri da, foru agindu hau argitaratu eta biharamunean hasi eta azaroaren 30era artekoa; hori berariaz adierazita egin beharko da nahitaez, eta F65 eredua erabiliz. Ukoak 2012ko urriaren 1etik aitzina izanen du eragina, balio erantsiaren gaineko zergaren araubide berezi erraztuaz den bezainbatean, eta 2013ko urtarrilaren 1etik aitzina, pertsona fisikoen errentaren gaineko zergako zenbatespen objektiboko metodoaz den bezainbatean.

Foru Agindu honek hiru artikulu, bi xedapen gehigarri eta azken xedapen bat ditu eta, gainera, bi eranskin, balio erantsiaren gaineko zergaren araubide berezi erraztuan 2012an sorrarazitako kuotak kalkulatzean aplikatu beharreko taula berriak biltzen dituztenak.

Horrenbertzez,

AGINDU DUT:

1. artikulua. Balio erantsiaren gaineko zergako araubide berezi erraztuko ikur, indize edo moduluak aldatzea. Horiek, Ekonomia eta Ogasuneko kontseilariak urtarrilaren 30ean eman 10/2012 Foru Aginduaren bidez onetsi ziren, Pertsona fisikoen errentaren gaineko zergaren zenbatespen objektiboko araubidea eta balio erantsiaren gaineko zergaren araubide erraztua garatu baitzituen 2012. urterako.

1.-Balio erantsiaren gaineko zergaren araubide berezi erraztuan nekazaritzako, abeltzaintzak eta basogintzako jarduerei dagozkien ikur, indize eta moduluak, 10/2012 Foru Aginduaren I. eranskinean jaso baitziren, foru agindu honen I. Eranskinean jasota daudenek ordeztuko dituzte.

2.-Balio erantsiaren gaineko zergaren araubide berezi erraztuan "bertze jarduera batzuei" dagozkien ikur, indize eta moduluak, 10/2012 Foru Aginduaren II. eranskinean jaso baitziren, foru agindu honen II. Eranskinean jasota daudenek ordeztuko dituzte.

2. artikulua. Balio erantsiaren gaineko zergaren araubide berezi erraztuan 2012an sorrarazitako urteko kuotaren kalkulua.

1.-Aitzineko 1.1 artikuluak aipatu dituen jardueren titularrek, ekitaldia bururatzean edo jarduera uztean, kalkulatuko dute balio erantsiaren gaineko zergaren araubide berezi erraztuan 2012an sorrarazitako urteko kuota, I. eranskinean biltzen diren indizeak aplikatuz. Urteko kuota horren eta urte bereko lehen hiru hiruhilekoei dagozkien kuoten baturaren arteko aldea izanen da delako 2012 horretako laugarren hiruhilekoko aitorpen-likidazioan sartu beharreko kuota.

2.-Aitzineko 1.2 artikuluak aipatu dituen jardueren titularrek, ekitaldia bururatzean edo jarduera uztean, kalkulatuko dute balio erantsiaren gaineko zergaren araubide berezi erraztuan 2012an sorrarazitako urteko kuota, horretarako aplikatuz II. eranskinean biltzen ikur, indize eta moduluak. Urteko kuota horren eta urte bereko lehen hiru hiruhilekoei dagozkien kuoten baturaren arteko aldea izanen da delako 2012 horretako laugarren hiruhilekoko aitorpen-likidazioan sartu beharreko kuota.

3. artikulua. Balio erantsiaren gaineko zergaren araubide erraztuari uko egiteko ezohiko epea.

1.-Balio erantsiaren gaineko zergaren subjektu pasiboek, I eta II. eranskinetako jardueretan aritzen badira, araubide berezi erraztuari uko egiten ahalko diote foru agindu hau Nafarroako Aldizkari Ofizialean argitaratu eta biharamunetik 2012ko azaroaren 30a arte.

2.-Uko horrek 2012ko urriaren 1etik aitzina izanen du eragina, balio erantsiaren gaineko zergaren araubide berezi erraztuaz den bezainbatean.

Pertsona fisikoen errentaren gaineko zergaren zenbatespen objektiboko araubideari dagokionez, ukoak 2013ko zergaldirako izanen du eragina.

3.-Ukoak gauzatzeko beteko da F-65 eredua, Ekonomia, Ogasun, Industria eta Enplegu Departamentuak horretarako onetsi duena.

XEDAPEN GEHIGARRIAK

Lehen xedapen gehigarria.-2012an balio erantsiaren gaineko zergaren araubide erraztuari dagokion urteko kuotaren kalkulua, foru agindu honen I eta II.eranskinetan sartutako jardueretarako, 2012ko urriaren 1a baino lehen utzi badira, 3. artikuluan ezarritako ezohiko ukoak ukitutako jardueretarako, eta denboraldiko jardueretarako, 2012ko urriaren 1a baino lehen bururatu badira.

Balio erantsiaren gaineko zergaren araubide berezi erraztuaz den bezainbatean, foru agindu honen I eta II.eranskinetan sartutako jardueretarako, 2012ko urriaren 1a baino lehen utzi badira, 3. artikuluan ezarritako ezohiko ukoak ukitutako jardueretarako, eta denboraldiko jardueretarako, 2012ko urriaren 1a baino lehen bururatu badira, 2012. urteko kuota kalkulatzeko, erabiliko dira aipatu 10/2012 Foru Aginduak onetsitako ikur, indize eta moduluak, salbu eta enpresa edo lanbide jarduera osagarriei dagozkien moduluak.

Bigarren xedapen gehigarria.-Balio erantsiaren gaineko zergaren araubide berezi erraztuari ezohiko ukoa egitea hautatzen duten subjektu pasiboek 2012ko laugarren hiruhilekoan aurkeztu beharreko aitorpen-likidazioak.

Balio erantsiaren gaineko zergaren araubide berezi erraztuari foru agindu honen 3. artikuluan jasotako ezohiko ukoa egitea hautatzen duten subjektu pasiboek erregelamenduzko epeetan aurkeztu behar dute balio erantsiaren gaineko zergaren araubide orokor nahiz erraztuaren aitorpen-likidazioa (F69 eredua), "Araubide orokorreko jarduerak" atalean aitorturik 2012ko laugarren hiruhilekoari dagozkion eragiketak.

Balio erantsiaren gaineko zergaren araubide berezi erraztuaz den bezainbatean, 2012ko lehen hiru hiruhilekoetan aldatu badira oinarri-datuak, eta ikurrak, indizeak eta moduluak balio erantsiaren gaineko zergan aplikatzeko 10/2012 Foru Aginduaren arauen II-II eranskinaren 8. atalak ("Erregularizazioa") ezarritakoari jarraikiz, hiruhileko horiei dagokien urteko kuota erregularizatu behar bada, subjektu pasiboak "Araubide erraztu jarduerak" (F-69 eredua) atalean deklaratuko du 2012ko lehen hiru hiruhilekoei araubide horretan dagokien azken aitorpen-likidazioa.

AZKEN XEDAPENA

Indarra hartzea

Foru agindu honek Nafarroako Aldizkari Ofizialean argitaratu eta biharamunean hartuko du indarra.

Iruñean, 2012ko azaroaren 2an.-Ekonomia, Ogasun, Industria eta Enpleguko kontseilaria, Lourdes Goicoechea Zubelzu.

I. ERANSKINA

Nekazaritzako, abeltzaintzako eta oihangintzako jarduerak

Balio erantsiaren gaineko zergaren araubide berezi erraztuko ikur, indize edo moduluak

II.-Balio erantsiaren gaineko zergaren araubide berezi erraztuko ikur, indize edo moduluak

Jarduera: txikizkako harakinek urdaitegiko gaiak prestatzea.

J.E.Z. epigrafea edo lizentzia fiskala: 642.1, 2 eta 3.

Oharra: aitzineko ikur edo moduluak aplikatu ondoan suertatzen den kuotaren barnean egonen da, nolanahi ere, aurrez prestatutako plateren ekoizpenetik ateratzen dena, jarduera hori jarduera nagusiaren osagarri bezala egiten bada.

Oharra: lokalaren azalera erraten denean, kasu honetan urdaitegiko produktuak egiteko erabiltzen dena ulertzen da.

Jarduera: 642.5 epigrafean matrikulatutako txikizkako merkatariek oilaskoak erretzea.

J.E.Z. epigrafea edo lizentzia fiskala: 642.5.

Jarduera: ogiaren, pastelen, gozogintzako gaien eta antzekoen, esnearen eta esnekien txikizkako merkataritza.

J.E.Z. epigrafea edo lizentzia fiskala: 644.1.

Oharra: aitzineko ikur edo moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: pastel gazien eta aurrez prestatutako plateren ekoizpen eta txikizkako merkataritza, bere jardueraren helburu diren produktuak dastatzera ematea zernahi edari, kafe, infusio edo disolbagarri lagun dutela, eta catering jarduerak, jarduera horiek jarduera nagusiaren osagarri gisa egiten badira.

Jarduera: ogi, ogi berezi eta opilen saltokiak.

J.E.Z. epigrafea edo lizentzia fiskala: 644.2.

Oharra: aitzineko ikur, indize edo moduluak aplikatu ondoan suertatzen den kuotaren barnean sartzen da, soil-soilik, 644.2. epigrafeak baimentzen dituen jardueretatik ateratzen dena, baliokidetasun errekarguaren araubide berezian zerga pagatzen dutenak salbuetsirik, bai eta loteria saltzetik ateratzen dena ere, betiere jarduera hori jarduera nagusiaren osagarri bezala egiten bada.

Jarduera: pastel, opil eta gozokigintzako gaien txikizkako merkataritza.

J.E.Z. epigrafea edo lizentzia fiskala: 644.3.

Oharra: aitzineko ikur edo moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: pastel gazien eta aurrez prestatutako plateren prestaketa, bere jardueraren helburu diren produktuak dastatzera ematea zernahi edari, kafe, infusio edo disolbagarri lagun dutela, eta "catering" jarduerak, bai eta loteria saltzetik ateratzen dena ere, betiere jarduera horiek jarduera nagusiaren osagarri bezala egiten badira.

Jarduera: ore frijituen, estalkiak edo betegarriak izan ala ez, patata frijituen, zizka-mizken, fruitu lehorren, gozokien, txokolatekien eta edari freskagarrien txikizkako merkataritza.

J.E.Z. epigrafea edo lizentzia fiskala: 644.6.

Oharra: aitzineko ikur edo moduluak aplikatu ondoan suertatzen den kuotaren barnean sartzen da, soil-soilik, 644.6. epigrafeak baimentzen dituen jardueretatik ateratzen dena, eta baita loterien salmentatik ateratakoa, jarduera hori jarduera nagusiaren lagungarri gisa egiten bada. Baliokidetasun errekarguaren araubide berezian zerga pagatzen duten jarduerak salbuetsirik daude.

Jarduera: 647.1, 2 eta 3, 652.2 eta 3 eta 662.2 epigrafeetan matrikulatutako txikizkako merkatariak loteriak merkaturatzeko zerbitzuagatik.

J.E.Z. epigrafea edo lizentzia fiskala: 647.1, 2 eta 3, 652.2 eta 3 eta 662.2.

Jarduera: bere jarduerako artikuluen konponketa, 653.2 epigrafean matrikulatutako txikizkako merkatariek egina.

J.E.Z. epigrafea edo lizentzia fiskala: 653.2.

Oharra: aitzineko ikur edo moduluak aplikatzetik sortzen den kuotaren barnean, soil-soilik bere jarduerako artikuluak konpontzetik ateratzen dena sartzen da.

Jarduera: Eraikuntzako materialen, saneamenduko gai eta altzarien, ateen, leihoen, pertsianen eta abarren txikizkako merkataritza.

J.E.Z. epigrafea edo lizentzia fiskala: 653.4. eta 5.

Jarduera: lurreko ibilgailuetarako osagarrien eta ordezko piezen txikizkako merkataritza.

J.E.Z. epigrafea edo lizentzia fiskala: 654.2.

Jarduera: edonolako makinen txikizkako merkataritza (etxetresnak, bulegokoak, medikoak, ortopedikoak, optikoak eta fotografikoak izan ezik).

J.E.Z. epigrafea edo lizentzia fiskala: 654.5.

Jarduera: mota guztietako ibilgailuetarako gurpil-estalki, banda edo bandajeen eta aire ganberen txikizkako merkataritza.

J.E.Z. epigrafea edo lizentzia fiskala: 654.6.

Jarduera: txikizkako saltzaileak, 659.3 epigrafean matrikulatuta daudenak, negatiboak eta inpresionatutako bertzelako material fotografikoa bildu, hirugarrenen laborategian prozesatu eta kopiak nahiz handipenak dagokionari entregatzeagatik.

J.E.Z. epigrafea edo lizentzia fiskala: 659.3.

Jarduera: 659.4 epigrafean matrikulatutako txikizkako saltzaileak garraio publikoaren txartelak, telefono txartelak, antzekoak eta loteria merkaturatzeagatik.

J.E.Z. epigrafea edo lizentzia fiskala: 659.4.

Jarduera: merkataritzako establezimendu iraunkorretik kanpo egindako txikizkako merkataritza, ore frijituen (estalkiak edo betegarriak izan ala ez), patata frijituen, zizka-mizken, fruitu lehorren, goxokien, txokolatekien eta edari freskagarrien merkataritzan bakarrik aritzen direlarik eta instalazioan edo ibilgailuan berean txurrogintzako gaiak, patata frijituak eta gaztainak prestatzeko ahalmena dutelarik.

J.E.Z. epigrafea edo lizentzia fiskala: 663.1.

Oharra: aitzineko ikur edo moduluak aplikatzetik ateratzen den kuotaren barnean, soil-soilik sartuko da J.E.Z.eko edo lizentzia fiskaleko 663.1. epigrafean agindu bezala egin eta merkaturatzen diren produktuak elaboratu eta saltzetik heldu dena.

Jarduera: bi sardexkako jatetxeak.

J.E.Z. epigrafea edo lizentzia fiskala: 671.4.

Oharra: aitzineko ikur eta moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: billarra, mahai-futbola, geziak eta horrelako josteta makinak, zinta, bideo, compact disc direlakoen erakustokiak, bolak saltzeko makinak, haurrentzako josteta makinak, compact-disc eta bideo musikalak pasatzeko makinak, loteriak eta telefonoa erabiltzeko zerbitzua, jarduera horiek jarduera nagusiaren osagarri bezala egiten badira.

Jarduera: sardexka bateko jatetxeak.

J.E.Z. epigrafea edo lizentzia fiskala: 671.5.

Oharra: aitzineko ikur eta moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: billarra, mahai-futbola, geziak eta horrelako josteta makinak, zinta, bideo, compact disc direlakoen erakustokiak, bolak saltzeko makinak, haurrentzako josteta makinak, compact-disc eta bideo musikalak pasatzeko makinak, loteriak eta telefonoa erabiltzeko zerbitzua, jarduera horiek jarduera nagusiaren osagarri bezala egiten badira.

Jarduera: Kafetegiak.

J.E.Z. epigrafea edo lizentzia fiskala: 672.1, 2 eta 3.

Oharra: aitzineko ikur eta moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: billarra, mahai-futbola, geziak eta horrelako josteta makinak, zinta, bideo, compact disc direlakoen erakustokiak, bolak saltzeko makinak, haurrentzako josteta makinak, compact-disc eta bideo musikalak pasatzeko makinak, loteriak eta telefonoa erabiltzeko zerbitzua, jarduera horiek jarduera nagusiaren osagarri bezala egiten badira.

Jarduera: kafetegi eta ostatuetako zerbitzuak.

J.E.Z. epigrafea edo lizentzia fiskala: 673.

Oharra: aitzineko ikur eta moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: billarra, mahai-futbola, geziak eta horrelako josteta makinak, zinta, bideo, compact disc direlakoen erakustokiak, bolak saltzeko makinak, haurrentzako josteta makinak, compact-disc eta bideo musikalak pasatzeko makinak, loteriak eta telefonoa erabiltzeko zerbitzua, jarduera horiek jarduera nagusiaren osagarri bezala egiten badira.

Jarduera: merkatuetan edo azoketan eta bide publikoan edo lorategietan (aire zabalean) kokatutako kiosko, kutxa, txosna edo antzeko bertze lokaletako zerbitzuak.

J.E.Z. epigrafea edo lizentzia fiskala: 675.

Oharra: aitzineko ikur edo moduluak aplikatu ondoan suertatzen den kuotaren barnean, nolanahi ere, loteria saltzetik ateratzen dena, betiere jarduera hori jarduera nagusiaren osagarri bezala egiten bada.

Jarduera: txokolate-denda, izozki-denda eta hortxata-dendetako zerbitzuak.

J.E.Z. epigrafea edo lizentzia fiskala: 676.

Oharra: aitzineko ikur edo moduluak aplikatu ondoan suertatzen den kuotaren barnean, nolanahi ere, hauetatik ateratzen den etekina ere sartzen da: txokolatea, izozkiak eta hortxata egitea, izozki, hortxata, infusioak, txokolateak, kafea eta disolbagarriak eta edari freskagarriak zerbitzatzea, baita haiekin zerbitzatu ohi diren opil, gozoki eta pastelak zerbitzatzea ere, eta zabuak, zalditxoak, animalia hiztunak eta horrelako josteta makinak eta loteria merkaturatzea ere, jarduera horiek jarduera nagusiaren osagarri bezala egiten badira.

Jarduera: izar bateko edo biko hoteletako ostatu zerbitzua.

J.E.Z. epigrafea edo lizentzia fiskala: 681.

Oharra: aitzineko ikur edo moduluak aplikatu ondoan suertatzen den kuotaren barnean, nolanahi ere, loteria saltzetik ateratzen dena, betiere jarduera hori jarduera nagusiaren osagarri bezala egiten bada.

Jarduera: hostal eta ostatu-etxeetan ostatatzeko zerbitzua.

J.E.Z. epigrafea edo lizentzia fiskala: 682.

Jarduera: landetxeetan ostatatzeko zerbitzua.

J.E.Z. epigrafea edo lizentzia fiskala: 683.

Jarduera: etxetresna elektrikoen konponketa.

J.E.Z. epigrafea edo lizentzia fiskala: 691.1.

Jarduera: automobilen, bizikleten eta bertze ibilgailu batzuen konponketa.

J.E.Z. epigrafea edo lizentzia fiskala: 691.2.

Jarduera: oinetakoen konponketa.

J.E.Z. epigrafea edo lizentzia fiskala: 691.9.

Jarduera: B.l.s.g.ko bertze kontsumogai batzuk konpontzea (oinetakoen konponketa eta artelanen, altzarien, antigoalekoen eta musika tresnen zaharberritzea izan ezik).

J.E.Z. epigrafea edo lizentzia fiskala: 691.9.

Jarduera: industrietako makinen konponketa.

J.E.Z. epigrafea edo lizentzia fiskala: 692.

Jarduera: B.l.s.g.ko bertze konponketa batzuk.

J.E.Z. epigrafea edo lizentzia fiskala: 699.

Jarduera: hirietako garraio kolektiboa eta bidaiariak errepidez garraiatzea.

J.E.Z. epigrafea edo lizentzia fiskala: 721.1. eta 3.

Jarduera: autotaxi bidezko garraioa.

J.E.Z. epigrafea edo lizentzia fiskala: 721.2.

Oharra: aitzineko ikur edo moduluak aplikatu ondoan suertatzen den kuotaren barnean egonen da, edonola ere, euskarri gisa ibilgailua erabiltzen duten publizitate zerbitzuak ematetik ateratzen dena, jarduera horiek jarduera nagusiaren osagarri bezala egiten badira.

Jarduera: salgaiak errepidez garraiatzea, hondakinak salbu.

J.E.Z. epigrafea edo lizentzia fiskala: 722.

Oharra: aitzineko ikur edo moduluak aplikatu ondoan suertatzen den kuotaren barnean egonen da, edonola ere, garraioko jarduera lagungarri eta osagarrietatik ateratzen dena, adibidez, garraio agentziak, salgaiak gorde eta biltegiratzea eta abar, betiere jarduera horiek jarduera nagusiaren osagarri bezala egiten badira.

Oharra: hondakinak edo bertzelako salgaiak garraiatzen badira, jardueraren sektore horiei aplikagarri zaizkien moduluak hainbanatu eginen dira garraio mota bakoitzeko kopuruaren arabera.

Jarduera: hondakinen garraioa errepidetik.

J.E.Z. epigrafea edo lizentzia fiskala: 722.

Oharra: aitzineko ikur edo moduluak aplikatu ondoan suertatzen den kuotaren barnean egonen da, edonola ere, garraioko jarduera lagungarri eta osagarrietatik ateratzen dena, adibidez, garraio agentziak, salgaiak gorde eta biltegiratzea eta abar, betiere jarduera horiek jarduera nagusiaren osagarri bezala egiten badira.

Oharra: hondakinak edo bertzelako salgaiak garraiatzen badira, jardueraren sektore horiei aplikagarri zaizkien moduluak hainbanatu eginen dira garraio mota bakoitzeko kopuruaren arabera.

Jarduera: ibilgailuak olioztatzea eta garbitzea.

J.E.Z. epigrafea edo lizentzia fiskala: 751.5.

Jarduera: etxe-aldairetako zerbitzuak.

J.E.Z. epigrafea edo lizentzia fiskala: 757.

Jarduera: mezuen eta mandatuen garraioa, jarduera hori bakar-bakarrik norberaren garraiobideekin egiten denean.

J.E.Z. epigrafea edo lizentzia fiskala: 849.5.

Jarduera: lurreko eta uretako ibilgailuak, ibilgailu aeronautikoak eta abar gidatzen irakastea.

J.E.Z. epigrafea edo lizentzia fiskala: 933.1.

Oharra: aurreko moduluak ez dira aplikatuko, balio erantsiaren gaineko zergatik salbuetsita dauden eragiketetan, abenduaren 30eko 19/1992 Foru Legearen 17.1.6. artikuluan ezarritakoa aplikatuko baita.

Jarduera: kiroletan trebatzeko eskolak eta zerbitzuak.

J.E.Z. epigrafea edo lizentzia fiskala: 967.2.

Jarduera: egindako arropak eta etxerako jantzi eta gai erabiliak tindatu, lehorrean garbitu, garbitu eta lisatzea.

J.E.Z. epigrafea edo lizentzia fiskala: 971.1.

Jarduera: emakume eta gizonendako ile-apaindegi zerbitzuak.

J.E.Z. epigrafea edo lizentzia fiskala: 972.1.

Oharra: aitzineko ikur edo moduluak aplikatu ondoan suertatzen den kuotaren barnean egonen da, nolanahi ere, manikura eta ile-kentze zerbitzuetatik ateratzen dena, jarduera hori ile-apaindegiko jarduera nagusiaren osagarri bezala egiten bada.

Jarduera: edergintzako areto eta institutuak eta estetikako kabineteak.

J.E.Z. epigrafea edo lizentzia fiskala: 972.2.

Jarduera: dokumentuak fotokopiagailuekin kopiatzeko zerbitzuak.

J.E.Z. epigrafea edo lizentzia fiskala: 973.3.

Oharra: aitzineko ikur edo moduluak aplikatu ondoan suertatzen den kuotaren barnean egonen da, nolanahi ere, planoen kopiak egin eta haien lanei azala paratzeko zerbitzuetatik ateratzen dena ere, jarduera horiek dokumentuak fotokopiagaluekin kopiatzeko jarduera nagusiaren osagarri bezala egiten badira.

Iragarkiaren kodea: F1215380