2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Diru-laguntzen deialdi publikoa
Diru-laguntzak norgehiagokako araubidean emateko deialdi publikoa, 2011. urtean garapen-bidean dauden herriekin lankidetza proiektuak garatze aldera.
Iruñeko Udaleko Alkatetzak 2011ko martxoaren 24an emandako ebazpenaren bidez oinarriak onetsi ziren, 2011. urtean garapen bidean dauden herriekin lankidetza proiektuak garatzeko diru-laguntzak norgehiagokako araubidean emateko deialdi publikorako.
Oinarrien xedea: aipatutakoa.
Esleitzeko era: deialdi publikoa.
Aurreikusitako zenbatekoa, gehienez: 934.296,00 euro
Oinarriak, non: Iruñeko Udaleko Erregistro Orokorrean (Kondestablearen Jauregia - Kale Nagusia, 2) eta Zapateria kaleko 40ko 3. solairuan.
Eskabideak non eta noiz aurkeztu: Iruñeko Udaleko Erregistro Orokorrean (Kondestablearen Jauregia - Kale Nagusia, 2), erregistro osagarrietan (Kultura Alorra -Descalzos k., 72-2. solairua-; Ingurumen eta Osasuneko Alorra -San Saturnino k., 2-beheko solairua-; Mugikortasun eta Herritarren Segurtasuneko Alorra -Iratxeko monasterioaren k., 2-beheko solairua-; Hirigintza eta Etxebizitza Alorra -Armada etorbidea, 2-5. solairua-; eta Lehendakaritza, Gizarte Ongizate eta Kirol, eta Hezkuntza eta Gazteria alorrak -Zapateria k., 40-beheko solairua-) edo Herri Administrazioen Araubide Juridikoaren eta Administrazio Prozedura Erkidearen Legeak, haren 38. artikuluan, aurreikusten dituen beste edozeinetan, eskatutako agiriak erantsita. Eskabideak aurkezteko epea hilabetekoa izanen da, deialdi hau Nafarroako Aldizkari Ofizialean argitaratu eta biharamunetik aitzina.
Iruñean, 2011ko martxoaren 24an.-Gizarte Ongizate eta Kirol zinegotzi delegatua, Francisco Javier Lorente Pérez.
Iragarkiaren kodea: L1105622
