Iragarkia

65. ALDIZKARIA - 2011ko apirilaren 4a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2011ko martxoaren 14an hartua, 2009-2012 eperako Toki Inbertsioen Planaren 1. zabaltzea onesten duena.

2009-2012 Eperako Toki Inbertsioen Planari buruzko urriaren 24ko 16/2008 Foru Legearen 9. artikuluko 3. idatz-zatiak ezartzen duenaren arabera, Toki Araubideko Foru Batzordeak bere txostena aurkeztu ondoren, plana zabalduko da, lehendik dauden soberakin ekonomikoen kargura, besteak beste. Orobat, finantzatzen ahalko dira Toki Programazioko inbertsio berriak baldin eta Plan Orokorreko erreserban agertzen badira. Foru lege horren 15.4 artikuluan agindu bezala argitaratu zen plana.

Toki Programazioko Inbertsio Plana zabaltzeko, Nafarroako Gobernuak 2009ko urriaren 5ean (2009ko 133. Nafarroako Aldizkari Ofiziala, urriaren 28koa) onetsitako Toki Inbertsioen Planeko hautapen eta lehenespenen emaitzak kontuan hartuz segitu da gauzatzen plan hori.

2011rako Nafarroako Aurrekontu Orokorrei buruzko abenduaren 28ko 22/2010 Foru Legearen hirugarren xedapen gehigarriak adierazten duenez, egungo Toki Inbertsioen Plana indarrean den bitartean, toki entitateek Nafarroako tributuetan parte hartzeko funtsa osatzen duten kredituak, Nafarroako Parlamentuak onetsitakoak, ekitaldia ixtean aurrekontuetan erabili gabeko kapital transferentzien arlokoak badira, diruzaintzako gerakin atxikitzat hartuko dira; funts horiek 2009-2012 planeko ekitaldi bakoitzeko aurrekontu kredituarekin batera esleituko dira, aurrekontuen erritmoaren arabera eta funts horien exekuzioaren arabera; erritmo horren arabera, hurrengo ekitaldietan esleitu daitezke, baina diru zenbateko osoa aldatu gabe.

Toki Administrazioko Departamentuak txostena egin du eta hartan plana zabaltzeko inbertsioak jaso dira, araubide orokorrari edo bereziari atxikiak, 16/2008 Foru Legearen 1.4 artikuluan ezarritakoarekin bat. 4.001.481,85 euroko ekarpena da.

Kapital Transferentzien Funtsaren kargurako ekarpen horrek guztira 4.933.441,77 euroko eragindako inbertsioa sortzen du (BEZa barne).

Indarrean den 2011rako gastuen aurrekontuko "Kapital transferentzien funtsa" 212001 proiektua osatzen duten kontu-sailetan erabilgarri dagoen kreditua analizaturik, eta erabat exekutatzea aurreikusi denez, ondoriozta daiteke beharrezkoa dela plana 4.001.481,85 euroko zenbatekoarekin zabaltzea, diruzaintzako atxikitako gerakinaren kargura, kalkulua diruzaintzaren 2010eko ekitaldiaren itxieran eginik.

Toki Araubideko Foru Batzordeari zabaltze horren berri eman zitzaion eta, 2011ko martxoaren 11ko bilkuran, aldeko txostena eman zuen.

Horrenbestez, Nafarroako Gobernuak, Toki Administrazioko kontseilariak proposaturik, eta kasu honetarako eskumena bere gain hartuz,

ERABAKI DU:

1. 2009-2012 eperako Toki Inbertsioen Plana zabaltzea, Toki Programazioko inbertsioetarako 4.001.481,85 euroko ekarpena erabiliz, honela banaturik:

2. Toki Inbertsioen 2009-2012 eperako Planaren 1. zabaltzea onestea, aipatutako baldintzetan, erabaki honen eranskineko zerrendan adierazi bezala. Zerrenda hori 2009-2012 Eperako Toki Inbertsioen Planari buruzko urriaren 24ko 16/2008 Foru Legearen 15.4 artikuluan aurreikusi den erreserbako zerrendatik atera da, eta hori Nafarroako Gobernuak 2009ko urriaren 5ean hartutako Erabakian jaso da. Orobat, xedatzea araubide orokorrean edo berezian sartzea aipatutako foru legearen 1.4 artikuluan aurreikusitakoaren arabera, behin kendu direla lege horren aurreikuspenekin bat haren prozeduretako edozeinetan sartu diren obrak, edo, bestela, 2009-2012 eperako Toki Inbertsioen Planaren Ohiz kanpoko Planari buruzko ekainaren 17ko 13/2010 Foru Legearen prozeduretan sartutakoak.

3. Erabaki honek eragindako gastua aurrekontuko kontu-sail hauen kargura finantzatuko da:

4. Urriaren 24ko 16/2008 Foru Legean aipatzen diren agiriak aurkezteko epea lau hilabetekoa izanen da, erabaki hau Nafarroako Aldizkari Ofizialean argitaratu eta biharamunetik hasita.

5. Erabaki hau Nafarroako Aldizkari Ofizialean argitara dadila agintzea.

6. Erabaki honen aurka toki entitate interesdunek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, argitaratu eta biharamunetik bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.

Corellan, 2011ko martxoaren 14an.-Nafarroako Gobernuko kontseilari eta idazkaria, Javier Caballero Martínez.

Iragarkiaren kodea: F1104886