1. NAFARROAKO FORU KOMUNITATEA
1.7. BESTELAKOAK
17/2011 EBAZPENA, otsailaren 1ekoa, Ikuskapenaren eta Zerbitzuen zuzendari nagusiak emana, Azagrako Udalaren Musika Eskolari Tuba musika-tresnaren espezialitatea irakasteko baimena ematen diona.
Ikusirik María Antonia Berisa Sánchez andreak, Azagrako Udaleko alkate-udalburuak, herriko udalaren musika eskolan Tuba musika-tresnaren espezialitatea irakasteko aurkeztu duen baimen eskaera dela-eta irekitako espedientea.
Ikusirik Hezkuntzako Ikuskapen Zerbitzuak eman duen aldeko txostena.
Abenduaren 21eko 421/1992 Foru Dekretuaren 29. artikuluak xedatutakoa kontuan hartuta.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluaren bidez eskuordetutako ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Baimena ematea Azagrako Udalaren Musika Eskolari (ikastetxearen kodea: 31004469) Tuba musika-tresnaren espezialitatea irakasteko, 2010-2011 ikasturtearen hasieratik aurrera.
2. Hortik aurrera, eskolak 421/1992 Foru Dekretuaren 9.1 artikuluan aipatzen den oinarrizko eskaintzako ikasketak emateko baimena izanen du, eta musika-tresnen arloan espezialitate hauek eskainiko ditu: Akordeoia, Kantua, Klarinetea, Zeharkako Flauta, Gitarra, Gitarra Elektrikoa, Perkusioa, Pianoa, Saxofoia, Tronboia, Tronpeta, Tuba, Biola eta Biolina.
3. Eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko zaio.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
6. Ebazpen hau Nafarroako Aldizkari Ofizialean argitaratzea.
7. Ebazpen hau igortzea Azagrako Udaleko alkate-udalburuari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Arte Ikasketen Atalari, Informazioaren eta Komunikazioaren Teknologien Atalari, Ikastetxeen eta haien Finantzaketaren Atalari eta Ikastetxeetako Informazioa Kudeatzeko Bulegoari.
Iruñean, 2011ko otsailaren 1ean.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F1102326
