Iragarkia

42. ALDIZKARIA - 2011ko martxoaren 2a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzaileak otsailaren 16an emandako 14/2011 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko arkitekto tekniko izateko 6 lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzaileak otsailaren 16an emandako 14/2011 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko arkitekto tekniko izateko 6 lanpostu oposizio bidez betetzeko deialdia onetsi zen.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsia, aipatutako estatutua garatu eta gauzatzeko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honen xedea da industria arkitekto tekniko izateko 6 lanpostu oposizio bidez betetzea, funtzionarioen araubidekoak eta B mailakoak, Iruñean aritzekoak. Txanda hauetan banatzen dira:

-3 plaza, txanda irekian.

-3 lanpostu, igoera txandan.

1.2. Deialdiko lanpostu hutsak hauek dira:

-1, Lehendakaritza, Justizia eta Barne Departamentuko Nafarroako Larrialdietako Agentzian, Iruñean aritzeko; plantillako identifikazio zenbakia: 5823.

-1, Ekonomia eta Ogasun Departamentuko Ondare Zuzendaritza Nagusian, Iruñean aritzeko; plantillako identifikazio zenbakia: 7927.

-2, Hezkuntza Departamentuko Ikuskapenaren eta Zerbitzuen Zuzendaritza Nagusian, Iruñean aritzeko; plantillako identifikazio zenbakiak: 38026 eta 35117.

-1, Vianako Printzea Erakundea-Kultura eta Turismo Departamentuko Turismo Zuzendaritza Nagusian, Iruñean aritzeko; plantillako identifikazio zenbakia: 8141.

-1, Osasun Departamentuko Osasunbidea-Nafarroako Osasun Zerbitzuan, Iruñean aritzeko; plantillako identifikazio zenbakia: 67712.

1.3. Igoera txandako lanpostuak hutsik geldituz gero, izangaiek ez dutelako hautaprobak gainditzeko behar den gutxieneko puntuazioa lortu, txanda irekikoei gehituko zaizkie.

Bestalde, igoera txandan hutsik dauden lanpostuak baino izangai gehiagok gainditzen badituzte probak, txanda horretan probak gainditu arren lanposturik eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta lortutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

1.4. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan B mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.4. Halaber, deialdi honen bidez, hautapen prozesuan parte hartu eta lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira:

-Probak gainditu arren, lanposturik lortu ez duten izangaien zerrenda, departamentu eta erakunde autonomo guztietarako.

-Administrazio Erroan aldi baterako kontratatzeko izangaien zerrenda.

-Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Izangaien zerrenda horiek deialdi honen 10. oinarrian xedatutakoaren arabera onetsi eta kudeatuko dira.

2.-Izangaiek bete beharreko baldintzak.

2.1. Oposizioan onartuak izateko, izangaiek, eskabideak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunen aplikazio eremuan sartutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Arkitekto teknikoaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) B motako ibilgailuen gidabaimena izatea.

e) Bete behar dituen eginkizunetan aritzeko adinako gaitasun fisikoa eta psikikoa izatea.

f) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute ez dutela diziplina zehapenik edo zigor penalik, beren estatuko funtzio publikoan sartzea eragozten dienik.

2.1.2. Igoera txandako izangaiek bete beharreko baldintza berariazkoak:

Igoera txandako izangaiek, aurreko atalean adierazitako baldintzez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Izendatua izateko proposatzen den izangaiak betebehar horiek frogatu beharko ditu, deialdiaren 7.2 idatz-zatian ezarritako epean eta moduan. Salbuespen izanen dira agiri horiek eskabidearekin batera aurkeztu behar dituzten izangaiak, 3. oinarriarekin bat.

3.-Eskaerak aurkeztea eta tasak ordaintzea.

3.1. Tasak.

Azterketa eskubideengatik eta espedientea formalizatzeko, 40 euroko tasa ordaindu beharko da. Azterketa eskubideengatiko tasa ordaindu ez bada, izangaia lehiaketatik kanpo geldituko da.

Honako hauek ez dute tasarik ordaindu beharko:

a) %33ko edo hortik gorako desgaitasun aitortua duten pertsonek, hala onartu bazaie.

b) Deialdia argitaratu aurretik hilabetez gutxienez lan eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskaini zaizkien lan egokiei uko egin ez izatea eta lanbide sustapen, prestakuntza edo aldaketarako ekintzetan parte hartzeari uko egin ez izatea, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetean.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

Interesdunaren aitorpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Aitorpen eredua Nafarroako Gobernuko Informazio Bulegoan eskuratzen ahalko da edo, bestela, Internet bidez, arestian emandako helbidean.

Sistema hauetakoren bat erabiliz ordaintzen ahalko da tasa hori:

-Telematika bidez, 3.2 oinarriko A.1 letran adierazitako moduan.

-Behar den bezala betetako ordainketa-gutunaren bidez, Nafarroako Foru Komunitateko banku entitateetan ordaintzeko. Internet bidezko deialdian, www.navarra.es helbidean, "Enplegu Publikoa" atalean, ordainketa-gutunaren eredua dago.

Herritarrentzako laguntza bulegoetan tramite horiek egiteko behar diren informazioa eta laguntza eskuratzen ahalko dira. Deialdiaren Interneteko aipuan horri buruzko informazioa dago.

3.2. Eskabideak.

Eskabideak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabide eredua Interneten bidez ere eskuratzen ahalko da, www.navarra.es helbidean, bai hori argitaratzen duen aldizkari ofizialetik, bai "Enplegu Publikoa" atalean deialdiari buruz dagoen aiputik abiatuta.

Deialdian parte hartzeko eskabideak hura Nafarroako Aldizkari Ofizialean argitaratu eta biharamunetik hasita, hogeita hamar egun naturaleko epean aurkeztu beharko dira. Eskabideak aurkezteko epea luzaezina da.

Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

Aurkezteko, baliabide hauetako edozein erabil daiteke:

A) Bide telematikoa.

A.1. Internet bidez, deialdi honen fitxan den "Inskripzioa eta ordainketa telematikoa" izeneko estekan sartuta, Nafarroako Atariaren "Enplegu publikoa" atalean, www.navarra.es helbidean.

Aurkezteko eta ordaintzeko modu hori ezin izanen da erabili tasak ordaintzetik salbuesten duen frogagiria aurkeztu behar denean, ezta 3.3 oinarriko Bi eta Hiru zenbakietan aipatzen diren kasuetan ere.

A.2. Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web atarian eskura baitago.

B) Aurrez aurre.

Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda deialdiko aipuan, "izena emateko lekuak" atalean, hain zuzen, argitaratu zen) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz.

Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.

3.3. Eskabidearekin batera aurkeztu beharreko agiriak.

Bat.-Espedientea formalizatzeko eta azterketa eskubideengatik tasa ordaindu izanaren frogagiria.

Bi.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Hiru.-Desgaitasuna duten pertsonentzat gordetako txandan onartuak izateko, 3.1 oinarrian (tasak salbuestea) eta 8. oinarrian (lanpostuak aukeratzeko lehentasuna) xedaturikoari dagokionez eta, halaber, denboren eta baliabideen egokitzapena eskatzeko, %33ko edo hortik gorako desgaitasuna duten izangaiek hori agiri hauetako baten jatorrizkoaren edo kopia konpultsatuaren bidez frogatu beharko dute:

-IMSERSOk edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.

Desgaitasuna duten izangaiek probak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. Interesdunen eskura dago egokitzapenak eskatzeko eredu bat www.navarra.es helbidean, deialdiaren aipuan, "Enplegu Publikoa" atalean, hain zuzen.

4.-Izangaien onarpena eta erreklamazioak.

4.1. Eskabideak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko.

4.2. Behin-behineko zerrenda Nafarroako Aldizkari Ofizialean argitaratu eta biharamunetik hasita, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gaineko ebazpena eman ondoren, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du, izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.-Epaimahaia.

5.1. Epaimahaia honako kide hauek osatuko dute:

-Epaimahaiburua: José Ramón Lasanta Montes jauna, Hezkuntza Departamentuko Obra Ataleko burua.

-Ordezko epaimahaiburua: Javier Arricibita Antoñanzas jauna, Hezkuntza Departamentuko Obren eta Mantentze Lanen Zerbitzuko zuzendaria.

-Epaimahaikidea: Elena Iribarren Górriz andrea, Nafarroako Larrialdietako Agentziako Larrialdietako Prebentzio, Informazio eta Prestakuntza Ataleko burua.

-Ordezko epaimahaikidea: Amaya Osácar Crespo andrea, Nafarroako Larrialdietako Agentziako arkitekto teknikoa.

-Epaimahaikidea: Marta Echavarren Zozaya andrea, Ekonomia eta Ogasun Departamentuko Obrak eta Azpiegiturak Ataleko burua.

-Ordezko epaimahaikidea: Marino Cerrada Gárate jauna, Ekonomia eta Ogasun Departamentuko arkitekto teknikoa.

-Epaimahaikidea: Nafarroako Foru Komunitateko Administrazioko Langileen Batzordeak izendatutako ordezkari bat.

-Ordezko epaimahaikidea: Nafarroako Foru Komunitateko Administrazioko Langileen Batzordeak izendatutako ordezkari bat.

-Epaimahaikide-idazkaria: Miguel Garatea Crelgo jauna, Osasunbidea-Nafarroako Osasun Zerbitzuko Oinarrizko Osasun Laguntzako Langileria Zerbitzuko burua.

-Ordezko epaimahaikide-idazkaria: Miriam Donézar Díez de Ulzurrun andrea, Nafarroako Ospitaleko Langileriaren zuzendaria.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, epaimahaiburuak eta epaimahaikide-idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira arituko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2011ko irailean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

-Lehenengo ariketa: teorikoa. Epaimahaiak gai zerrendako gaiei buruz aurkezten dituen erantzun laburreko 20 galderei erantzun beharko zaie, idatziz, 3 orduz gehienez. Izangaiei emanen zaizkien galderak erantzun beharko dituztenak baino %25 gehiago izanen dira, horien artean aukera egin dezaten.

-Bigarren ariketa: teorikoa. Hiru gai garatu beharko dira idatziz, gai zerrendako hiru zatietako bakoitzeko bat. Gehienez ere 4 ordu izanen dira horretarako. Horretarako, epaimahaiak zozketaz aterako ditu aipatutako zati bakoitzeko bi gai, eta izangaiek horietako bat, nahi dutena, aukeratu eta garatu beharko dute.

-Hirugarren ariketa: praktikoa. Epaimahaiak gai zerrendako gaiei buruz proposatutako kasuei idatziz erantzun beharko zaie. Gehienez ere 4 ordu izanen dira horretarako.

-Laugarren ariketa: ingeleseko probak. Borondatezko ariketa da eta ez baztertzailea, eta aurreko hiru ariketak gainditzen dituzten izangaiek egiten ahalko dute. Idatzizko eta ahozko proba bana eginen dira, izangaien jakite maila zehazteko. Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat. Internet bidezko deialdian, www.navarra.es helbidean, "Enplegu Publikoa" atalean, hain zuzen, horien edukiari eta ezaugarriei buruzko informazio orokorra dago.

6.3. Oposizioko ariketen balorazioan 100 puntu eman daitezke gehienez, honela banatuak:

Lehenengo ariketa: gehienez ere 30 puntu.

Bigarren ariketa: gehienez ere 30 puntu.

Hirugarren ariketa: gehienez ere 30 puntu.

Laugarren ariketa: gehienez ere 10 puntu.

6.4. Oposizioko lehenengo, bigarren eta hirugarren ariketak baztertzaileak izanen dira. Bazterturik geldituko dira ariketa bakoitzean kalifikaziorik altuena lortzen duen izangaiaren puntuazioaren erdira gutxienez iristen ez diren izangaiak. Hori hala izanik ere, ariketa gainditutzat jotzeko, deialdiaren oinarrietan ariketarako ezarritako gehieneko puntuazioaren 1/3 atera beharko da gutxienez.

6.5. Lehenengo, bigarren eta hirugarren ariketak plika sistemaren bidez eginen dira.

6.6. Ariketa bakoitzaren kalifikazioa amaitutakoan, epaimahaiak jendaurrean jarriko du, ariketa egiten den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zein ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, "Enplegu Publikoa" atalean, hain zuzen, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, desgaitasun aitortua dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du, probak egin diren tokian eta Nafarroako Gobernuaren iragarki oholean, probak gainditu dituztenen zerrenda, oposizioan lortutako kalifikazioekin. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin eta espediente osoarekin batera. Proposamena Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, "Enplegu Publikoa" atalean, hain zuzen, deialdiari buruz dagoen aiputik abiatuta.

Gertatzen diren berdinketetan, hirugarren ariketan puntu gehien lortzen dutenen alde joko da eta berdinketak badirau, lehenengo eta bigarren ariketetan lortutako puntuak hartuko dira aintzakotzat.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek berariazko inprimaki batzuk jaso eta honako agiri hauek aurkeztu beharko dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) B motako ibilgailuak gidatzeko baimenaren kopia konpultsatua.

d) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finkoek edo Nafarroako Foru Komunitateari transferitutako Justizia Administrazioko zerbitzuei atxikitako langile finkoek, gainera, beste ziurtagiri bat aurkeztu beharko dute, aurreko administrazioko espediente pertsonalean ageri diren inguruabar eta aurrekari guztiak frogatzeko, hots, sarrerari, antzinatasunari, mailari, egoera administratiboari eta abarri buruzko guztiak.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) B motako ibilgailuak gidatzeko baimenaren kopia konpultsatua.

7.2.3. Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko idatz-zatian ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 idatz-zatian aipatutakoan, hurrengoa den izangaiarekin beteko du hutsunea, eta horrekin ere aurreko idatz-zatietan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek deialdi honen 7.2 oinarrian ezarritako moduan aurkeztu beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzerakoan, %33ko desgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Hala izanagatik ere, desgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, desgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egiten duten txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko idatz-zatian adierazitako salbuespena kontuan hartuz.

9.-Izendapena, lanpostu hutsen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, arkitekto teknikoaren lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko Administrazioko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko Administrazioaren montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.4. Funtzionarioek bizilekua destinoko herrian ez izateak ez du alde batera uzten lantokira puntual iritsi beharra eta lanaldia eta lanpostuko eginkizunak zuzen bete beharra eta, gainera, ez da inolako konpentsaziorik jasoko lantokirako joan-etorriengatik.

Behar bezala justifikatutako kasu batzuetan, administrazio publikoek zilegi izanen dute funtzionarioei destinoko herrian bizi daitezela eskatzea, lanpostuko eginkizunengatik eta eskatzen den dedikazioagatik bidezkoa denean.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala gertatzen bada, deialdiaren 7.4 idatz-zatian ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data horretan beste administrazio publiko batean ari delako, kasuko lanpostu hutsa ere deialdiaren 7.4 idatz-zatiak agintzen duen moduan beteko da.

9.7. Aurreko bi idatz-zatietan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Kontuan harturik Nafarroako Administrazio Publikoan sartzeko Erregelamenduaren 42. artikulua, Lehendakaritza, Justizia eta Barneko kontseilariaren abenduaren 31ko 814/2010 Foru Agindua (aldi baterako kontratazioa kudeatzeko arauak onesten dituena), 2009ko ekainaren 9ko Erabakia (horren bidez, Osasun Administrazioak eta sindikatuek Osasunbidea-Nafarroako Osasun Zerbitzuaren osasun zentro eta establezimenduetan aldi baterako kontratatzeko langileak hautatzeko moduari buruz izenpeturiko ituna onetsi zen. 2009ko 95. Nafarroako Aldizkari Ofizialean argitaratu zen, abuztuaren 3an) eta oinarri honetan ezarritako prozedura, hurrengo zerrendak eginen dira hautapen prozesuan parte hartu eta lanposturik lortu ez duten izangaiak aldi baterako kontratatzeko:

a) Gainditu arren lanposturik lortu ez duten izangaien zerrenda.

b) Administrazio Erroan aldi baterako kontratatuak izateko izangaien zerrenda.

c) Osasunbidea-Nafarroako Osasun Zerbitzuan aldi baterako kontratatuak izateko izangaien zerrenda.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatuak izateko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea bidali ondoren, Funtzio Publikoaren zuzendari nagusiak emandako ebazpenaren bidez, gainditu arren lanposturik lortu ez duten izangaien zerrenda eta probak gainditu arren lanposturik lortu ez duten izangaien zerrenda onetsiko dira, aplikatzen ahal diren kudeaketa arauen arabera.

Probak gainditu arren lanposturik lortu ez duten izangaien zerrenda honakoek osatuko dute:

a) Sartzeko deialdian aurkeztuta, prozesu osoa ez, baina proba batzuk gainditzen dituzten izangaiak.

b) Deialdiaren oinarrietan lehenengo probarako ezarritako gehieneko puntuazioaren gutxienez %30 lortzen duten izangaiak.

Zerrendak Nafarroako Gobernuaren iragarki oholean (Karlos III.aren etorbidea, 2 - ataria, Iruña) eta Nafarroako Gobernuaren www.navarra.es webgunean argitaratuko dira.

Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuari eta Nafarroako Mendekotasun Agentziari igorriko die probak gainditu arren lanposturik lortu ez duten izangaien zerrenda, aplikatzekoak diren arauei jarraikiz kudea dezaten.

Honako hau izanen da aldi baterako kontratazioen zerrendetako hurrenkera: probak gainditu arren lanposturik lortu ez dutenen kasuan, sarrerako hautaketa prozesuan lortutako puntuaziorik handienaren arabera, eta gainerako izangaien kasuan, hurrengo irizpideen eta aplikazio hurrenkeraren arabera:

a) Nork gainditu duen proba gehien.

b) Nork izan duen puntuaziorik altuena probetan.

Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzerakoan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; aldi baterako kontratazioa kudeatzeko arauak onesteko Lehendakaritza, Justizia eta Barneko kontseilariak abenduaren 31n eman zuen 814/2010 Foru Agindua; eta aplikatzekoak diren gainerako arauak.

Izangaiei deitzeko, Lehendakaritza, Justizia eta Barneko kontseilariak abenduaren 31n eman zuen 814/2010 Foru Aginduaren 9. artikuluan izangaien zerrendetako lehentasun hurrenkera finkatzeko araubide orokorraren salbuespenei buruz ezarritakoa hartuko da kontuan.

Kontratatzeko deitzen diren izangaiek bakarrik aurkeztu beharko dituzte 2.1. oinarrian tituluei buruz eskatzen zaiena betetzen dutela frogatzeko agiriak; hain zuzen ere kontratua formalizatzen den unean, jatorrizko agiriak edo behar bezala konpultsatutako kopiak aurkeztuz.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik ondorioztatutako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskabideak aurkezteko epea bukatzen den egunerako bete beharko dira beharkizunak eta, orobat, hautaprobak egin bitartean eta kontratazioaldiak iraun bitartean.

10.3. Osasunbidea-Nafarroako Osasun Zerbitzuan aldi baterako kontratatuak izateko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die sarrerako hautapen prozesuko ariketa guztiak gainditzen ez dituzten izangaien zerrenda, aldi baterako kontrataziorako izangaien zerrendak presta daitezen.

Osasunbidea-Nafarroako Osasun Zerbitzuan aldi baterako kontratatzeko zerrendak 2009ko ekainaren 9ko Erabakian xedatutakoaren arabera prestatuko dira eta hari jarraituz erabiliko dira, erabaki horren bidez onetsi baitzen Osasun Administrazioak eta sindikatuek sinatutako ituna Osasunbidea-Nafarroako Osasun Zerbitzuko zentro eta establezimenduetan aldi baterako langileak hautatzeko. Erabakia 2009ko 95. Nafarroako Aldizkari Ofizialean argitaratu zen, abuztuaren 3an.

Erabaki horretan xedatutakoaren arabera, oposizio bidezko deialdi honen emaitzetan oinarrituko dira aldi baterako kontratatzeko zerrendak, irizpide hauei jarraituz:

a) Deialdiko hautaprobak gainditu arren lanposturik lortzen ez duten izangaiek lehentasuna izanen dute aldi baterako kontrataziorako.

Izangai horiek, Langileriaren eta Lan Harremanen Zuzendariordetzari eskabidea igorrita, kontratazio zerrendetatik kentzeko eskatzen ahal dute, kontratazio zentro edo unitate batean edo gehiagotan.

b) Aurreko atalean adierazitako izangaien ondotik, oposizio bidezko deialdi honetan aurkeztu eta hura gainditu gabe hautaprobaren bat gainditzen duten izangaiak jarriko dira kontratazio zerrendetan. Halakoetan, hautaprobarik gehien gainditzen dituztenen zerrendak erabiliko dira lehenik, lortutako puntuazio osoaren araberako ordenari zorrotz jarraikiz. Izangaien zerrendaren lehentasuna ezartzeko, bi hauek batuko dira: gainditutako proben puntuazioa eta kasuan kasuko baremoarena. Baremoan izangaiak edozein administrazio publikotan izan duen esperientzia profesionala baizik ez da aintzat hartuko.

c) Oposiziora aurkeztu arren hautaproba bat bera ere gainditu ez duten izangaiak. Halakoetan, zerrendan sartu ahal izateko, proba gainditzeko eskatutako puntuazioaren %30 lortu beharko dute gutxienez. Proban lortutako puntuazioaren ordena zorrotzari jarraikiz osatuko da zerrenda. Izangaien zerrendaren lehentasuna ezartzeko, bi hauek batuko dira: egindako probaren puntuazioa eta baremoarena. Baremoan izangaiak edozein administrazio publikotan izan duen esperientzia profesionala baizik ez da aintzat hartuko.

b) eta c) letretan sartutako izangaiek honako dokumentazio hau aurkeztu beharko dute Osasunbidea-Nafarroako Osasun Zerbitzuaren Erregistroan (Irunlarrea kalea, 39, 31008 Iruña), hamabost egun balioduneko epean, hautaproben behin betiko emaitzak argitaratzen direnetik:

1. Edozein administrazio publikotan egindako zerbitzuen frogagiria. Kasuan kasuko deialdia argitaratu arte egindako zerbitzuak baloratuko dira. Horretarako, egindako azken deialdi publikoa baizik ez da kontuan hartuko.

2. III. eranskina (iraupen laburreko/luzeko kontratazioetarako zerrendetan sartzeko) betea eta sinatua.

Bi zerrenda eginen dira: bata, kontratu laburretarako, eta, bestea, luzeetarako.

-Iraupen luzeko kontratuetarako zerrenda.

Lanpostu hutsak bitarteko gisa betetzeko egiten diren kontratuak dira, baita plantillako langileentzat erreserbatutako lanpostuak betetzeko egiten direnak ere eta, oro har, sei hilabeteko edo gehiagoko beste edozein kontratazio.

-Iraupen laburreko kontratuetarako zerrenda.

Jardunean dauden plantillako langileak ordezteko xedea dute eta, oro har, hasierako aurreikuspenen arabera, sei hilabetetik beherako iraupena dutenak.

Kontratu luzeetarako zerrendak aldi baterako kontrataziorako izangai guztiekin eratuko dira Osasunbidea-Nafarroako Osasun Zerbitzuan, eta kontratu laburretarako zerrendak, berriz, III. eranskinean ageri dena beteta horixe eskatzen dutenekin.

Hautapen prozesu honetan parte hartu eta lanpostua eskuratzen duen lehen izangaia lanpostuaz jabetzen denean hartuko du indarra aurreko ataletan xedatutakoaren arabera osatutako zerrendak.

11.-Errekurtsoak.

Epaimahaiaren egintzen eta ebazpenen kontra gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2011ko otsailaren 16an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA

Hautaprobetan onartua izateko eskabidea

Deialdiaren datuak:

Sartzeko txanda:

Datu pertsonalak:

Aurkeztutako agiriak:

Ondoko hauen proba eskatzen du:

Sinatzaileak ESKAERA egiten du eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan agertzen diren datu guztiak egiazkoak direla, deialdiaren oinarrian eskatutako betebehar guztiak betetzen dituela eta datu horiek guztiak agirien bidez frogatzeko konpromisoa hartzen duela.

(Sinadura)

...........................(e)n, ...................(e)ko ........................aren ...........(e)(a)n

NAFARROAKO ADMINISTRAZIO PUBLIKOAREN INSTITUTUKO ZUZENDARI KUDEATZAILEA.

LEHENDAKARITZA, JUSTIZIA ETA BARNE DEPARTAMENTUA.

(*) Deialdiaren oinarrietan xedatutakoari jarraikiz.

II. ERANSKINA

Gai zerrenda

I. zatia: Nafarroako Foru Komunitateko Administrazioaren oinarrizko araudia.

1. gaia.-Espainiako 1978ko Konstituzioa: Printzipio orokorrak. Oinarrizko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Konstituzio Auzitegia: Osaera, izaera eta eskumenak.

2. gaia.-Europar Batasuna. Parlamentua. Kontseilu Europarra. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko antolamendu juridikoaren iturriak: jatorrizko zuzenbidea eta zuzenbide eratorria.

4. gaia.-Espainiako 1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Eginkizunak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza organoak. Erantzukizun politikoa, Parlamentuaren kontrola eta Parlamentuaren desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarrek Nafarroako Foru Komunitateko Administrazioarekiko harremanetan dituzten eskubideak. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Administrazio prozeduraren interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deuseztagarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-6/2006 Foru Legea, ekainaren 9koa, Kontratu Publikoei buruzkoa (I). Aplikazio eremua. Kontratistak: jarduteko gaitasuna eta lizitatzailearen kaudimen ekonomiko eta finantzarioa eta gaitasun tekniko edo profesionala izatea. 6/2006 Foru Legearen mendeko kontratuen definizioa. Administrazio publikoen kontratuen sailkapena. Araubide juridikoa.

12. gaia.-6/2006 Foru Legea, ekainaren 9koa, Kontratu Publikoei buruzkoa (II). Esleipenaren aurreko jarduketak: espediente motak eta tramitatzea. Administrazio klausulen eta agindu tekniko partikularren agiriak. Esleitzeko prozedurak eta irizpideak. Eskaintzak eta parte hartzeko eskabideak. Kontratazio mahaia.

13. gaia.-6/2006 Foru Legea, ekainaren 9koa, Kontratu Publikoei buruzkoa (III). Esleitzeko prozedurak. Publizitate arauak eta epeak. Kontratuen esleipena, betearaztea eta formalizazioa. Kontratuen exekuzioa: kontratuen epeak eta aldaketak betetzea. Kontratuen iraungipena eta baliogabetasuna.

14. gaia.-6/2006 Foru Legea, ekainaren 9koa, Kontratu Publikoei buruzkoa (IV). Obra kontratua: Proiektua. Osotasunaren gaineko prezioa duten obrak. Proiektuaren eta obraren baterako kontratazioa. Obra kontratuaren exekuzioa: zuinketaren egiaztapena eta ziurtagiriak egitea. Obra kontratuaren iraungipena: obren onarpena eta obra kontratuaren likidazioa.

15. gaia-Nafarroako administrazio publikoen zerbitzuko Langileen Estatutua (I). Langile motak. Funtzionario publikoak hautatzea. Funtzionario izaera eskuratzea eta galtzea. Mailak eta graduak. Administrazio karrera.

16. gaia-Nafarroako administrazio publikoen zerbitzuko Langileen Estatutua (II). Administrazio egoerak. Lanpostuak betetzea. Funtzionarioen eskubideak, betebeharrak eta bateraezintasunak. Oinarrizko ordainsari pertsonalak eta osagarriak.

17. gaia.-11/2007 Foru Legea, apirilaren 4koa, Nafarroako Foru Komunitateko Administrazioan administrazio elektronikoa ezartzeari buruzkoa. Xedapen orokorrak. Dokumentuen aurkezpena eta irteera: Erregistro Orokor Elektronikoa. Egintza administratiboak eta txostenak. Jakinarazpen administratibo elektronikoak. Sinadura elektronikoa. Espediente elektronikoak eta dokumentu elektronikoen artxiboa. Baliabide elektronikoen bidezko prozedura administratiboa, alderdi batek eskaturik. Ofizioz hasitako prozedurak. Kide anitzeko organoak. Interesdunen fakturak eta ordainketak. Jarduera administratiboaren publizitatea. Herritarren parte-hartzea. Administrazio elektronikoaren batzordea. Nafarroako Foru Komunitateko Administrazioaren eta haren erakunde publikoen zerbitzuko langileen hautaketa eta prestakuntza.

18. gaia.-21/2005 Foru Legea, abenduaren 29koa, politika publikoak eta zerbitzu publikoen kalitatea ebaluatzeari buruzkoa. Xedapen orokorrak. Politika publikoen ebaluazioa. Zerbitzuen kalitatearen ebaluazioa. Zerbitzuen gutunak. Kalitate sariak. Ebaluaziorako foru batzordea. Herritarren eskariaren azterketa eta haien gogobetetasun-maila. Kexak eta erreklamazioak.

19. gaia.-15/1999 Lege Organikoa, abenduaren 13koa, Datu Pertsonalak Babesteari buruzkoa. Xedapen orokorrak. Datuen babesaren printzipioak. Pertsonen eskubideak. Sektoreko xedapenak: titulartasun publikoko fitxategiak eta titulartasun pribatuko fitxategiak. Datuen nazioarteko mugimendua. Datuak Babesteko Agentzia. Arau-hausteak eta zehapenak.

II. zatia: Aplikatu beharreko berariazko arauak

1. gaia.-28/2007 Foru Dekretua, martxoaren 26koa, Nafarroako Foru Komunitatean Haur Hezkuntzako lehen zikloa arautzen duena eta hori ematen duten ikastetxeek bete beharreko baldintzak eta ziklo horren hezkuntza edukiak ezartzen dituena.

2. gaia.-132/2010 Errege Dekretua, otsailaren 12koa, Haur Hezkuntzako bigarren zikloko, Lehen Hezkuntzako eta Bigarren Hezkuntzako ikasketak ematen dituzten ikastetxeen gutxieneko baldintzak ezartzen dituena. (Gaur egun indargabetuta dagoen) ekainaren 14ko 1004/1991 Errege Dekretuaren garapen laburra, orientazio gisa.

3. gaia.-35/2002 Foru Legea, abenduaren 20koa, Lurraldearen Antolamenduari eta Hirigintzari buruzkoa (I). Lurzoruaren sailkapena, hiri lurzoruaren eta urbanizagarriaren araubidea, partzelazioak eta birpartzelazioak.

4. gaia.-35/2002 Foru Legea, abenduaren 20koa, Lurraldearen Antolamenduari eta Hirigintzari buruzkoa (II). Hirigintzako lizentziak: Kontzeptua. Lizentzia behar duten egintzak. Eskumena eta prozedura. Eraginkortasuna. Iraungipena.

5. gaia.-38/1999 Legea, azaroaren 5ekoa, Etxegintzaren Antolamenduari buruzkoa (I). Xedapen orokorrak. Eraikinaren betebehar tekniko eta administratiboak.

6. gaia.-38/1999 Legea, azaroaren 5ekoa, Etxegintzaren Antolamenduari buruzkoa (II). Eraikuntzaren agenteak. Erantzukizunak eta bermeak.

7. gaia.-11/2005 Foru Legea, azaroaren 9koa, Diru-laguntzei buruzkoa (I). Xedapen orokorrak: Aplikazio eremua: xedea, diru-laguntzaren kontzeptua. Diru-laguntza publikoei buruzko xedapen orokorrak: printzipio orokorrak, onuradunak, onuradunen betebeharrak, entitate kolaboratzaileak, lankidetza hitzarmena, entitate kolaboratzaileen betebeharrak, onuraduna edo entitate kolaboratzailea izateko baldintzak, diru-laguntzen emakida arautzen duten oinarriak, emandako diru-laguntzen publizitatea, diruz lagundutako jardueren finantzaketa.

8. gaia.-11/2005 Foru Legea, azaroaren 9koa, Diru-laguntzei buruzkoa (II). Diru-laguntzak emateko prozedurak: lehia bidezko emakida prozedura, diru-laguntzen emakida zuzeneko prozedura, diru-laguntzen kudeaketa eta justifikazioa.

9. gaia.-11/2005 Foru Legea, azaroaren 9koa, Diru-laguntzei buruzkoa (III). Diru-laguntzen ekonomia eta aurrekontu kudeaketa: deialdiak, diru-laguntzen emakida, ordainketa, diru-laguntzen aurrerakina. Diru-laguntzen itzulketa: itzultzeko arrazoiak. Organo kudeatzaileek diru-laguntzei egin beharreko jarraipena. Diru-laguntzen finantza kontrola. Arau-hausteak eta zehapenak.

10. gaia.-32/2006 Legea, Eraikuntza Sektoreko Azpikontratazioa arautzen duena (I). Legearen xedea eta aplikazio eremua. Kontratistei eta azpikontratistei eskatzen ahal zaizkien baldintzak. Azpikontratazioaren araubidea.

11. gaia.-32/2006 Legea, Eraikuntza Sektoreko Azpikontratazioa arautzen duena (II). Enpresa baimendunen erregistroa. Zaintzeko betebeharra eta hori ez betetzetik ondorioztatutako erantzukizunak.

12. gaia.-Prezioak berraztertzeari buruzko legedi berezia. Prezioen indizeak eta berraztertze moduluak. Formula polinomikoak.

13. gaia.-31/1995 Legea, Laneko Arriskuei Aurrea Hartzeari buruzkoa (I).. Xedea eta eremua. Langileen eta enpresen eskubide eta betebeharrak.

14. gaia.-31/1995 Legea, Laneko Arriskuei Aurrea Hartzeari buruzkoa (II). Prebentzio zerbitzuak. Erantzukizunak eta zehapenak.

15. gaia.-1627/1997 Errege Dekretua, urriaren 24koa. Eraikuntza lanetako segurtasuna eta osasuna (I). Xedapen orokorrak. Segurtasunaren eta osasunaren gaineko azterlanak. Laneko segurtasun eta osasun plana. Obraren exekuzioa egiten den bitartean, segurtasun eta osasun arloko koordinatzailearen betebeharrak.

16. gaia.-1627/1997 Errege Dekretua, urriaren 24koa. Eraikuntza lanetako segurtasuna eta osasuna (II). Gorabeheren liburua. Lanak etetea. Langileen eskubideak.

17. gaia.-773/1997 Errege Dekretua, maiatzaren 30ekoa. Segurtasun eta osasun arloetako gutxieneko xedapenak, langileek norbera babesteko ekipamenduak erabiltzeari buruzkoak.

18. gaia.-1215/1997 Errege Dekretua, uztailaren 18koa, eta 2177/2004 Errege Dekretua, azaroaren 12koa. Segurtasun eta osasun arloetako gutxieneko xedapenak, langileek laneko ekipamenduak erabiltzeari buruzkoak. 171/2004 Errege Dekretua, urtarrilaren 30ekoa, Enpresa Jardueren Koordinazioari buruzko.

19. gaia.-38/2009 Foru Dekretua, apirilaren 20koa, kirol instalazio eta ekipamenduen oinarrizko betebeharrak eta segurtasun neurriak arautzen dituena. Xedapen orokorrak: xedea eta eremua. Kirol instalazioen eta ekipamenduen oinarrizko betebeharrak: kirol espazioak, kirol ekipamenduak, mantentze-lanak eta informazioa. Nafarroako Kirol Instalazioen eta Ekipamenduen Segurtasunerako Batzordea: izaera, xedeak eta eginkizunak, araubide juridikoa eta funtzionamendua, osaera eta baliabideak.

20. gaia.-14/2005 Foru Legea, azaroaren 22koa, Nafarroako Kultur Ondareari buruzkoa. Xedapen orokorrak. Ondasunen sailkapena. Ondasun higiezinen babesa.

21. gaia.-2/1995 Foru Legea, martxoaren 10ekoa, Nafarroako Toki Ogasunei buruzkoa. Urbanizazio kuotak. Lur-ondasunen gaineko kontribuzioa. Hirilurren balio igoeraren gaineko zerga.

22. gaia.-14/2007 Foru Legea, apirilaren 4koa, Nafarroako Ondareari buruzkoa (I). I. titulua. Nafarroako ondarea eta haren sailkapena. Eskumenak. Administrazio eraikinen kudeaketa planak eta optimizazio planak.

23. gaia.-14/2007 Foru Legea, apirilaren 4koa, Nafarroako Ondareari buruzkoa (II). II. titulua. Ondasunak eta eskubideak eskuratzea. Nahitaezko desjabetzearen bidez eskuratzea. Ondasun higiezinen eta higiezinen gaineko eskubideen kostu bidezko eskuratzea. Ondasun higiezinen errentamendua.

24. gaia.-14/2007 Foru Legea, apirilaren 4koa, Nafarroako Ondareari buruzkoa (III). III. titulua. "Besterentzea eta lagapena". Ondasun higiezinak eta higiezinen gaineko eskubideak besterentzeko moduak. Ondasun higiezinak eta higiezinen gaineko eskubideak besterentzeko prozedura. Ondasun higiezinak eta higiezinen gaineko eskubideak doan lagatzea.

25. gaia.-14/2007 Foru Legea, apirilaren 4koa, Nafarroako Ondareari buruzkoa (IV). IV. titulua. "Ondarearen babesa eta defentsa": Ondasun eta Eskubideen Inbentario Orokorra. Edukia. Inbentarioa osatzea eta eguneratzea. V. titulua. "Ukipena, aldaketa demaniala eta atxikipena": Ondasun eta eskubide demanialak Foru Komunitateko Administrazioko departamentuei eta erakunde publikoei atxikitzea. Ondasunak eta eskubideak Parlamentuko erakundeei eta beste entitate batzuei atxikitzea. Beste administrazio publiko batzuei atxikitzea.

26. gaia.-502/2003 Foru Dekretua, abuztuaren 25ekoa, Nafarroako Turismo Erregistroaren antolamendua eta funtzionamendua arautzen duena. Izaera juridikoa, inskripzioa nahitaez egin beharra, atxikipena, antolaketa eta publizitatea, prozedura, errekurtsoak eta zehapen araubidea. Vianako Printzea Erakundea-Kultura eta Turismoko kontseilariak ekainaren 18an emandako 190/2004 Foru Agindua, turismoko establezimendu, enpresa eta entitateak Nafarroako Turismo Erregistroan inskribatzeko prozedura arautzen duena. Xedea, inskripzioaren nahitaezkotasuna, erregistroaren antolaketa, erregistroaren funtzionamendua: idazpen motak, erregistroan inskribatzeko prozedura: orokorra eta erraztua. Aldaketak.

27. gaia.-243/1999 Foru Dekretua, ekainaren 28koa, Landa-etxeetan Ostatatzea arautzen duena. Xedea, landa-etxeak hartzen dituzten eraikinen ezaugarriak, ostatu motak, sailkapena, publizitatea, erantzukizun zibileko asegurua, eta gutxieneko instalazioak eta zerbitzuak. Etxe osoko landa-etxeak eta logelakako landa-etxeak: ostatuarekin batera ematen diren zerbitzuak eta zerbitzu osagarriak. Arau orokorrak: izaera publikoa, egonaldia, emandako zerbitzuak, prezioak, funtzionamendu arauak. Prozedura: baimenaren eskaera, Industria, Merkataritza, Turismo eta Lan Departamenturako jakinarazpenak.

28. gaia.-140/2005 Foru Dekretua, abenduaren 5ekoa, Nafarroako Turismoko Aterpetxeak Antolatzeko Erregelamendua onesten duena. Xedea, sailkapena, plaka bereizgarria, publizitatea. Nafarroako Turismo Erregistroan inskribatzea. Gutxieneko betekizun eta baldintzak: sektoreko araudia eta gutxieneko instalazioak eta zerbitzuak, logelak, eskailerak eta korridoreak, langileentzako instalazioak, segurtasun neurriak, jantoki zerbitzua.

29. gaia.-146/2005 Foru Dekretua, abenduaren 26koa, Nafarroako Foru Komunitateko ostatu establezimenduak antolatzeko Erregelamendua onesten duena. Xedea, ostalaritza establezimenduen motak: Hotelak, landako hotelak, apartamentukako hotelak, ostatuak eta pentsioak. Kategoriak, plaka bereizgarria, publizitatea. Nafarroako Turismo Erregistroan inskribatzea. Ostalaritza establezimendu guztien betekizun teknikoak eta baldintzak: sektoreko araudia, logela irisgarriak, kalitate baldintzak, logelen identifikazioa, argiztapena eta aireztapena, logelen ekipamendua, bainugelak, garbiketa zerbitzua eta material sanitarioa.

30. gaia.-24/2009 Foru Dekretua, martxoaren 30ekoa, Nafarroako Foru Komunitateko turismoko kanpalekuen antolamenduari buruzko erregelamendua onesten duena. Xedea eta aplikazio eremua. Kanpalekuak ezartzeko lurzoruak. Jardueren araubidea eta baldintzak. Ingurumenera egokitzeko baldintza eta betebeharrak. Baimenaren prozedura eta espedientearen edukia. Sailkapena, plaka bereizgarria, publizitatea. Nafarroako Turismo Erregistroan inskribatzea. Betekizun tekniko orokorrak: sektoreko araudia, lurzatiak, ostaturako instalazio finkoak, askotariko logelak, zerbitzu higienikoak, material sanitarioa.

31. gaia.-8/2005 Foru Legea, uztailaren 1ekoa, Nafarroako Babes Zibilari eta Larrialdien Kudeaketari buruzkoa: II. titulua: Larrialdi kolektiboko egoeretako babes zibila. III. titulua: Larrialdietako jardunbidea. IV. titulua: Aurrea hartze, su itzaltze eta salbamendu zerbitzuak.

32. gaia.-314/2006 Errege Dekretua, martxoaren 17koa, Etxegintzaren Kode Teknikoa onesten duena. I. zatia: Xedapen orokorrak. Baldintza tekniko eta administratiboak. Oinarrizko eskakizunak.

33. gaia.-314/2006 Errege Dekretua, martxoaren 17koa, Etxegintzaren Kode Teknikoa onesten duena. Suteetarako oinarrizko segurtasun agiria (DB-SI) (I): Sarrera. SI 1-Sua barnetik zabaltzea. SI 2-Sua kanpotik zabaltzea.

34. gaia.-314/2006 Errege Dekretua, martxoaren 17koa, Etxegintzaren Kode Teknikoa onesten duena. Suteetarako oinarrizko segurtasun agiria (DB-SI) (II): SI 3-Okupatzaileak ateratzea.

35. gaia.-314/2006 Errege Dekretua, martxoaren 17koa, Etxegintzaren Kode Teknikoa onesten duena. Suteetarako oinarrizko segurtasun agiria (DB-SI) (III): SI 4-Suteen kontra babesteko instalazioak. SI 5-Suhiltzaileen esku-hartzea. SI 6-Egituraren sutarako erresistentzia.

36. gaia.-314/2006 Errege Dekretua, martxoaren 17koa, Etxegintzaren Kode Teknikoa onesten duena. Erabilerari eta irisgarritasunari buruzko oinarrizko segurtasun agiria (DB-SUA): SUA 1-Erortzeko arriskuaren aurreko segurtasuna. SUA 2-Talka egiteko edo atzituta egoteko arriskuaren aurreko segurtasuna. SUA 9-Irisgarritasuna.

37. gaia.-312/2005 Errege Dekretua, martxoaren 18koa, honek aldatutakoa: 110/2008 Errege Dekretua, otsailaren 1ekoa, suarekiko erreakzioan eta erresistentzian dituzten ezaugarrien arabera eraikuntza produktuen eta elementuen sailkapena onetsi duena. I. eranskina. Eraikuntza produktuak suarekiko erreakzioan dituzten ezaugarrien arabera sailkatzea. II. eranskina. Estalkiak eta estalkien estaldurak kanpoko suarekiko erreakzioaren arabera sailkatzea. III. eranskina. Eraikuntza elementuak eta produktuak suarekiko erresistentzian dituzten ezaugarrien arabera sailkatzea. IV. eranskina. Suarekiko erreakzioari buruzko erregelamendu eskakizunetarako egokitzapena. V. eranskina. Suarekiko erresistentziari buruzko erregelamendu eskakizunetarako egokitzapena.

III. zatia: Gai teknikoak

1. gaia.-Obra baten antolaketa. Antolaketa motak. Denboraren eta kostuen kontrola. Gantt-en diagrama - Obraren exekuzio plana. Aurreikuspenak betetzeko probabilitateak.

2. gaia.-Lur erauzketak eta indusketak zimentazioak egiteko. Motak. Obra horien kontrola eta ikuskapena. Eremuko eta laborategiko saiakuntzak lurzoruen mekanikan. Neurketa eta balorazioa.

3. gaia.-Egiturak. Motak. Hormigoi armatuzko egiturak: obra horien kontrola eta ikuskapena, araudia, neurketa eta balorazioa.

4. gaia.-Zur zerratuzko egiturak. Ezaugarriak: neurriak eta tolerantziak, hezetasun edukia, sailkapena. Kalkuluko faktoreak. Erantzuna suaren aurrean: erregaitasuna, eta suarekiko erreakzioa eta erresistentzia. Prebentziozko babesa.

5. gaia.-Estalkiak. Eskakizunak edo eskatzen ahal diren eginkizunak. Motak eta osagaiak: estalki lauak eta inklinatuak. Kontrola eta ikuskapena. Araudia. Neurketa eta balorazioa.

6. gaia.-Fatxaden itxierak eta trenkada multzoak. Eskakizunak edo eskatzen ahal diren eginkizunak. Motak eta osagaiak. Kontrola eta ikuskapena. Araudia. Neurketa eta balorazioa.

7. gaia.-Barne estaldurak. Motak. Kontrola eta ikuskapena. Araudia. Neurketa eta balorazioa.

8. gaia.-Isolamendu termiko eta akustikoa etxebizitza eraikinetan. Araudia. Bete beharreko baldintzak. Kontrola eta ikuskapena.

9. gaia.-Kanpoko arotz lanak. Motak. Obra horien kontrola eta ikuskapena. Araudia. Neurketa eta balorazioa.

10. gaia.-Barneko arotz lanak. Motak. Obra horien kontrola eta ikuskapena. Araudia. Neurketa eta balorazioa.

11. gaia.-Iturgintza eta saneamendu instalazioak. Motak. Obra horien kontrola eta ikuskapena. Araudia. Neurketa eta balorazioa.

12. gaia.-Berokuntza eta ur beroko instalazioak. Motak. Obra horien kontrola eta ikuskapena. Araudia. Neurketa eta balorazioa.

13. gaia.-Argindar eta igogailuko instalazioak. Motak. Araudia. Kontrola eta ikuskapena. Instalazioen segurtasuna.

14. gaia.-Aldamioak, eskoraketak eta apeamenduak. Motak. Araudia. Kontrola eta ikuskapena. Segurtasun neurriak.

15. gaia.-Hezetasunak eraikinetan: motak, jatorria, ondorioak eta atzemateko modua. Jarduteko proposamenak.

16. gaia.-Eraikin historikoen zainketa eta mantentze-lanak. Kontzeptua. Parte hartzen duten eragileak. Kategoriak. Eginkizunen identifikazioa. Mantentze programak: osagaiak. Aplikatzekoak diren arauak.

17. gaia.-Zurezko egituren diagnostikoa. Helburuak. Aldez aurreko informazioa, egiturazko elementuen ikuskapena, prospekzioak, egituraren egiaztapena.

18. gaia.-Adreiluzko fabriken hondamena: motak eta arrazoiak. Materialak, ura, eragile biologikoak, atmosferaren kutsadura, tentsioen pilaketa, azaleko ur-biltegiak, gizakien eragina.

19. gaia.-Harrizko fabrikaren hondamena: motak eta arrazoiak. Alterazio motak. Alterazio eragile eta mekanismoak: ura, atmosferaren kutsatzaileak, gatz disolbagarriak, organismo bizidunak, bestelakoak.

20. gaia.-Kare estaldurak. Materialak: karea, harea, ura, gehigarriak. Teknikak: dosifikazioa eta exekuzioa. Zarpiatuak, emokadurak eta iztukuak.

21. gaia.-Azaleren neurketa eraikuntzetan. Azalera erabilgarri itxia. Azalera irekiak, azalera erabilgarrian sartzea. Azalera eraiki pribatua, azalera erabilgarri itxiarekin duen zerikusia. Elementu komunen azalera. Elementu komunekin eraikitako azalera, azalera erabilgarri itxiarekin duen zerikusia. Elementu komunetan izaten den partaidetza koefizientea.

22. gaia.-Ondasun higiezinen balio, prezio eta kostuei buruzko ezagutza (I). 2/2008 Errege Dekretua, ekainaren 20koa, Lurzoruaren Legeari buruzko testu bategina onesten duena. III. titulua. 22. artikulua. ECO/805/2003 AGINDUA, martxoaren 27koa, ondasun higiezinak eta zenbait eskubide finantza helburu batzuetarako baloratzeko arauei buruzkoa. II. titulua. I. kapitulua.

23. gaia.-Ondasun higiezinen balio, prezio eta kostuei buruzko ezagutza (II). Eraikinen eraikuntzako edo antzinatasunaren ondoriozko balio-galera. ECO/805/2003 Agindua, martxoaren 27koa, ondasun higiezinak eta zenbait eskubide finantza helburu batzuetarako baloratzeko arauei buruzkoa. 19. artikulua. Birjarpen balio garbia kalkulatzeko prozedura. 20/2010 Foru Agindua, otsailaren 22koa, Ekonomia eta Ogasuneko kontseilariak emana. Balorazioko arau tekniko orokorrak. 8. araua. 172/2010 Ebazpena, otsailaren 22koa, Nafarroako Zerga Ogasuneko zuzendari kudeatzaileak emana, Nafarroako Lurralde Aberastasunaren Erregistroan inskribatu beharreko ondasun higiezinak baloratzeko parametro orokorrak onesten dituena. Eranskina. IV. kapitulua. 8. arauari dagozkion parametroak.

24. gaia.-Neurketak eta aurrekontuak. Exekuzio materialaren aurrekontua. Kontrataren aurrekontua. Aurrekontu osoa.

Oharra: Gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarra duen legeriarekin.

Iragarkiaren kodea: F1102914