1. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
12/2011 FORU DEKRETUA, otsailaren 21ekoa, martxoaren 19ko 21/2007 Foru Dekretua aldatzen duena. Foru dekretu horren bidez, Hezkuntzari buruzko maiatzaren 3ko 2/2006 Lege Organikoak arautzen dituen musikako lanbide ikasketen curriculuma ezarri zen Nafarroako Foru Komunitatean.
Martxoaren 19ko 21/2007 Foru Dekretuak Hezkuntzari buruzko maiatzaren 3ko 2/2006 Lege Organikoak arautzen dituen musikako lanbide ikasketen curriculuma ezarri eta arautzen du Nafarroako Foru Komunitatean.
Europako Goi Mailako Hezkuntzaren Esparruaren araudia goi mailako ikasketa guztietan aplikatzen denez, eta kontuan harturik ikasturtea eta sarrera proben deialdiak berrantolatu direla, beharrezkoa da musikako irakaskuntza profesionalen proba bereziak egiteko egunak aldatzea, ikasketen egutegia hezkuntza arloko araudi berriarekin koordinatu eta egokitzeko.
Horregatik guztiagatik, Hezkuntzako kontseilariak proposaturik, Nafarroako Eskola Kontseiluaren aginduzko txostena ikusirik eta Nafarroako Gobernuak bi mila eta hamaikako otsailaren hogeita batean egindako bilkuran hartutako erabakiarekin bat,
DEKRETATU DUT:
Artikulu bakarra.-Martxoaren 19ko 21/2007 Foru Dekretua aldatzea. Foru dekretu horren bidez, Hezkuntzari buruzko maiatzaren 3ko 2/2006 Lege Organikoak araututako musikako lanbide ikasketen curriculuma ezarri zen Nafarroako Foru Komunitatean.
Hezkuntzari buruzko maiatzaren 3ko 2/2006 Lege Organikoak araututako musikako lanbide ikasketen curriculuma Nafarroako Foru Komunitatean ezarrri zuen martxoaren 19ko 21/2007 Foru Dekretuaren 11. artikuluaren 6. idatz-zatia aldatzea, honela idatzita geldituko baita:
"6. Hezkuntza Departamentuak behar diren arauak emanen ditu ikastetxeek proba bereziak antola ditzaten, irakasgairen batean ebaluazio negatiboa jaso duten ikasleek irakasgaia gainditu ahal izateko."
AZKEN XEDAPENAK
Azken xedapen bakarra.-Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2011ko otsailaren 21ean.-Nafarroako Gobernuko lehendakaria, Miguel Sanz Sesma.-Hezkuntzako kontseilaria, Alberto Catalán Higueras.
Iragarkiaren kodea: F1103283
