34. ALDIZKARIA - 2011ko otsailaren 18a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

19/2011 EBAZPENA, otsailaren 3koa, Lanbide Heziketaren eta Unibertsitateen zuzendari nagusiak emana, merezimendu lehiaketa bidez, Nafarroako Gobernuko Hezkuntza Departamentuaren mendeko Lanbide Heziketako Ikastetxe Bateratuetako zuzendariak hautatzeko deialdia onesten duena.

Kualifikazioei eta Lanbide Heziketari buruzko ekainaren 19ko 5/2002 Lege Organikoak 11.5 artikuluan ezartzen du administrazio eskudunak izendapen askeko prozeduraren bidez izendatuko dituela hezkuntza administrazioen titulartasunpean dauden lanbide heziketako ikastetxe bateratuetako zuzendariak, irakasle funtzionario publikoen artetik, merezimendu, gaitasun eta publikotasunaren printzipioen arabera, aurretik ikastetxeko kide anitzeko organoei kontsulta eginda.

Bat heldu da horrekin Nafarroako Foru Komunitateko Lanbide Heziketako Ikastetxe Bateratuak arautzen dituen irailaren 4ko 63/2004 Foru Dekretuaren 10.2 artikulua.

Hezkuntzako kontseilariak abenduaren 1ean emandako 198/2010 Foru Aginduaren bidez, Hezkuntza Departamentuaren mendeko ikastetxe bateratu publikoak izendatu ziren eta Nafarroako ikastetxe bateratu publikoen sarea sortu zen. Zehazki, foru agindu horren bigarren puntuan, honako ikastetxe hauek izendatzen dira Nafarroako Foru Komunitateko Administrazioaren Hezkuntza Departamentuaren mendeko ikastetxe bateratu publiko: "Donapea" Ikastetxe Bateratu Politeknikoa, "Virgen del Camino" Ikastetxe Bateratu Politeknikoa, "ETI" Ikastetxe Bateratu Politeknikoa, Lizarrako Ikastetxe Bateratu Politeknikoa, Tafallako Ikastetxe Bateratu Politeknikoa, Goi Mailako Lanbide Heziketako Energia Berriztagarrien Ikastetxe Bateratua, "Agroforestal" Ikastetxe Bateratua, "Sanitaria" Ikastetxe Bateratua, María Ana Sanz" Ikastetxe Bateratua Administrazioan, Merkataritzan eta Informatikan.

Berriki, Tuterako "ETI" eta Iruñeko "Virgen del Camino" lanbide heziketako ikastetxe bateratuetako zuzendariak eta Goi Mailako Lanbide Heziketako Energia Berriztagarrien Imarkoaingo Ikastetxe Bateratuko zuzendaria hautatu eta izendatu dira, Lanbide Heziketaren eta Unibertsitateen zuzendari nagusiak martxoaren 4an emandako 64/2010 Ebazpenaren bidez araututako prozedura erabiliz, izan ere, ebazpen horrek Nafarroako Gobernuko Hezkuntza Departamentuaren mendeko lanbide heziketako ikastetxe bateratuetako zuzendariak merezimendu lehiaketa bidez hautatzeko deialdia onetsi zuen. Hori horrela, bidezkoa da orain abenduaren 1eko 198/2010 Foru Aginduaren 2. artikuluan aipatutako gainerako ikastetxe bateratuetako zuzendariak hautatu eta izendatzea, irailaren 4ko 63/2006 Foru Dekretuan ezarritako moduan eta baldintzetan.

Horrenbestez, Hezkuntza Departamentuaren egitura organikoa ezartzen duen irailaren 3ko 122/2007 Foru Dekretuaren 32. artikuluaren bidez Lanbide Heziketaren eta Unibertsitateen zuzendari nagusiari esleitutako eginkizunak eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluan eskuordetutako ahalmenak direla medio,

EBATZI DUT:

1. Ikastetxe hauetako zuzendari karguak merezimendu lehiaketa bidez betetzeko deialdia onestea: Lizarrako Ikastetxe Bateratu Politeknikoa, Tafallako Ikastetxe Bateratu Politeknikoa, "Agroforestal" Ikastetxe Bateratua, "Sanitaria" Ikastetxe Bateratua, "Donapea" Ikastetxe Bateratu Politeknikoa eta María Ana Sanz" Ikastetxe Bateratua Administrazioan, Merkataritzan eta Informatikan. Deialdiaren oinarriak ebazpen honen 1. eranskinean jaso dira.

2. Ebazpen hau eta eranskinak igortzea Lanbide Heziketaren Zerbitzura, Hezkuntzako Ikuskapen Zerbitzura, Giza Baliabideen Zerbitzura, Langileriaren Kudeaketarako Atalera eta Argibide eta Agiri Bulegora, behar diren ondorioak izan ditzaten.

3. Ebazpen hau eta eranskina Nafarroako Aldizkari Ofizialean argitaratzea.

4. Deialdi honen eta dagozkion oinarrien aurka gora jotzeko errekurtsoa jartzen ahal da, Hezkuntzako kontseilariari zuzendua, Nafarroako Aldizkari Ofizialean argitaratu eta biharamunetik hasita hilabeteko epean.

Iruñean, 2011ko otsailaren 3an.-Lanbide Heziketaren eta Unibertsitateen zuzendari nagusia, Pedro González Felipe.

1. ERANSKINA

Deialdiaren oinarriak

Lehena.-Deialdiaren xedea.

1.1. Ikastetxe hauetako zuzendariak merezimendu lehiaketa bidez hautatu eta izendatzea, kasuan kasuko ikastetxean ematen diren zikloetako batean irakasteko gaitasuna duten karrerako irakasleen artean: Lizarrako Ikastetxe Bateratu Politeknikoa, Tafallako Ikastetxe Bateratu Politeknikoa, Goi Mailako Lanbide Heziketako Energia Berriztagarrien Ikastetxe Bateratua, "Agroforestal" Ikastetxe Bateratua, "Sanitaria" Ikastetxe Bateratua, "Donapea" Ikastetxe Bateratu Politeknikoa eta María Ana Sanz" Ikastetxe Bateratua Administrazioan, Merkataritzan eta Informatikan.

1.2. Merezimendu, gaitasun eta publikotasunaren printzipioei jarraikiz eginen da hautaketa.

Bigarrena.-Aplikatu beharreko arauak.

Kualifikazioei eta Lanbide Heziketari buruzko ekainaren 19ko 5/2002 Lege Organikoaren 11. artikuluan xedatuaren arabera ebatziko da merezimendu lehiaketa, baita Nafarroako Foru Komunitateko Lanbide Heziketako Ikastetxe Bateratuak arautzen dituen irailaren 4ko 63/2006 Foru Dekretuaren 10. artikuluan eta hura garatzen duten arauei jarraituz ere.

Hirugarrena.-Zuzendaritzan aritzeko baldintzak.

3.1. Deialdi honen ondoriozko zuzendarien kargualdia lau urtekoa izanen da.

3.2. Ikastetxeetako zuzendariek irailaren 4ko 63/2006 Foru Dekretuaren 10.3 artikuluan zehaztutako eginkizunak beteko dituzte, hartan arautzen baitira Nafarroako Foru Komunitateko Lanbide Heziketako ikastetxe bateratuak.

3.3. Ebazpen honen bidez onetsitako deialdia baliatuz kargua eskuratzen duten funtzionarioek unean uneko xedapen indardunen arabera dagozkien lansariak jasoko dituzte.

Laugarrena.-Hautagaiek bete beharreko baldintzak.

Ebazpen honen xedeko lanpostuak betetzeko lehiatzen direnek, eskaerak aurkezteko epea bukatzen den egunean eta izendatzeko unean ere, baldintza hauek bete beharko dituzte:

a) Organikoki Hezkuntza Departamentuaren mende diren irakasle funtzionarioen kidegoetako batekoak izan beharko dute, eta gutxienez bost urteko antzinatasuna izan karrerako funtzionario gisa irakaskuntzaren funtzio publikoan.

b) Karrerako funtzionario gisa zuzeneko irakaslana egin izana, bi urtez bederen, Nafarroako Lanbide Heziketako ikastetxe publiko batean.

c) Hautagaiak aukeratu nahi duen ikastetxean irakastorduak eduki ahal izateko beharrezkoa den gaitasuna edo espezialitatea izan beharko du, ikastetxeko plantilla organikoan ageri denaren arabera.

d) Zuzendaritza proiektu bat aurkeztea, 1A eranskinean ezartzen diren ezaugarrien araberakoa. Proiektuan, orobat, zuzendaritza taldea osatuko duten gainerako gobernu organoak betetzeko proposatzen diren pertsonen izenak eta abizenak zehaztu beharko dira, ebazpen honen 12.5 oinarrian xedatutakoari jarraikiz. Proiektuarekin batera, kargua onartzeko egiaztagiria aurkeztu beharko da, interesdunek sinatua, 1 B eranskineko ereduaren araberakoa.

Bosgarrena.-Eskaerak aurkezteko epea eta tokia.

5.1. Eskaera, ebazpen honen 1C eranskinean azaltzen den ereduaren araberakoa, eskabide orokor baten bidez eginen da, Lanbide Heziketaren eta Unibertsitateen zuzendari nagusiari zuzenduta.

Eskabidea Hezkuntza Departamentuko Erregistro Bulegoan (Santo Domingo aldapa, 8, 31001, Iruña) edo Nafarroako Gobernuko Erregistro Orokorrean aurkeztuko da, edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legearen 38.4 artikuluan aipatzen diren bulegoetatik edozeinetan, edo Nafarroako Foru Komunitateko Administrazioaren Erregistro Orokor Elektronikoaren bidez, ekainaren 23ko 70/2008 Foru Dekretuak ezartzen duen bezala.

5.2. Eskabidearekin batera alegatutako merezimenduak frogatzen dituen dokumentazioa aurkeztuko da, behar bezala konpultsatua, baita zuzendaritza proiektuaren ale inprimatu bat eta dagokion artxiboa ere euskarri elektronikoan.

Horren ondorietarako, Hezkuntza Administrazioan betetako postuak, ikastetxe publikoetan egindako zerbitzuak eta zuzendaritza karguetakoak zerbitzu orri baten bidez egiaztatuko dira. Giza Baliabideen Zerbitzuak ofizioz erantsiko du zerbitzu-orri hori.

5.3. Hautagaiak zein ikastetxe nahi duen zehaztu beharko du eskaeran; zilegi da eskaera ikastetxe bakar baterako egitea.

5.4. Ikastetxe bereko irakasleek aurkezten dituzten zuzendaritzarako kandidaturek lehentasuna izanen dute gainerakoen aldean. Ikastetxe bereko hautagairik ez bada, edo horrelakorik hautatu ez bada, destinoa beste ikastetxe batzuetan dituzten irakasleen kandidaturak hartuko dira kontuan.

5.5. Eskaerak 15 egun naturaleko epean aurkeztuko dira, ebazpen hau Nafarroako Aldizkari Ofizialean argitaratu eta biharamunetik hasita.

5.6. Ebazpen honen bidez deitutako hautapen prozeduretan parte hartzen dutenek 2011ko irailean berreskuratzen ahalko dute aurkeztu zuten dokumentazioa, Hezkuntza Departamentuko Argibide eta Agiri Bulegoan.

Seigarrena. Onartuen behin-behineko zerrenda, erreklamazioak eta behin betiko zerrenda.

6.1. Eskaerak aurkezteko epea bukaturik, eta hautagaiek deialdian eskatutako baldintzak betetzen dituztela egiaztaturik, Lanbide Heziketaren Zerbitzuak onartu eta baztertuen behin-behineko zerrenda onetsiko du eta Lanbide Heziketaren eta Unibertsitateen zuzendari nagusiari igorriko dio, hark onets dezan eta Nafarroako Gobernuaren Zerbitzuen Katalogoan argitara dezan. Bazterturik bada, horren arrazoiak adieraziko dira.

6.2. Argitaratu eta biharamunetik aitzina, hiru egun balioduneko epean, baztertuek idatzizko erreklamazioak aurkezten ahal dituzte eta, haiek baztertzera eraman duten akatsak badaude, zuzendu. Erreklamazio horiek Lanbide Heziketaren eta Unibertsitateen zuzendari nagusiari zuzenduko zaizkio.

6.3. Erreklamazioak egiteko epea, aurreko atalean aipatua, bukatu eta biharamunetik laugarren egun baliodunean proposatuko da onartu eta baztertuen behin betiko zerrenda, ebazpen bidez onets dadin. Ikastetxera igorriko da eta Nafarroako Gobernuaren Katalogoen Zerbitzuan argitaratuko.

6.4. Aurreko atalean aipatzen den ebazpenaren aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.

Zazpigarrena.-Hautapen batzordea.

7.1. Hautapen batzorde bat eratuko da ikastetxe bakoitzeko, kide hauek izanen dituena:

A) Hezkuntza Departamentuaren ordezkariak.

a) Lanbide Heziketaren Zerbitzuko zuzendaria edo hark izendatzen duen pertsona, batzordeburu arituko dena.

b) Lanbide Heziketaren Zerbitzuari atxikitako funtzionario bat. Lanbide Heziketaren Zerbitzuak funtzionario bat izendatuko du deialdiaren xedeko ikastetxean behin betiko destinoa ez dutenen artetik. Funtzionario hori idazkari gisa arituko da.

c) Hezkuntza Departamentuko ikuskatzaile bat, Hezkuntzako Ikuskapen Zerbitzuak izendatua.

B) Ikastetxearen eta Nafarroako ikastetxe bateratuen sare publikoaren ordezkariak.

a) Nafarroako Foru Komunitatean dauden ikastetxe bateratuetako zuzendari bat, Hezkuntza Departamentuan eginen den zozketa publikoaren bidez hautatua. Ebazpen honen bidez araututako prozedura bitartean karguan ari diren zuzendariak ez dira beren ikastetxerako eginen den zozketan sartuko.

b) Klaustroaren bi ordezkari. Funtzionario horiek ezin izanen dira hautagai izan, ez eta proposatzen diren zuzendaritza taldeko kide ere, eta Klaustroak aukeratuko ditu berariaz eginen den bilkura berezi batean, non onartzen diren kandidaturak jakitera emanen diren.

7.2. Klaustroaren bi ordezkariei dagokienez, jarraibide hauek hartuko dira kontuan:

-Klaustroko kide guztiak izanen dira hautesle eta hautagarri, salbu eta zuzendaritzarako hautagaiak eta aurkezten diren kandidaturetako zuzendaritza taldeetan aritzeko proposatzen diren pertsonak.

-Bozketa egitean, boto paper bakoitzean bi izen jarriko dira gehienez.

-Boto gehien lortzen duten bi pertsonak irakasleen ordezkariak izanen dira hautapen batzordean, eta haien atzetik boto gehien lortzen duten hurrengo bi pertsonak, berriz, ordezkoak, edozein batzordekide titular ordezteko, bakoitzak lortutako boto kopuruaren araberako hurrenkeran.

-Klaustroaren bilkura berezian zuzendaritzarako hautagaiek beren zuzendaritza proiektuaren funtsezko alderdiak azalduko dituzte. Azalpen horrek informatzeko baino ez du balioko, eta ez da eztabaidarik izanen hautagaien eta klaustroaren artean. Bi kandidatura edo gehiago izanez gero, zozketa eginen da hautagaiek jarduteko ordena finkatzeko.

-Hautagaiek zuzendaritza proiektu osoa edo zati bat bana dezakete klaustroko kideen artean.

-Ikastetxe bateko zuzendaria lanpostu horrexetarako hautagai izateko aurkezten baldin bada, oinarri honetan aipatutako bilkura bereziko burua izanen da ikastetxean antzinatasunik handiena izan eta kandidatura bakar batean ez dagoen irakaslea.

7.3. Hautapen batzordeak osatzen dituzten pertsonen izendapena Lanbide Heziketaren eta Unibertsitateen zuzendari nagusiaren ebazpen bidez eginen da, ikastetxeetako zuzendariek jakinarazi ondoren klaustroak aukeratutako ordezkariak. Ebazpen hori Nafarroako Gobernuaren Zerbitzuen Katalogoan argitaratuko da.

7.4. Hautapen batzordea eratu eta jardun ahal izateko, beharrezkoa izanen da gutxienez hiru kide izatea, eta horien artean batzordeburua eta idazkaria izan beharko dira.

7.5. Batzordeak eginkizun hauek izanen ditu:

a) Hautagaiek aurkezten dituzten merezimenduak barematzea.

b) Hautagaiei dei egitea zuzendaritza proiektuen defentsa egitera.

c) Aurkezten diren kandidaturen zuzendaritza proiektuak baloratzea.

d) Hautagaien puntuazio zerrenda ikastetxean eta Nafarroako Gobernuaren Zerbitzuen Katalogoan argitaratzea. Zerrenda horretan hautagai bakoitzak merezimenduen baremoan lortutako behin-behineko puntuazioa eta zuzendaritza proiektuari emandako kalifikazioa agertuko dira.

e) Merezimenduen baremoaren eta zuzendaritza proiektuaren behin-behineko puntuazioaren aurka aurkezten diren erreklamazioak ebaztea.

f) Hautagaien behin betiko zerrenda ikastetxean eta Nafarroako Gobernuaren Zerbitzuen Katalogoan argitaratzea, hautagai bakoitzak atal bakoitzean lortutako puntuazioa adieraziz.

g) Lanbide Heziketaren eta Unibertsitateen zuzendari nagusiari igortzea hautagai bakoitzaren behin betiko puntuazioa eta aukeratutako hautagaiaren proposamena, hots, azkeneko puntuaziorik altuena lortzen duen pertsonarena. Hala badagokio, hasierako prestakuntza programa egitetik salbuetsita dagoela adierazi beharko du.

h) Hautagaia aukeratu ondoren, aurkezturiko dokumentazioa eta hautapen prozesuan sortzen dena Hezkuntza Departamentuaren esku uztea.

i) Batzordearen funtzionamendu egokia bermatzeko beharrezkoak diren gainerako eginkizunak.

Zortzigarrena.-Hautapen prozesua.

Hautapen prozesuak bi fase izanen ditu:

a) Lehen fasea: merezimenduen balorazioa, deialdi honen bederatzigarren oinarrian ezarritakoaren arabera, eta zuzendaritza proiektua aurkeztu, defendatu eta kalifikatzea, deialdiaren hamargarren oinarrian ezarritakoaren arabera.

b) Bigarren fasea: Hasierako Prestakuntza Programa, deialdiaren hamaikagarren oinarrian ezarritakoaren arabera.

Bederatzigarrena.-Merezimenduen balorazioa.

9.1. Batzordeak eginen du merezimenduen balorazioa, ebazpen honen 1D eranskineko baremoaren arabera. Gehienez 10 puntu lortzen ahalko dira.

9.2. Hautapen batzordeak dagokion ikastetxean eta Nafarroako Gobernuaren Zerbitzuen Katalogoan argitaratuko du merezimenduen baremoan hautagai bakoitzak lortutako behin-behineko puntuazioa agertzen duen zerrenda. Zerrenda horren aurkako erreklamazioak idatziz aurkeztuko dira, batzordeari zuzenduak, argitaratu ondoko hiru egun balioduneko epean. Erreklamazioak aurkezteko epea bukatu eta biharamunetik hasita, batzordeak hiru egun balioduneko epea izanen du ebazteko.

9.3. Ikastetxeren batean kargu hutsa betetzeko hautagai bakarra aurkeztuz gero, ez da merezimenduen balorazioa eginen.

Hamargarrena.-Zuzendaritza proiektuaren aurkezpena eta kalifikazioa, eta azkeneko puntuazioa.

10.1. Hautagaiek zein ikastetxetako zuzendaritza eskuratu nahi duten, haren Gizarte Kontseiluari azalduko dizkiote zuzendaritza proiektuaren funtsezko alderdiak. Horretarako, bilkura berezirako deia eginen da gai bakarra izanik eguneko zerrendan: hautagaiek proiektuak aurkeztea. Bilkura horretara ikastetxeko ikuskatzailea joanen da, eta txosten batean jasoko ditu organo horretako kideek, hautagaia bertan izan gabe, egiten dituzten balorazioak. Txosten hori hautapen batzordeko buruari igorriko zaio, hurrengo bi eguneko epean.

10.2. Hautapen batzordeak adierazitako egunean eta orduan defendatuko dituzte proiektuak hautagaiek haren aurrean.

Hautagaiak 30 minutu izanen ditu, gehienez ere, zuzendaritza proiektua Hautapen Batzordearen aurrean defendatzeko. Batzordeko kideek 15 minutu izanen dituzte, gehienez ere, hautagaiari galderak egiteko, hark aurkezten duen zuzendaritza proiektuko zenbait alderdi argitu, zehaztu edo xehetasunak emateko.

10.3. Hautapen batzordeko kide bakoitzak hautagaiari eman diezaiokeen gehieneko puntuazioa 10 puntukoa izanen da, eta baxuena, puntu batekoa. Hautagai bakoitzak zuzendaritza proiektuagatik lortzen duen azkeneko puntuazioa hautapen batzordeko kide bakoitzak ematen duen puntuazioaren batez besteko aritimetikoa izanen da, bi dezimalekin. Batzordeko kideen puntuazioetan 3 puntuko aldea edo handiagoa baldin badago, kalifikazio handiena eta txikiena kenduko dira, eta gainerakoen batez besteko aritmetikoaren bidez lortuko da behin betiko puntuazioa. Goreneko eta/edo baxueneko kalifikazio bat baino gehiago badaude besteekiko alde hori dutenak, bat baino ez da baztertuko. Batez bestekoak ateratzeko, biribiltzearen araua aplikatuko da.

10.4. Batez besteko aritmetikoa bost puntutik beherakoa bada, hautagaia ez-gaitzat hartuko da.

10.5. Guztirako puntuazioa ateratzeko, merezimenduen puntuazioa eta zuzendaritza proiektuaren puntuazioa batuko dira. Guztira 20 puntu lortzen ahal dira gehienez. Berdinketak honako irizpide hauek, hurrenez hurren, kontuan hartuta hautsiko dira:

-Zuzendaritza proiektuan zeinek lortu puntu gehien.

-Azpiataletan zeinek lortu puntu gehien, ebazpen honen 1D eranskineko baremoko ordenari jarraikiz.

10.6. Zuzendaritza proiektuak kalifikatu ondoren, hautapen batzordeak Lanbide Heziketaren eta Unibertsitateen zuzendari nagusiari igorriko dizkio hautagai bakoitzak lortutako azkeneko puntuazio behin betikoa (merezimenduen baremoan eta zuzendaritza proiektuan lortutako puntuazioak adierazita) eta puntuaziorik altuena lortzen duen hautagaia ikastetxeko zuzendari izendatzeko proposamena. Emaitza horiek dagokion ikastetxean eta Hezkuntza Departamentuaren iragarki oholean argitaratuko dira.

Hamaikagarrena.-Hasierako Prestakuntza Programa.

11.1. Hezkuntza Departamentuak, dagokion deialdiaren bidez, Hasierako Prestakuntza Programa arautu eta antolatuko du, zortzigarren oinarrian azaldutako hautapen prozesuaren lehen fasean aukeratzen diren funtzionarioentzat. Dena dela, programa horrek gutxienez bi zati izanen ditu. Lehenbizikoa hezkuntza arloko legediari, baliabideen kudeaketari eta hezkuntza sistemaren kalitateari buruzko alderdi orokorren gainekoa izanen da. Bigarrena ikastetxe bateratuen jardunaren gaineko berariazko alderdiei buruzkoa izanen da, konparazio batera, Kualifikazioen Sistema Nazionala eta Lanbide Heziketa, esperientziaren bidez lortutako lanbide gaitasunak egiaztatzeko prozedura, ikastetxeen nazioartearatzea eta enplegurako prestakuntzaren kudeaketa, besteak beste.

11.2. Zuzendaritza taldeko edozein kargutan gutxienez bi urteko esperientzia dutela frogatzen duten hautagaiek ez dute Hasierako Prestakuntza Programa egin beharko.

11.3. Hasierako Prestakuntza Programa egitetik salbuetsiko dira, orobat, ikastetxe publikoetako zuzendari lanetan aritzeko baimena izanik, karguan aritu ez diren hautagaiak edo bi urte baino gutxiago aritutakoak, baita Hezkuntza Departamentuak antolatzen duen Zuzendaritza Taldeentzako Prestakuntza Programa egina dutenak ere.

Hamargarrena.-Zuzendariaren eta zuzendaritza taldearen izendapena.

12.1. Hezkuntza Departamentuko Lanbide Heziketaren eta Unibertsitateen zuzendari nagusiak, hautapen batzordeak proposatutako hautagaia oinarri hartuta, hura izendatuko du, hasierako prestakuntza prozesua gainditu eta gero edo, hala badagokio, programa hori egitearen baldintzapean.

12.2. Hezkuntza Departamentuak Lanbide Heziketaren eta Unibertsitateen zuzendari nagusiaren ebazpen bidez emanen du argitara Nafarroako Aldizkari Ofizialean 12.1 atalean aipatutako izen zerrenda.

12.3. Aurreko atalean aipatutako ebazpenaren aurka gora jotzeko errekurtsoa jartzen ahal da, Hezkuntzako kontseilariari zuzendua, Nafarroako Aldizkari Ofizialean argitaratu eta biharamunetik hasita hilabeteko epean.

12.4. Zuzendari berriak ez badu behin betiko destinoa berak aukeratutako ikastetxean, zerbitzu eginkizunetan egonen da, ondorio guztietarako, zuzendari karguan dagoen denboran, eta ezin izanen da lekuz aldatu irakastorduak murriztu edo kentzeagatik.

12.5. Zuzendariak zuzendaritza taldeko gainerako kideen izendapen proposamena egin beharko du kandidaturak aurkezteko egunean ikastetxean zerbitzu ematen ari diren jarduneko irakasle funtzionario publikoen artetik.

12.6. Hautapen batzordeak hautagai bakar bat ere aldarrikatzen ez badu edo ikastetxe batean zuzendaritzarako hautagarik ez badago, Hezkuntzako Ikuskapen Zerbitzuak eta Lanbide Heziketaren Zerbitzuak aurkezten dituzten txostenetan oinarrituz, Lanbide Heziketaren eta Unibertsitateen zuzendari nagusiak Hezkuntza Departamentuaren mendeko ikastetxe batean destinoa duen irakasle funtzionario bat izendatuko du zuzendari, lau urterako. Horrela izendatzen diren pertsonek, zein ikastetxetarako izendatu behar diren, hango plantilla organikoan ageri denaren arabera beharrezkoa den gaitasuna edo espezialitatea eduki beharko dute, ikastetxean bertan irakastordu aski eduki ahal izateko.

12.7. Zuzendariak proposaturik eta Hezkuntzako Ikuskapen Zerbitzuak gainbegiraturik, Giza Baliabideen Zerbitzuak zuzendaritza taldeko kideak izendatuko ditu ikastetxeko zuzendaria izendatzen den epe berbererako, betiere agintaldia bitartean haiek bete dezaketen lanpostu hutsik baldin badago, ikasturte bakoitzeko hezkuntza plangintzaren arabera.

Hamahirugarrena.-Kargutik kentzea.

13.1. Zuzendaria kasu hauetakoren batean kenduko da kargutik:

a) Izendapen aldia edo haren luzapena, halakorik bada, bukatzean.

b) Ikastetxean zerbitzuak emateari uztean, borondatezko zein nahitaezko lekualdatzeagatik, zerbitzu eginkizunetan hasteagatik, borondatezko edo nahitaezko eszedentzia hartzeagatik edo beste edozein arrazoirengatik.

c) Uko egite arrazoitua, Lanbide Heziketaren eta Unibertsitateen zuzendari nagusiak onartua.

d) Ezintasun psikikoa edo fisikoa, karguari dagozkion zeregin nagusiak betetzea galarazten diona.

e) Lanbide Heziketaren eta Unibertsitateen zuzendari nagusiak ebazpen bidez kargutik kenduta, Lanbide Heziketaren Zerbitzuak eta Hezkuntzako Ikuskapen Zerbitzuak txostena egin ondotik, zuzendari karguari dagozkion zereginetan ez-betetze larria egiteagatik. Haren ekimenaz bultza liteke kargugabetze hori, edo Gizarte Kontseiluak proposatuta. Dena dela, espedientea instruitu ondoren emanen da kargutik kentzeko ebazpena, aldez aurretik interesdunari eta Gizarte Kontseiluari entzunaldia emanda.

13.2. Zuzendariari diziplina espedientea irekitzen zaionean, Hezkuntza Departamentuak zuzendariaren eginkizunen kautelazko etetea erabakiko du, diziplina arloan indarra duen araudian agertzen den moduan. Kasu horretan, zuzendari lanak zuzendariordeak hartuko ditu, edo horrelakorik ezean, ikasketaburuak edo, bestela, ikastetxeko idazkariak.

13.3. Diziplina espediente batean egiaztatzen bada zuzendariaren eginkizunak ez betetzea hutsegite larria edo oso larria izan dela, eta aplika daitezkeen arau orokorren arabera ezar daitezkeen zehapenak alde batera utzi gabe, Lanbide Heziketaren eta Unibertsitateen zuzendari nagusiak erabakiko du zuzendaria kargutik kentzea eta beste zuzendari bat izendatzen ahalko du, jardunean, hurrengo deialdian beste bat hautatu bitarte.

1A ERANSKINA

Zuzendaritza proiektuaren oinarrizko alderdiak

Zuzendarigaiak aurkezten duen zuzendaritza proiektuak 30 orrialde izanen ditu gehienez, Din-A4 formatuan.

Proposatutako zuzendaritza taldea osatzen duten gainerako gobernu organoak betetzeko hautagaien izen-deiturak jarri beharko dira eta, horrekin batera, onarpenaren ziurtagiria interesdunek sinatua, II. eranskineko ereduaren araberakoa. Izendatzen diren irakasleek jarduneko irakasle funtzionario publikoak izan beharko dute eta, kandidaturak aurkezten diren egunean, ikastetxean zerbitzu ematen egon beharko dute, ebazpen honen 12.5 oinarrian ezarritakoari jarraikiz.

Zuzendaritza proiektuaren abiapuntuko edukiak:

a) Ikastetxearen egoeraren azterketa.

b) Helburuak.

c) Helburuak lortzeko jarduketa ildoak.

d) Proiektu funtzionala. Garatu beharreko ekintzak eta puntu kritikoak.

e) Laneko plana eta adierazleak. Aurkezten den proiektua ebaluatzeko prozedurak.

f) Parte hartzea eta inguruarekiko harremanak.

g) Zuzendaritza taldea osatzeko proposamena.

1B ERANSKINA

Zuzendaritza taldea osatzeko proposamena. Zuzendaritza taldea osatzeko proposatutako pertsonek kargua onartzeko egiaztagiria

................................... jaunak/andreak, ........................ ikastetxeko zuzendaritzarako hautagaiak, honako proposamen hau aurkezten du zuzendaritza taldea osatzeko:

-Zuzendariordea izateko proposatua (*).

Izena: ..............................................................................................

Deiturak: ............................................................................................

Behin betiko destinoko ikastetxea:

Destinoko ikastetxea ikasturte honetan:

Onartzen dut .....................k,

.............................. ikastetxeko zuzendaritzarako hautagaiak, ni izendatzeko egindako proposamena.

Ikastetxeko zuzendaritzarako hautagaia Zuzendariordea izateko proposatua.

-Ikasketaburua izateko proposatua (*) / Alboko ikasketaburua izateko proposatua (*):

Izena: ..............................................................................................

Deiturak: ............................................................................................

Behin betiko destinoko ikastetxea:

Destinoko ikastetxea ikasturte honetan:

Onartzen dut .....................k,

.............................. ikastetxeko zuzendaritzarako hautagaiak, ni izendatzeko egindako proposamena. ...................................................

Ikastetxeko zuzendaritzarako hautagaia Ikasketaburua izateko proposatua.

-Idazkaria izateko proposatua (*).

Izena: ..............................................................................................

Deiturak: ............................................................................................

L.E.Z.: .................................................................................................

Behin betiko destinoko ikastetxea:

Destinoko ikastetxea ikasturte honetan: ..................................................................................................................................................................

Onartzen dut .....................k,

.............................. ikastetxeko zuzendaritzarako hautagaiak, ni izendatzeko egindako proposamena. ...................................................

Sinatua:

Ikastetxeko zuzendaritzarako hautagaia dazkari izateko proposatua

(*) Kargu hori dagoen ikastetxeetan soilik.

1C ERANSKINA

Eskaera, ebazpen honetan adierazitako ikastetxe bateratuetako zuzendariak hautatzeko merezimendu lehiaketan parte hartzeko.

Datu pertsonalak.

Lehen deitura: ........................... Bigarren deitura:

Izena: ....................................................... NANa:

Helbidea, jakinarazpenetarako:

Herria: ................................... Probintzia: ................... PK:

1. telefonoa: ............................. 2. telefonoa:

Lanbideari buruzko datuak.

Zein kidegotakoa den:

Noiz sartu zen kidegoan:

Titulazioa: ............................ Espezialitatea:

Behin betiko destinoko ikastetxea:

Ikastetxearen kodea:

2010-2011 ikasturteko destinoko ikastetxea:

Ikastetxearen kodea:

Orain duen zuzendaritza kargua, halakorik badu:

Zuzendari gisa zein ikasturtetan jardun duen:

Zuzendari lanean aritzeko noiz lortu zuen baimena, halakorik badu: ......................................................................................................................

Aukeratutako ikastetxea:

Merezimenduak.

Baremaziorako merezimendu gisa eranskinean aurkezten diren agirien zerrenda:

1.- ......................................................................................................

2.- ......................................................................................................

3.- ......................................................................................................

4.- ......................................................................................................

5.- ......................................................................................................

6.- ......................................................................................................

7.- ......................................................................................................

8.- ......................................................................................................

Zuzendaritza proiektua.

Zuzendaritza proiektuaren ale inprimatu bat eta dagokion artxiboa euskarri elektronikoan igorriko dira. Gehienez ere 20 orrialde, Din-A4 neurrian.

Data: ............ Tokia: ................ Hautagaiaren sinadura: ...................

1D ERANSKINA

Baremazioa. Merezimendu lehiaketa, ebazpen honetan adierazitako ikastetxe bateratuetako zuzendarigaiak hautatzeko

I. atala.-Merezimenduak.

Lanbide eta ikasketa merezimenduen balorazioa: 10 puntu gehienez.

1. atala. Zuzendari lanetako esperientziaren balorazioa (4 puntu gehienez).

1.1. Ikastetxe publiko batean zuzendari karguan aritutako urte bakoitzeko:

-0,50 puntu.

1.2. Ikastetxe publiko batean, ikasketaburu, zuzendariorde edo idazkari karguan aritutako ikasturte bakoitzeko:

-0,40 puntu.

1.3. Ikastetxe publiko batean alboko zuzendaritza karguetan aritutako urte bakoitzeko:

-0,40 puntu, alboko zuzendari gisa aritutako urte bakoitzeko.

-0,30 puntu, alboko ikasketaburu edo alboko idazkari gisa aritutako urte bakoitzeko.

Urte zatiak baloratu behar direnean, 1/12 puntu emanen da hilabeteko.

2. atala. Lanbideko esperientziaren balorazioa (3 puntu, gehienez ere).

2.1. Ikastetxe publiko batean karrerako funtzionario gisa egindako irakasle lana, baldintza gisa eskatzen diren bost urteetatik gorako urte bakoitzeko:

-0,20 puntu.

2.2. Ikastetxe publiko batean, koordinazio didaktikorako departamentuko buru gisa, egindako zerbitzu urte bakoitzeko:

-0,20 puntu.

2.3. Ikastetxe publiko batean, Haur Hezkuntzako, Lehen Hezkuntzako, Derrigorrezko Bigarren Hezkuntzako edo Lanbide Heziketako zikloko koordinatzaile gisa, egindako zerbitzu urte bakoitzeko:

-0,20 puntu.

2.4. Bigarren Hezkuntzako katedradunen kidegokoa izateagatik:

-0,20 puntu.

2.5. Ikastetxe publikoetako zuzendaritzan aritzeko baimena izateagatik:

-0,30 puntu.

2.6. Nafarroako Gobernuko Hezkuntza Departamentuan, ikuskatzaile edo bulegoburu gisa edo hortik gorako karguetan, eta Estatuko hezkuntza administrazioan horien baliokideak diren karguetan, aritutako urte bakoitzeko:

-0,30 puntu.

2.7. Beste kargu batzuetan egindako zerbitzu urte bakoitzeko: etengabeko prestakuntzarako aholkulari, irakaskuntzarako aholkulari, arduradun edo koordinatzaile gisa helduen hezkuntzako eskualdeko taldeetan:

-0,20 puntu, ikastetxe publiko batean aritutako urte bakoitzeko.

Urte zatiak baloratu behar direnean, 1/12 puntu emanen da hilabeteko.

3. atala. Prestakuntza eta hobekuntza (gehienez ere 2 puntu).

3.1. Ikastetxeen kudeaketa, antolaketa eta zuzendaritzarekin, hezkuntza kalitatearen ezarpenarekin edo eskolako bizikidetzarekin zerikusia duten prestakuntza jarduera gaindituengatik:

-0,10 puntu, egiaztatutako 10 prestakuntza orduko.

3.2. Ikastetxeen kudeaketa, antolaketa eta zuzendaritzarekin, hezkuntza kalitatearen ezarpenarekin edo eskolako bizikidetzarekin zerikusia duten prestakuntza jardueretan irakasle gisa aritu izateagatik:

-0,20 puntu, egiaztatutako 10 prestakuntza orduko.

Ondorio horietarako, jarduera guztien orduak batuko dira, eta ez dira puntuatuko 10 ordutik beherako jarduerak. Besterik esaten ez bada, prestakuntza jarduerak kreditutan, eta ez ordutan, adierazita badaude, kreditu bakoitzak 10 orduko balioa izanen du.

3.3. Ikastetxeen kudeaketa, antolaketa eta zuzendaritzarekin, hezkuntza kalitatearen ezarpenarekin edo eskolako bizikidetzarekin zerikusia duten argitalpenengatik, ISBNa edo ISSNa baldin badute:

-1 puntu gehienez.

4. atala. Merezimendu akademikoak (gehienez ere 1 puntu).

4.1. Unibertsitate titulu bakoitzeko, dagokion irakaskuntza kidegoan sartzeko alegatutakoaz gainera:

-0,40 puntu.

4.2. Hizkuntzak jakiteagatik (hizkuntza bakoitzean, hautagaiak aurkezten duen maila altueneko ziurtagiria hartuko da kontuan bakarrik):

-0,20 puntu, B2 mailako edo balio bereko ziurtagiri bakoitzeko.

-0,50, puntu C1 mailako edo balio bereko ziurtagiri bakoitzeko.

II. atala.-Zuzendaritza proiektua.

Zuzendaritza proiektuaren balorazioa: 10 puntu gehienez.

Iragarkiaren kodea: F1102302