2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GOIZUETA
Xehetasun azterlana. Hasierako onespena
Goizuetako Udaleko alkateak, 2011ko otsailaren 1eko ebazpenaren bidez, hasiera batez onetsi du Goizuetako Santa María kaleko 25 zenbakiko etxean (4. poligonoko 26. lurzatia) igogailua eraikitzeko obra proiektuaren xehetasun azterlana, Santiago Olaizolak eta Mari Carmen Azpirozek bultzatutakoa eta Jose Luis Alvarez de Eulate arkitektoak idatzitakoa.
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76. artikuluak agintzen duena jarraituz, aipatutako espedientea jendeaurrean egongo da, 20 egun balioduneko epean, iragarki hau Nafarroako Aldizkari Ofizialean argitaratu eta hurrengo egunetik kontatzen hasita, interesdunek aztertu eta egoki iruditzen zaizkien alegazioak aurkeztu ditzaten.
Goizuetan, 2011ko otsailaren 1ean.-Alkatea, Miguel Jose Lekuona Salaberria.
Iragarkiaren kodea: L1101968
