1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2976/2011 EBAZPENA, urriaren 31koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen 86 atal, bulego eta unitate parekatutako burutzak merezimendu lehiaketa bidez betetzeko deialdiari dagokionez, Nafarroako Mendekotasunerako Agentziako Langileriaren Kudeaketarako Bulegorako lehiaketa indarrik gabe uzten duena.
Funtzio Publikoaren zuzendari nagusiaren 2003ko maiatzaren 6ko Ebazpenaren bidez, Nafarroako Foru Komunitateko Administrazioaren eta haren erakunde autonomoen 86 atal, bulego eta unitate parekatutako burutzak merezimendu lehiaketa bidez betetzeko deialdia onetsi zen; bete beharreko lanpostuen artean orduko Nafarroako Gizarte Ongizatearen Institutuko Langileriaren Kudeaketarako Bulegoko burutza zegoen. Aipatu deialdia 2003ko 65. Nafarroako Aldizkari Ofizialean argitaratu zen, maiatzaren 23an.
Urtarrilaren 26ko 183/2004 Ebazpenaren bidez, hemen garrantzia duenari dagokionez, 86 burutza horietariko 64ri dagozkien onartu eta baztertuen behin betiko zerrendak onetsi ziren, horien artean, Langileriaren Kudeaketarako Bulegoko burutza. Ebazpen hori 2004ko 21. Nafarroako Aldizkari Ofizialean argitaratu zen, otsailaren 18an.
Hala ere, deialdia argitaratu zenetik Nafarroako Mendekotasunerako Agentziaren estatutuek izan dituzten aldaketen ondorioz, Langileriaren Kudeaketarako Bulegoa kendu da.
Hori eta deialdiko 1. oinarriko bigarren lerroaldean xedatutakoa kontuan hartuz, bidezkoa da lehiaketa aipatu unitate administratiboari dagokionez indarrik gabe uztea.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen 86 atal, bulego eta unitate parekatutako burutzak merezimendu lehiaketa bidez betetzeko deialdiari dagokionez, Nafarroako Mendekotasunerako Agentziako Langileriaren Kudeaketarako Bulegoko burutzarako lehiaketa indarrik gabe uztea, bulego hori Institutuaren egitura organikotik kendu baita. Aipatutako deialdia 2003ko maiatzaren 6ko Ebazpenaren bidez onetsi zen.
2. Ebazpen hau jakinaraztea epaimahaikideei, Nafarroako Mendekotasunerako Agentziako Kudeaketaren eta Giza Baliabideen Zuzendariordetzara eta Funtzio Publikoaren Zuzendaritza Nagusiko Langileriaren Kudeaketako Zerbitzura, eta Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2011ko urriaren 31n.-Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F1118377
