1. NAFARROAKO FORU KOMUNITATEA
1.7. BESTELAKOAK
1014/2011 EBAZPENA, urriaren 21ekoa, Nekazaritza eta Abeltzaintzako zuzendari nagusiak emana, ES15310162 erregistro zenbakia duen entitateari landare aromatikoen ekoizle gisa, zuhaitz-landareen ekoizle gisa eta landare apaingarrien ekoizle gisa zuen baimena kentzen diona.
Ikusirik Viveros J. Pedro Guillen S.L. entitateak aurkeztuko eskaera, jarduera utzi duela jakinarazi eta Mintegiko Hazien eta Landareen Ekoizleen Erregistroan baja emateko eskatzen duena.
Haztegiko Hazi eta Landareei eta Baliabide Fitogenetikoei buruzko uztailaren 26ko 30/2006 Legearen arabera, mintegiko hazi eta landareen ekoizleei baimena ematea, ekoizlearen egoitza non dagoen, autonomia erkidego horri dagokio.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak eta Landa Garapeneko eta Ingurumeneko Departamentuaren egitura organikoa ezartzen duen irailaren 3ko 124/2007 Foru Dekretuak ematen dizkidan eskumenak erabiliz,
EBATZI DUT:
1. Viveros J. Pedro Guillen, S.L.k (IFZ: B31906043) landare aromatikoen ekoizle gisa, zuhaitz-landareen ekoizle gisa eta landare apaingarrien ekoizle gisa zituen baimenak kentzea eta Mintegiko Hazien eta Landareen Ekoizleen Erregistroan baja ematea. E15310056 erregistro zenbakia zuen.
2. Ebazpen hau entitate interesdunari eta Ingurumeneko eta Landa eta Itsas Inguruneko Ministerioko Nekazaritzako eta Abeltzaintzako Baliabideen Zuzendaritza Nagusiari jakinaraztea eta Nafarroako Aldizkari Ofizialean argitaratzea.
3. Ebazpen honen aurka gora jotzeko errekurtsoa jar daiteke, Nafarroako Gobernuaren Landa Garapeneko eta Ingurumeneko kontseilariari zuzendua, jakinarazi eta biharamunetik hilabeteko epean.
Iruñean, 2011ko urriaren 21ean.-Nekazaritza eta Abeltzaintzako zuzendari nagusia, Ignacio Guembe Cervera.
Iragarkiaren kodea: F1117858
