1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
25/2011 EBAZPENA, irailaren 12koa, Nafarroako Kirolaren eta Ariketa Fisikoaren Institutuko zuzendari kudeatzaileak emana, Emilio Millor Borda jauna Nafarroako Kirolaren eta Ariketa Fisikoaren Institutuko Segurtasun Politikak Garatzeko Zerbitzuari atxikitako Entitateen eta Kirol Errendimenduaren Ataleko buru izendatzen duena, bitarte baterako.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak lehenbiziko xedapen gehigarrian ezartzen du erakunde autonomoetako burutzak bitarte baterako betetzeko araubidea kasuan kasuko erakundearen estatutuetan ezarriko dela.
Horrenbestez, Nafarroako Kirolaren eta Jarduera Fisikoaren Institutua erakunde autonomoaren estatutuak onetsi zituen abuztuaren 24ko 139/2011 Foru Dekretuaren 12. artikuluaren m) letrak ematen dizkidan eskumenei jarraikiz,
EBATZI DUT:
1. Emilio Millor Borda jauna Nafarroako Kirolaren eta Ariketa Fisikoaren Institutuko Segurtasun Politikak Garatzeko Zerbitzuari atxikitako Entitateen eta Kirol Errendimenduaren Ataleko buru izendatzea, bitarte baterako.
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
3. Ebazpen hau jakinaraztea interesdunari, Nafarroako Kirolaren eta Jarduera Fisikoaren Institutuari, Kirol Zuzendariordetza Nagusiari, Administrazio eta Kudeaketa Atalari, Funtzio Publikoaren Zuzendaritza Nagusiari eta haren mende dauden Langileriaren Gastuaren Kontrolaren eta Nominen Zerbitzuari, Lan Harremanen eta Antolamenduaren Zerbitzuari eta Langileriaren Kudeaketako Zerbitzuari, behar diren ondorioak izan ditzan.
Iruñean, 2011ko irailaren 12an.-Nafarroako Kirolaren eta Ariketa Fisikoaren Institutuko zuzendari kudeatzailea, Miguel Ángel Pozueta Uribe-Echeverría.
Iragarkiaren kodea: F1115184
