4. PROZEDURA JUDIZIALAK
LOGROÑOKO LEHEN AUZIALDIKO 1. EPAITEGIA
Ediktua
Jose Miguel de Frutos Vinuesa jaunak, Logroñoko Lehen Auzialdiko 1. Epaitegiko idazkari judizialak,
Aditzera ematen dut:
Epaitegi honetan 1021/08 zenbakiko neurrien aldaketa bideratzen ari da, Inmaculada Garcia Bueno andreak eskatuta, Mustapha El Aframi jaunaren aurka, eta horren gaineko epaia eman da, 2011ko ekainaren 8an; hona hemen epaiaren idazpurua eta xedapen zatia, hitzez hitz:
"Epaia,
Logroñon, 2011ko ekainaren 8an.
Nik, Elisa Mediavilla Sanchez andreak, Logroñoko eta bere barrutiko Lehen Auzialdiko 1. Epaitegiko epaile magistratu titularrak, aztertu dut Inmaculada García Bueno andreak eskatuta, Urdiain prokuradore andreak ordezkatuta eta Ruiz Blasco legelari jaunak lagunduta aurkeztutako neurriak aldatzearen gaineko demanda, Mustapha El Aframi jaunaren aurkakoa, auzi-ihesean baitago; Fiskaltzak parte hartu du."
"Epaitza:
Bidezkoa da osorik baiestea Inmaculada García Bueno andreak, Urdiain prokuradore andreak ordezkatuta eta Ruiz Blasco legelari jaunak lagunduta, Mustapha El Aframi jaunaren aurka aurkeztutako neurriak aldatzeari buruzko demanda, eta, 2004ko apirilaren 26ko autoari dagokionez, jarraian adierazten den neurri aldaketa erabakitzea:
Aitak auzilariek elkarrekin izandako bi alabentzat -Sara, adinduna, eta Samira, adingabea- 200 euroko mantenu pentsioa ordainduko du, hilaren lehen 10 egunen barnean; kopuru hori urtero igoko da, KPIaren arabera.
Aitak bere alaba Sararen mantenu pentsioa ordainduko du 20 urte betetzen dituen arte eta, Samirarena, askatasun ekonomikoa lortzen duen arte.
Alaben aparteko gastuak guraso biek ordainduko dituzte, %50 bakoitzak.
Ez da bidezkoa prozesu-kostuen gaineko erabaki berezirik hartzea.
Jakinaraz bekie epai hau alderdiei eta Fiskaltzari, eta ohartarazi haren aurka apelazio-errekurtsoa jartzen ahal dela; eta jaso bedi dagokion liburuan.
Beraz, hori xedatu, agindu eta sinatzen du Elisa Mediavilla Sanchez andreak, hiri honetako eta bere barrutiko Lehen Auzialdiko 1. Epaitegiko epaile magistratu titularrak."
Eta Mustapha El Aframi demandatuari legezko jakinarazpena egiteko balio izan dezan, non den jakiterik ez baitago, honako hau egin eta sinatzen dut, Nafarroako Aldizkari Ofizialean argitara dadin.
Logroñon, 2011ko ekainaren 8an.-Idazkari judiziala, Jose Miguel de Frutos Vinuesa.
Iragarkiaren kodea: J1111905
