Iragarkia

92. ALDIZKARIA - 2010eko uztailaren 30a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzaileak uztailaren 16an emandako 155/2010 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko prestakuntza eta enpleguko erdi mailako tituludunen hiru lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzaileak uztailaren 16an emandako 155/2010 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko prestakuntza eta enpleguko erdi mailako tituludunen hiru lanpostu oposizio bidez betetzeko deialdia onetsi da.

Hautaketa prozesua honako hauetan xedatutakoari jarraikiz eginen da: Nafarroako Administrazio Publikoen Zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsia, aipatutako estatutua garatu eta gauzatzeko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honen xedea da prestakuntza eta enpleguko erdi mailako tituludunen hiru lanpostu oposizio bidez betetzea. Lanpostuak funtzionarioen araubidekoak eta B mailakoak dira, txanda hauetan banatuak:

-Lanpostu bat txanda irekian.

-2 lanpostu, igoera txandan.

1.2. Deialdiko lanpostu hutsak hauek dira:

-3 lanpostu Berrikuntza, Enpresa eta Enplegu Departamentuko Nafarroako Enplegu Zerbitzua erakunde autonomoan; lanpostu batek 6208 zenbakia du plantilla organikoan eta destinoa Tuteran, beste batek 6205 zenbakia eta destinoa Iruñean eta besteak 6232 zenbakia eta destinoa Donezteben.

1.3. Igoera txandako lanpostuak, izangaiek hautaprobak gainditzeko behar den gutxieneko puntuazioa atera ez dutelako bete gabe geldituz gero, txanda irekikoari gehituko zaio.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan probak gainditu arren lanpostua eskuratzen ez dutenek aukera izanen dute txanda irekiko lanpostu hutsa eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

1.4. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan B mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.5. Halaber, deialdi honen bidez sarrerako hautapen prozesuan lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira, 10. oinarrian xedatutakoarekin bat:

a) Sarrerako hautapen prozesuko ariketa guztiak gainditu arren lanposturik lortu ez duten izangaien zerrenda, bat bera Nafarroako Foru Komunitateko Administrazioko departamentu eta erakunde autonomo guztientzat.

b) Aldi baterako kontratuak egiteko izangaien zerrenda, oposizioan bigarren ariketa gainditu arren ariketa guztiak gainditu ez dituztenekin osatua, Administrazio Erroan aldi baterako kontratatzeko.

2.-Betebeharrak.

2.1. Oposizio honetan onartuak izateko, izangaiek, eskaerak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunen aplikazio eremuan sartutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Unibertsitateko diplomadun titulua, ingeniari tekniko edo arkitekto teknikoarena edo horien baliokidea den beste titulu bat edukitzea, edo eskuratzeko baldintza guztiak betetzea eskaerak aurkezteko epea bukatzen den egunean, edo lizentzia edo ingeniaritza bateko edo arkitekturako lehenengo hiru ikasturteak osorik gaindituak izatea.

Atzerrian lortutako tituluak badira, homologazioaren frogagiria eduki beharko da.

d) Bete behar dituen eginkizunetan aritzeko adinako gaitasun fisikoa eta psikikoa izatea.

e) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute ez dutela diziplina zehapenik edo zigor penalik beren estatuko funtzio publikoan sartzea eragozten dienik.

2.1.2. Igoera txandako izangaiek bete beharreko baldintzak.

Igoera txandako izangaiek, aurreko atalean adierazitako baldintzez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Izendatua izateko proposatzen den izangaiak betebehar horiek frogatu beharko ditu, deialdiaren 7.2 atalean ezarritako epean eta moduan. Salbuespen izanen dira agiri horiek eskabidearekin batera aurkeztu behar dituzten izangaiak, 3. oinarriarekin bat.

3.-Eskaerak aurkeztea eta tasak ordaintzea.

3.1. Tasak.

Azterketa eskubideengatik eta espedientea formalizatzeko, 40 euroko tasa ordaindu beharko da. Azterketa eskubideen tasa ordaintzen ez bada, baztertu eginen da izangaia.

Honako hauek ez dute tasarik ordaindu beharko:

a) %33ko edo hortik gorako desgaitasuna duten pertsonak, hala onartu bazaie.

b) Deialdia argitaratu aurretik hilabetez edo luzaroago lan eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskaini zaizkien lan egokiei uko egin ez izatea eta lanbide sustapen, prestakuntza edo aldaketarako ekintzetan parte hartzeari uko egin ez izatea, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako lan egokiei, ezta lanbide sustapen, prestakuntza edo aldaketarako ekintzetan parte hartzeari ere, justifikatutako kasuetan izan ezik.

Interesdunaren aitorpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Adierazpen eredua Nafarroako Gobernuko Informazio Bulegoan eskuratzen ahalko da edo, bestela, Interneten bidez, arestian emandako helbidean.

Sistema hauetako bat erabiliz ordaintzen ahalko da tasa hori:

-Telematika bidez, 3.2 oinarriko A.1. letran adierazitako moduan.

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Ordainketa gutunaren eredua Interneten dagoen deialdiaren aipuan, www.navarra.es helbidean, "Zerbitzuak", "Enplegu Publikoa" atalean.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

-Izangaiaren izen-deiturak.

-NANa/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xedeko lanpostua.

3.2. Eskaerak.

Eskaerak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskaeraren eredua Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen den aldizkari ofizialetik abiatuta, bai atal honetatik abiatuta: "Zerbitzuak", "Enplegu Publikoa".

Deialdian parte hartzeko eskaerak hura Nafarroako Aldizkari Ofizialean argitaratu eta biharamunetik hasita, hogeita hamar egun naturaleko epean aurkeztu beharko dira. Eskaerak aurkezteko epea luzaezina da.

Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

Aurkezteko, baliabide hauetako edozein erabil daiteke:

A) Bide telematikoa.

A.1. Internet bidez, deialdi honen fitxan den "Inskripzioa eta ordainketa telematikoa" izeneko estekan sartuta, Nafarroako Atariaren "Zerbitzuak", "Enplegu publikoa" atalean, www.navarra.es helbidean.

Aurkezteko eta ordaintzeko modu hau ezin izanen da erabili tasak ordaintzetik salbuesten duen frogagiria aurkeztu behar denean, ezta 3.3 oinarriko Bi eta Hiru zenbakietan aipatzen diren kasuetan ere.

A.2. Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web atarian eskura baitago.

B) Aurrez aurre.

Deialdian parte hartzeko eskaerak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz.

Eskaera posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezaizkioten ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.

3.3. Eskaerarekin batera aurkeztu beharreko agiriak.

Bat.-Espedientea formalizatzeko eta azterketa eskubideengatik tasa ordaindu izanaren frogagiria.

Bi.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Hiru.-3.1 oinarriaren a) atalean (tasak salbuestea) eta 8. oinarrian (lanpostuak aukeratzeko lehentasuna) xedaturikoa aplikatzeko eta, halaber, denboren eta baliabideen egokitzapena eskatzeko, %33ko edo hortik gorako desgaitasuna duten izangaiek hori agiri hauetariko baten kopiaren bidez frogatu beharko dute:

-Imsersok edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.

Desgaitasuna duten izangaiek ariketak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. Egokitzapenak eskatzeko bada eredu bat interesdunen eskura www.navarra.es web orrian, "Zerbitzuak", "Enplegu Publikoa" atalean, deialdiaren aipuan.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko.

4.2. Behin-behineko zerrenda Nafarroako Aldizkari Ofizialean argitaratu eta biharamunetik hasita, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Administrazio Publikoaren Institutuko Sarrerarako Hautapenaren Zerbitzuko zuzendariak, erakunde autonomoaren zuzendari kudeatzaileak emandako eskuordetzaz (103/2008 Ebazpena, ekainaren 26koa), ebazpena emanen du izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko du.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.-Epaimahaia.

5.1. Epaimahaia honako kide hauek osatuko dute:

-Mahaiburua: José Ángel Alonso García, Nafarroako Enplegu Zerbitzuko Bitartekaritza Ataleko burua.

-Ordezkoa: Antonio Beltrán Ruiz, Nafarroako Enplegu Zerbitzuko Iruñeko 1. Enplegu Agentziako burua.

-Mahaikidea: Jesús Vélaz Echarri, Nafarroako Enplegu Zerbitzuko Administrazio Publikoko teknikaria (arlo juridikoa).

-Ordezkoa: Juan Antonio Heras Goñi, Nafarroako Enplegu Zerbitzuko Enplegurako Laguntzen Ataleko burua.

-Mahaikidea: Cruz Martínez Erausquin, Nafarroako Enplegu Zerbitzuko Lanerako Prestakuntza Garatzeko Ataleko burua.

-Ordezkoa: Cristina Arcaya Sánchez, Nafarroako Enplegu Zerbitzuko Enplegu Behatokiaren eta Prestakuntzaren Zerbitzuko zuzendaria.

-Mahaikidea: Nafarroako Enplegu Zerbitzuko Langileen Batzordearen ordezkari bat, batzordeak berak proposatua.

-Ordezkoa: Nafarroako Enplegu Zerbitzuko Langileen Batzordearen ordezkari bat, batzordeak berak proposatua.

-Mahaikide idazkaria: María Teresa Astrain Zaratiegui, Nafarroako Enplegu Zerbitzuko Administrazio Publikoko teknikaria (arlo juridikoa).

-Ordezkoa: Nazareth Yábar Martínez, Nafarroako Enplegu Zerbitzuko Kudeaketa Administratiboaren Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretako batean badaude, eta organo dei egileari hala jakinaraziko diote.

Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2010eko azaroan hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehenbiziko ariketa: teorikoa, 80 galderako sorta bati gehienez ere bi orduz erantzun beharko zaio idatziz, eta erantzunen arteko bat bakarra izanen da zuzena. Galderak deialdi honetan ageri diren gaiei buruzkoak izanen dira. Erantzun okerrengatik puntuak kenduko dira.

Bigarren ariketa: teorikoa, bi gai garatu beharko dira idatziz, gai zerrendako zati bakoitzetik gai bat, 4 orduan gehienez. Horretarako, epaimahaiak zati bakoitzeko bi gai aterako ditu zozketaz, eta izangaiek horietako bat, nahi dutena, garatu beharko dute.

Hirugarren ariketa: praktikoa, gai zerrendaren gainean epaimahaiak proposatzen dituen bi kasu praktiko argitzea, gehienez 4 orduan.

Laugarren ariketa: ingeleseko probak. Borondatezko ariketa da eta ez baztertzailea. Aurreko hiru ariketak gainditu dituzten izangaiek egiten ahalko dituzte.

Idatzizko proba bat eta ahozko bat eginen dira, izangaien jakite maila zehazteko. Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat.

6.3. Oposizioko ariketen balorazioan 100 puntu eman daitezke gehienez, honela banatuak:

Lehenbiziko ariketa: gehienez ere 40 puntu.

Bigarren ariketa: gehienez ere 24 puntu. Gai bakoitzean gehienez 12 puntuko balorazioa ematen ahalko da.

Hirugarren ariketa: gehienez ere 26 puntu. Kasu bakoitzean 13 puntu emanen dira gehienez.

Laugarren ariketa: gehienez ere 10 puntu.

6.4. Lehenbiziko, bigarren eta hirugarren ariketak baztertzaileak izanen dira. Bazterturik geldituko dira ariketa bakoitzean kalifikaziorik altuena lortzen duen izangaiaren puntuazioaren erdira gutxienez iristen ez diren izangaiak. Hori hala izanik ere, ariketa gainditutzat jotzeko, deialdiaren oinarrietan ariketarako ezarritako gehieneko puntuazioaren 1/3 atera beharko da gutxienez.

6.5. Bigarren eta hirugarren ariketak plika sistemaren bidez eginen dira.

6.6. Ariketa bakoitza kalifikatu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditzen duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, onartutako desgaitasunen bat dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditzen dituztenen zerrenda, izendapen proposamena eta agirien aurkezpena.

7.1. Hautaprobak bukatuta, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean eta ariketak egiten diren tokian. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, hautaprobak puntuazio altuenarekin gainditu dituen izangaia izendatzeko proposamenarekin eta espediente osoarekin batera. Proposamena Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, lehen ariketan puntu gehien lortzen dutenen alde ebatziko da. Eta hala ere berdinduta segitzen badute, hirugarren ariketan lortutako puntuazioak hartuko dira kontuan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiak inprimaki berariazko batzuk jaso eta honako agiri hauek aurkeztu beharko ditu Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen agiri baliokideren batenak.

b) Deialdiaren 2. oinarrian eskatzen den tituluaren fotokopia konpultsatua edo hura lortzeko eskubideak pagatu direla frogatzen duen gordekinarena; bestela, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Proposatutako izangaiek Espainiako nazionalitatea ez badute, zinpeko aitorpen bat aurkeztu beharko dute, adierazteko ez dutela beren Estatuko funtzio publikoan sartzea eragozten dien diziplina zehapenik edo zigor penalik.

e) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finkoek edo Nafarroako Foru Komunitateari transferitutako Justizia Administrazioko zerbitzuei atxikitako langile finkoek, gainera, beste ziurtagiri bat aurkeztu beharko dute, aurreko administrazioko espediente pertsonalean ageri diren inguruabar eta aurrekari guztiak frogatzeko, hots, sarrerari, antzinatasunari, mailari, egoera administratiboari eta abarri buruzko guztiak.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2. oinarrian eskatzen den tituluaren fotokopia konpultsatua edo hura lortzeko eskubideak pagatu direla frogatzen duen gordekinarena; bestela, eskabideak aurkezteko epean titulua eskuratzeko moduan dagoela frogatzen duen ziurtagiria.

Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du hutsunea, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek deialdi honen 7.2 oinarrian ezarritako moduan aurkeztu beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Lanpostu horiek deialdian sartutakoak izanen dira, edo horien ordezko beste batzuk, zerbitzuaren beharren ondorioz, eta hala jakinaraziko zaie.

8.2. Lanpostu hutsak aukeratzerakoan, %33ko desgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Hala izanagatik ere, desgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, desgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egiten duten txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespena kontuan hartuz.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, prestakuntza eta enpleguko erdi mailako tituludunen lanpostuetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko administrazio publikoen montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.4. Funtzionarioek bizilekua destinoko herrian ez izateak ez du alde batera uzten lantokira puntual iritsi beharra eta lanaldia eta lanpostuko eginkizunak zuzen bete beharra, eta, gainera, ez da inolako konpentsaziorik jasoko lantokirako joan-etorriengatik.

Behar bezala justifikatutako kasu batzuetan, administrazio publikoek zilegi izanen dute funtzionarioei destinoko herrian bizi daitezela eskatzea, lanpostuko eginkizunengatik eta eskatzen den dedikazioagatik bidezkoa denean.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala gertatzen bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoetan sartzeko Erregelamenduaren 42. artikuluan, Lehendakaritza, Justizia eta Barneko kontseilariaren azaroaren 14ko 146/2005 Foru Aginduan (lanpostuak aldi baterako betetzeko kudeaketa arauak onesten dituena) eta oinarri honetan ezarritako prozedurarekin bat, aldi baterako kontratazioetarako zerrenda hauek prestatuko dira hautaketa prozesuan parte hartu eta lanposturik lortzen ez duten izangaiekin:

a) Probak gainditu arren lanposturik lortzen ez duten izangaien zerrenda.

b) Bigarren ariketa gainditu dutenen zerrenda, Administrazio Erroan aldi baterako kontratatzeko.

10.2. Probak gainditu arren lanposturik lortzen ez dutenen zerrenda eta bigarren ariketa gainditzen dutenen zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpen bidez onetsiko dira probak gainditu arren lanposturik lortu ez duten izangaien zerrenda eta bigarren ariketa gainditu dutenena, une horretan indarra duten kudeaketa arauekin bat, eta jarriko dira Nafarroako Gobernuko iragarki oholean (Karlos III.aren etorbidea, 2, atalondoa, Iruña) eta www.navarra.es web orrian, deialdiak "Zerbitzuak", "Enplegu Publikoa" atalean duen aiputik abiatuta.

Hauxe izanen da aldi baterako kontratazio zerrendetako izangaien ordena: oposizioa gainditu arren lanposturik lortzen ez dutenen kasuan, sarrerako hautapen prozesuan lortutako puntuaziorik handienaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzerakoan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; lanpostuak aldi baterako betetzeko arauak ezartzeko Lehendakaritza, Justizia eta Barneko kontseilariak azaroaren 14an eman zuen 146/2005 Foru Agindua (2005eko 144. Nafarroako Aldizkari Ofizialean argitaratua, abenduaren 2an); eta aplikatzekoak diren gainerako arauak.

Deia egiterakoan, kontuan hartuko da Nafarroako Foru Komunitateko Administrazioaren zerbitzuko Langileen Estatutuaren Testu Bateginaren zazpigarren xedapen gehigarriaren 4. atalean ezarritakoa.

Kontratatzeko deitzen diren izangaiek bakarrik aurkeztu beharko dute 2 oinarrian tituluari buruz eskatzen zaiena betetzen dutela frogatzeko dokumentazioa, hain zuzen ere kontratua formalizatzen den unean, jatorrizko agiriak edo behar bezala konpultsatutako kopiak aurkeztuz.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik eratorritako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

10.3. Sarrera prozesuko eskabideak aurkezteko epea bukatzen den egunerako bete beharko dira beharkizunak eta, orobat, hautaprobak egin bitartean eta kontratazioaldiak iraun bitartean.

11.-Errekurtsoak.

Epaimahaiaren egintzen eta ebazpenen kontra gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2010eko uztailaren 16an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA - ESKABIDEA

Izena: ........................., adinez nagusia. Nortasun agiri nazionala: ...... (edo balio bereko beste agiriren bat). Sorteguna: ........... Sorterria: .............. (........................). Nazionalitatea: ............................ Egungo helbidea (herria): ............................ (...................), kalea: ......................, posta kodea: ......................, telefonoa: ................., laneko telefonoa: ..........

ADIERAZTEN DUT:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko ..... lanpostu ................... bidez betetzeko deialdian parte hartzeko onar nazatela eskatzen dudala, behean aipatzen den txandan. Deialdia ...... (e)ko ..... zenbakidun Nafarroako Aldizkari Ofizialean argitaratu zen, .............. aren ..............(e)an.

Txanda irekia [ ] Igoera txanda* [ ] Desgaitasuna dutenentzako txanda* [ ]

Hautapen probak gainditzen ez baditut, lanpostuak behin-behinekoz betetzeko aukeraz baliatu nahi dudala, esparru hauetakoren batean (deialdiaren 1. oinarrian ezarritakoarekin bat):

Administrazio erroa * [ ] Osasunbidea-Nafarroako Osasun Zerbitzua * [ ] Nafarroako Mendekotasun Agentzia * [ ]

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik bereizia izan eta ez nagoela desgaitua eginkizun publikoak betetzeko.

Deialdian eskatzen den tituluaren jabe naizela.

Azterketa eskubideak ordaindu ditudala, deialdian ezarritako moduan, eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean beharkizun guztiak betetzen ditudala.

[ ] Desgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.

[ ] Desgaitasuna frogatzen duen agiria aurkezten dudala, erakunde eskudun batek emana.

[ ] Euskararen gaitasun agiria edo ofizialki baliokidea den beste titulu bat aurkezten dudala.*

[ ] Euskara maila neurtzeko proba egitea eskatzen dudala.*

[ ] Frantses eta ingeles maila neurtzeko probak egitea eskatzen dudala.*

Horrenbestez,

Eskaera hau ontzat har dezatela eta aipatu deialdian onar nazatela eskatzen dut.

Iruñean, 201.........(e)ko .............aren ............(e)an.

(Sinadura)

*Bidezkoa bada bakarrik.

II. ERANSKINA - GAI ZERRENDA

I. zatia: Nafarroako Foru Komunitateko Administrazioko
eta enplegu arloko oinarrizko araudia

1. gaia.-Espainiako 1978ko Konstituzioa: printzipio orokorrak. Oinarrizko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Konstituzio Auzitegia: osaera, izaera eta eskumenak.

2. gaia.-Europar Batasuna. Parlamentua. Kontseilu Europarra. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko antolamendu juridikoaren iturriak: jatorrizko zuzenbidea eta zuzenbide eratorria.

4. gaia.-Espainiako 1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Eginkizunak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza organoak. Erantzukizun politikoa, Parlamentuaren kontrola eta Parlamentuaren desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarrek Nafarroako Foru Komunitateko Administrazioarekiko harremanetan dituzten eskubideak. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Administrazio prozeduraren interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deusezgarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Administrazio egoerak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzeari buruzkoa.

14. gaia.-21/2005 Foru Legea, abenduaren 29koa, Politika Publikoak eta Zerbitzu Publikoen Kalitatea Ebaluatzeari buruzkoa.

15. gaia.-15/1999 Lege Organikoa, abenduaren 13koa, Datu Pertsonalak Babesteari buruzkoa.

16. gaia.-13/2007 Foru Legea, apirilaren 4koa, Nafarroako Ogasun Publikoari buruzkoa: Nafarroako Ogasun Publikoaren araubidea. Nafarroako aurrekontu orokorrak: edukia eta onespena. Kredituak eta haien aldaketak. Aurrekontuen exekuzioa eta likidazioa.

17. gaia.-Diru-laguntzei buruzko azaroaren 9ko 11/2005 Foru Legea (I). Diru-laguntza publikoen aplikazio esparrua eta haien gaineko xedapen komunak.

18. gaia.-Diru-laguntzei buruzko azaroaren 9ko 11/2005 Foru Legea (II). Diru-laguntzak emateko prozedura. Kudeaketa eta justifikazioa. Kudeaketa ekonomikoa eta aurrekontuarena. Laguntza itzultzea.

19. gaia.-Kontseiluaren 1083/2006 (EE) Erregelamendua, uztailaren 11koa, Eskualde Garapenerako Europako Funtsari, Europako Gizarte Funtsari eta Kohesio Funtsari buruzko xedapen orokorrak ezarri eta 1260/1999 Erregelamendua indarrik gabe uzten duena: helburuak eta egitekoak. Laguntzei aplikatu beharreko printzipioak. Programazioa: programa operatiboak prestatu eta onestea. Programazioaren edukia: programa operatiboak. Kudeaketa, jarraipena eta kontrola.

20. gaia.-Nafarroako Enplegu Zerbitzuaren Estatutuak onesten dituen maiatzaren 21eko 47/2007 Foru Dekretua: xedapen orokorrak. Egitura organikoa. Zentro laguntzaileak. Araubide juridikoa.

21. gaia.-Laneko Arriskuen Prebentzioari buruzko azaroaren 8ko 31/1995 Legea: helburua, arauaren izaera eta aplikazio esparrua. Lan arloko eskumenak dituzten administrazio publikoen jarduketak. Eskubideak eta betebeharrak. Prebentzio zerbitzuak.

22. gaia.-Langileen Estatutua: lanari buruzko banakako harremana: aplikazio esparrua. Lan harreman bereziak. Lan harremanaren iturriak. Lan arloko oinarrizko eskubide eta betebeharrak.

23. gaia.-Lan kontratuaren osagaiak eta eraginkortasuna: adingabeen lana. Kontratatzeko gaitasuna. Kontratuaren forma. Kontratuaren balioa.

24. gaia.-Lan kontratu motak (I). Elkarlana eta taldean kontratatzea. Prestakuntzako kontratuak. 488/1998 Errege Dekretua, martxoaren 27koa, Langileen Estatutuaren 11. artikulua prestakuntza kontratuen arloan garatzen duena. Lanaldi partzialeko kontratua eta errelebo kontratua. 1194/1985 Errege Dekretua, uztailaren 17koa, 64 urte dituztenen erretiro bereziari buruzko arauak eta kontratazio berriak arautzen dituena. Etxean lan egiteko kontratua.

25. gaia.- Lan kontratu motak (II). 43/2006 Legea, abenduaren 29koa, hazkundea eta enplegua hobetzeari buruzkoa: I. kapitulua: kontratazio mugagabea bultzatzeko neurriak eta lehen xedapen gehigarria: desgaitasuna duten pertsonendako aldi baterako lan kontratua. 27/2009 Legea, abenduaren 30ekoa, enplegua mantendu eta sustatzeko eta langabeak babesteko presako neurriei buruzkoa: I. kapitulua: enplegua mantentzeko neurriak. III. kapitulua: enplegua sustatzeko neurriak. IV. kapitulua: desgaitasuna duten langileen enplegua mantendu eta sustatzeko plan berezia.

26. gaia.-Lan kontratu motak (III). Enplegua handitzeko eta enpleguaren kalitatea hobetzeko xedez lan merkatua berritzeko presako neurriak hartzeari buruzko uztailaren 9ko 12/2001 Legearen lehen eta bigarren xedapen gehigarriak. 11/1998 Errege Lege Dekretua, irailaren 4koa, amatasun, adopzio eta harreraren ondoriozko atsedenaldian dauden langileak ordezteko langabeekin egindako bitarteko kontratuengatik Gizarte Segurantzako kuotek izaten dituzten hobariak arautzen dituena.

27. gaia.-Lan kontratu motak (IV). Lan kontratuaren edukia: probaldia. Kontratuaren iraupena. 2720/1998 Errege Dekretua, abenduaren 18koa, Langileen Estatutuaren 15. artikulua iraupen zehatzeko kontratuen arloan garatzen duena. Lanean hastea.

28. gaia.-Kontratuaren ondoriozko eskubideak eta betebeharrak: lan harremanetan bereizkeriarik ez egitea. Langilearen pertsona-eskubideen bortxaezintasuna. Segurtasuna eta higienea. Lan jardueraren zuzendaritza eta kontrola. Ez lehiatzeko eta enpresan jarraitzeko ituna.

29. gaia.-Soldatak eta soldaten bermeak: soldata. Lanbide arteko gutxieneko soldata. Ondorio askotarako errenta-adierazle publikoa (IPREM). Ordainketa berdintasuna sexua batekoa edo bestekoa izan arren. Likidazioa eta ordainketa. Prestazio ezintasuna. Aparteko eskersariak. Soldataren bermeak.

30. gaia.-Bermeak enpresaburua aldatzean: obren eta zerbitzuen azpikontratazioa. Langileen lagapena. Enpresaren ondorengotza.

31. gaia.-Lan kontratuaren etendura: etenduraren arrazoiak eta ondorioak. Eszedentziak. Kontratua arrazoi ekonomikoengatik, teknikoengatik, antolakuntzakoengatik edo ekoizpenekoengatik edo ezinbesteko arrazoiengatik etetea. Lanpostua gordeta etetea. Lan kontratua aitatasunagatik etetea.

32. gaia.-Lan kontratuaren amaiera: kontratuaren amaiera. Langileak eskatuta amaitzea. Kaleratze kolektiboa. Kontratua arrazoi objektiboengatik amaitzea. Arrazoi objektiboengatik amaitzearen forma eta ondorioak. Diziplinazko kaleratzea. Diziplinazko kaleratzearen forma eta ondorioak. Bidegabeko kaleratzea. Estatuak ordaintzea.

33. gaia.-4/2000 Lege Organikoa, urtarrilaren 11koa, atzerritarrek Espainian dituzten eskubide eta askatasunei eta haien gizarteratzeari buruzkoa (I). Atariko titulua: xedapen orokorrak. I. titulua: atzerritarren eskubide eta askatasunak.

34. gaia.-4/2000 Lege Organikoa, urtarrilaren 11koa, atzerritarrek Espainian dituzten eskubide eta askatasunei eta haien gizarteratzeari buruzkoa (II). II. titulua: atzerritarren araubide juridikoa: Espainian sartu eta bertatik irtetea. Espainian egon eta bizitzeko baimena. Irabazizko jarduerak egiteko baimenak.

35. gaia.-19/1977 Legea, apirilaren 1ekoa, sindikatuetan elkartzeko eskubideari buruzkoa. 11/1985 Lege Organikoa, abuztuaren 2koa, askatasun sindikalari buruzkoa.

36. gaia.-Gizarte Segurantza: 1/1994 Legegintzako Errege Dekretua, ekainaren 20koa, Gizarte Segurantzari buruzko Lege Orokorraren Testu Bategina onesten duena: atariko arauak. Gizarte Segurantzaren sistemaren aplikazio eremua eta egitura. Afiliazioa eta kotizazioa.

37. gaia.-Gizarte Segurantzaren araubide orokorraren babesa: babesten diren egoerak eta prestazioen araubide orokorra. Aldi baterako ezintasuna.

38. gaia.-Beren kontura ari diren langileen edo langile autonomoen Gizarte Segurantzaren araubide berezia: aplikazio eremua. Babesa.

39. gaia.-20/2007 Legea, uztailaren 11koa, langile autonomoen estatutuari buruzkoa. I. titulua: aplikazio eremu subjektiboa. II. titulua: langile autonomoaren araubide profesionala.

40. gaia.-5/2000 Legegintzako Errege Dekretua, abuztuaren 4koa, lan arloko arau-hauste eta zehapenei buruzko Legearen testu bategina onesten duena: I. kapitulua: xedapen orokorrak. II. kapitulua: lan arloko arau-hausteak. III. kapitulua: Gizarte Segurantzaren arloko arau-hausteak. IV. kapitulua: atzerritarren migrazio mugimenduen eta lanaren arloko arau-hausteak. VI. kapitulua: erantzukizunak eta zehapenak.

41. gaia.-56/2003 Legea, abenduaren 16koa, enpleguari buruzkoa.

42. gaia.-3/2007 Lege Organikoa, martxoaren 22koa, emakumeen eta gizonen arteko berdintasunari buruzkoa: atariko titulua: legearen xedea eta eremua. I. titulua: berdintasunaren printzipioa eta bazterkeriaren kontrako babesa. II. titulua: politika publikoak berdintasunaren alde. IV. titulua: lanerako eskubidea aukeren berdintasunean. VII. titulua: berdintasuna enpresen erantzukizun sozialean.

43. gaia.-Nafarroako Enplegu Zerbitzuaren laguntzak helburu hauetarako: a) emakumeak lan munduan sartzen eta laneko, bizitza pertsonaleko eta familiako eginkizunak bateratzen laguntzea eta b) langile autonomoei laneko, bizitza pertsonaleko eta familiako eginkizunak bateratzen laguntzea.

II. zatia: Enpleguaren eta prestakuntzaren kudeaketa

1. gaia.-Nafarroako 4. Enplegu Plana 2009-2012: helburu estrategikoak eta berariazko neurriak.

2. gaia.-1722/2007 Errege Dekretua, abenduaren 21ekoa, Enpleguari buruzko abenduaren 16ko 56/2003 Legea garatzen duena, Estatuko Enplegu Sistemako organoen, koordinazio tresnen eta ebaluazioaren arloetan.

3. gaia.-1/1994 Legegintzako Errege Dekretua, ekainaren 20koa, Gizarte Segurantzari buruzko Lege Orokorraren Testu Bategina onesten duena: III. titulua (desenpleguko babesa) eta seigarren, zazpigarren, hamabosgarren, hamaseigarren eta hamazazpigarren xedapen gehigarriak. Azken xedapenetako bosgarrena eta seigarrena.

4. gaia.-625/1985 Errege Dekretua, apirilaren 2koa, desenpleguko babesari buruzko abuztuaren 2ko 31/1984 Legea garatzen duena.

5. gaia.-735/1995 Errege Dekretua, maiatzaren 5ekoa, irabazi asmorik gabeko enplegu agentziak eta enplegurako zerbitzu bateratuak arautzen dituena.

6. gaia.-14/1994 Legea, ekainaren 1ekoa, aldi baterako laneko enpresak arautzen dituena.

7. gaia.-Batzordearen 2003/8/CE Erabakia, 2002ko abenduaren 23koa, Kontseiluaren 1612/68 Erregelamendua (EEE) aplikatzen duena. Enplegurako eskaintzak eta eskariak erlazioan jartzeari eta konpentsatzeari buruzkoa da erregelamendu hori.

8. gaia.-2003ko maiatzaren 3ko Komunikazioa, (2003/C 106/03) EURES Gutuna: EURES jardueren deskribapena; helburu operatiboak, kalitate arauak eta EURESeko kide eta bazkideen betebeharrak; informazioaren trukaketarako sistema bateratua eta eredu komunak.

9. gaia.-TAS/3698/2006 Agindua, azaroaren 22koa, Europar Batasunetik kanpoko atzerritarrak Enpleguko Zerbitzu Publikoetan eta Enplegu Agentzietan inskribatzeari buruzko arauak ematen dituena.

10. gaia.-TAS 2643/2003 Agindua, irailaren 18koa, enplegu arloko programa esperimentaletarako diru-laguntzak emateko oinarriak arautzen dituena. 4055/2008 Ebazpena, abenduaren 12koa, Nafarroako Enplegu Zerbitzuko zuzendari kudeatzaileak emana. Horren bidez onesten da enplegu arloko programa esperimentalak gauzatzeko diru-laguntzen deialdia (Lanaren eta Gizarte Gaien Ministerioaren irailaren 18ko 2643/2003 Aginduak arautuak).

11. gaia.-130/1999 Foru Dekretua, apirilaren 26koa, gizartetik bazterturik dauden pertsonei zuzendutako gizarteratze eta laneratze programak garatzeko laguntza ekonomikoak arautzen dituena.

12. gaia.-Lanaren eta Gizarte Gaien Ministerioak 1999ko uztailaren 15ean emandako Agindua, tokiko garapena sustatzeko eta I+E gisa kalifikatutako proiektu eta enpresak bultzatzeko diru-laguntza publikoetarako oinarriak ezartzen dituena. 2187/2005 Ebazpena, maiatzaren 30ekoa, Nafarroako Enplegu Zerbitzuko zuzendari kudeatzaileak emana, Lanaren eta Gizarte Gaien Ministerioak 1999ko uztailaren 15ean emandako Aginduan aipatzen diren laguntzak hartzeko eskabideak aurkezteko epea ezartzen duena.

13. gaia.-Nafarroako toki entitate, administrazio publiko eta irabazi-asmorik gabeko erakundeentzako laguntzak, interes orokor edo sozialeko obra eta zerbitzuak egiteko langabetuak kontratatzeagatik. 15/2005 Foru Agindua, otsailaren 10ekoa, Industria eta Teknologia, Merkataritza eta Laneko kontseilariak emana. 1997ko abenduaren 19ko Agindua, Lanaren eta Gizarte Gaien Ministerioak emana. 3600/2006 Ebazpena, abenduaren 11koa, Nafarroako Enplegu Zerbitzuko zuzendari kudeatzaileak emana.

14. gaia.-4180/2008 Ebazpena, abenduaren 18koa, Nafarroako Enplegu Zerbitzuko zuzendari kudeatzaileak emana, Nafarroako kooperatiba eta lan sozietateetan enplegua sustatu eta lehiakortasuna hobetzeko laguntzak emateko deialdia onesten duena.

15. gaia.-Desgaitasunak dituzten langileentzako lanpostuak gordetzeko kuota. 364/2005 Errege Dekretua, apirilaren 8koa, desgaitasunak dituzten langileentzako lanpostuak gordetzeko kuotaren betetze alternatiboa, salbuespen gisa, arautzen duena.

16. gaia.-1998ko urriaren 16ko Agindua, Lanaren eta Gizarte Gaien Ministerioak emana, minusbaliatuak enplegu eta lan autonomoko zentro berezietan integratzeko laguntza eta diru-laguntza publikoak emateko oinarri arautzaileak ezartzen dituena. 2782/2006 Ebazpena, irailaren 20koa, Nafarroako Enplegu Zerbitzuko zuzendari kudeatzaileak emana, enpleguko zentro berezietako egokitze pertsonal eta sozialeko zerbitzuen barruan lanbide jarduerari laguntzeko unitateentzako diru-laguntzen deialdia onesten duena.

17. gaia.-3388/2008 Ebazpena, azaroaren 3koa, Nafarroako Enplegu Zerbitzuko zuzendari kudeatzaileak emana, ehungintza eta jantzigintza sektoreko langileak mundu osoko merkataritzako egiturazko aldaketetara egokitzea errazteko diru-laguntzak emateko oinarri arautzaileak onesten dituena. 5/2008 Errege Dekretua, urtarrilaren 11koa, ehungintza eta jantzigintza sektoreko langileak mundu osoko merkataritzako egiturazko aldaketetara egokitzea errazteko neurriak ezartzeko dituena.

18. gaia.-1679/2009 Errege Dekretua, azaroaren 13koa, altzarien sektoreko langileak mundu osoko merkataritzako egiturazko aldaketetara egokitzea errazteko neurriak ezartzeko dituena. TIN/772/2010 Agindua, martxoaren 15ekoa, azaroaren 13ko 1679/2009 Errege Dekretuan ezarritakoa aplikatu eta garatzeko xedapenak ematen dituena. Dekretu horren bidez, altzarien sektoreko langileak mundu osoko merkataritzako egiturazko aldaketetara egokitzea errazteko neurriak ezartzen dira.

19. gaia.-9/2008 Errege Lege Dekretua, Tokiko Inbertsioetarako Estatuko Funtsa eta Estatuaren Funts Berezia sortzen dituena ekonomia eta enplegua bultzatzeko, eta horiek finantzatzeko kreditu bereziak onesten dituena.

20. gaia.-Nafarroako lanbide arloko informazio eta orientazio sarea: autoenplegua. Lana bilatzeko gida interaktiboa.

21. gaia.-1516/2009 Ebazpena, apirilaren 27koa, Nafarroako Enplegu Zerbitzuko zuzendari kudeatzaileak emana, enplegu autonomoa sustatzeko diru-laguntzak arautzen dituena.

22. gaia.-Biztanleria aktiboaren inkesta: Kontseiluaren 577/1998 (EE) Erregelamendua, martxoaren 9koa, Komunitateko biztanleria aktiboari buruzko lagin inkesta bat antolatzeari buruzkoa. 1897/2000 (EE) Erregelamendua, irailaren 7koa, Kontseiluaren martxoaren 9ko 577/1998 (EE) Erregelamendua aplikatzeko xedapenak ezartzen dituena.

23. gaia.-5/2002 Lege Organikoa, ekainaren 19koa, Kualifikazioei eta Lanbide Heziketari buruzkoa. Nafarroako Gobernuaren 2005eko apirilaren 4ko Erabakia, Kualifikazioei eta Lanbide Heziketari buruzko sistema Nafarroan garatzeko zuzentarauak ezartzen dituena.

24. gaia.-1128/2003 Errege Dekretua, irailaren 5ekoa, Lanbide Kualifikazioen Katalogo Nazionala arautzen duena. Hezkuntza, Kultura eta Kirol Ministerioak 2003an emandako oinarriak, Kualifikazioen Katalogo Nazionala prestatzeko.

25. gaia.-34/2008 Errege Dekretua, urtarrilaren 18koa, profesionaltasunaren ziurtagiriak arautzen dituena.

26. gaia.-229/2008 Errege Dekretua, otsailaren 15ekoa, lanbide heziketaren arloko Estatuko Erreferentzia Zentroak arautzen dituena.

27. gaia.-395/2007 Errege Dekretua, martxoaren 23koa, enplegurako lanbide heziketako azpisistema arautzen duena.

28. gaia.-Eskaintzako prestakuntza: TAS/718/2008 Agindua, martxoaren 7koa, martxoaren 23ko 395/2007 Errege Dekretua garatzen duena. Errege dekretu horren bidez enplegurako lanbide heziketako azpisistema arautzen da, eskaintzako prestakuntzaren arloan, eta hori finantzatzeko diru-laguntza publikoak emateko oinarri arautzaileak ezartzen ditu.

29. gaia.-30E/2009 Ebazpena, ekainaren 26koa, Nafarroako Enplegu Zerbitzuko zuzendari kudeatzaileak emana. Horren bidez diru-laguntzen deialdia onesten da Nafarroako Foru Komunitatean lanean ari diren langileen lanbide prestakuntzarako ekintzak (prestakuntzarako planetan agertzen direnak) finantzatzeko, eta diru-laguntza horiek emateko oinarri arautzaileak ezartzen dira.

30. gaia.-4110/2008 Ebazpena, abenduaren 15ekoa, Nafarroako Enplegu Zerbitzuko zuzendari kudeatzaileak emana, enpresek langileen enplegurako prestakuntza ekintzak antolatzeko diru-laguntza publikoak emateko deialdia onesten duena eta horiek finantzatzeko diru-laguntza publikoak emateko oinarri arautzaileak ezartzen dituena. Enpresek Nafarroako Foru Komunitateko enpresa txiki eta ertainetan enplegurako prestakuntza planen bidez gauzatuko dituzte ekintza horiek.

31. gaia.-3394/2006 Ebazpena, abenduaren 18koa, Nafarroako Enplegu Zerbitzuko zuzendari kudeatzaileak emana, kontrataziorako konpromisoa atxikirik duten prestakuntza ekintzetarako Nafarroako Enplegu Zerbitzuak ematen dituen laguntzetarako deia egin eta laguntzak arautzen dituena. 3595/2006 Ebazpena, abenduaren 11koa, Nafarroako Enplegu Zerbitzuko zuzendari kudeatzaileak emana, Nafarroako Enplegu Zerbitzuak zenbait talderen prestakuntza ekintzetarako ematen dituen laguntzetarako dei egin eta laguntzak arautzen dituena.

32. gaia.-TIN/2805/2008 Agindua, irailaren 26koa, martxoaren 23ko 395/2007 Errege Dekretua garatzen duena. Errege dekretu horren bidez enplegurako lanbide heziketako azpisistema arautzen da, prestakuntzarako laguntza eta sostenguko ekintzen arloan, eta haiek finantzatzeko diru-laguntza publikoak emateko oinarri arautzaileak ezartzen ditu.

33. gaia.-1224/2009 Errege Dekretua, uztailaren 17koa, laneko esperientzian lortutako gaitasun profesionalak aitzortzen dituena.

34. gaia.-Enplegurako Lanbide Heziketaren arloko Akordioa, 2006ko otsailaren 7koa. 247/2000 Foru Dekretua, uztailaren 3koa, Nafarroako Lanbide Heziketaren Kontseilua sortzen duena.

35. gaia.-Etengabeko ikaskuntzari buruzko memoranduma: Batzordearen zerbitzuen lan dokumentua, 2000ko urriaren 30ekoa.

36. gaia.-Batzordeak Europako Parlamentuari, Kontseiluari, Europako Batzorde Ekonomiko eta Sozialari eta Herrialdeen Batzordeari 2008ko abenduaren 16an igorritako Komunikazioa, izen hau duena: "Gaitasun berriak enplegu berrietarako: beharrezkoak diren gaitasunen aurreikuspena eta horiek lan merkatuaren eskakizunetara egokitzea". Kontseiluak eta Batzordeak 2010ean egindako txosten bateratua, 2010eko urtarrilaren 18ko "Hezkuntza eta prestakuntza 2010" lan programa abian jartzeko.

37. gaia.-Batzordeak 1998ko azaroaren 13an emandako Komunikazioa, Europako enplegu estrategiari laguntzeko xedez enpleguko zerbitzu publikoak modernizatzeari buruzkoa.

Iragarkiaren kodea: F1012243