3. ESTATUKO ADMINISTRAZIOA
GOBERNUAREN ORDEZKARITZA
Iragarkia, ondoko proiektu hau jendaurrean jartzeko:
"Faltzes-Irurtzun gasbidearen eranskina. G-07.02 posizioa
aldatzea G-650 erregulazio eta neurketa estazioarekin (80/16)",
Garesko udal mugapean
Goian aipatutako eskaera jendaurrean jartzen da, Hidrokarburoen Sektoreari buruzko urriaren 7ko 34/1998 Legean eta Gas naturala garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 27ko 1434/2002 Errege Dekretuan aurreikusitako ondorioetarako. Hona hemen eskaeraren xehetasunak:
-Eskatzailea: Enagas, S.A.; jakinarazpenetarako helbidea: Paseo de los Olmos 19, 28005 Madril.
-Eskaeraren xedea: administrazio baimena ematea eta exekuzio proiektua onestea, "Faltzes-Irurtzun gasbidearen eranskina. G-07.02 posizioa aldatzea G-650 erregulazio eta neurketa estazioarekin (80/16)" izeneko proiektuko instalazioak egiteko Garesko udal mugapean.
-Instalazioen deskripzioa: proiektu honen xedea da Faltzes-Irurtzun gasbideko G-07.02 posizioaren aldaketa eranstea proiektuari, G-650 motako erregulazio eta neurketa estazioa ezarri ahal izateko, konexio gune baterako. Instalazioa 18.912 m³-ko (n)/h emarirako proiektatu da. Sarrerako gehieneko presioa 80 bar izanen da, eta irteerako gehieneko presioa 16 bar.
-Aurrekontua ehun eta laurogeita hamabi mila hirurehun eta bost euro da (192.305,00 euro).
-Ukitutako udalerria: Gares (Nafarroa).
Ez da jabetza pribatuko ondasunik ukituko proiektu honetako instalazioak eraikitzeko.
Aditzera ematen da orok jakin dezan eta 20 eguneko epean, iragarki hau argitaratu eta biharamunetik hasita, proiektua aztertu ahal izan dadin Gobernuaren Ordezkaritzako Industria eta Energia Arloan (Merindadeen plaza, zk. g., 31071 Iruña) eta egokitzat jotzen diren alegazioak aurkeztu, toki berean. Alegazioen hiru kopia aurkeztu behar dira.
Iruñean, 2010eko ekainaren 10ean.-Gobernuaren Nafarroako Ordezkaritzako Industria eta Energia Arloko zuzendaria. Hura falta denez, Arabako Industria Arloko zuzendaria, José Luis Andrés Jardiel.
Iragarkiaren kodea: E1010321
