1. NAFARROAKO FORU KOMUNITATEA
1.7. BESTELAKOAK
243/2010 EBAZPENA, maiatzaren 13koa, Ikuskapenaren eta Zerbitzuen zuzendari nagusiak emana, Azagrako Udalaren Musika Eskolaren baimena aldatzen duena, ikasketa gehiago eskaintzeko.
Ikusirik María Antonia Berisa Sánchez andreak, Azagrako Udaleko alkate-udalburuak, herriko udalaren musika eskolan gitarra elektrikoa musika-tresnaren espezialitatea irakasteko aurkeztu duen baimen eskaera dela-eta irekitako espedientea.
Ikusirik Hezkuntzako Ikuskapen Zerbitzuak eman duen aldeko txostena.
Kontuan harturik Nafarroako Foru Komunitateko musika eta dantza eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 29. artikuluak xedatutakoa (1993ko urtarrilaren 22ko Nafarroako Aldizkari Ofiziala).
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Baimena ematen zaio Azagrako Udalaren Musika Eskolari (ikastetxearen kodea: 31004469) gitarra elektrikoa musika-tresnaren espezialitateko ikasketak emateko, 2010-2011 ikasturtearen hasieratik aurrera.
2. Hortik aurrera, eskolak ikasketa hauek emanen ditu:
a) 421/1992 Foru Dekretuaren 9.1 artikuluan aipatzen den oinarrizko eskaintzari dagozkionak, musika-tresnen espezialitate hauetan: akordeoia, klarinetea, zeharkako flauta, gitarra, gitarra elektrikoa, perkusioa, pianoa, saxofoia, tronboia, tronpeta, biola eta biolina.
3. Departamentuaren baimena beharko da eskolaren osaera aldatzeko, baldin eta aldaketak 421/1992 Foru Dekretuaren 29. artikuluan araututakoa ukitzen badu.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Ohartarazten da ezen, 421/1992 Foru Dekretuaren 20. artikuluarekin bat, eskolaren titularra den entitateak ordainduko dituela ebazpen honen bidez baimendutako ikasketen gastuak.
6. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
7. Ebazpen hau Nafarroako Aldizkari Ofizialean argitaratuko da.
8. Ebazpen hau igortzea Azagrako Udaleko alkate-udalburuari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Arte Ikasketen Atalari, Informazioaren eta Komunikazioaren Teknologien Atalari, Ikastetxeen eta haien Finantzaketaren Atalari eta Ikastetxeetako Informazioa Kudeatzeko Bulegoari.
Iruñean, 2010eko maiatzaren 13an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F1008776
