1. NAFARROAKO FORU KOMUNITATEA
1.7. BESTELAKOAK
217/2010 EBAZPENA, maiatzaren 14koa, Hezkuntza Departamentuko Antolamenduaren, Kalitatearen eta Berrikuntzaren zuzendari nagusiak emana, Cortesko "Cerro de la Cruz" Haur eta Lehen Hezkuntzako ikastetxe publikoari baimena ematen diona atzerriko bigarren hizkuntza (Frantsesa) Lehen Hezkuntzako hirugarren zikloan aldez aurretik irakasteko, 2010-2011 ikasturtetik aurrera.
Ikasketak Antolatzeko Zerbitzuko zuzendariak aldeko txostena aurkeztu du Cortesko "Cerro de la Cruz" Haur eta Lehen Hezkuntzako ikastetxe publikoak atzerriko bigarren hizkuntza Lehen Hezkuntzako hirugarren zikloan aldez aurretik irakasteko.
Kontuan harturik martxoaren 19ko 24/2007 Foru Dekretuaren 5.4 artikuluan (2007ko maiatzaren 23ko Nafarroako Aldizkari Ofiziala) eta martxoaren 17ko 91/2000 eta 97/2000 Foru Aginduetan (2000ko apirilaren 14ko Nafarroako Aldizkari Ofiziala) ezarritakoa eta,
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. d) artikuluak ematen dizkidan ahalmenak erabiliz,
EBATZI DUT:
1. Cortesko "Cerro de la Cruz" Haur eta Lehen Hezkuntzako ikastetxe publikoari baimena ematea atzerriko bigarren hizkuntza (Frantsesa) Lehen Hezkuntzako hirugarren zikloan aldez aurretik irakasteko, 2010-2011 ikasturtetik aurrera.
2. Ebazpen honen 1. puntuak aipatzen duen baimenak indarra izanen du baldin eta 91/2000 eta 97/2000 Foru Aginduetan ezarritako baldintzak betetzen badira; baimendu den atzerriko hizkuntzaren irakaskuntza aipatu foru agindu horietan ezarritako baldintzetan egin beharko da.
3. Hezkuntza Departamentuak baliorik gabe uzten ahalko du ebazpen honen 1. puntuan aipatu den baimena, baldin eta martxoaren 17ko 91/2000 Foru Aginduaren seigarren puntuan adierazten diren kasuetako bat gertatzen bada.
4. Ebazpen honen kontra gora jotzeko errekurtsoa aurkezten ahal da, Hezkuntza Departamentuko kontseilariari zuzendua, hilabeteko epean, argitaratu eta biharamunetik aitzina.
5. Ebazpen hau igortzea Ikasketak Antolatzeko Zerbitzura, Hezkuntzako Ikuskapen Zerbitzura, Ikastetxeen eta Ikasketetarako Laguntzen Zerbitzura, Giza Baliabideen Zerbitzura, Antolamenduaren eta Tituluen Atalera, Atzerriko Hizkuntzen Atalera, Ikastetxeen eta haien Finantzaketaren Atalera, Haur eta Lehen Hezkuntzako Atzerriko Hizkuntzen Didaktikarako Bulegora eta Cortesko "Cerro de la Cruz" Haur eta Lehen Hezkuntzako ikastetxe publikora, behar diren ondorioak izan ditzan.
6. Ebazpen hau Nafarroako Aldizkari Ofizialean argitaratzea.
Iruñean, 2010eko maiatzaren 14an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.
Iragarkiaren kodea: F1008817
