4. PROZEDURA JUDIZIALAK
TAFALLAKO LEHEN AUZIALDIKO ETA INSTRUKZIOKO
1. EPAITEGIA
Enkante publikoa. 0000908/2009 betearazpena
Aida González Arce andreak, Tafallako Lehen Auzialdiko eta Instrukzioko 1. Epaitegiko idazkariak,
Aditzera ematen dut: Nafarroako Aurrezki Kutxa eta Bahitura Etxeak sustaturik, hipoteka-betearazpena dela-eta, organo judizial honetan Patricia Soledad Gálvez Cueva andrearen eta Angel Eduardo Sandoval Aguilar jaunaren aurka bideratzen ari diren 0000908/2009 betearazpen-autoetan erabaki da ondotik, tasazio-prezioa finkatuta, adierazten diren ondasunen enkante publikoa egitea hogei egunez:
Enkantean jartzen diren ondasunak eta bakoitzaren balorazioa:
Finka: etxebizitza, Tafallako San Francisco kaleko 8an, hirugarren solairuko ezkerraldean. Tafallako Jabetza Erregistroan inskribatua: 1.884. liburukia, 286. liburua, 134. orria, 9.673. finka.
Enkantea egiteko, finka 181.000 eurotan baloratu da, hipoteka-maileguaren eskrituran ageri den bezala.
Enkantea 2010eko ekainaren 18an eginen da, goizeko 11:30ean, baldintza hauei jarraikiz:
Enkantearen baldintzak:
1.-Lizitatzaileek betekizun hauek bete beharko dituzte:
Lehena.-Beren nortasuna behar bezala frogatzea.
Bigarrena.-Enkantearen baldintza orokorrak eta partikularrak ezagutzen dituztela aitortzea.
Hirugarrena.-Epaitegi honetako Gordailu eta Kontsignazioen Kontuan, hots, Banestoren 0030 8025 00000 00000 00 kontuan (3176 0000 06 0908/09 espedientea) ondasunen tasazio-balioaren %30 sartu izanaren gordekina aurkeztea edo, bestela, kopuru hori adinako banku-abala jarri izanarena. Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da gordekinean, Prozedura Zibilari buruzko urtarrilaren 7ko 1/2000 Legearen 665. artikuluko 2. idatz-zatian xedatutakoaren ondorioetarako.
2.-Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
3.-Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, adierazitako baldintza berberetan.
4.-Posturarik onena enkantean jarri den ondasunaren balorazioaren %70ekoa edo handiagoa bada, errematea posturagile onenaren alde onetsiko da. Ehuneko horretatik beherakoa bada, Prozedura Zibilari buruzko urtarrilaren 7ko 1/2000 Legearen 670. artikuluan xedatutakoari jarraituko zaio.
5.-Erregistroko ziurtagiria epaitegi honetako Idazkaritzan dago ikusgai.
6.-Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, bai eta haien ondoriozko erantzukizunean subrogatzea ere, errematea bere alde esleituz gero.
Ezinbesteko arrazoiengatik, epaitegiari egotzi ezin zaizkion arrazoiengatik edo, oker bat dela-kausa, enkantearen deialdia igande baterako edo jaiegun baterako egiteagatik, enkantea adierazitako egunean eta orduan egiterik ez badago, ulertuko da hurrengo egun baliodunean eginen dela, ordu berean, larunbatak kenduta.
Balio beza honek Patricia Soledad Gálvez Cueva betearazpenpekoari bere ondasun horren enkante publikoa jakinarazteko, non den jakiterik ez baitago.
Tafallan, 2010eko apirilaren 27an.-Idazkari Judiziala, Aida González Arce.
Iragarkiaren kodea: J1007481
