1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
654/2010 EBAZPENA, apirilaren 12koa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzuko erdi mailako teknikari izateko bi lanpostu huts merezimendu lehiaketa bidezko lekualdatzeaz esleitzen dituena.
Osasunbidea-Nafarroako Osasun Zerbitzuko zuzendari kudeatzaileak urriaren 21ean emandako 1870/2009 Ebazpenaren bidez, Osasunbidea-Nafarroako Osasun Zerbitzua erakunde autonomoko erdi mailako teknikari izateko bi lanpostu huts merezimendu lehiaketa bidezko lekualdatzeaz betetzeko deialdia onetsi zen. Deialdia 2009ko 138. Nafarroako Aldizkari Ofizialean argitaratu zen, azaroaren 9an.
Epaimahaiak lehiatzaileek erdietsitako puntuazioaren araberako zerrenda igorri du eta, lanpostu hutsak hautatu ondotik, bidezkoa da lanpostuak esleitzea interesdunen nahiaren arabera.
Osasunbidea-Nafarroako Osasun Zerbitzuaren Estatutuak onesten dituen uztailaren 3ko 45/2006 Foru Dekretuak eman dizkidan eginkizunak betez,
EBATZI DUT:
1. Osasunbidea-Nafarroako Osasun Zerbitzua erakunde autonomoko erdi mailako teknikari izateko bi lanpostu huts ondotik aipatzen diren izangaiei esleitzea, lekualdatze lehiaketa egin ondotik:
-Eva Tellechea Lavin, lanpostu bat Zerbitzu Zentraletan aritzeko (lanpostuaren zenbakia: 68061).
-Juan Ardaiz Astrain, lanpostu bat Oinarrizko Osasun Laguntzan aritzeko (lanpostuaren zenbakia: 61661).
2. Lehiatzaileek hamar egun naturaleko epea izanen dute lanpostuaren jabetza hartzeko, lanpostua esleitzeko ebazpen hau jakinarazi edo argitaratu eta biharamunetik hasita. Epe horretan, behar bezala frogaturiko ezinbesteko kasuetan izan ezik, lanpostuaz jabetzen ez badira, esleitu zaien lanpostuan aritzeko eskubide guztiak galduko dituzte.
3. Ebazpen hau Nafarroako Aldizkari Ofizialean argitara dadila agintzea.
4. Ebazpen honen aurka, gora jotzeko errekurtsoa jar daiteke, Lehendakaritza, Justizia eta Barneko kontseilariari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57.1 eta 2. c) artikuluan xedaturikoarekin bat.
5. Ebazpen hau igortzea interesdunei, Oinarrizko Osasun Laguntzako Langileria Zerbitzuko buruari, Langileriaren Kudeaketa, Sarrera eta Barne Igoerarako Zerbitzuko buruari, Osasunbidea-Nafarroako Osasun Zerbitzuko Deialdiak Tramitatzeko Atalari eta Osasun Departamentuko Idazkaritza Tekniko Nagusiari, behar diren ondorioak izan ditzan.
Iruñean, 2010eko apirilaren 12an.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F1006595
