1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2010eko abenduaren 13an hartua, Allin, Berriobeiti, Ziritza, Elo, Nabaskoze eta Untzue udalerrien eta Makirriaingo Kontzejuaren euskarazko izenak zehazten dituena.
Nafarroako Toki Administrazioari buruzko uztailaren 2ko 6/1990 Foru Legearen 21.2 artikuluak ezartzen du udalerrien izenetan euskara nola erabili zehazteko Euskarari buruzko abenduaren 15eko 18/1986 Foru Legean xedatutakoari jarraituko zaiola.
Euskarari buruzko Foru Legearen 8. artikuluak xedatzen du Foru Komunitateko toponimoek gaztelaniaz eta euskaraz izanen dutela izen ofiziala, artikulu horretan berean adierazitako arauei jarraituz eta foru legean ezarritako eremuen arabera. Eta 2. idatz-zatiak aipatzen du Nafarroako Gobernuari dagokiola toponimo horiek zehaztea, aldez aurretik Euskaltzaindiaren txostena ikusita, eta horren berri Nafarroako Parlamentuari eman beharko zaiola.
Nafarroako Gobernuak, zenbait foru dekreturen bidez, eremu euskalduneko herrien eta eremu mistoko eta ez-euskalduneko batzuen izen ofizialak zehaztu ditu. Horretaz gain, irailaren 12ko 270/1991 Foru Dekretuaren bidez, Euskarari buruzko Foru Legearen babesean onetsitako izen ofizialen erabilera arautu zuen.
Allin, Berriobeiti, Ziritza, Elo, Nabaskoze eta Untzueko udalek eta Makirriaingo Kontzejuak eskaturik eta Euskaltzaindiak behar den txostena eginik, bidezko da herri horretako izen ofizialak finkatzea, Euskarari buruzko Foru Legearen 8.3 artikuluak bere ondorioak izan ditzan.
Horrenbestez, Nafarroako Gobernuak, Hezkuntzako kontseilariak proposaturik,
ERABAKI DU:
1. Allíngo euskarazko izen ofiziala Allin da.
Berrioplanokoa, Berriobeiti.
Cirizakoa, Ziritza.
Monrealgoa, Elo.
Navascuésekoa, Nabaskoze.
Unzuékoa, Untzue.
Maquírriaingoa, Makirriain.
2. Erabaki hau Nafarroako Aldizkari Ofizialean argitaratzea.
3. Erabaki honek Nafarroako Aldizkari Ofizialean argitaratu eta biharamunean izanen ditu ondorioak.
4. Nafarroako Parlamentuari erabaki honen berri ematea.
Iruñean, 2010eko abenduaren 13an.-Nafarroako Gobernuko kontseilari eta idazkaria, Javier Caballero Martínez.
Iragarkiaren kodea: F1020482
