4. PROZEDURA JUDIZIALAK
IRUÑEKO LAN ARLOKO 3. EPAITEGIA
Jakinarazpen ediktua. 396/2010 prozedura
Lourdes García Ruiz andreak, Iruñeko Lan arloko 3. Epaitegiko idazkari judizialak, aditzera ematen dut:
David Etayo Álvarezek, Miguel Indurain Hualdek eta Adelaida Manzano Parrok eskaturik, kaleratzea dela-eta, Ñam Restaurante Pamplona, S.L.ren, Área de Servicios Integrales para La Restauración, S.L.ren, Área Paternain S.A.ren, Roncesvalles Hostelería, S.L.ren eta Soldatak Bermatzeko Funtsaren aurka lan arloko epaitegi honetan bideratu den 396/2010 prozeduran, xedapen zatian hauxe dioen ebazpena eman da gaurko egunean:
Baiesten dut David Etayo Álvarez jaunak Ñam Restaurante Pamplona, S.L.ren, Área de Servicios Integrales para la Restauración, S.L.ren, Área Paternain S.A.ren, Roncesvalles Hostelería S.L.ren eta Soldatak Bermatzeko Funtsaren aurka jarritako demanda eta, horrenbestez, deklaratzen dut demandatzailearen kaleratzea baliogabea dela (kaleratzeak 2010eko maiatzaren 10etik aurrera sortu zituen ondorioak), Ñam Restaurante Pamplona, S.L., Área de Servicios Integrales para la Restauración, S.L., Área Paternain, S.A. eta Roncesvalles Hostelaría S.L. enpresak solidarioki kondenatzen ditut deklarazio horri men egitera eta auzi-jartzailea berriz onartzera, kaleratzearen aurretik zituen baldintza berberetan, eta 2010eko maiatzaren 9tik 2010eko maiatzaren 24ra bitartean, biak barne, jaso gabeko soldata guztiak ordaintzera, 69,69 euro eguneko (oker edo hutsik ezean); halaber, baiesten dut Miguel Indurain Hualde jaunak Ñam Restaurante Pamplona, S.L.ren, Área de Servicios Integrales para la Restauración, S.L.ren, Área Paternain S.A.ren, Roncesvalles Hostelería, S.L.ren eta Soldatak Bermatzeko Funtsaren aurka aurkeztutako demanda, 2010eko maiatzaren 9tik aurrera ondorioak sortu zituen kaleratzea baliogabea dela deklaratzen dut, eta solidarioki kondenatzen ditut Ñam Restaurante Pamplona, S.L., Área de Servicios Integrales para la Restauración, S.L., Área Paternain S.A. eta Roncesvalles Hostelaría, S.L. enpresak deklarazio horri men egitera eta auzi-jartzailea berriz onartzera, kaleratzearen aurretik zituen baldintza berberetan, eta 2010eko maiatzaren 9tik berriz onartzen duten egunera arte jaso gabeko soldata guztiak ordaintzera, 53,66 euro eguneko (oker edo hutsik ezean); eta azkenik, baiesten dut Adelaida Manzano Parro andreak Ñam Restaurante Pamplona, S.L.ren, Área de Servicios Integrales para la Restauración, S.L.ren, Área Paternain S.A.ren, Roncesvalles Hostelería, S.L.ren eta Soldatak Bermatzeko Funtsaren aurka jarritako demanda, deklaratzen dut demandatzailearen kaleratzea baliogabea dela (kaleratzeak 2010eko maiatzaren 10etik aurrera sortu zituen ondorioak), eta Área de Servicios Integrales para la Restauración, S.L., Área Paternain, S.A. eta Roncesvalles Hostelería, S.L. enpresak solidarioki kondenatzen ditut deklarazio horri men egitera eta auzi-jartzailea berriz onartzera, kaleratzearen aurretik zituen baldintza berberetan, eta 2010eko maiatzaren 9tik berriz onartzen duten egunera arte jaso gabeko soldata guztiak ordaintzera, 52,86 euro eguneko (oker edo hutsik ezean); eta Soldatak Bermatzeko Funtsa deklarazio horri men egitera kondenatzen dut.
Epai honen aurka bidezko da erregutze-errekurtsoa aurkeztea Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost egunetan. Horretarako, aski izanen da jakinarazpena egiten denean alderdiak, haren abokatuak edo ordezkariak asmo horren berri ematea, baina zilegi da, orobat, adierazitako epean pertsona horiek agertzea edo idazkia aurkeztea.
Errekurtsoa iragartzearekin batera, epaitegi honen gordailu eta kontsignazioen 3160.0000.65.0396.10 kontuan, Banestoren edozein bulegotan, 150,00 euro sartu izanaren gordekina aurkeztuko da, eta horrez gainera, aparteko eragiketa batean, baina oraingoan 3160.0000.67.0396.10 kontuan, kondenaren xede den dirua sartu izanarena. Diru sarrera banku-transferentziaren bidez egiten bada, 0030 1846 42 0005001274 zenbakia jarri beharko da, bulego hartzailearen gako gisa.
Diru kopuru horren ordez banku-abala aurkez daiteke, abal-emailearen erantzukizun solidarioa jaso beharko duena.
Errekurtsoa aurkezteko asmoaren berri ematean, errekurtsoaz arduratuko den legelaria edo lan harremanetako gradudun elkargokidea izendatuko da, dela idazki baten bidez, dela bertan agertuz, bestela ofizioz izendatuko baita, doako justizia izateko eskubidea duen langilea edo enpresaburua bada.
Eta Área de Servicios Integrales para La Restauración, S.L.ri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean ebazpenaren kopia jarriz eginen direla hurrengo jakinarazpenak, salbu eta autoenak, epaienak, epatzeenak eta prozedurari amaiera ematen dioten ebazpenenak.
Iruñean, 2010eko uztailaren 30ean.-Idazkari judiziala, Lourdes García Ruiz.
Iragarkiaren kodea: J1014955
