1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1755/2010 EBAZPENA, irailaren 9koa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzuko zuzendari kudeatzailearen martxoaren 8ko 436/2010 Ebazpenaren 1.1. oinarria aldatzen duena. Ebazpen horren bidez, Osasunbidea-Nafarroako Osasun Zerbitzuko osasun publikoko ikuskatzaile izateko lanpostu batzuk, 1.1 oinarrian aipatuak, oposizio-lehiaketa bidez betetzeko deialdia onetsi zen.
Osasunbidea-Nafarroako Osasun Zerbitzuko zuzendari kudeatzaileak abenduaren 29an emandako 2346/2009 Ebazpenaren bidez, Osasunbidea-Nafarroako Osasun Zerbitzua erakunde autonomoan osasun publikoko ikuskatzaile izateko 3 lanpostu huts merezimendu lehiaketa bidezko lekualdatzearen bitartez betetzeko deialdia onetsi zen.
Gero, Osasunbidea-Nafarroako Osasun Zerbitzuko zuzendari kudeatzailearen martxoaren 8ko 436/2010 Ebazpenaren bidez, 1.1. oinarrian adierazitako Osasunbidea-Nafarroako Osasun Zerbitzuko osasun publikoko ikuskatzaile lanpostuak oposizio-lehiaketa bidez betetzeko deialdia onetsi zen.
Ildo horretan, 1.1 oinarriak hauxe ezartzen du: "Deialdi honen xedea da lan publikoaren eskaintzan ageri diren osasun publikoko ikuskatzaile lanpostuak oposizio-lehiaketa bidez betetzea. Lanpostu horiek izanen dira Osasunbidea-Nafarroako Osasun Zerbitzuko zuzendari kudeatzaileak abenduaren 29an emandako 2346/2009 Ebazpenaren bidez onetsitako lekualdatze lehiaketaren ondorioz hutsik geratzen direnak (2010eko 7. Nafarroako Aldizkari Ofizialean, urtarrilaren 15ean, argitaratu zen deialdia); kasua bada, aldez aurretik kenduko dira eszedentzian daudenek, behin-behineko atxikipenean itzulitakoek edo Nafarroako Foru Komunitateko Administrazioaren beste erakunde autonomo edo departamentuetakoek betetzen dituzten lanpostuak, baita lekualdatze nazionaleko lehiatzaileei esleitzen zaizkienak ere.
Onartu eta baztertuen behin betiko zerrenda onesten duen ebazpenean zehaztuko dira lanpostuen kopurua, destinoak eta plantillako zenbakiak; hain zuzen, aipatu lekualdatzea burututa ateratzen direnak izanen dira".
Aipatu lekualdatze lehiaketa tramitazio fasean dago oraindik. Hortaz, ezinezkoa da oposizio-lehiaketa bidez beteko diren lanpostu hutsen zerrenda izangai onartu eta baztertuen behin betiko zerrendarekin batera zehaztea, deialdiaren 1.1 oinarrian ezarri zen bezala.
Hori horrela, oposizio-lehiaketa ez geldiarazteko eta oposizioaldia 2010eko urrian hasi ahal izateko, beharrezkoa da martxoaren 8ko 436/2009 Ebazpenaren bidez onetsi zen deialdiaren 1.1 oinarria aldatzea.
Horrenbestez, uztailaren 3ko 45/2006 Foru Dekretuaren bidez emandako ahalmenak erabiliz,
EBATZI DUT:
1. 1.1 oinarriaren bigarren paragrafoa aldatzea. Hona testu berria:
''Lanpostuen kopurua, destinoak eta plantillako zenbakiak lekualdatze lehiaketa hori bukatu ondoren finkatuko dira, Giza Baliabideen Zerbitzuko zuzendariaren ebazpen baten bidez''.
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
3. Ebazpen hau Osasunbidea-Nafarroako Osasun Zerbitzuko Deialdiak Tramitatzeko Atalera eta Osasun Departamentuko Idazkaritza Tekniko Nagusira igortzea, behar diren ondorioak izan ditzan.
Iruñean, 2010eko irailaren 9an.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F1015018
