I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
225/2009 EBAZPENA, maiatzaren 8koa, Ikuskapenaren eta Zerbitzuen zuzendari nagusiak emana, Irurtzungo Udalaren Musika Eskolaren baimena aldatzen duena, ikasketa gehiago eskaintzeko.
Ikusirik Juan José Iriarte Vitoria jaunak, herriko Udaleko alkate udalburuak, eskola horretan "Bateria" eta "Gitarra elektrikoa" musika-tresnen espezialitateak irakasteko aurkeztu duen baimen eskaera dela-eta irekitako espedientea.
Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 29. artikuluak araututakoa kontuan hartuz.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Baimena ematen zaio Irurtzungo Udalaren Musika Eskolari (ikastetxearen kodea: 31008645) "Bateria" eta "Gitarra elektrikoa" musika-tresnen espezialitateak irakasteko 2009-2010 ikasturtean.
2. Hemendik aurrera, eskolak 421/1992 Foru Dekretuaren 9.1 artikuluan aipatzen den oinarrizko eskaintzako ikasketak emateko baimena izanen du, eta musika-tresnen arloan espezialitate hauek eskainiko ditu: akordeoia, bateria, klarinetea, zeharkako flauta, gitarra, gitarra elektrikoa, pianoa, saxofoia, trikitixa eta txistua.
3. Departamentuaren baimena beharko da eskolaren osaera aldatzeko, baldin eta aldaketak 421/1992 Foru Dekretuaren 29. artikuluan araututakoa ukitzen badu.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Ohartarazten da ezen, 421/1992 Foru Dekretuaren 20. artikuluarekin bat, eskolaren titularra den entitateak ordainduko dituela ebazpen honen bidez baimendutako ikasketen gastuak.
6. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
7. Ebazpen hau Nafarroako Aldizkari Ofizialean argitaratuko da.
8. Ebazpen hau igortzea Udaleko alkate udalburuari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Arte Ikasketen Atalari, Informazioaren eta Komunikazioaren Teknologien Atalari, Ikastetxeen eta haien Finantzaketaren Atalari, Informazioa Kudeatzeko Bulegoari eta Ikastetxeak Baimendu eta Erregistratzeko Bulegoari.
Iruñean, 2009ko maiatzaren 8an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F0915846
