I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
632/2009 EBAZPENA, apirilaren 28koa, Arriskuen Prebentziorako eta Lanaren zuzendari nagusiak emana, "Precomar, S.L." enpresaren lan hitzarmen kolektiboaren soldaten berrikuspenari buruzko 2009. urterako akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 35/2009).
Departamentu honetan 2009ko apirilaren 24an sartu zen ''Precomar, S.L." enpresaren lan hitzarmen kolektiboaren soldaten berrikuspenari buruzko 2009. urterako akordioa, negoziazio batzordeak hitzarmen hartan xedaturikoa betez sinatu eta onetsia (hasierako espedientearen zenbakia: 50/2008).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Martzillako "Precomar, S.L." enpresaren (kode zenbakia: 3108792) lan hitzarmen kolektiboaren soldaten berrikuspenari buruzko akordioa erregistratzea Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea, eta adieraztea ebazpenak ez diola administrazio bideari bukaera ematen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko apirilaren 28an.-Arriskuen Prebentziorako eta Lanaren zuzendari nagusia, Imelda Lorea Echavarren.
Martzillan (Nafarroa), Precomar, S.L. enpresaren lokaletan bildu ziren, 2009ko apirilaren 7an, 16:30ean, enpresako zuzendaritzaren ordezkari eta langileen ordezkari hauek:
Zuzendaritzaren aldetik: Jesús M.ª Saenz Pejenaute jauna, Leire Etxeberría Zabala andrea, José M.ª Arregui Zamorano jauna.
Langileen aldetik, langileen hiru ordezkariak: Purificación Vera Aguilera andrea, M.ª Carmen Ladrón Rodrigáñez andrea, M.ª Asunción Imaz López andrea.
Bi aldeek gaitasuna aitortu diote elkarri eta honako hau erabaki dute:
1. Precomar, S.L. enpresaren lan hitzarmen kolektiboaren 2009ko lansarien taula onetsi eta sinatzea.
2. Enpresako zuzendaritzaren legezko ordezkaritzari ahalmena ematea beharrezko kudeaketak egin ditzan, lansarien taula dagokion bulego publikoan erregistratzeko eta Nafarroako Aldizkari Ofizialean argitaratzeko.
Eta adostasuna adierazteko, goian adierazitako tokian eta egunean sinatu dute.
Langileen aldetik: Purificación Vera Aguilera andrea, M.ª Carmen Ladrón Rodrigáñez andrea, M.ª Asunción Imaz López andrea. Zuzendaritzaren aldetik, Jesús M.ª Saenz Pejenaute jauna, Leire Etxeberría Zabala andrea, José M.ª Arregui Zamorano jauna.
2009ko behin-behineko taulak
Plantillako langile finkoak
MAILAK | HILEKO SOLDATA EURO | URTEKO SOLDATA EURO | APARTEKO ORDUA EURO/ORDUA | GAUEKO LANAREN PLUSA EURO/ORDUA |
1.1 maila | 1212,45 | 18186,75 | 14,12 | 1,54 |
1.2 maila | 1119,60 | 16794,00 | 12,96 | 1,42 |
1.3 maila | 1119,60 | 16794,00 | 12,96 | 1,42 |
1.4 maila | 1070,74 | 16061,10 | 12,33 | 1,36 |
1.5 maila | 1070,11 | 16051,71 | 12,21 | 1,36 |
1.6 maila | 1049,26 | 15738,90 | 12,07 | 1,33 |
1.7 maila | 1019,38 | 15290,70 | 11,68 | 1,29 |
1.8 maila | 1016,22 | 15243,30 | 11,63 | 1,29 |
1.9 maila | 981,86 | 14727,90 | 11,22 | 1,25 |
1.10 maila | 946,31 | 14194,65 | 11,20 | 1,20 |
1.11 maila | 940,29 | 14104,35 | 11,12 | 1,19 |
1.12 maila | 939,21 | 14088,15 | 10,95 | 1,19 |
1.13 maila | 919,21 | 13788,15 | 10,91 | 1,17 |
1.14 maila | 904,94 | 13574,10 | 10,89 | 1,15 |
1.15 maila | 693,48 | 10402,20 | - | - |
Aldizkako langile finkoak eta behin-behinekoak
MAILAK | OINARRIZKO SOLDATA EURO/ORDUA | ZATI PROPORTZ. EURO | ORDUKO SOLDATA GUZTIRA EURO | APARTEKO ORDUA EURO/ORDUA | GAUEKO LANAREN PLUSA EURO/ORDUA |
2.8 maila | 5,15 | 3,43 | 8,58 | 11,63 | 1,29 |
2.9 maila | 4,97 | 3,32 | 8,29 | 11,22 | 1,25 |
2.10 maila | 4,79 | 3,20 | 7,99 | 11,20 | 1,20 |
2.11 maila | 4,76 | 3,18 | 7,94 | 11,12 | 1,19 |
2.12 maila | 4,76 | 3,17 | 7,93 | 10,95 | 1,19 |
2.13 maila | 4,66 | 3,10 | 7,76 | 10,91 | 1,17 |
2.14 maila | 4,58 | 3,06 | 7,64 | 10,89 | 1,15 |
2.15 maila | 3,51 | 2,34 | 5,85 | - | - |
Orduko soldata guztirakoan sartuta dago honako kontzeptu hauengatik gehitzen den %66,67: hala badagokio, igandeetako, larunbatetako eta jaiegunetako lana, oporrak, aparteko eskersariak eta fideltasun sariko 30 egun.
Gizarte Segurantzako kotizazioa orduko soldata guztirakoaren arabera eginen da.
2.1 mailatik 2.7 maila bitarte, aldizkako langile finkorik edo behin-behineko langilerik baldin badago, gainerakoek bezala, benetan lan egindako orduaren arabera kobratuko dute. Orduaren balioa ateratzeko, 1.1 mailatik 1.7 bitarteko mailen urteko soldata zati urteko lanaldiko orduak eginen da.
Iragarkiaren kodea: F0915174
