Iragarkia

63. ALDIZKARIA - 2009ko maiatzaren 22a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari kudeatzaileak maiatzaren 6an emandako 58/2009 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko delineatzaile-ofizial izateko hiru lanpostu oposizio-lehiaketa bidez betetzekoa.

Nafarroako Administrazio Publikoaren Institutuko zuzendari kudeatzaileak maiatzaren 6an emandako 58/2009 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko delineatzaile-ofizial izateko hiru lanpostu oposizio-lehiaketa bidez betetzeko deialdia onetsi zen.

Hautapen prozesua honako hauetan xedatutakoari jarraikiz eginen da: Nafarroako administrazio publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena; aipatu estatutua garatu eta betearazteko Sarrera Erregelamendua; gainerako aplikazio arauak; eta deialdi honen oinarriak.

1.-Deialdiaren xedea.

1.1. Deialdi honen xedea da delineatzaile-ofizial izateko hiru lanpostu oposizio-lehiaketa bidez betetzea, funtzionarioen araubidekoak eta C mailakoak, Iruñean aritzekoak, txanda hauetan banatutakoak:

- Lanpostu bat txanda irekian.

-2 lanpostu igoera txandan.

1.2. Deialdiko lanpostu hutsak hauek dira:

-2, Herri Lan, Garraio eta Komunikazio Departamentuan. Plantilla organikoko zenbakiak: 7671 eta 7969. Iruñean aritzekoak.

-1, Vianako Printzea Erakundea-Kultura eta Turismo Departamentuan. Plantilla organikoko zenbakia: 7587. Iruñean aritzekoa.

1.3. Igoera txandako lanpostuak hutsik geldituz gero, izangaiek ez dutelako atera hautaprobak gainditzeko behar den gutxieneko puntuazioa, txanda irekikoei gehituko zaizkie.

Bestaldetik, igoera txandan, hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, agiriak aurkezteko deialdiaren 7.2 oinarrian ezartzen den epea bukatzen denean deialdiaren 2.1.2 oinarriko eskakizun berariazkoak betetzen ez dituzten igoera txandako izangaiek.

1.4. Lanpostuek C mailako ordainsariak izanen dituzte. Uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan ezarri ziren ordainsari horiek eta, gainera, kasuan-kasuan aplikatu beharreko gainerako xedapenetan ezarritakoari jarraikiko zaio.

1.5. Halaber, deialdi honen bidez, hautapen prozeduran lanposturik lortzen ez duten izangaiekin aldi baterako kontratatuak izateko izangaien zerrendak osatu nahi dira:

a) Probak gainditu bai, baina lanposturik lortu ez duten izangaien zerrenda, bat bera Nafarroako Foru Komunitateko Administrazioko departamentu eta erakunde autonomo guztientzat.

b) Hautapen prozesuko azken-aurreko ariketa bai, baina azkenekoa gainditu ez duten izangaien zerrenda, Administrazio Erroaren kudeaketa eremuan aldi baterako kontratatuak izan daitezen.

Aldi baterako kontratatuak izateko izangaien zerrendak deialdi honen 10. oinarrian xedatutakoarekin bat onetsi eta kudeatuko dira.

2.-Eskakizunak.

Ekainaren 30eko 78/2008 Foru Dekretuak Nafarroako Foru Komunitatearen Administrazioko eta haren erakunde autonomoetako plantilla organikoa aldatu zuen, eta berariazko lanbide heziketaren titulua eskatu C eta D mailetako lanpostu batzuetara sartzeko.

Eskaera hori aplikatzekoa da delineatzaile-ofizial izateko lanpostua betetzeko.

Dena dela, 78/2008 Foru Dekretua onartu zenetik egiten den lehenbiziko deialdi honetan, titulazio hori ez da onartua izateko eskakizun izanen. Deialdia oposizio-lehiaketa bidez eginen da, eta, salbuespenez, baloratuko dira soilik titulazio berariazko hori izatea eta lanpostu horretan aldi baterako emandako zerbitzuak. Eskakizun orokorrak hauek izanen dira:

2.1. Oposizio-lehiaketa honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia), eta lanpostuaren jabetza hartu arte, eskakizun hauek bete beharko dituzte:

2.1.1. Txanda irekiko izangaiek bete beharreko eskakizunak:

a) Espainiarra izatea, edo Europar Batasuneko beste estatu batekoa, edo Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo, gorakoak izanda, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Eskaerak aurkezteko epea bukatzen den egunean Batxilergoko titulua, Bigarren Graduko Lanbide Heziketakoa edo titulu baliokide bat izatea edo eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) Bete behar dituen eginkizunetan aritzeko adinako gaitasun fisikoa eta psikikoa izatea.

e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

f) B motako ibilgailuen gidabaimena izatea.

2.1.2. Igoera txandako izangaiek bete beharreko eskakizun berariazkoak.

Igoera txandako izangaiek eskakizun hauek izan beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun onartua frogatzea, Nafarroako polizia kidegoetako kideen kasuan izan ezik, horiek frogatu beharko baitute zortzi urte eman dituztela zerbitzuak kidego horietan; eta Batxilergoa, Bigarren Mailako Lanbide Heziketa edo titulu baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea; edo zortzi urteko antzinatasun onartua frogatzea administrazio publikoetan.

Nafarroako administrazio publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko eskakizunak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiaren 3.3 oinarriaren hirugarren eta laugarren puntuetan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarririko epean eta moduan frogatu beharko dituzte eskakizun horiek.

3.-Eskaerak

3.1. Deialdian parte hartzeko eskaerak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiko eranskinean argitaratutako ereduaren araberakoak izanen dira eta, horietan, izangaiek adierazi beharko dute eskatutako baldintza guztiak betetzen dituztela. Eskabide eredua Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta bai aipu honetatik abiatuta: "Zerbitzuak", "Enplegu publikoa".

3.2. Ezgaitasun aitortua duten izangaiek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Aurreko atalean aipatzen den Interneteko helbidean eredu bat dago egokitzapenak eskatzeko, interesdunen eskura.

3.3. Eskabideari, behar bezala bete ondoren, agiri hauek erantsiko zaizkio:

Bat.-Nortasun agiri nazionalaren fotokopia, edo izangaiaren nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 25 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa:

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Arestian aipatutako web-orrian, deialdiaren iragarkian, dago ordainketa gutunaren eredua.

-Banestoko (Banco Español de Crédito) 00308124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

-Izangaiaren izen-deiturak.

-NAN/IFZ

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo hortik goitiko ezgaitasun aitortua dutenak.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, enplegu bulegoak emandako agiria aurkeztu beharko du. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikaturiko kasuetan izan ezik.

Interesdunaren adierazpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.

Hiru.-%33ko edo hortik goitiko ezgaitasun aitortua duten pertsonek organo eskudunak luzaturiko ziurtagiria (jatorrizkoa edo fotokopia konpultsatua) aurkeztu beharko dute, deialdi honen 3.2, 3.3.Bi eta 8. oinarrietan xedatutakoa aplikatzeko.

Lau.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren eskakizunak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Bosgarrena.-Nafarroako Foru Komunitateko Administrazioaren langile finkoak izanda, igoera txandan parte hartzeko eskatu baina zortzi urteko antzinatasuna dutela frogatzerik ez duten izangaiek Batxilergoaren, Bigarren Mailako Lanbide Heziketaren edo titulu baliokidearen kopia konpultsatua erantsi beharko diote eskabideari.

Seigarrena.-Alegatutako merezimendu guztiak frogatzen dituzten jatorrizko agiriak edo haien fotokopia behar bezala konpultsatuak, deialdi honen II. eranskinean ezarritakoari jarraikiz balora daitezen.

3.4. Eskaerak aurkezteko epea ezin izanen da luzatu.

3.5. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Nafarroako Administrazio Publikoaren Institutuko Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Administrazio Publikoaren Institutuko Sarrerarako Hautapenaren Zerbitzuko zuzendari kudeatzaileak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko du.

4.4. Izangaiei egotziriko arrazoiengatik baztertzen diren izangaiei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaia kide hauek osatuko dute:

-Mahaiburua: Cristina Presmanes Zatarain andrea, Herri Lan, Garraio eta Komunikazio Departamentuko Proiektu, Trenbide eta Obra Hidraulikoen Zerbitzuko burua.

-Ordezkoa: Luis Rivas Sánchez jauna, Herri Lan, Garraio eta Komunikazio Departamentuko Zainketa Zerbitzuko zuzendaria.

-Mahaikidea: Miguel Ángel Jiménez de Cisneros y Fonfría jauna, Herri Lan, Garraio eta Komunikazio Departamentuko Kartografia Ataleko burua.

-Ordezkoa: Jorge Luis Iribas Cardona jauna, Herri Lan, Garraio eta Komunikazio Departamentuko Mapagintza, Kontrol eta Erregistrorako Bulegoko burua.

-Mahaikidea: Francisco Javier Sancho Domingo jauna, Vianako Printzea Erakundea-Kultura eta Turismo Departamentuko Ondare Arkitektonikoaren Ataleko burua.

-Ordezkoa: José Luis Fránchez Apecechea jauna, Vianako Printzea Erakundea-Kultura eta Turismo Departamentuko Ondare Arkitektonikoaren Ataleko arkitektoa.

-Mahaikidea: Administrazio Erroko Langileen Batzordearen ordezkari bat, batzordeak berak proposatua.

-Ordezkoa: Administrazio Erroko Langileen Batzordearen ordezkari bat, batzordeak berak proposatua.

? Mahaikide idazkaria: Sagrario Melón Vital andrea, Herri Lan, Garraio eta Komunikazio Departamentuko Araubide Juridikoaren Ataleko burua.

-Ordezkoa: María Rosario Loitegui Biurrun andrea, Herri Lan, Garraio eta Komunikazio Departamentuko Garraioen Araubide Juridikoaren Ataleko burua.

Hautaprobak hasi baino lehen eratuko da epaimahaia.

5.2. Epaimahaia ezin izanen da eratu, ezta jardun ere, kideen gehiengo osoa bildu gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizio-lehiaketa nola eginen den.

6.1. Oposizio-lehiaketa bi alditan eginen da, lehiaketaldia lehenbizi eta oposizioaldia gero, oinarri hauetan zehazten den gisara.

6.2. Oposizioaldia 2009ko irailean hasiko da. Izangai onartu eta baztertuen behin betiko zerrenda onesten duen ebazpenean berean zehaztuko dira probak hasteko lekua, eguna eta ordua.

Ondoren, epaimahaiak gainerako probak egiteko iragarkiak argitaratuko ditu, arauz egin behar den moduan.

6.3. Lehiaketaldia:

6.3.1. Epaimahaiak lehiatzaileek alegaturiko eta egiaztaturiko merezimenduak baloratuko ditu, deialdiaren II. eranskineko baremoari jarraikiz.

6.3.2. Alegatutako merezimendu guztiak agirien bidez frogatu beharko dira izangaiek oposizio-lehiaketa honetan parte hartzeko eskabidea aurkezten duten unean. Agiriak jatorrizkoak zein behar bezala konpultsatuak izanen dira, bestela ez aurkeztutzat joko baitira.

6.3.3. Baremoaren aplikaziorako beharrezkoa den informazio guztia jaso beharko dute agiri horiek. Justifikatu gabeko merezimenduak ez dira baloratuko.

Izangaiek alegatutako merezimenduen gaineko argibideak eta datu osagarriak eskatzen ahalko ditu epaimahaiak.

6.3.4. Lehiaketaldia ez da baztertzailea izanen, eta 30 puntuko balorazioa izanen du, gehienez ere. Deialdiaren II. eranskinari jarraikiz banatuko dira puntuak, honela:

-Titulua: gehienez 15 puntu.

-Egindako zerbitzuak: gehienez 15 puntu.

6.3.5. Epaimahaiak baremoaren atal bakoitzean izangaien merezimenduak baloratuko ditu. Epaimahaiak ez du inoiz aintzat hartuko izangaiak alegatu gabeko edo agiri bidez alegatu gabeko merezimendurik, eta ezin izanen du atal bakoitzerako ezarritako puntuazioa baino handiagorik eman.

6.3.6. Lehiaketaldia amaitzen denean, epaimahaiak Nafarroako Gobernuaren iragarki oholean jarriko du izangai bakoitzak lortutako puntuazioa.

Lehiaketaldiko puntuazioa opsizioaldikoari gehituko zaio, eta emaitza oposizio-lehiaketako puntuazio osoa izanen da.

6.4. Oposizioaldia:

6.4.1. Oposizioak ariketa hauek izanen ditu:

Lehenbiziko ariketa: praktikoa. Gaitegiaren lehenbiziko eta hirugarren zatietako edukiei buruz epaimahaiak proposatutako kasu bat ebatzi beharko dute idatziz. Gehienez ere bost ordu izanen dira hori egiteko.

Bigarren ariketa: praktikoa. Gaitegiaren lehenbiziko, bigarren eta hirugarren zatietako edukiei buruz epaimahaiak proposatutako kasu bat ebatzi beharko dute idatziz. Ariketa egiteko hiru ordu izanen dira gehienez.

Hirugarren ariketa: teorikoa. Gai zerrendaren laugarren zatitik zozketaz aterako den gai bat jorratzea, idatziz. Gehienez ere ordu bat izanen da hori egiteko.

6.4.2. Oposizioko ariketen balorazioan 70 puntu eman daitezke gehienez, honela banatuak:

Lehenbiziko ariketa: gehienez ere 30 puntu.

Bigarren ariketa: gehienez ere 30 puntu.

Hirugarren ariketa: gehienez ere 10 puntu.

6.4.3. Oposizioko ariketak baztergarriak izanen dira. Lehenbiziko eta bigarren ariketetan baztertuta geldituko dira gehieneko puntuazioaren erdia gutxienez lortzen ez duten izangaiak. Halaber, baztertu eginen dira hirugarren ariketan gehieneko puntuazioaren herena gutxienez lortzen ez duten izangaiak.

6.4.4. Oposizioko ariketa guztiak plika sistemaren bidez eginen dira.

6.4.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin, eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.4.6. Ariketa bakoitzerako deialdi bakarra eginen da. Izangaiek nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat aldean dutela agertu beharko dute. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.4.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautapen probak amaiturik, epaimahaiak jendaurrean jarriko du, ariketa egin den tokian eta Nafarroako Gobernuaren iragarki oholean, probak gainditu dituztenen zerrenda, lehiaketan eta oposizioan guztira lortutako puntuazioaren araberakoa. Gero, Nafarroako Administrazio Publikoaren Institutuko zuzendari kudeatzaileari igorriko dio probak puntuaziorik altuenarekin gainditu dituzten eta deialdiko lanpostuen kopuruaren barruan sartzen diren izangaiak izendatu eta kontratatzeko proposamena, espediente osoarekin batera. Proposamen hori Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Gertatzen diren berdinketetan, oposizioaldian bigarren ariketan puntu gehien lortzen dituztenen alde joko da, eta, berdinketak badirau, lehen eta hirugarren ariketetan lortutako puntuak hartuko dira aintzakotzat, elkarren segidan eta hurrenkera horretan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo titulua lortzeko eskubideak pagatu direla frogatzen duen gordekinarena edo eskaerak aurkezteko epean titulua eskuratzeko moduan dagoela frogatzen duen ziurtagiria, salbu eskabidearekin batera eman bada, 3.3 oinarriaren laugarren atalean xedatutakoarekin bat.

c) B motako ibilgailuak gidatzeko baimenaren fotokopia konpultsatua.

d) Laneko Arriskuen Prebentziorako Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, zinpeko aitorpen bat aurkeztu beharko dute, adierazteko ez dutela beren estatuko Funtzio Publikoan sartzea eragozten dien diziplina zehapenik edo zigor penalik.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo titulua lortzeko eskubideak pagatu direla frogatzen duen gordekinarena edo eskaerak aurkezteko epean titulua eskuratzeko moduan dagoela frogatzen duen ziurtagiria, salbu eskabidearekin batera eman bada, 3.3 oinarriaren bosgarren atalean xedatutakoarekin bat.

b) B motako ibilgailuak gidatzeko baimenaren fotokopia konpultsatua.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbu, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzun beharra galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdi honen xede diren lanpostuetarako izendatzeko eskakizunak eta baldintzak frogatzeko nahitaezko agiriez gainera, Funtzio Publikoaren Zuzendaritza Nagusiak besteren bat eskatu nahi izanez gero, proposatzen den izangaiari eskatuko dio, eta horrek deialdi honen 7.2 oinarrian ezarritako moduan ekarri beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute gainerako izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, 8.2 atalean adierazitako salbuespena salbuespen.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, delineatzaile-ofizial lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako administrazio publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangairen bat lanpostuaz jabetzen ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik bertatik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Kontuan harturik Nafarroako Administrazio Publikoan sartzeko Erregelamenduaren 42. artikulua, Lehendakaritza, Justizia eta Barneko kontseilariaren azaroaren 14ko 146/2005 Foru Agindua (lanpostuak aldi baterako betetzeko kudeaketa arauak onetsi zituen) eta oinarri honexetan ezarritako prozedura, eta horiei jarraikiz, aldi baterako kontrataziorako izangaien zerrenda hauek prestatuko dira:

a) Proba guztiak gainditu arren, lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

b) Deialdi honetako azken-aurreko ariketa bai, baina azkenekoa gainditu ez eta Administrazio Erroan aldi baterako kontratatuak izan nahi duten izangaien zerrenda.

10.2. Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpenaren bidez, aldi baterako kontratuak egiteko izangaien zerrendak onetsiko dira. Zerrenda horiek Nafarroako Aldizkari Ofizialean eta Nafarroako Gobernuko iragarki oholean (Karlos III.aren etorbidea, 2, atalondoa, Iruña) argitaratuko dira.

10.3. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

10.4. Aldi baterako kontratazioetarako izangaien zerrendetan agertzeak ez du esan nahi interesdunei onartzen zaienik 2. oinarrian ezarritako eskakizunak betetzen dituztela, izan ere, hori hurrengo atalean adierazten den bezala frogatu beharko dute.

10.5. Izangaiei deitu eta, kasua bada, haiek kontratatzeko orduan, honako hauetan xedatutakoari jarraikiz jokatuko da: Nafarroako administrazio publikoetako Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; lanpostuak aldi baterako betetzeko arauak ezartzeko Lehendakaritza, Justizia eta Barneko kontseilariak 2005eko azaroaren 14an eman zuen 146/2005 Foru Agindua (2005eko 144. Nafarroako Aldizkari Ofizialean, abenduaren 2an, argitaratua); eta aplikatzekoak diren gainerako arauak.

Langileei dei egiterakoan, aintzat hartuko da Nafarroako administrazio publikoetako Langileen Estatutuaren Testu Bateginaren zazpigarren xedapen gehigarriaren 3. atalean ezarritakoa (Nafarroako Foru Komunitatean ezgaitasuna duten pertsonek enplegua lortzeari buruzko maiatzaren 31ko 16/2002 Foru Legean emandako idazketaren arabera).

Kontratatuak izateko deia jasotzen duten izangaiek baizik ez dituzte aurkeztu beharko deialdiaren 2.1 oinarrian adierazten diren eskakizunak betetzen direla frogatzeko agiriak, kontratua formalizatzen denean, jatorrizko agiriak edo behar bezala konpultsatutako kopien bitartez.

Eskatzen diren agiriak aipatu epean aurkezten ez dituzten izangaiek (aski justifikatutako ezinbesteko kasuetan izan ezik) eta exijitutako eskakizunak betetzen ez dituztenek deialdian parte hartzetik eratorritako eskubide guztiak galduko dituzte, betiere, parte hartzeko eskaera faltsutzeagatik legokiekeen erantzukizuna deusetan ukatu gabe.

Sarrera prozedurako eskaerak aurkezteko epea bukatzen den egunerako bete beharko dira eskakizunak, eta orobat, hautapen probak egin bitarte eta kontratazioaldiak iraun bitarte.

10.6. Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko eta Nafarroako Mendekotasun Agentziako organo eskudunei igorriko die probak gainditu bai baina lanposturik lortu ez duten izangaien zerrenda, aplikatzekoak diren arauei jarraikiz kudea dezaten.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa jartzen ahal da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren eta oinarrien kontra eta oinarriak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurritu nahi den egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2009ko maiatzaren 6an.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskabidea

Nafarroako Gobernua. Lehendakaritza, Justizia eta Barne Departamentua - Nafarroako Administrazio Publikoaren Institutua.

Izen-deiturak: ........................., adin nagusikoa, nortasun agiri nazionalaren zenbakia (edo horren baliokidea den nortasun agiriarena): ..........., jaioteguna: ..........., jaioterria: ............. (................), nazionalitatea: ................, gaurko helbidea: ..............(....................), kalea: .................., posta kodea: ................., telefonoa: ..............................., laneko telefonoa: .......................

AZALTZEN DUT:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko .....lanpostu ................... bidez betetzeko deialdian parte hartzeko onar nazatela eskatzen dudala, behean aipatzen den txandan (deialdia ...... eguneko .... zenbakiko Nafarroako Aldizkari Ofizialean argitaratu zen).

? Txanda irekia

? Igoera txanda*

? Ezgaitasunen bat dutenentzako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, esparru hauetakoren batean (deialdiaren 1. oinarrian ezarritakoarekin bat):

? Administrazio Erroa*

? Osasunbidea-Nafarroako Osasun Zerbitzua *

? Nafarroako Mendekotasun Agentzia*

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik bereizia izan eta ez nagoela desgaitua eginkizun publikoak betetzeko.

Deialdian eskatzen den tituluaren jabe naizela.

Azterketa eskubideak ordaindu ditudala, deialdian ezarritako moduan, eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean eskakizun guztiak betetzen ditudala.

? Ezgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.

? Ezgaitasuna frogatzen duen agiria aurkezten dudala, erakunde eskudun batek emana.

? Euskararen gaitasunaren agiria edo ofizialki baliokidea den beste titulu bat aurkezten dudala.*

? Euskara maila neurtzeko proba egitea eskatzen dudala.*

? Frantseseko eta ingeleseko nahikotasun probak egitea eskatzen dudala.*

Horrenbestez,

Eskaera hau ontzat har dezatela eta aipatu deialdian onar nazatela eskatzen dut.

Iruñean, 200.........(e)ko .............aren ............(e)an.

(Sinadura)

-*Bidezkoa bada bakarrik.

II. ERANSKINA

Merezimenduak baloratzeko baremoa

1.-Titulu akademikoak

Eraikuntza proiektuen garapen eta aplikazioko goi mailako teknikari titulua, Argitalpenen diseinu eta produkzioko goi mailako teknikari titulua edo Proiektu mekanikoen garapeneko goi mailako teknikari titulua izateagatik: 15 puntu.

Aipatutako tituluak besterik ez dira baloratuko.

2.-Egindako zerbitzuak.

Delineatzaile-ofizial lanpostuetan administrazio publikoetan aldi baterako egindako urte bakoitzeko: 1,5 puntu. Gehienez ere 15 puntu.

2. atalerako oharrak:

1. Urteen kopurua osoa ez bada, zerbitzuan egindako aldiari proportzionalki dagokion puntuazioa emanen zaie izangaiei.

2. Lanaldi partzialean emandako zerbitzuen kasuan, behar den zatia kenduko da.

Deialdia argitaratu ondoren egindako zerbitzuak ez dira baloratuko.

III. ERANSKINA

Gai zerrenda

-Lehen zatia:

1. gaia.-Marrazketa teknikak, euskarri desberdinetan. Dokumentu grafikoak artxibatzeko eta mantentzeko moduak, euskarrien ezaugarri materialen arabera eta erabilitako marrazketa teknika kontuan harturik. Marrazketarako gaiak ezagutzea eta erabiltzea. Marrazteko euskarriak. Deformazioak eta perdoiak.

2. gaia.-Eskalak egitea, egiaztatzea eta erabiltzea. Eskalak aldatzea. Handitzeak eta txikitzeak. Ikusmen pertzepzioaren muga.

3. gaia.-Normalizazioari buruzko alderdi orokorrak: DIN, ASA, ISO, UNE., etab. Formatuak. Antzekotasun eta toleste arauak. Planoak tolestea eta plegatzea.

4. gaia.-Datuak hartzeko prozesua. Krokisak egitea, neurriak eta datuak hartzea. Metodologia. Prozedurak eta tresnak.

5. gaia.-Akotazioak. Oinarrizko nozioak. Dimentsio eta posizio kotak. Koten aukeraketa, korrelazioa eta kokapena. Espazio mugatuan akotatzea. Perdoiak.

6. gaia.-Errotulazioa eta konposizioa. Aplikatu beharreko arauak. Errotulazio sistema desberdinak.

7. gaia.-Akotatze sistema. Alderdi orokorrak. Dauden elementuak irudikatzea. Elementuen arteko erlazioak.

8. gaia.-Sistema axonometrikoa eta sistema diedrikoa. Oinarria. Elementu nagusiak. Espazioaren eta horren proiekzioen nomenklatura. Dauden elementuak irudikatzea.

9. gaia.-Sistema konikoa. Oinarria. Elementu nagusiak. Espazioaren eta horren proiekzioen nomenklatura. Dauden elementuak irudikatzea.

10. gaia.-Sekzioak: osoak eta partzialak. Ebakidura etena. Sekzio biratua. Xehetasun sekzioak eta sekzio desplazatuak. Sekzio lagungarriak. Ohiko sekzioak.

11. gaia.-Eskema teknikoak marraztea. Metodoak, motak, neurketa eta akotatzea.

12. gaia.-Ordenagailuz lagundutako marrazketa. Programak. Oinarrizko geometria sortzea eta aldatzea. Planoak bistaratzea, kurbak sortzea. Geruzak.

13. gaia.-Dokumentu grafikoak informatikoki artxibatzea. Marrazketa formatuak. Raster datuen formatuak. Geoerreferentziazioa.

14. gaia.-Proiektua: zer zati eta dokumentu-osagai dituen.

15. gaia.-Eraikinak eta lurrak jasotzea. Landa-datuak eta eraikuntzari buruzko datuak hartzea. Triangelaketa, nibelazioa eta akotatzea. Fotointerpretazioa. Gainazalak kalkulatzea eta bolumenak neurtzea.

16. gaia.-Lerrokatzeak eta sestrak. Bide sarea. Luzetarako profilak eta zeharkako sekzioak.

17. gaia.-Eraikuntzak. Oinplanoak, altxaera, sekzioak, xehetasunak: interpretazioak eta korrelazioa. Perspektibak eta marradura. Sekzio ihespuntudunak.

-Bigarren zatia:

1. gaia.-Kartografia. Proiekzio kartografikoko sistemak. Deformazioak irudikatze kartografikoetan.

2. gaia.-Geodesia. "Geoide" eta "elipsoide" kontzeptuak. Sare geodesikoak. Koordenatu geodesikoak, kartesiarrak eta tokikoak.

3. gaia-Topografia. Definizioa. Mapak, planoak eta kartak. Eskala. Eskalaren araberako sailkapena. Ikusmen pertzepzioaren muga.

4. gaia.-UTM proiekzio sistema. Ezaugarriak eta deformazioak.

5. gaia.-Tresna topografikoak. Teodolitoak, nibela eta "total station"a. Funtsezko elementuak eta ezaugarriak.

6. gaia.-GPS kokatze sistema. Deskripzioa, aplikazioak, neurtzeko eta doitzeko teknikak.

7. gaia.-"Kartografia topografikoa" kontzeptua. Sestra kurbak. Lurraldearen profilak, sestrak, lur erauzketak eta lubetak.

8. gaia.-Nafarroako mapa topografikoa. Eskalak. Deskribapena eta edukiak. Kalitate kontrolak.

Tema 9.-Ortofotografia. Ortoproiekzioaren printzipioa. Eskala, bereizmena, formatoak eta deformazioak.

10. gaia.-Informazio Geografikoko Sistema (GIS). Kontzeptua. Modeloak eta datuen egiturak. Aplikazioak.

11. gaia.-Kartografia bistaratzeko eta behera kargatzeko web zerbitzuak. Nafarroako Lurraldeari buruzko Informazio Sistema (SITNA) eta Nafarroako Datu Espazialei buruzko Azpiegitura (NDEA). Deskribapena eta edukiak.

-Hirugarren zatia:

1. gaia.-Zenbaki sistema. Zenbaki arruntak. Zenbaki osoak. Zenbaki arrazionalak eta zenbaki errealak. Faktore lehenetako deskonposizioa. Progresio aritmetiko eta geometrikoak.

2. gaia.-Lehen mailako eta bigarren mailako ekuazioak. Ekuazio linealeko sistema. Inekuazioak. Eskualdeak planoan.

3. gaia.-Funtzioak eta grafikoak. Ekuazio baten irudikapen grafikoa. Funtzio osoak, funtzio esponentzialak eta logaritmikoak.

4. gaia.-Alderdi orokorrak hauen gainean: planoa, zuzena, puntua, zuzenerdia, planoerdia eta angeluak. Triangeluak eta laukiak: motak, elementuak eta eraikuntzak.

5. gaia.-Zirkunferentzia eta zirkulua. Zuzen batekiko kokapenak. Kordak eta arkuak. Angeluen eta arkuen neurriak. Zentroko angeluak, angelu inskribatuak, barne angeluak eta kanpo angeluak. Arku kapaza.

6. gaia.-Poligonoak: motak. Kanpo eta barne angelua. Poligono erregularrak: Zentroak, erradioa eta apotema. Poligono erregularrak eraikitzea. Perimetroa eta poligonoen azalera.

7. gaia.-Pitagorasen teorema. Sektore, segmentu eta koroa zirkularraren azalerak. Azalera eta bolumenen neurriak eta unitateak.

8. gaia.-Segmentuen proportzionaltasuna. Irudi antzekoak. Antzekotasun arrazoia. Azaleren arrazoia. Espazioan dauden zuzenen eta planoen arteko paralelismoa eta perpendikulartasuna. Hiru perpendikularren teorema. Angelu diedroak eta poliedroak. Simetriak espazioan.

9. gaia.-Trigonometria. Arrazoi trigonometrikoak. Erlazioak. Triangeluak ebaztea.

10. gaia.-"Informatika" kontzeptua. Informazio sistema eta haren egitura. Kontzeptua. Informazio sistema baten osagaiak eta funtzionamendua: alderdi fisikoak eta logikoak.

11. gaia.-Datu baseak: motak. Sistema eragileak.

12. gaia.-Ordenagailuz lagundutako marrazketa: CAD. Kontzeptua, ezaugarriak eta erabilera.

13. gaia.-CAD programak: Autocad eta Microstation. Funtsezko formatuak eta ezaugarriak. Aplikazioak. Proba bankua.

-Laugarren zatia:

1. gaia.-Europar Batasuna: erakundeak. Europar Batasuneko Zuzenbidearen iturriak: jatorrizko Zuzenbidea eta Zuzenbide eratorria.

2. gaia.-Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan. Konstituzio Auzitegia.

3. gaia.-Zuzenbide Publikoaren iturburuak: legeak eta lege motak. Lege dekretuak. Legegintzako foru dekretua. Nazioarteko itunak.

4. gaia.-Administrazio zuzenbidearen iturburuak: erregelamendua eta erregelamendu ahalmena. Erregelamendu motak. Erregelamendu ahalmenaren mugak eta haren kontrola.

5. gaia.-Administrazio egintza (I): kontzeptua, motak eta osagaiak.

6. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

7. gaia.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

8. gaia.-Administrazio prozedura erkidea (II): administrazio errekurtsoak: printzipio orokorrak eta motak.

9. gaia.-Nafarroako Parlamentua edo Gorteak: osaera, antolaketa eta eginkizunak.

10. gaia.-14/2004 Foru Legea, abenduaren 3koa, Nafarroako Gobernuari eta Lehendakariari buruzkoa.

11. gaia-15/2004 Foru Legea, abenduaren 3koa, Nafarroako Foru Komunitateko Administrazioari buruzkoa.

12. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.

13. gaia.-Nafarroako administrazio publikoen zerbitzuko Langileen Estatutua (I): langile motak. Funtzionario publikoak hautatzea. Funtzionario bilakatu eta funtzionario izatetik gelditzea.

14. gaia.-Nafarroako administrazio publikoen zerbitzuko Langileen Estatutua (II): administrazio karrera. Egoera administratiboak. Lanpostuak betetzea. Ordainsariak.

15. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzekoa.

Oharra: gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarrean den legeriarekin.

Iragarkiaren kodea: F0915234