I. NAFARROAKO FORU KOMUNITATEA
1.3. BESTELAKO XEDAPENAK
1.3.3. Nahitaezko desjabetzeak
944/2009 EBAZPENA, apirilaren 15ekoa, Enpresako zuzendari nagusiak emana, "Larraga-Los Arcos Bigarren mailako Garraiorako APB Gasbidea" gauzatzeko proiektuari dagozkion okupazio aurreko aktak egiteko deitzen duena.
Enpresako zuzendari nagusiak martxoaren 4an emandako 588/2009 Ebazpenaren bidez, instalazioak eraikitzeko administrazio baimena eman eta "Larraga-Los Arcos Bigarren mailako Garraiorako APB Gasbidea Larraga, Oteitza, Allo, Deikaztelu, Arellano, Arroitz, Barbarin, Lukin, Los Arcos eta Sesma udalerrietan" izeneko proiektuaren onura publikoa onartu zen.
Onura publikoaren adierazpen horrek berarekin dakar ukitutako ondasunak presaz okupatu beharra. Hori dela eta, bidezkoa da ondasun horien titularrei dei egitea, okupatu aurreko aktak egiteko.
Beraz, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. "Larraga-Los Arcos Bigarren mailako Garraiorako APB Gasbidea" izeneko proiektuak ukitutako ondasun eta eskubideen titularrei eta Larraga, Oteitza, Allo, Deikaztelu, Arellano, Arroitz, Barbarin, Lukin, Los Arcos eta Sesma udalerrietako alkateei edo haien ordezko zinegotziei dei egitea, 2009ko ekainaren 9, 10, 11, 12, 15, 16, 17,18 eta 19an Larraga, Oteitza, Allo, Deikaztelu, Arellano, Arroitz, Barbarin, Lukin, Los Arcos eta Sesma udalerrietako herriko etxeetan ager daitezen, ukituriko ondasun eta eskubideak okupatu aurreko aktak eta, beharko balitz, behin betiko okupaziokoak, egiteko.
Aktak egiteko ordena interesdun bakoitzari jakinaraziko zaio, banakako zitazio zedularen bitartez.
Ekitaldi horretara titularrak berak joan beharko du, edo bere izenean aritzeko behar bezala ahalordetutako pertsona batek; titularra dela frogatzen duten agiriak eraman beharko ditu (eskritura publikoa, jabetza erregistroko ziurtagiria, etab.); egoki baderitzo, peritoak eta/edo notarioa eraman ditzake, baina, betiere, norberak ordaindu beharko die.
2. Carmen Oteiza Ugarte edo María José Arozarena Gómez andreak, bata zein bestea, Administrazioaren ordezkari izendatzea, Alfredo Torreblanca Lafraya jauna edo María Carmen Uriz Lusarreta andrea, bata zein bestea, enpresa onuradunaren ordezkari, eta Jasone Goikoetxea Iriberri, Itziar Calvo Oteiza edo Alazne Sueskun Erauskin andreak, horietako edozein, enpresako peritu, okupatu aurreko, adostasun, okupazio eta ordainketa aktak eta bidezkoak diren gainerako agiriak sina ditzaten.
3. Ebazpen hau eta eranskina Gas Natural Transporte SDG, S.L. enpresa onuradunari (IFK: B-63480156) jakinaraztea, behar diren ondorioak izan ditzaten.
4. Ebazpen hau eta eranskina Nafarroako Aldizkari Ofizialean, Foru Komunitateko bi egunkaritan eta Larraga, Oteitza, Allo, Deikaztelu, Arellano, Arroitz, Barbarin, Lukin, Los Arcos eta Sesma udalerrietako herriko etxeetakoiragarki oholetan argitaratzea.
Iruñean, 2009ko apirilaren 15ean.-Enpresako zuzendari nagusia, Begoña Urien Angulo.
HITZORDUA | HELBIDE EZAGUNIK EDO BIZITOKI JAKINIK EZ DUTEN TITULARRAK | POL. | LURZ. | UDAL MUGAPEA |
Aktak egiteko tokia: Larragako herriko etxea Eguna: 09/06/09 |
16:20 | Lourdes García Martínez andrea | 8 | 1026 | Larraga |
Aktak egiteko tokia: Alloko herriko etxea. Eguna: 09/06/10 |
12:00 | Felisa Iñigo Osaba andrea El Pinar p., 3. 28230 Las Rozas (Madril) | *4 | 463 | Allo |
Eguna: 09/06/11 |
10:00 | Ceferina del Portillo Chocarro andrea Antso Azkarra etorbidea, 30. 31009 Iruña (Nafarroa) | *22 | 1720 | Allo |
13:30 | María Victoria Ollobarren Garamendi andrea Diego Mina k., 3. 31620 Uharte (Nafarroa) | *22 | 1709 | Allo |
Aktak egiteko tokia: Deikazteluko herriko etxea Eguna: 09/06/15 |
10:50 | Emilio Valerio Martínez-Muniain jauna Escorzoneras etor., 5. 28224 Pozuelo de Alarcón (Madril) | 7 | 584 | Deikaztelu |
Eguna: 09/06/16 |
9:00 | Alejandro Romero Pérez jauna Santander, 19. 50010 Zaragoza (Zaragoza) | 9 | 236 | Deikaztelu |
Aktak egiteko tokia: Arroizko herriko etxea. Eguna: 09/06/16 |
16:50 | María Carmen Morrás Maeztu andrea Coruña, 59. 26007 Logroño (Errioxa) | 3 | 1058 | Arroitz |
Eguna: 09/06/17 |
10:20 | Rosa Hermosa Laguardia andrea Rafaela Ibarra, 31. 48014 Bilbo (Bizkaia) | 3 | 911 | Arroitz |
11:40 | Andrés Barbarin Alegría jauna Arrigorriaga aldapa, 18. 48990 Algorta (Bizkaia) | 5 | 1122 | Arroitz |
F0914005 |
Iragarkiaren kodea: F0914005