1. NAFARROAKO FORU KOMUNITATEA
1.7. BESTELAKOAK
HEZKUNTZA DEPARTAMENTUA. Iragarkia.
Iragarki honen bidez aditzera ematen da Consuelo Requena Zaratiegui andreak gora jotzeko errekurtsoa jarri duela Hezkuntza Departamentuko Giza Baliabideen Zerbitzuko zuzendariak ekainaren 11n emandako 1209/2009 Ebazpenaren kontra, Lehen Hezkuntzako (gaztelaniaz) zerrendari dagokionez. Ebazpen haren bidez, Nafarroako Foru Komunitateko Administrazioaren zerbitzuko maisu-maistren kidegoan sartzeko deialdiaren lehiaketaldiko merezimenduen behin betiko balorazioa onetsi zen. Deialdia Giza Baliabideen Zerbitzuko zuzendariak urtarrilaren 2an emandako 1/2009 Ebazpenaren bidez onetsi zen.
Horiek horrela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 112. eta 59. artikuluetan xedatutakoari jarraikiz, Lehen Hezkuntzako (gaztelaniaz) espezialitaterako aldi bateko kontratazioak egiteko izangaien zerrenda orokorrean (Hezkuntza Departamentuko Giza Baliabideen zuzendari nagusiak abuztuaren 5ean emandako 1592/2009 Ebazpenaren bidez onetsia), Sonia Anadón Mediel andrea eta María del Consuelo Rodríguez Curto andrea bitarte, biak barne, dauden izangai guztiei dei egiten zaie, iragarki hau argitaratu eta biharamunetik gehienez ere hamar egun balioduneko epean, alegazioak egin ditzaten Hezkuntza Departamentuko Erregistroan aurkeztuz (Iruñeko Santo Domingo aldapa, zk.g.) edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan ezarritako bideetako edozein erabiliz.
Aurkeztutako errekurtsoaren kopia (hurrenkera zenbakia: 09218.AL) interesdunen eskura dago Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko Santo Domingo aldapa, zk.g.).
Iruñean, 2009ko irailaren 8an.-Hezkuntza Departamentuko idazkari tekniko nagusia, Ignacio Iriarte Aristu.
Iragarkiaren kodea: F0922111
