2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ATETZ
Eskumenak eskuordetzea
Atezko Udaleko alkateak, 2009ko abuztuaren 4an, ebazpena eman zuen. Hona hemen haren testu osoa:
Gaia: "Hirigintzako lizentziak emateko eskumena eskuordetzea "Zigandako 6. poligonoko 43. lurzatian nekazaritzako biltegia botatzeko" obra lizentziaren espedientean, Eduardo Garbisu Ciganda jaunak eskatuta.
-Ikusita Toki Araubidearen Oinarriei buruzko 7/1985 Legearen 21.1.q) artikuluaren edukia eta Lurraldearen Antolamenduari eta Hirigintzari buruzko 35/2002 Foru Legearen 191.1.arena, haien arabera toki entitateko buruak baitu eskumena hirigintzako lizentziak emateko.
-Ikusita "Zigandako 6. poligonoko 43. lurzatiko nekazaritzako biltegia botatzeko" obra lizentziaren espedientea, Eduardo Garbisu Ciganda jaunak eskatuta irekia.
-Ikusita Udaleko alkateak zuzeneko harremana duela, ahaide gisa, lizentzia eskatzailearekin eta, beraz, kasu honetan Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 28.2 b) artikuluak abstenitzera behartzen duela.
-Ikusita Toki Araubidearen Oinarriei buruzko 7/1985 Legearen 23.4 artikuluaren eta horrekin bat heldu direnen edukia, baita Toki Entitateen Antolamenduari, Funtzionamenduari eta Araubide Juridikoari buruzko Erregelamendua ezartzen duen azaroaren 28ko 2568/1986 Errege Dekretuaren 43.4, 43.5 eta 44. artikuluena eta horiekin bat heldu direnena ere.
Erabaki du:
Lehendabizikoa.-Aipatu obra lizentziaren espedientean esku ez hartzea eta aipatu lizentzia emateko eskumena Atezko Udaleko alkateorde José Miguel López Lista jaunaren esku uztea.
Bigarrena.-Atezko Udaleko alkateorde José Miguel López Lista jaunari eskudantzien eskuordetzea jakinaraztea. Ebazpen honen dataren biharamunean izanen ditu ondorioak, Toki Entitateen Antolamenduari, Funtzionamenduari eta Araubide Juridikoari buruzko Erregelamendua ezartzen duen azaroaren 28ko 2568/1986 Errege Dekretuaren 44.2 artikuluan agindu bezala; alabaina, Nafarroako Aldizkari Ofizialean argitaratu beharko da, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 13.3 artikuluan aurreikusitako moduan.
Hirugarrena.-Ebazpen honen berri ematea Atezko Udalaren Osoko Bilkurari, jakinaren gainean egon dadin, Toki Entitateen Antolamenduari, Funtzionamenduari eta Araubide Juridikoari buruzko Erregelamendua ezartzen duen azaroaren 28ko 2568/1986 Errege Dekretuaren 44.4 artikuluan xedatutakoaren arabera.
Atetzen, 2009ko abuztuaren 4an.-Alkatea, Carmen Ciganda Ibarrola.
Iragarkiaren kodea: L0920551
