II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.5. Beste batzuk
IRUÑA
Udalak Erripagaineko F-1.2 lurzatian duen partaidetza Udalaren lurzoruko ondarean sartzea
Iruñeko Udalak, 2008ko ekainaren 20an egin osoko bilkuran, honako erabaki hau hartu zuen:
PLE 20-JUN-08 (4/CU)
"Ikusita Udalbatzak 2008ko ekainaren 5eko osoko bilkuran hartutako erabakia, eta 2008ko maiatzaren 13ko eta 21eko zein ekainaren 9ko txostenekin bat, espedientean ageri baitira, Udalak Erripagaineko F. 1.2 lurzatian duen %50eko partaidetza Udalaren lurzoruko ondarean sartzea erabaki da."
Ebazpen honen kontra, errekurtso hauetako bat aurkez daiteke, hautara:
-Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, ebazpen hau jakinarazi eta biharamunetik hasita; edo bestela,
-Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Iruñean, 2008ko ekainaren 26an.-Alkatea, María Yolanda Barcina Angulo.
Iragarkiaren kodea: L0810519
