I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
392/2008 EBAZPENA, maiatzaren 13koa, Arriskuen Prebentziorako eta Lanaren zuzendari nagusiak emana, Valtierrako "Plantas de Navarra, S.A." enpresaren lan hitzarmen kolektiboko 2008ko eta 2009ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 49/2008).
Departamentu honetan 2008ko apirilaren 29an sartu da "Plantas de Navarra, S.A." enpresaren lan hitzarmen kolektiboko soldatak berrikusteko akordioa, 2008. eta 2009.urteei dagokiena, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 62/2002).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Valtierrako "Plantas de Navarra, S.A." enpresaren (kodea: 3106152) lan hitzarmen kolektiboko soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestatuta dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Negoziazio batzordeari ebazpen honen berri ematea eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal dela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko maiatzaren 13an.-Arriskuen Prebentziorako eta Lanaren zuzendari nagusia, Imelda Lorea Echavarren.
Adostasun akta
Dok. erref. Enpresa-batzordea bilera.
Gaia: PLANASA-PROVEDIS hitzarmeneko klausula ekonomikoen negoziazioa.
Data: 2008-04-22.
Tokia: Goiko solairuko bilera gela.
Ordua: 12:30.
Deituak:
Ana Clara Nieva Preciado.
Manuel Ramos (aholkularia).
Jose Manuel Ayesa (aholkularia).
Marisa Garcia Elzaburu.
Juan C. Calvo Marin.
Elena Arbiol (CCOO).
M.ª Jose Lopez Pascual.
Esperanza Blasco Prat.
Manuela Cambra Preciado.
Akta:
2008ko apirilaren 22ko 12:30ean, goian aipatutako pertsonak bildu dira honako gai hauei buruz eztabaidatzeko:
PLANTAS DE NAVARRA, S.A. Y PRODUCIONES VEGETALES DIFERENCIADAS, S.L. ENPRESAREN HITZARMEN KOLEKTIBOKO KLAUSULA EKONOMIKOEN BERRIKUSPENERAKO NEGOZIAZIOEN AZKEN AKTA
Data: 2008ko apirilaren 22a.
2008ko urtarriletik apirilera bitarte, Plantas Navarra, S.A. (aurrerantzean PLANASA) enpresaren Hitzarmen Kolektiboaren klausula ekonomikoak berrikusteko izandako negoziazioen ondorioz, akordioa lortu zen. Klausula ekonomiko horiek Producciones Vegetales Diferenciadas (aurrerantzean PROVEDIS) enpresako langileei ere eragiten diete. Akordioa bi enpresetako langileriaren gehiengo osoak parte hartu zuen isilpeko bozketa bidez berretsi zen gehiengo osoz eta Enpresa Batzordeko kideen gehiengo osoak sinatu zuen.
Akordioa zazpigarren eta zortzigarren kapituluei eragiten die (araubide ekonomikoa eta klausula ekonomikoak, hurrenez hurren), eta aplikatu beharreko hurrengo puntuak biltzen ditu:
1. Indarraldia.
Akordio honek bi urteko iraunaldia izanen du, 2008ko urtarrilaren 1etik 2009ko abenduaren 31 arte.
2. Soldata igoera.
Hiru kasuen arabera, ondorengo soldata igoera hauek adostu dira:
Urteko KPIaren eta soldata igoeren kasuak:
Urteko egiazko KPIa, %3 arte barne: Egiazko KPIa + %0,5.
Urteko egiazko KPIa, %3,01 eta %3,49 artean: Egiazko KPIa diferentzial aldakorra, %3,5 bitarte.
Urteko egiazko KPIa edo %3,5 baino gehiago: Egiazko KPIa.
Hori dena egiazko KPIaren bermearekin, indarraldia duen bi urteetarako.
CCOOek eskatuta eta salbuespen gisa, 2008. urtean %3ko konturako igoera aplikatuko da, baina horrek ez du urte honetarako hitzartutako igoeraren kostuaren igoera eraginen. Konturako aurrerakinaren zenbatekoa akordioaren aplikazioatik ondorioztatutako azken igoera baino handiagoa den kasuetan, soberakina 2009ko igoeratik kenduko da.
3. Gaueko lanaren plusa.
Gaueko lanaren plusa: Lansarien tauletan bildutako hileko lansari osoaren %30 kategoriako.
4. Aparteko orduak.
2008. urtea:
Aparteko ordu arrunta (astelehenetik larunbat goizera): 12 euro gordin kategoria guztietan.
Jaieguneko aparteko ordua (larunbat arratsaldeak, igandeak eta jaiegunak): 13 euro gordin kategoria guztietan.
2009. urtea: Lansarien berrikuspena.
5. Kategoria koordinatzaileak.
Hamalau lanposturen kategoria aldaketa onartu da, ulertuta ordezkapen kasuak (edozein arrazoi eta iraupenetakoak) ez dutela kategoria berrien aintzatespenarako eskubidea emanen, bakarrik lanpostuaren osagarria baizik.
Plantas de Navarra, S.A. enpresaren Hitzarmen Kolektiboaren klausula ekonomikoen berrikuspenari buruzko akordio hau Lan Zuzendaritza Nagusira igorriko da, Hitzarmen Kolektiboaren eranskin gisa, erregistratu eta argitaratzeko.
Eta aztertzeko gai gehiagorik ez dagoenez, bilkura bukatutzat eman da 13:00etan.
ERANSKINA
2008ko behin-behineko lansarien taulak (2007ko behin betikoak + %3 kontuan)
Goi mailako teknikaria 959,77 133,53 63,50 1.156,80 16.195,20
Erdi mailako teknikaria 836,19 123,23 63,50 1.022,92 14.320,88
Nekazaritzako T.K. 807,87 120,88 63,50 992,25 13.891,50
Administrazio burua 888,68 127,60 63,50 1.079,78 15.116,92
1. mailako administrari ofiziala 807,87 120,88 63,50 992,25 13.891,50
2. mailako administrari ofiziala 754,21 130,00 63,50 947,71 13.267,94
Adm. laguntz. 703,80 125,81 63,50 893,11 12.503,54
Arduraduna 865,45 125,67 63,50 1.054,62 14.764,68
1. mailako ofiziala 836,19 123,23 63,50 1.022,92 14.320,88
2. mailako ofiziala 807,87 120,88 63,50 992,25 13.891,50
3. mailako ofiziala 780,59 132,18 63,50 976,27 13.667,78
1. mailako espezialista 754,21 130,00 77,39 961,60 13.462,40
2. mailako espezialista 728,70 127,90 77,39 933,99 13.075,86
Peoia 703,80 125,81 77,39 907,00 12.698,00
Iragarkiaren kodea: F0807661
