Iragarkia

69. ALDIZKARIA - 2008ko ekainaren 4a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari kudeatzaileak maiatzaren 22an emandako 69/2008 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko lanpostu batzuk oposizio bidez betetzeko. Bete beharreko lanpostuak tramitatzen ari diren lekualdatze lehiaketa hauetan hutsik gelditzen direnak izanen dira: Osasunbidea-Nafarroako Osasun Zerbitzuko zuzendari kudeatzaileak azaroaren 9ko 1797/2007 Ebazpenaren bidez onetsitako lekualdatze lehiaketa (2007ko 149. Nafarroako ALDIZKARI OFIZIALean argitaratua, azaroaren 30ean) eta Funtzio Publikoaren zuzendari nagusiak urtarrilaren 28ko 280/2008 Ebazpenaren bidez onetsitako lekualdatze lehiaketa (2008ko 23. Nafarroako ALDIZKARI OFIZIALean argitaratua, otsailaren 20an).

Nafarroako Administrazio Publikoaren Institutuko zuzendari kudeatzaileak maiatzaren 22an emandako 69/2008 Ebazpenaren bidez deialdia onetsi da Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko lanpostu batzuk oposizio bidez betetzeko. Bete beharreko lanpostuak tramitatzen ari diren lekualdatze lehiaketa hauetan hutsik gelditzen direnak izanen dira: Osasunbidea-Nafarroako Osasun Zerbitzuko zuzendari kudeatzaileak azaroaren 9ko 1797/2007 Ebazpenaren bidez onetsitako lekualdatze lehiaketa (2007ko 149. Nafarroako ALDIZKARI OFIZIALean argitaratua, azaroaren 30ean) eta Funtzio Publikoaren zuzendari nagusiak urtarrilaren 28ko 280/2008 Ebazpenaren bidez onetsitako lekualdatze lehiaketa (2008ko 23. Nafarroako ALDIZKARI OFIZIALean argitaratua, otsailaren 20an).

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta gauzatzeko Sarrera Erregelamendua, gainerako aplikazio arauak eta deialdi honetako oinarriak.

1.-Deialdiaren xedea.

1.1. Deialdi honen xedea Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko lanpostu batzuk oposizio bidez betetzea da. Bete beharreko lanpostuak funtzionario eta/edo lan araubidekoak dira, C mailakoak, eta tramitatzen ari diren lekualdatze lehiaketa hauetan hutsik gelditzen direnak izanen dira: Osasunbidea-Nafarroako Osasun Zerbitzuko zuzendari kudeatzaileak azaroaren 9ko 1797/2007 Ebazpenaren bidez onetsitako lekualdatze lehiaketa (2007ko 149. Nafarroako ALDIZKARI OFIZIALean argitaratua, azaroaren 30ean) eta Funtzio Publikoaren zuzendari nagusiak urtarrilaren 28ko 280/2008 Ebazpenaren bidez onetsitako lekualdatze lehiaketa (2008ko 23. Nafarroako ALDIZKARI OFIZIALean argitaratua, otsailaren 20an).

Lekualdatze lehiaketa horietan hutsik gelditzen diren lanpostuetatik bi %33ko edo hortik gorako ezgaitasuna duten pertsonentzako txandarako erreserbatuko dira.

Gainerako lanpostu hutsak txanda irekiaren eta igoera txandaren artean banatuko dira, abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren Testu Bateginaren 15. artikuluko 3. idatz-zatian ezarririko formulari jarraituz, hau da:

-Lehenbiziko lanpostua txanda irekikoa izanen da.

-Bigarren lanpostua igoera txandakoa.

-Hirugarrenetik aurrera, bakoitiak igoera txandakoak eta bikoitiak txanda irekikoak.

1.2. Hautapen prozesuan onartu eta baztertu diren izangaien behin betiko zerrenda onesteko Nafarroako Administrazio Publikoaren Institutuko zuzendari kudeatzaileak emanen duen Ebazpenaren eranskin batean aipatutako lekualdatze lehiaketa horietan hutsik gelditu diren lanpostuen zerrenda agertuko da, horiek izanen baitira sartzeko hautapen prozesu honetan beteko diren lanpostuak.

1.3. Igoera txandako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Ezgaitasuna dutenentzako txandako lanpostuak, txanda horretako izangaiek hautaprobak gainditzeko behar den gutxieneko puntuazioa atera ez dutelako bete gabe geldituz gero, beste txandetakoei gehituko zaizkie, Nafarroako Administrazio Publikoen zerbitzuko Langileen Estatutuaren 15.3 artikuluan ezarritako ordenaren arabera.

Orobat, igoera txandan edota ezgaitasuna dutenentzako txandan eskaintzen diren lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2 oinarrian agiriak aurkezteko ezartzen den epea bukatzen denean deialdiko 2.1.2 oinarriko eskakizun berariazkoak betetzen ez dituzten igoera txandako izangaiek.

1.4. Lanpostuek C mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan-kasuan, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hautapen prozesu honetan lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira, 3. eta 10. oinarrietan xedaturikoarekin bat:

a) Hautapen prozesuko ariketa guztiak gainditu bai baina lanposturik lortu ez duten izangaien zerrenda, Foru Komunitateko Administrazioko edozein departamentu eta erakunde autonomotan aritzeko aldi baterako kontratazioak egiteko.

b) Hautapen prozesuko ariketa guztiak gainditu ez dituzten izangaien zerrenda, eskabidean azaltzen den kudeaketa esparruan aritzeko aldi baterako kontratazioak egiteko.

Horretarako, izangaiek eskabidean azaldu beharko dute zein kudeaketa esparrutako zerrendetan egon nahi duten, deialdiko 3.3 oinarrian ezarrita dagoen bezala.

2.-Izangaiek bete beharreko baldintzak.

2.1. Oposizio honetan onartuak izateko, izangaiek, eskaerak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiarra izatea, edo Europar Batasuneko beste estaturen batekoa, edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estaturen batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteak izatea eta erretiroa nahitaez hartzeko gehieneko adina ez gainditzea.

c) Eskaerak aurkezteko epea bukatzen den egunean Batxilergoko titulua, Bigarren Graduko Lanbide Heziketakoa edo titulu baliokide bat izatea edo eskuratzeko moduan egotea.

Atzerrian lorturiko tituluak badira, homologazioa egiaztatzen duen kredentziala eduki behar da.

d) Euskaraz jakin beharra atxikia duten lanpostuak eskuratu nahi baldin badira, Hizkuntza Eskola Ofizial batek luzaturiko Euskararen Gaitasun Agiria edo ofizialki horren baliokidetzat jotzen den agiria izatea, 2. edo 3. jakite maila duen lanpostua eskuratu nahi izanez gero, edo Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak izatea, 1. jakite maila duen lanpostua eskuratzeko.

Izangaiak, titulu edo kurtso horiek ez baditu, proba bat egiteko aukera izanen du, eta horrela zehaztuko da beharrezkoa den maila baduen hizkuntza horretan. Izangaiek, proba hori egin nahi badute, deialdian parte hartzeko eskabidean adierazi beharko dute, horri dagokion tokian.

e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioko zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo baxuagokoa izatea.

c) Administrazio publikoetan bost urteko antzinatasun onartua izatea, Nafarroako polizia kidegoetako kideen kasuan izan ezik, horiek frogatu beharko baitute zortzi urtez egin dituztela zerbitzuak kidego horietan.

Nafarroako administrazio publikoen zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.1.3. Ezgaitasunak dituzten pertsonentzako txandako izangaiek bete beharreko berariazko baldintza.

Ezgaitasuna duten lagunentzako txandako izangaiek, 2.1.1 atalean aipatzen diren baldintzez gain, ofizialki aitorturik eduki beharko dute %33ko edo hortik goitiko ezgaitasuna.

2.2. Deialdiaren 3.4 oinarriaren hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiaren 7.2 atalean ezarritako epean eta moduan frogatu beharko dituzte betebehar horiek.

3.-Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako ALDIZKARI OFIZIALean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabidea posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta bai aipu honetatik abiatuta: "Zerbitzuak", "Enplegu publikoa".

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horretarako, parte hartzaileek eskabidean adierazi beharko dute zein esparrutako kontratazio zerrendan sartu nahi duten, hots:

a) Administrazio erroa.

b) Osasunbidea-Nafarroako Osasun Zerbitzua.

Horretarako, parte-hartzaileek behar den laukitxoa aukeratu beharko dute eskabidean. Osasunbidea-Nafarroako Osasun Zerbitzuaren kontratazio esparrua aukeratzen badute, gainera, I.bis Eranskina bete beharko dute.

Kudeaketa esparru bat baino gehiago hautatuz gero, edo parte hartzeko eskabidean eta dagokion eranskinean atal hori betetzen ez bada, Administrazio erroko kontratazio zerrendan besterik ez dutela parte hartu nahi ulertuko da.

Kudeaketa esparrua aldatzeko eskaerak eskabideak aurkezteko epearen barrenean onartuko dira bakar-bakarrik.

3.4. Eskabideari, behar bezala bete ondoren, agiri hauek erantsiko zaizkio:

Bat.-Nortasun Agiri Nazionalaren fotokopia, edo izangaiaren nazionalitatea eta nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 12 euro ordaindu izanaren frogagiria. Azterketa eskubideen tasa ordaintzen ez bada, izangaia baztertu eginen da.

Sistema hauetakoren bat erabiliz ordaintzen ahalko da tasa hori:

-Behar bezala betetako ordainketa-gutunaren bitartez. Sistema horrek Nafarroako Foru Komunitateko banku entitateetan ordaintzeko balio du. Arestian aipatutako webgunean, deialdiaren iragarkian, ordainketa-gutunaren eredua dago.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan ordainagirian datu hauek jarri beharko dira nahitaez:

-Izangaiaren izen-deiturak.

-NANa/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonak, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez kreditatuz gero.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako diru-sarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

Hiru.-Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste administrazio publikoren bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honen 2.1.2 oinarrian jasotzen diren eskakizunak betetzen dituztela frogatzen duen agiria gehitu beharko diote eskabideari.

Lau.-Eskabidean adierazitakoaren arabera, Osasunbidea-Nafarroako Osasun Zerbitzuaren kudeaketa esparruan aldi baterako kontratatzeko zerrendetan egon nahi dutela adierazten duten izangaiek, eskabidearekin batera, I.bis eranskina aurkeztu beharko dute, behar bezala betea eta sinatua.

3.5. Eskabideak aurkezteko epea ezin izanen da luzatu.

3.6. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskabideak aurkezteko epea bukaturik, Nafarroako Administrazio Publikoaren Institutuko zuzendari kudeatzaileak ebazpena emanen du, izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, haiek zuzentzeko.

4.3. Erreklamazioetarako epea bukatutakoan eta horiek ebatzita, Nafarroako Administrazio Publikoaren Institutuko zuzendari kudeatzaileak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotzi beharreko arrazoiengatik baztertzen direnei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaiak kide hauek izanen ditu:

-Mahaiburua: Pedro Luis Lozano Uriz jauna,Vianako Printzea Erakundea-Kultura eta Turismo Departamentuko Kultura zuzendari nagusia.

-Ordezkoa: Fermín Guillorme Rodrigo jauna,Vianako Printzea Erakundea-Kultura eta Turismo Departamentuko Liburutegi Zerbitzuko zuzendaria.

-Mahaikidea: María del Carmen Martínez Pérez andrea, Vianako Printzea Erakundea-Kultura eta Turismo Departamentuko Nafarroako Liburutegi Sarearen Ataleko burua.

-Ordezkoa: Roberto San Martín Casi jauna,Vianako Printzea Erakundea-Kultura eta Turismo Departamentuko Ondare Bibliografikoaren Bulegoko burua.

-Mahaikidea: Juan Francisco Elizari Huarte jauna, Vianako Printzea Erakundea-Kultura eta Turismo Departamentuko Nafarroako Liburutegi Nagusiaren Ataleko burua.

-Ordezkoa: María Concepción Vidaurre andrea, Vianako Printzea Erakundea-Kultura eta Turismo Departamentuko Fondo Dokumentala Kudeatzeko Bulegoko burua.

-Mahaikidea: Administrazio Erroko Langileen Batzordearen ordezkari bat, batzordeak berak proposatua.

-Ordezkoa: Administrazio Erroko Langileen Batzordearen ordezkari bat, batzordeak berak proposatua.

-Mahaikide idazkaria: María Elena Uriz Sucunza andrea, Vianako Printzea Erakundea-Kultura eta Turismo Departamentuko Araubide Juridikoaren Ataleko burua.

-Ordezkoa: María Begoña Alfaro Oricáin andrea, Nafarroako Administrazio Publikoaren Institutuko Lan Publikoaren Eskaintza Kudeatzeko Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioaren nondik norakoak.

6.1. Oposizioa 2009ko urtarrilean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehen ariketa: 100 galdera idatziz erantzutea. Galdera bakoitzarentzat erantzun bat baino gehiago proposatuko dira baina bat bakarra izanen da egokia. Galderak liburutegi publiko batean egin beharreko lanaren gaineko ezaupide tekniko eta praktikoei buruzkoak izanen dira. Erantzun okerrak zehatu eginen dira. Ariketa hau egiteko izangaiek izanen duten denbora epaimahaiak adieraziko du, azterketa hasi baino lehen.

Bigarren ariketa: ariketa teorikoa; zozketaz aukeratuko diren hiru gai jorratzea; bi gai deialdi honetako II. eranskineko gai-zerrendako lehenengo zatian daudenetatik aukeratuko dira eta hirugarrena II. eranskineko gai-zerrendako bigarren zatian daudenetatik. Ariketa hau egiteko, izangaiek gehienez ere 5 ordu izanen dituzte.

Hirugarren ariketa: ariketa praktikoa; liburutegi publikoen kudeaketari buruzko hiru kasu praktiko idatziz ebaztea. Ariketa hau egiteko, izangaiek gehienez ere 2 ordu izanen dituzte.

6.3. Oposizioko ariketen balorazioan 100 puntu eman daitezke gehienez ere, honela banatuak:

Lehen ariketa: gehienez 30 puntu.

Bigarren ariketa: gehienez 40 puntu. Lehen zatiko gai bakoitzari 15 puntu emanen zaizkio gehienez eta bigarren zatiko gaiari 10 puntu gehienez.

Hirugarren ariketa: gehienez 30 puntu. Kasu praktiko bakoitzari 10 puntu emanen zaizkio gehienez.

6.4. Oposizioko ariketak baztergarriak izanen dira. Bazterturik geldituko dira lehenengo ariketari esleitutako gehieneko puntuazioaren erdia lortzen ez duten izangaiak. Baztertuko dira, orobat, bigarren ariketako gai bakoitzari eta hirugarren ariketako kasu praktiko bakoitzari esleitutako gehieneko puntuazioaren erdia lortzen ez duten izangaiak.

6.5. Bigarren eta hirugarren ariketak plika sistemaren bidez eginen dira.

6.6. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Internet bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako dei bakarra eginen da. Izangaiek nortasun agiri nazionala eraman beharko dute edo, bestela, pasaportea, gidabaimena edo epaimahaiaren iritziz onargarria den beste nortasun agiriren bat. Oposiziotik kanpo geldituko dira agertzen ez direnak edo aipatutako agirien bidez nor diren frogatzen ez dutenak.

6.8. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskaeran azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, deialdiko probak puntuazio altuenekin gainditu dituzten izangaiak, deitutako lanpostuak adina, izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da. Zerrenda Internet bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, bigarren ariketan puntu gehien lortzen dutenen alde ebatziko da. Eta hala ere berdinduta segitzen badute, hirugarren ariketan lortutako puntuazioa hartuko da kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2.1.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela adierazten duen zina edo hitzematea.

f) %33ko edo hortik gorako ezgaitasuna aitortzen duen agiriaren fotokopia konpultsatua, baldin eta ezgaitasuna dutenentzako txanda murriztuan parte hartu nahi bada.

g) Euskaraz jakin beharra atxikia duen lanposturen bat eskuratu nahi baldin bada, Hizkuntza Eskola Ofizial batek luzaturiko Euskararen Gaitasun Agiriaren fotokopia konpultsatua edo ofizialki horren baliokidetzat jotzen den agiriarena, 2. edo 3. jakite maila duen lanpostua eskuratu nahi izanez gero, edo, bestela, Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak dituela frogatzen duen agiriaren kopia konpultsatua, 1. jakite maila duen lanpostua eskuratu nahi izanez gero.

Deialdi hau egin ez duen Nafarroako beste Administrazio Publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2.1.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

b) Euskaraz jakin beharra atxikia duen lanposturen bat eskuratu nahi baldin bada, Hizkuntza Eskola Ofizial batek luzaturiko Euskarazko Gaitasun Agiriaren fotokopia konpultsatua edo ofizialki horren baliokidetzat jotzen den agiriarena, 2. edo 3. jakite maila duen lanpostua eskuratu nahi izanez gero, edo, bestela, Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak dituela frogatzen duen agiriaren kopia konpultsatua, 1. jakite maila duen lanpostua eskuratu nahi izanez gero.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdi honen xede diren lanpostuetarako izendatzeko baldintzak eta betebeharrak frogatzeko nahitaezko agiriez gainera, Funtzio Publikoaren Zuzendaritza Nagusiak besteren bat eskatu nahi izanez gero, proposatzen den izangaiari eskatu beharko dio, eta horrek deialdi honen 7.2 oinarrian ezarritako moduan ekarri beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten lehiatzaileek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu eta dagokien lanpostu hutsak esleituko dizkie edo, hala badagokio, lan harremana ezartzen den kasuetan, lan kontratazio finkoa egiteko baimena emanen du.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

Lan kontratudunek Nafarroako Foru Komunitateko Administrazioan langileriaren arloan indarra duten xedapenetan ezarritako eskubide eta betebehar guztiak izanen dituzte.

Kontratatzen diren izangaiak ere Gizarte Segurantzako araubide orokorrean afiliatu eta araubide horren babespean geldituko dira.

9.3. Izendatzen edo kontratatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena edo, kasua bada, kontratatzeko baimena Nafarroako ALDIZKARI OFIZIALean argitaratuko da. Izendatzen diren izangaiek hilabeteko epea izanen dute lanpostuaren jabetza hartzeko, izendapena jakinarazten zaienetik hasita. Lan kontratudunen kasuan, interesdunek epe hori bera izanen dute kontratua sinatzeko.

Aipatu epean eta ezinbesteko kasuetan izan ezik, izangairen bat lanpostuaz jabetzen ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio. Lan kontratu bidezko harremanen kasuan, izangairen batek dagokion kontratua sinatzen ez badu, berdin jokatuko da.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere deialdiko 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek prestatuko dira:

a) Hautapen prozesuko ariketa guztiak gainditu bai baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

b) Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Hautapen prozesuko ariketa guztiak gainditu bai baina lanposturik lortu ez duten izangaien zerrenda.

Proba guztiak gainditu arren lanposturik lortzen ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko.

Horretarako, Nafarroako Administrazio Publikoaren Institutuko Sarrerarako Hautapenaren Zerbitzuaren espedientea jasota, Funtzio Publikoaren zuzendari nagusiaren ebazpen baten bidez, hamar egun balioduneko epea emanen zaie hautapen prozesuan probak gainditu bai baina lanpostua eskuratu ez duten izangaiei, ebazpen hori argitaratu eta biharamunetik hasita, ondoren azaltzen den dokumentazioa aurkez dezaten:

a) Deialdiaren 2.1.1.c) oinarrian eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria. Ebazpen hori Nafarroako ALDIZKARI OFIZIALean argitaratuko da, eta langileen zerrenda Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

b) Izangaiak duen euskara maila frogatzeko dokumentazioaren kopia konpultsatua. 2. oinarrian ezarritakoarekin bat, euskara maila neurtzeko proba egitea aukeratzen duten izangaien kasuan, proba horretako emaitzak administrazioak erantsiko ditu ofizioz.

c) Liburutegiko arduradun gisa aritzeko, aldi baterako kontratazioen zerrendetan zein eskualdetan egon nahi duten adierazteko eta, hala badagokio, lanaldi partzialeko lanpostuak aukeratzeko eskabidea.

Ebazpen hura, eskualdeak eta lanaldi partzialeko lanpostuak aukeratzeko eskabidearen ereduarekin eta eskualde bakoitzak hartzen duen eremua azaltzeko agiri informatikoarekin batera, Nafarroako ALDIZKARI OFIZIALean argitaratuko da eta ukitutako langileen zerrenda, berriz, Nafarroako Gobernuko iragarki oholean (Karlos III.aren etorbidea, 2. atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira zerrendan sartuko, eta deialdian parte hartzeagatik legozkiekeen eskubide guztiak galduko dituzte, deusetan ukatu gabe parte hartzeko eskabidea faltsutzeagatik legokiekeen erantzukizuna.

Sarrera prozedurako eskaerak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte ere bete beharko dira.

Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratatzeko izangaien zerrenda onetsiko da eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña).

Proba guztiak gainditu arren lanposturik eskuratzen ez duten izangaiak aldi baterako kontratatzeko zerrendaren ordena hautapen prozesuan ateratako puntuazio handienaren arabera erabakiko da.

Horren arabera Administrazio Erroan aritzeko prestatzen den zerrenda Lehendakaritza, Justizia eta Barne kontseilariak azaroaren 14an emandako 146/2005 Foru Aginduan ezarritako arauei jarraikiz kudeatuko da.

Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko eta Nafarroako Mendekotasun Agentziako organo eskudunei igorriko die zerrenda hori, esparru bakoitzeko arauei jarraikiz kudea dezaten.

10.3. Administrazio Erroaren esparruan aldi baterako kontratatzeko izangaien zerrenda.

Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du Administrazio Erroko zerrenda hautatu duten izangaiekin. Zerrenda horretan hautapen prozesuko azken-aurreko ariketa bai baina azkenekoa gainditu ez duten izangaiak sartuko dira.

Horretarako, Nafarroako Administrazio Publikoaren Institutuko Sarrerarako Hautapenaren Zerbitzuak hautapen prozesuko azken-aurreko ariketa gainditu duten izangaien zerrenda bidali ondoren, Funtzio Publikoaren zuzendari nagusiaren ebazpen baten bidez, hamar egun balioduneko epea emanen zaie izangai horiei, ebazpen hori argitaratu eta biharamunetik hasita, ondoren azaltzen den dokumentazioa aurkez dezaten:

a) Deialdiaren 2.1.1.c) oinarrian eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria.

b) Izangaiak duen euskara maila frogatzeko dokumentazioaren kopia konpultsatua. 2. oinarrian ezarritakoarekin bat, euskara maila neurtzeko proba egitea aukeratzen duten izangaien kasuan, proba horretako emaitzak administrazioak erantsiko ditu ofizioz.

c) Liburutegiko arduradun gisa aritzeko, aldi baterako kontratazioen zerrendetan zein eskualdetan egon nahi duten adierazteko eta, hala badagokio, lanaldi partzialeko lanpostuak aukeratzeko eskabidea.

Ebazpen hura, eskualdeak eta lanaldi partzialeko lanpostuak aukeratzeko eskabidearen ereduarekin eta eskualde bakoitzak hartzen duen eremua azaltzeko agiri informatikoarekin batera, Nafarroako ALDIZKARI OFIZIALean argitaratuko da eta ukitutako langileen zerrenda, berriz, Nafarroako Gobernuko iragarki oholean (Karlos III.aren etorbidea, 2. atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira zerrendan sartuko, eta deialdian parte hartzeagatik legozkiekeen eskubide guztiak galduko dituzte, deusetan ukatu gabe parte hartzeko eskabidea faltsutzeagatik legokiekeen erantzukizuna.

Sarrera prozedurako eskaerak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratatzeko izangaien zerrenda onetsiko da eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña).

Izangaiak aldi baterako kontratatzeko zerrendaren ordena hautapen prozesuan gainditutako ariketa guztietan lortutako puntuak batuz eta horren arabera finkatuko da.

Horren arabera prestatzen den zerrenda Lehendakaritza, Justizia eta Barne kontseilariak azaroaren 14an emandako 146/2005 Foru Aginduan ezarritako arauei jarraikiz kudeatuko da.

10.4. Osasunbidea-Nafarroako Osasun Zerbitzuaren esparruan aldi baterako kontratatzeko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die hautapen prozesuko ariketa guztiak gainditu ez eta esparru horretako kontratazio zerrendak aukeratu dituzten izangaien zerrenda, aldi baterako kontratazioetarako zerrendak presta ditzaten.

Nafarroako Administrazio Publikoaren Institutuko Sarrerarako Hautapenaren Zerbitzuak hautapen prozesuko ariketa guztiak gainditu ez eta esparru horretako kontratazio zerrendak aukeratu dituzten izangaien zerrenda igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrenda onetsiko dute, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horren arabera osatzen den zerrenda Osasunbidea-Nafarroako Osasun Zerbitzuak kudeatuko du, langileak hautatzeko 2001eko urtarrilaren 9ko Akordioan ezarritakoari jarraikiz.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere oinarrien kontra eta oinarriak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2008ko maiatzaren 22an.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskabidea

Nafarroako Gobernua. Lehendakaritza, Justizia eta Barne Departamentua. Nafarroako Administrazio Publikoaren Institutua.

................................. jauna/andrea, adinez nagusia, ............... zk.ko Nortasun Agiri Nazionalaren jabea (edo balio bereko nortasun txartela), .....(e)ko ......aren ......(e)an jaioa, jaioterria: ..............., nazionalitatea: ............................, egungo helbidea: ............................ (...................), posta kodea: ......................, laneko telefonoa: .........................

Honako hau azaltzen dut:

Nafarroako Foru Komunitateko Administrazioaren zerbitzuko .............. izateko ...............lanpostu .................... bidez betetzeko deialdian parte hartzeko onar nazatela eskatzen dudala, ondoko txandan (deialdia ...... zenbakiko Nafarroako ALDIZKARI OFIZIALean argitaratu zen, .........an).

f Txanda irekia.

f Igoera txanda.*

f Ezgaitasunen bat dutenentzako txanda.*

Hautapen probak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa.*

f Osasunbidea-Nafarroako Osasun Zerbitzua.*

f Nafarroako Mendekotasun Agentzia.*

(Esparruetako bakar bat aukeratu daiteke)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala.*

f Euskara maila jakiteko proba egitea eskatzen dudala.*

f Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, ...........(e)ko..............aren .....(e)an.

(Sinadura)

(*) Bidezkoa bada bakarrik.

I. ERANSKINA BIS

Osasunbidea-Nafarroako Osasun Zerbitzuaren barrenean, aldi baterako kontratazioak egiteko zerrendetarako eremuen aukeraketa.

....................................... betetzeko deialdia, ....................(e)ko Nafarroako ALDIZKARI OFIZIALean argitaratua, ..........zk., ......... egunean.

Behar bezala betetzeko jarraibideak.

1. Izangai bakoitzak zentro bana aukeratu dezake A, B eta C ataletan age baina ez da beharrezkoa atal guztietatik bat aukeratzea.

2. Taulan begiratu lanpostu hori zein zentrotan dagoen.

Izena eta bi abizen: ....................., jaiotze-data: ......................, N.A.N. zenbakia (letra eta guzti) ......................, harremanetarako telefonoa: ................

ADIERAZTEN DU:

Aipatutako deialdi horretara aurkeztu dela, eta baldintza guztiak betez gero, ondoko kudeaketa esparru hauetan aritzeko aldi baterako kontratazio zerrendetan sartzea nahi duela:

A atala:

f Nafarroako Ospitalea.

f Bideko Ama Birjina Ospitalea (E.L.Z.).

f Lehen Osasun Laguntza Iruñean eta Iruñerrian.

f Iruñeko eta Tafallako anbulatoriak.

B atala:

f Ubarmin Klinika.

f Odol Bankua.

f Osasun Publikoaren Institutua.

f Nafarroako Iparraldeko Osasun Eskualde Oinarrizkoa.

C atala:

f Tuterako Osasun Barrutia.

f Lizarrako Osasun Barrutia.

f Kontratazio labur eta luzeetarako kontratazio. zerrendetan egon nahi duela.

Laukitxo hau betetzen ez bada, kontratazio luzeetarako zerrendetan sartuko da bakarrik.

Iruñean, ........(e)ko .........................aren .......(e)an.

(Sinadura)

Arkitekto teknikoa X

Administrari laguntzailea X X X X X X X X X X

Sukaldaria X X X X X

Gidaria X X

Enpresa zientz. diplomaduna X

Lan Harrem. diplom. X X

E. Zerbitzu anitzetako lang. X X X X X X X X

Liburutegiko arduraduna X X X X

Ingeniari teknikoa X X X X X

1. mailako ofiziala X X X X X

Sist. inform. ofiziala X X X X X X X X

Askotariko lanetarako langileak X

Zerbitzu orokorretako langileak X X

Osasun kudeak. teknikaria X X X X X

Erdi mailako teknikaria X X X X

Telefonista X X X X X X X

Gizarte-langilea X X X X X X X X X

(*) Laukitxoak bete baino lehen, taulan begiratu lanpostu hori zein zentrotan dagoen.

GIZA BALIABIDEEN ZUZENDARITZA - LANGILERIAREN ETA LAN HARREMANEN ZUZENDARIORDETZA. IRUNLARREA KALEA, 39, 31008 IRUÑA.

II. ERANSKINA

Gai zerrenda

Lehenbiziko zatia:

1. gaia.-Liburua eta liburutegiak Antzinatean. Liburua eta liburutegiak Erdi Aroan.

2. gaia.-Inprentaren asmakizuna eta hedatzea: inkunableak.

3. gaia.-Liburua eta liburutegiak XVI. mendetik XX. mendera arte.

4. gaia.-Liburugintza eta liburuaren merkataritza gaur egun.

5. gaia.-Haurrendako liburuak. Erreferentziako liburuak eta bibliografiak.

6. gaia.-Aldizkako argitalpenen historia. Sorrera eta bilakaera. Haren egoera Nafarroan.

7. gaia.-Bibliografia: bilakaera historikoa, helburuak eta motak. Nafarroako bibliografia.

8. gaia.-Liburutegiak: kontzeptuak, helburuak, eginkizunak eta motak.

9. gaia.-Liburutegi publikoak: ikuspegi historikoa, kontzeptua, eginkizunak eta zerbitzuak.

10 gaia.-UNESCOren agiria liburutegi publikoei buruz (1994). IFLA/UNESCOren jarraibideak Liburutegi Publikoen Zerbitzuaren garapenerako. Kultura Ministerioa (2002).

11. gaia.-Liburutegi publikoak jartzeko eraikinak: eraikuntzari buruzko alderdiak, eraikinaren irisgarritasuna, instalazioak, eremuen eta zerbitzuen definizioa, segurtasun neurriak, seinaleak, altzarien eta ekipamendu teknologikoaren hornidura.

12. gaia.-Liburutegi publikoetako bildumak: plangintza, hautapena, erosketa, mantentze lanak eta garapena.

13. gaia.-Deskripzio bibliografikoa: kontzeptua eta eginkizunak: ISBD, AACR. Merkataritzako deskribapena eta deskribapen bibliografikoak: ISBN eta ISSN.

14. gaia.-Katalogazioaren arauak. Bigarrenez berrikusitako edizioa, Kultura Ministerioarena (1999): egitura eta edukia.

15. gaia.-MARC formatua, erregistro bibliografikoen trukerako. Ibermarc formatua.

16. gaia.-Katalogoak: kontzeptuak, motak, helburuak, baliabideak, zerbitzuak eta ebaluazioa. Katalogo kolektiboak Espainian gaur egun.

17. gaia.-Dokumentaziorako hizkuntzak: Indexazioa, Gaien idazpuruak, Tesauroak. Gaien idazpuruen zerrenda liburutegi publikoetarako, Kultura Ministerioak onetsia (1993). Laburpena.

18. gaia.-Dokumentaziorako hizkuntzak: Sailkapen sistemak. Sailkapen Hamartar Unibertsala (SHU-CDU).

19. gaia.-Informazioaren teknologiak eta nola aplikatzen diren liburutegietako prozesuetan. Liburutegien sistema automatizatuak.

20. gaia.-Internet eta liburutegiak. IFLAk Interneti buruz onetsitako Agiria. Interneten sartzeko, Kultura Ministerioak emandako jarraibideak (2005).

21. gaia.-Liburutegietako zerbitzu birtualak. Garapena eta mantentze-lanak. Horren egoera Espainian. Nazioarteko egoeraren aipamena.

22. gaia.-Erabiltzaileendako zerbitzuak: Zerbitzuen gutuna. Liburutegi publikoetako erabiltzaileen iradokizun, kontsulta eta erreklamazioei kasu egiteko protokoloa.

23. gaia.-Liburutegi publikoetan irakurketa sustatzeko lana. Irakurleen klubak.

24. gaia.-Erabiltzaileen prestakuntza: Alfabetatze informazionala.

25. gaia.-Liburutegi publikoak integrazio soziokulturalerako zentro gisa. Gizartean gutxiengoak diren taldeei eta etorkinei kasu egitea.

26. gaia.-Liburutegi publikoa eta tokian tokiko memoria. Tokian tokiko gaien atala: gai-multzo horren eremua, agirien definizioa, erosketak, antolaketa eta hedapena.

27. gaia.-Material bibliografikoak begiratu eta zaintzea: koadernatzea, zaharberritzea, mikrofilmaketa, digitalizazioa eta abar.

28. gaia.-Dokumentuak erreproduzitzeko zerbitzuak liburutegi publikoetan. Prozedura teknikoak. Jabetza intelektualerako eskubideak.

29. gaia.-Nafarroako Liburutegi Publikoei buruzko Foru Legea (2002).

30. gaia.-Nafarroako Liburutegi Publikoen Sistema. Egungo egoera, antolaketa eta funtzionamendua. Espainiako beste liburutegi publikoetako sistemekin dituen antzekotasunak eta ezberdintasunak.

31. gaia.-Espainian liburutegien arloan dauden erakundeen antolamoldea eta eskumenak.

32. gaia.-Espainiako liburutegien arteko lankidetza gaur egun. Erakundeak, baliabideak, programak eta proiektuak.

Bigarren zatia:

1. gaia. -Espainiako 1978ko Konstituzioa (I): ezaugarriak. Zuzenbide estatu sozial eta demokratikoa: Konstituzioaren printzipioak eta balio gorenak. Funtsezko eskubide eta askatasunak eta haien bermea. Politika sozial eta ekonomikoaren printzipio gidariak.

2. gaia.-Espainiako 1978ko Konstituzioa (II): estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

3. gaia.-Estatuaren lurralde antolaketa: Estatu autonomikoa. Konstituzio Auzitegia.

4. gaia.-Legea: kontzeptua eta motak. Erregelamendua: Kontzeptua eta motak. Legearen eta Erregelamenduaren arteko loturak. Erregelamenduak emateko ahalmena eta horren mugak. Erregelamenduen kontrola.

5. gaia.-Administrazio egintza: kontzeptua, motak eta osagaiak. Administrazio egintzen baldintzak, eraginkortasuna, deuseztasuna eta deuseztagarritasuna.

6. gaia.-Administrazio prozedura erkidea: kontzeptua eta izaera. Faseak: Hasiera, antolamendua, instrukzioa eta bukaera. Administrazioarekiko errekurtsoak: printzipio orokorrak eta motak.

7. gaia.-Europar Batasuna: Batasuna sortzeko prozesua. Europar Batasuneko erakundeak. Europar Batasuneko Zuzenbidearen iturriak. Jatorrizko zuzenbidea eta zuzenbide eratorria.

8. gaia.-Nafarroako Foru Eraentza: bilakaera historikoa (1512-1982). 1841eko abuztuaren 16ko Nafarroako Lege Hitzartua. Foru Eraentza Berrezarri eta Hobetzeko Lege Organikoa: Egitura eta edukia. Hitzarmen Ekonomikoa.

9. gaia.-Nafarroako Parlamentua edo Gorteak: osaera, antolakuntza eta eginkizunak. Nafarroako Foru Komunitateko arartekoa. Comptos Ganbera. Nafarroako Kontseilua.

10. gaia.-Botere betearazlea Nafarroan: Nafarroako Gobernuko lehendakaria. Nafarroako Gobernua. Nafarroako Foru Komunitateko Administrazioa.

11. gaia.-Nafarroako Administrazio Publikoen zerbitzuko langileak: langile motak. Funtzionario publikoen hautapena. Funtzionario bihurtu eta izatetik gelditzea. administrazio karrera. Administrazio egoerak. Lanpostuak betetzea. Ordainsariak.

12. gaia.-Nafarroako Toki Administrazioa: Nafarroako toki entitateak: motak eta eskumen orokorrak. Udalerrietako organoak. Toki entitateen ondasunak. Nafarroako Toki Entitateen jarduketen inpugnazioa eta kontrola.

13. gaia.-Kontratazio administratiboa: Administrazio Publikoen kontratu motak. Administrazioaren prerrogatibak. Kontratuen esleipena: prozedura eta moduak. Kontratuak sinatzea. Kontratu hartzailearen betebeharrak.

14. gaia.-Nafarroako Foru Komunitateko Administrazioan administrazio elektronikoa ezartzeko apirilaren 4ko 11/2007 Foru Legea.

Oharra: arlo guztietako gaiek deialdia hau Nafarroako ALDIZKARI OFIZIALean argitaratu egunean zegoen legedi indardunari jarraituko diote.

Iragarkiaren kodea: F0808115