Iragarkia
60. ALDIZKARIA - 2008ko maiatzaren 14a
I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
166/2008 FORU AGINDUA, apirilaren 21ekoa, Landa Garapeneko eta Ingurumeneko kontseilariak emana, Nekazaritzako Aseguru Konbinatuen Planeko nekazaritzako zenbait aseguru izenpetzeko diru-laguntzen arauak eta deialdia onesten dituena, 2008. urterako.
Nekazaritzako finantziazioari buruzko lege-xedapenen testu bategina onesten duen otsailaren 16ko 54/1998 Legegintzako Foru Dekretuaren 1. eta 2. artikuluen arabera, Nafarroako Gobernuak laguntzak emanen ditu diruz laguntzen ahal diren nekazaritzako ekoizpenak eta arriskuak aseguratzeko, eta nekazaritzako ondasunen gaineko aseguruen kontratazioaren kostuan parte hartuko du. Legegintzako foru dekretu horrek, VI. tituluan, Nekazaritza eta Abeltzaintzako aseguru-sarietarako laguntzak arautzen ditu, eta bertan ezartzen du Nekazaritza, Abeltzaintza eta Elikadura kontseilariak urtero onetsi eta argitaratuko dituela laguntzak jasotzen ahal dituzten aseguru lerroak, Nekazaritzako Aseguru Konbinatuen Urteko Planean sarturik dagoen aseguru bakoitzaren ezaugarrien berri duen unean.
Aseguru-sarien ordainketarako laguntzek Europar Batasunak ezarritako baldintzak bete behar ditu, hain zuzen ere Estatuko laguntzak Europar Batasuneko merkatuarekin bateragarri izatea, EEko Tratatuaren 87. artikuluari jarraikiz.
Nekazaritza, Arrantza eta Elikadura Ministerioak nekazaritzako aseguruetarako laguntzen berri eman dio Europar Batasunari (Estatuko 774/01 laguntza). Batasunak zehaztu du aseguru-sariak ordaintzeko laguntzak bateragarriak direla Europar Batasuneko Merkatuarekin, baldin eta aipatu Ministerioak laguntza horietarako aurreikusi duen laguntza portzentajeak (autonomia erkidegoek emandako laguntzak barne, halakorik bada) aseguruaren kostu garbiaren gaineko portzentaje bat gainditzen ez badu.
Nekazaritza, Arrantza eta Elikadura Ministerioko Idazkariordetzak 2007ko abenduaren 18an emandako Ebazpenaren bidez argitara eman zen Ministroen Kontseiluak 2007ko abenduaren 7an hartutako Erabakia, zeinaren bitartez Nekazaritzako Aseguru Konbinatuen 2008rako Plana onetsi baitzen. Martxoaren 3ko PRE/622/2008 Aginduaren bidez, Estatuko Administrazio Nagusiak Nekazaritzako Aseguru Konbinatuen Planeko aseguruak hartzeko 2008rako emanen dituen diru-laguntzak arautzen dira.
Landa Garapeneko eta Ingurumeneko Departamentuak, 54/1998 Legegintzako Foru Dekretuan eta Estatuko 774/01 laguntzan aurreikusitakoa aplikatuz, Estatuko Administrazio Nagusiak hartutako neurriak osatzen dituzten diru-laguntzak eman nahi ditu, baina Batzordeak abenduaren 15ean emandako 1857/2006 EE Erregelamenduan ezarritako mugen barruan beti. Erregelamendu hori nekazaritzako produktuak ekoizten dituzten enpresa txiki eta ertainetarako Estatuko laguntzei buruzko Tratatuaren 87. eta 88. artikuluak aplikatzeari buruzkoa da, eta 70/2001 EE Erregelamendua aldatu du.
Foru agindu honi honako hauek aplikatu behar zaizkio: Nekazaritzako Finantziazioari buruzko otsailaren 16ko 54/1998 Legegintzako Foru Dekretua eta Dirulaguntzei buruzko azaroaren 9ko 11/2005 Foru Legea.
Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. Nekazaritzako Aseguru Konbinatuen Planeko nekazaritzako zenbait aseguru izenpetzeko diru-laguntzen deialdia onesten duena, 2008. urterako.
2. Deialdiaren arauak onestea. Arau horiek foru agindu honen eranskinean daude.
3. Foru agindu honen ondoriozko gastuak ordaintzeko 4.400.000 euro onestea, 2008ko gastuen aurrekontuetako "Aseguru-sarien konpentsazioa" izeneko 700000 71000 4700 411100 kontu-sailaren kargura.
4. Foru agindu hau eta eranskina Nafarroako ALDIZKARI OFIZIALean argitaratzea.
5. Foru agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, 2008ko apirilaren 21ean.-Landa Garapeneko eta Ingurumeneko kontseilaria, Begoña Sanzberro Iturriria.
ERANSKINA
Nekazaritzako Aseguru Konbinatuen Planeko nekazaritzako zenbait aseguru izenpetzeko diru-laguntzen 2008rako deialdiko arauak
Lehenengoa.-Xedea eta diruz lagundu daitezkeen jarduketak.
1. Deialdi honen xedea da Nekazaritzako Aseguru Konbinatuen Planeko 2008rako aseguruak hartzen dituzten nekazari eta abeltzainei laguntzea; aseguruak Nafarroako Foru Komunitatean dauden nekazaritzako ondasunetarako izanen dira, eta Estatuko Administrazio Nagusiak helburu bererako ematen dituen diru-laguntzen osagarri.
Nafarroan aplikatzekoak diren Nekazaritzako Aseguru Konbinatuen Plan indardunaren barruan izenpetutako aseguruen kostua konpentsatuko da, baldin eta pizgarri hori behar badute sarpen indizea, azkeneko helburu gisa, aseguruaren ehuneko ehunekoa izateko, nekazariak edo abeltzainak bere gain hartzen ahal duen ondorioarekin.
2. Aseguru lerro hauek kontratatzeko kosturako emanen dira diru-laguntzak:
a) Nekazaritzako Aseguru Konbinatuen 2008ko Planaren bidez izenpetutako nekazaritzako aseguruak, lerro hauetan:
-Aseguru konbinatua eta ohiz kanpoko kalteena: arbeletxekoa, gerezia, arana, sagarra, mertxika, udarea, kiwia, ardotarako mahatsa eta ardo kooperatiben kostu finkoak estaltzeko berme gehigarria, arroza, udaberriko zerealak, zerba, baratxuria, orburua, brokolia, tipula, azalorea, ziazerba, ilar berdea, baba berdea, leka, uraza, patata, piperra, tomatea eta azenarioa.
-Etekinen asegurua: almendrondoa, oliba, elorri beltzak eta belar labore estentsiboak.
-Aseguru integratua: lehorreko neguko zerealak.
-Ustiategiko asegurua: fruitarbolak eta ardotarako mahatsa.
Inolako kasutan ez da diru-laguntzarik emanen aipatu laboreen aseguru osagarrietarako.
b) Nekazaritzako Aseguru Konbinatuen 2008ko Planaren bidez izenpetutako abeltzaintzako aseguruak, lerro hauetan:
-Ustiategiko asegurua: haragitarako eta arrautzatarako hegaztiak, zaldi-azienda, ardi-azienda eta ahuntz-azienda, ugalketarako eta aurrerakoen hazkuntzarako behi-azienda, haragitarako gaitasuna duten ugalketarako behiak, gizentzeko behi-azienda eta zezenketetarako behi-azienda.
-Balorazio genetiko handiko behi-aziendaren asegurua.
-Larreetan idortzeak egindako kalteak estaltzeko asegurua.
-Behi-aziendaren entzefalopatia espongiformearen asegurua.
-Ustiategian hildako behi-azienda deuseztatzearen ondoriozko gastuetarako asegurua.
-Ustiategian hildako behi-azienda eta behi-azienda ez dena deuseztatzearen ondoriozko gastuetarako aseguru berriztagarria.
-Ustiategian hildako behi-aziendaz aparteko abereak deuseztatzearen ondoriozko gastuetarako asegurua.
Bigarrena.-Diru-laguntzaren zenbatekoa.
Landa Garapeneko eta Ingurumeneko Departamentuak aurreko arauko aseguruei eman beharreko diru-laguntzetarako hurrengo portzentaje hauek finkatu dira, Estatuak Nekazaritzako Aseguruen Estatuko Entitatearen bidez (ENESA) horretarako ematen dituen diru-laguntzei dagokienez: Diru-laguntza horiek ondoko taulan azaltzen dira. Taula horretan azaltzen da, orobat, ENESAk eta Landa Garapeneko eta Ingurumeneko Departamentuak emandako diru-laguntzen baturak kostu garbiaren gainean izan dezakeen gehieneko portzentajea.
7
Aseguru konbinatua eta ohiz kanpoko kalteena: udaberriko zerealak
I
%74
%56,00
39
Aseguru konbinatua eta ohiz kanpoko kalteena: tipula
II
%48
%58,00
41
Aseguru konbinatua eta ohiz kanpoko kalteena: leka
II
%48
%58,00
43
Aseguru konbinatua eta ohiz kanpoko kalteena: piperra
II
%48
%58,00
45
Aseguru konbinatua eta ohiz kanpoko kalteena: azenarioa
II
%48
%58,00
50
Aseguru konbinatua eta ohiz kanpoko kalteena: azalorea
II
%57
%58,00
54
Aseguru konbinatua eta ohiz kanpoko kalteena: orburua
II
%57
%58,00
55
Aseguru konbinatua eta ohiz kanpoko kalteena: baratxuri
II
%48
%58,00
56
Aseguru konbinatua eta ohiz kanpoko kalteena: baba berdea
II
%48
%58,00
57
Aseguru konbinatua eta ohiz kanpoko kalteena: ilar berdea
II
%48
%58,00
67
Aseguru konbinatua eta ohiz kanpoko kalteena: brokoli
II
%57
%58,00
70
Aseguru konbinatua eta ohiz kanpoko kalteena: uraza
II
%48
%58,00
78
Aseguru konbinatua eta ohiz kanpoko kalteena: patata
II
%48
%58,00
79
Aseguru konbinatua eta ohiz kanpoko kalteena: kiwia
II
%48
%74,00
105
Aseguru konbinatua eta ohiz kanpoko kalteena: arroza
II
%48
%62,00
164
Aseguru konbinatua eta ohiz kanpoko kalteena: zerba eta ziazerba
II
%48
%58,00
11
Aseguru konbinatua eta ohiz kanpoko kalteena: tomatea
III
%45
%58,00
2
Aseguru konbinatua eta ohiz kanpoko kalteena: arbeletxekoa
III
%65
%61,00
3
Aseguru konbinatua eta ohiz kanpoko kalteena: sagarra
III
%65
%61,00
5
Neguko zerealen aseguru integrala (I. eskualdea)
III
%10
%70,00
5
Neguko zerealen aseguru integrala (2. eskualdea)
III
%10
%70,00
5
Neguko zerealen aseguru integrala (3. eskualdea Estellerria, Allo, Los Arcos, Arellano, Armañantzas, Arroitz, Bargota, El Busto, Deikaztelu, Mues, Santsol, Torres del Rio eta Viana)
III
%66
%70,00
5
Neguko zerealen aseguru integrala (3. eskualdea Estellerria, gainerako udalerriak)
III
%32
%70,00
5
Neguko zerealen aseguru integrala (4. eskualdea, Erdialdea, Caparroso, Zarrakaztelu, Faltzes, Melida, Murillo el Cuende, Murillo el Fruto, Erriberri, Pitillas, Santakara, Bardeako ordokia)
III
%66
%70,00
5
Neguko zerealen aseguru integrala (4. eskualdea, gainerako udalerriak)
III
%32
%70,00
5
Neguko zerealen aseguru integrala (5. eskualdea, Erribera)
III
%66
%70,00
9
Aseguru konbinatua eta ohiz kanpoko kalteena: mertxika
III
%65
%61,00
13
Aseguru konbinatua eta ohiz kanpoko kalteena: udarea
III
%65
%61,00
15
Aseguru konbinatua eta ohiz kanpoko kalteena: arana
III
%65
%61,00
85
Ardotarako mahatseko kooperatiben berme gehigarria
IV
%41
%65,00
182
Aseguru konbinatua eta konbinatuaren ohiz kanpoko kalteena: ardotarako mahatsa A modalitatea
IV
%41
%65,00
183
Aseguru konbinatua eta konbinatuaren ohiz kanpoko kalteena: ardotarako mahatsa B modalitatea
IV
%41
%65,00
4
Aseguru konbinatua eta ohiz kanpoko kalteena: ardotarako mahatsa
IV
%41
%65,00
14
Aseguru konbinatua eta ohiz kanpoko kalteena: gerezia
IV
%48
%74,00
102
Ugalketarako eta aurrerakoen hazkuntzarako behi-aziendaren ustiapen asegurua
IV
%41
%65,00
111
Ardi-aziendaren eta ahuntz-aziendaren ustiapen asegurua
IV
%41
%65,00
129
Zezenketarako aziendaren ustiapen asegurua
IV
%41
%65,00
130
Gizentzeko behi-aziendaren ustiapen asegurua
IV
%41
%65,00
131
Behi-aziendaren entzefalopatia espongiformerako asegurua
IV
%80
%100,00
133
Larreetako idorterako asegurua
IV
%36
%70,00
136
Balorazio genetiko handiko behi-aziendaren asegurua
IV
%26
%65,00
139
Zaldi-aziendaren ustiapen asegurua
IV
%26
%65,00
147
Haragitarako hegaztien ustiapen asegurua
IV
%26
%65,00
186
Arrautzatarako hegaztien ustiapen asegurua
IV
%26
%65,00
185
Ugalketarako behi-aziendaren ustiapen asegurua
IV
%41
%65,00
100
Fruitarbolen ustiapen asegurua
V
%30
%65,00
103
Almendrondoaren etekinen asegurua
V
%49
%80,00
118
Lehorreko belarki-laboreen etekinen asegurua (1. eskualdea)
V
%10
%70,00
118
Lehorreko belarki-laboreen etekinen asegurua (2. eskualdea)
V
%10
%70,00
118
Lehorreko belarki-laboreen etekinen asegurua (3. eskualdea Estellerria, Allo, Los Arcos, Arellano, Armañantzas, Arroitz, Bargota, El Busto, Deikaztelu, Mues, Santsol, Torres del Rio eta Viana)
V
%58
%70,00
118
Lehorreko belarki-laboreen etekinen asegurua (3. eskualdea Estellerria, gainerako udalerriak)
V
%28
%70,00
118
Lehorreko belarki-laboreen etekinen asegurua (4. eskualdea, Erdialdea, Caparroso, Zarrakaztelu, Faltzes, Melida, Murillo el Cuende, Murillo el Fruto, Erriberri, Pitillas, Santakara, Bardeako ordokia)
V
%58
%70,00
118
Lehorreko belarki-laboreen etekinen asegurua (4. eskualdea, gainerako udalerriak)
V
%32
%70,00
118
Lehorreko belarki-laboreen etekinen asegurua (5. eskualdea, Erribera)
V
%58
%70,00
134
Elorri beltzaren etekinen asegurua
V
%46
%73,00
173
Olibondoen etekinen asegurua A modalitatea
V
%32
%66,00
175
Olibondoen etekinen asegurua B modalitatea
V
%32
%66,00
177
Mahastiaren ustiapen asegurua, etekinen asegurua
V
%30
%65,00
178
Ustiapen asegurua, kalteen asegurua A modalitatea
V
%30
%65,00
179
Ustiapen asegurua, kalteen asegurua B modalitatea
V
%30
%65,00
180
Ustiapen asegurua, kalteen asegurua C modalitatea
V
%30
%65,00
132
Behi-azienda deuseztatzeko gastuetarako asegurua
VI
%108
%87,50
198
Behi-aziendaz aparteko abereak deuseztatzeko gastuetarako asegurua
VI
%108
%87,50
732
Behi-azienda deuseztatzeko gastuetarako aseguru berriztagarria.
VI
%99
%87,50
Behi-aziendaz aparteko abereak deuseztatzeko gastuetarako aseguru berriztagarria.
VI
%99
%87,50
Hirugarrena.-Onuradunak.
1. Laguntzen onuradunak dira Agrupación Española de Entidades Aseguradoras de los Seguros Agrarios Combinados, S.A elkartean (hemendik aurrera Agroseguro, S.A) sartuta dauden aseguru konpainiekin bigarren arauko taulan ageri diren aseguru lerroetako poliza bat izenpetzen duten aseguratuak. Jaso beharreko diru-laguntza polizaren kostutik zuzenean deskontatuta dago eta, horrela aseguratuak, poliza izenpetzen duenean, polizaren kostu garbiaren eta diru-laguntzaren arteko aldea ordainduko du.
2. Aurreko lerroaldean deskribatutakoa oinarri hartuta, eta aseguratuak aseguruaren kostu garbiari diru-laguntza kenduta ateratzen dena emanen dionez Agroseguro, S.A.ri, Landa Garapeneko eta Ingurumeneko Departamentua izanen da Agroseguro, S.A.ri diru-laguntzaren zenbatekoa itzuliko diona.
Laugarrena.-Eskatutako betebeharrak eta horiek frogatzeko modua.
1. Aseguratuak, foru agindu honetan ezarritako laguntzak jaso ahal izateko, Nafarroako Nekazaritzako Ustiategien Erregistroan inskribatuta dagoen nekazaritzako ustiategi baten titularra izan behar du. Halaber, Dirulaguntzei buruzko azaroaren 9ko 11/2005 Foru Legeko 13. artikuluan ezarritako baldintzak bete beharko ditu. Baldintza horiek betetzen direla frogatu eta/edo egiaztatzeko bosgarren arauan ezarritakoari jarraituko zaio. Aseguratuak asegurua izenpetzen duen unean hartzen duenez diru-laguntza, aseguruaren kostu garbitik deskontatzen baita, baldintzak betetzen diren ikusteko egiaztapen kontrolak gero eginen dira, polizen informazioa Landa Garapeneko eta Ingurumeneko Departamentuaren organo kudeatzailearen esku dagoenean.
2. Aseguratuak, edo asegurua haren izenean hartzen duenak, aseguru polizaren kontratua izenpetzea diru-laguntzaren eskaeratzat joko da, Nekazaritza, Arrantza eta Elikadura Ministerioak ezarritako izenpetze epeetan egiten baldin bada eta zuzen bete bada edo, bidezkoa bada, Agroseguro, S.A.k zuzendu badu, bai kontratuaren osagaiei dagokienez, aplikatzekoa den araudian xedaturikoarekin bat, bai izenpetutako polizari dagokion diru-laguntza zehazteko behar diren datu guztiei dagokienez.
3. Aseguru poliza kontratatzearekin batera, aseguratuak adieraziko du Dirulaguntzei buruzko azaroaren 9ko 11/2005 Foru Legeko 13. artikuluan eskatzen diren betebehar guztiak betetzen dituela.
4. Aseguratuek, nekazaritzako aseguru poliza kontratatzean, baimena emanen diote Landa Garapeneko eta Ingurumeneko Departamentuari, beharrezkoa bada, beste departamentu edo administrazio batzuei informazioa eskatzeko, informatika edo telematika bidez, foru agindu honetan eta 11/2005 Foru Legean eskatutako baldintzak betetzen diren egiaztatzeko, zerga eginbeharrak betetzeari dagokionez, bai eta foru agindu honen bidez aratutako diru-laguntzak eskuratzeko betebeharrak betetzen diren egiaztatzeko beste edozein informazio ere.
Bosgarrena.-Eskaerak aurkezteko tokia eta epea eta eskatutako baldintzak frogatzeko modua.
1. Aurreko arauan xedatutakoari jarraikiz, poliza laguntza eskaeratzat jotzen da eta, kontuan harturik Agroseguro, S.A.k laguntzaren zenbatekoa kostu garbitik deskontatzen duela aseguratuarekin poliza formalizatzen duen unean, entitate horrek Landa Garapeneko eta Ingurumeneko Departamentura igorriko ditu aseguru lerroei dagozkien ziurtagiriak, titular bakoitzari dagokion eta deskontatu den laguntza zehaztuta.
2. Era berean, hartzaileek agiri hauek aurkeztu beharko dituzte: izenpetutako polizei buruzko informazioa eta laburpen zerrenda eta, horrekin batera, aseguratu bakoitzaren kasuan, aseguratutako unitateak, aseguratutako ekoizpenak, aseguratutako ekoizpenaren balioa, aseguruaren kostu osoa, hobariak eta deskontuak, ENESAren diru-laguntza eta nekazariak ordaintzen duen aseguruaren kostua, edo aukeran, izenpetutako polizen zerrenda euskarri magnetikoan, non polizako kontzeptu guztiak adieraziko baitira, aseguratu bakoitzaren kasuan.
3. Informazio hori aurkezten ahalko da departamentu horretako Erregistroan, Nafarroako Gobernuko Erregistroan, edo Herri Administrazioen Araubide Juridikoari eta Administrazio Prozedura Erkideari buruzko Legearen 38.4 artikuluan aipatzen diren tokietako edozeinetan.
4. Atalean aipatzen diren agiriak aurkezteko epea gehienez ere hogeita hamar egunekoa izanen da, kasuan kasuko aseguru lerroa izenpetzeko epea bukatzen den egunetik hasita.
Seigarrena.-Diru-laguntza emateko modua, lehentasunak eta irizpide objektiboak.
Diru-laguntzak banakako ebaluazioaren bidez emanen dira. Aurrekontuko diruak izenpetutako aseguru poliza guztietarako egokia eta behar adinakoa izan behar du.
Zazpigarrena.-Ebaluazio organoa.
Nekazaritza Zerbitzuak ebaluatuko ditu eskabideak.
Zortzigarrena.-Deialdia antolatu, instruitu eta bukatutzat ematea.
1. Eskabidea harturik, egiaztatuko da hirugarren eta laugarren arauetan ezarritako betebeharrak betetzen dituela eta bosgarren arauan aipatzen diren agiriak aurkeztu direla. Agiri guztiak ez badaude, interesdunari eskatuko zaio hogeita hamar eguneko epean zuzendu ditzala, eta adieraziko zaio hori egin ezean eskaerari uko egiten diola ondorioztatuko dela eta espedientea artxibatu eginen dela. Halaxe jakinaraziko zaio.
2. Eskabidea ebaluatu ondoren, Nekazaritza Zerbitzuak ebazpena proposatuko du.
3. Nekazaritza eta Abeltzaintza zuzendari nagusiak ebazpen arrazoitua emanen du diru-laguntzei buruz, eta espresuki jakinaraziko zein eskabide ezetsi den.
4. Prozeduraren gainean ebazteko epea 6 hilabetekoa izanen da. Epea espresuki ebazpenik gabe bukatzen bada, eskaera ezetsitzat joko da.
Bederatzigarrena.-Diru-laguntzaren helburua lortu dela eta hartutako dirua erabili dela frogatzeko epea eta modua.
Diru-laguntzaren helburua bete dela eskabidea aurkeztean frogatuko da. Orduantxe aurkeztuko dira izenpetutako poliza eta horren ordainagiria.
Hamargarrena.-Ordaintzeko modua eta epeak.
Nafarroako Foru Komunitateko Administrazioak Agrosegurori pagatuko dizkio laguntzak. Horretarako, entitate horrek aldian-aldian behar diren likidazioak aurkeztu beharko ditu. Haien zabatekoak hartzaileek edo aseguratuek aurkeztutako zenbatekoekin alderatuko dira.
Hamaikagarrena.-Diru-laguntzaren bateragarritasuna.
Diru-laguntza hau Estatuko Administrazio Orokorrak helburu bererako ematen duenakin bateratzen ahal da eta horren osagarri izanen da.
Hamabigarrena.-Emandako diru-laguntzaren aldaketa, ezarritako baldintzak ez betetzeagatik.
Asegurua osorik edo hein batean deuseztatzea laguntza emateko ebazpena aldatzeko arrazoi izanen da. Halakoetan, dagokion diru-laguntza zatia kenduko da, eta itzuli egin beharko du onuradunak.
Hamahirugarrena.-Deialdiaren aurkako errekurtso administratiboak.
Deialdi honen eta arauen kontra gora jotzeko errekurtsoa jar daiteke, Nafarroako Gobernuari zuzendua, argitaratu eta biharamunetik hasita hilabeteko epean.
Hamalaugarrena.-Emandako diru-laguntzen publizitatea.
Deialdi honetako laguntzak hartzen dituztenen zerrenda Landa Garapeneko eta Ingurumeneko Departamentuko iragarki oholean argitaratuko da, Iruñeko Tutera kaleko 20an.
Iragarkiaren kodea: F0806334
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50