II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.2. Plantilla Organikoa, Lan Publikoaren Eskaintza, oposizioak eta lehiaketak
ORKOIEN
Zerbitzu anitzetako bi lanpostu, garbiketa lanetarako, oposizio bidez betetzeko deialdia
131/2008 Ebazpena, apirilaren 18koa, Orkoiengo alkateak emana, Orkoiengo Udaleko zerbitzu anitzetako bi lanpostu, garbiketa lanetarako, oposizio bidez betetzeko deialdia onesten duena.
ARAUAK
1. oinarria.-Arau orokorrak.
1.1. Deialdi honen xedea da Orkoiengo Udalerako zerbitzu anitzetako bi lanpostu, garbiketa lanetarako, oposizio bidez betetzea.
1.2. Deialdi honen ondorioz izendatzen diren izangaiak Orkoiengo Udaleko funtzionario bilakatuko dira.
1.3. Lanpostuek D mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien behin-behineko Erregelamenduan eta hura garatu eta aldatzen duten xedapenetan eta Orkoiengo Udaleko plantilla organikoan, 2007an onetsi baitzen, %12ko mailako osagarrian, %25eko lanpostuko osagarrian eta legez aplikatzen ahal diren gainerako xedapenetan xedatuaren arabera.
1.4. Lanaldiaren araubidea zerbitzuaren beharretara egokituko da, eta administrazio organo eskudunak noiznahi alda dezake.
1.5. Izangai izendatuek Orkoienen bizi beharko dute, eta horretarako udal mugape horretan finkatuko dute beren bizilekua, bertzela egiteko baimen espresua ez badute.
2. oinarria.-Lanpostuko eginkizunak. Deialdiaren mailari dagozkionak izanen dira, eta hor sartuko dira eremu publikoaren eta udal eraikin nahiz ondasunen garbiketa eta mantentze lanak; jai ekitaldi ofizialak prestatu, garatu eta burutzea, garbiketarako makineriaren erabilpena barne, eta horretaz gain bertzelako lan batzuk ere manatzen ahalko zaizkie, Orkoiengo Udaleko Mantentze Lanen Zerbitzuaren menpekoak diren Obren eta Lorategien departamentuei dagozkienak.
3. oinarria.-Izangaien betebeharrak.
3.1. Oposizio honetan onartuak izateko, izangaiek, eskaerak aurkezteko epea amaitzen den egunean, baldintza hauek bete beharko dituzte:
a) Espainiarra izatea, edo Europar Batasuneko bertze estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.
Orobat, espainiarren eta Europar Batasuneko bertze estatuetako edo aipatu nazioarteko itunek ukitutako estatuetako herritarren ezkontideek hartzen ahal dute parte, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, hogeita bat urtetik beherakoak badira, edo gorakoak baina haien kontura bizi direnak.
b) Hemezortzi urte beteak izatea eta erretiroa hartzeko ezarritako adina ez izatea.
c) Eskaerak aurkezteko epea bukatzen den egunean, eskola graduatuaren edo lehen mailako lanbide heziketaren titulua edo horren baliokidea izatea, edo titulu hori eskuratzeko eskubideak ordaindu izanaren gordekina.
d) Lanpostuaren eginkizunak betetzeko gaitasun fisiko eta psikikoa izatea.
e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.
f) Espainiako nazionalitatea ez duten izangaiek zinpeko aitorpena edo promesa aurkeztu beharko dute, beren Estatuko Funtzio Publikoan sartzea galarazten dien diziplina-zehapenik edo kondena penalik ez dutela adierazteko.
g) B motako gidabaimena izatea.
Betebehar horiek guztiak egiaztatu beharko dituzte oposizioa gainditzen duten izangaiek.
Izangaiek eskaerak aurkezteko epea bukatzen den egunerako bete beharko dituzte baldintzak, eta haiei eutsi beharko diete hautapen prozedurak dirauen bitartean, bai eta lanpostuaz jabetzen direnean ere.
4. oinarria.-Eskabideak.
4.1. Deialdian parte hartzeko eskabideak Orkoiengo Udaleko Erregistro Orokorrean aurkeztu beharko dira (Iturgain plaza, zk.g.; ordutegia: 9:00etatik 14:00etara, astelehenetik ortziralera), edo Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legearen 38.4. artikuluan aipatzen diren aukeretako edozein erabiliz.
Aipatu eskabideak deialdian argitaratutako eranskinaren ereduari lotuko zaizkio. Eredua Orkoiengo Udaleko bulego orokorretan eskuratu ahalko da, edo internet bidez, dela www.orkoien.com helbidean, dela Nafarroako ALDIZKARI OFIZIALeko www.navarra.es helbidean.
Parte hartzeko eskabidean, izangaiek adierazi behar dute baldintza guztiak betetzen dituztela eskabideak aurkezteko epea bukatzen den egunean.
4.2. Minusbaliotasuna duten izangaiek, eskabidearekin batera, minusbaliatuak direla frogatzeko agiria ere aurkeztu beharko dute, organo eskudunak emana. Halaber, ariketak egiteko denbora eta baliabide aldetik behar dituzten egokitzapenak eskatzen ahalko dituzte, horren beharrik izanez gero, eskabidean bertan. Aparteko orri batean, zein ezintasun duten eta zein egokitzapen eskatzen duten adierazi beharko dute.
4.3. Eskabideak aurkezteko epea.
Eskabideak aurkezteko epea hogeita hamar egun naturalekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita. Eskabideak aurkezteko epea ezin izanen da luzatu.
4.4. Eskabidearekin batera ondoko agiriak aurkeztu beharko dira:
a) Nortasun Agiri Nazionalaren edo nortasun agiri baliokidearen fotokopia konpultsatua.
b) Eskatutako titulazioaren fotokopia konpultsatua, Eskola Graduatuarena, Lanbide Heziketarena edo baliokidea.
c) Udal Diruzaintzan azterketa eskubideen tasari dagozkion 3,00 euro ordaindu izanaren egiaztagiria. Azterketa eskubideen tasa ordaintzen ez bada, izangaia baztertu eginen da.
Prozedura hauetako bat erabiliz ordaintzen ahalko da tasa hori:
Diruzaintzan ordainduta, Orkoiengo Udalaren bulego orokorretan.
Eskudirua Orkoiengo Udalaren kontu hauetan sartuta, edo banku transferentzia eginez:
-Nafarroako Kutxa: 2054 0143 08 9102774813
-Nafarroako Rural Kutxa: 30080231071622736120
-Banco Vasconia: 0095 4755 66 0660000173
-Izangaiaren izen-deiturak.
-Kontzeptua: Zerbitzu anitzetako bi lanpostu, garbiketa lanetarako, betetzeko oposizioren tasa.
5. oinarria.-Izangaien onarpena eta erreklamazioak.
5.1. Eskabideak aurkezteko epea bukatutakoan, alkateak ebazpena emanen du onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitaratzeko aginduko du.
5.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, horiek zuzentzeko.
5.3. Erreklamazioetarako epea bukatutakoan eta erreklamazioei erantzun ondotik, alkateak ebazpena emanen du onartu eta baztertuen behin betiko zerrenda onesteko, eta Nafarroako ALDIZKARI OFIZIALean argitaratzeko aginduko du.
Onartuen zerrendetan agertzea ez da aski interesdunei aitortzeko deialdi honetan eskatutako baldintzak betetzen dituztela. Kontrataziorako dei egiten zaienean izangaiek aurkeztu behar duten dokumentazioa aztertuta, baldintzaren bat betetzen ez dela ohartuz gero, interesdunek deialdian parte hartzeagatik dituzten eskubide guztiak galduko dituzte.
6. oinarria.-Epaimahaia.
6.1. Epaimahaiak kide hauek izanen ditu:
Mahaiburua: Casimiro Larrea Ruiz jauna, Orkoiengo Udaleko alkatea.
Ordezkoa: Carlos Arroniz Loyola jauna, Orkoiengo Udaleko alkateordea.
Mahaikidea: Iruñerriko Ur Mankomunitateko teknikaria.
Ordezkoa: Iruñerriko Ur Mankomunitateko teknikaria.
Mahaikidea: Alfredo Perujuaniz Yoldi jauna, Orkoiengo Udaleko arduraduna.
Ordezkoa: Carlos Aldaya Goldaraz jauna, Orkoiengo Udaleko funtzionarioa.
Mahaikidea: langileen ordezkaria.
Ordezkoa: langileen ordezkaria.
Mahaikidea: eskualdeko Udal batek izendaturiko teknikari edo arduraduna.
Ordezkoa: eskualdeko Udal batek izendaturiko teknikari edo arduraduna.
Idazkaria: Ramón Contreras López jauna, Orkoiengo Udaleko idazkaria.
Ordezkoa: Isabel Irisarri Uriz jauna, Oltza Zendeako Udaleko idazkaria.
6.2. Mahaiburuak deituta, probak hasi baino lehenago eratuko da epaimahaia.
6.3. Epaimahaia ezin izanen da eratu, ezta aritu ere, kideen gehiengo osoa bertan izan gabe.
6.4. Epaimahaiak gehiengoz ebatziko ditu deialdi honen oinarrien interpretazio eta aplikazioaren inguruko arazo guztiak.
6.5. Epaimahaiko kideek ez dute parte hartuko, eta organo dei egileari jakinaraziko diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.
Izangaiek, halaber, zilegi dute mahaikideak errefusatzea, egoera horietako bat gertatzen denean.
6.6. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diete laguntza epaimahaikoei.
7. oinarria.-Oposizioaldiaren nondik norakoa.
7.1. Onartu eta baztertuen behin betiko zerrenda onesten duen ebazpenean, probak hasteko tokia, data eta ordua zehaztuko dira. Ondoren, epaimahaiak argitara emanen ditu hurrengo probak egiteko iragarkiak, araudiaren arabera.
7.2. Oposizioak ariketa hauek izanen ditu:
a) Lehen ariketa.
-Proba teoriko bat izanen da, neurtuko dituena garbiketari buruzo ezagupen berariazkoak, eta makinerien mekanikari, garbiketa produktuei, laneko arriskuen prebentzioari, lorezaintzari, igeltserotzari, iturgintzari eta elektrizitateari buruzko ezagupen orokorrak. Test moduko 40 galdera erantzun beharko dira. Zuzen erantzundako galdera bakoitzeko puntu 1 emanen da. Gaizki erantzundako galdera bakoitzeko 0,25 puntu kenduko dira. Hurrengo ariketa egin ahal izateko, gutxienez 20 puntu beharko dira. Ariketetarako materiala, bertzeak bertze, II. eranskinean aipatzen dena izanen da.
-Matematika: matematikako bortz problema egin beharko dira. Gehienez ere 5 puntu lortzen ahalko dira, eta bazterturik geldituko dira 2,5 puntu lortzen ez duten izangaiak.
-Ortografia: test moduko galderak erantzun beharko dira. Gehienez ere 5 puntu lortzen ahalko dira, eta bazterturik geldituko dira 2,5 puntu lortzen ez duten izangaiak.
b) Bigarren ariketa. Proba praktikoa, garbiketako makineria erabiltzeari buruzkoa, eta epaimahaiak zehaztuko dituen bertzelako proba batzuk. Gehieneko puntuazioa 50 puntu izanen da, eta bazterturik geldituko dira ariketan gutxienez ere 25 puntu lortzen ez dituztenak.
7.4. Ariketa bakoitzerako deialdi bakarra eginen da eta izangaiek Nortasun Agiri Nazionala aldean dutela agertu beharko dute. Baztertuak izanen dira probetarako iragarri egun, ordu eta tokietan aurkezten ez direnak, arrazoia edozein izanda.
8. oinarria.-Proben balorazioa.
8.1. Mahaikideek nork bere aldetik jarriko ditu puntuazioak, eta horiekin banaz-bertzeko aritmetikoa eginen da ariketa bakoitzaren puntuazioa ateratzeko.
Epaimahaiko kideek emandako gehieneko puntuazioaren eta gutxienekoaren artean baldin badago ariketarentzat aurreikusi den puntuazioaren %30etik gorako aldea, ez da aintzat hartuko bi muturretako ezein puntuazio, eta banaz-bertzeko aritmetikoa gainerako puntuazioekin lortuko da.
8.2. Ariketa bakoitza buruturik, epaimahaiak ariketa gainditu duten izangaien zerrenda eta bakoitzak lortutako kalifikazioak jendaurrean edukiko ditu Udaleko iragarki oholean eta ariketa egiteko erabilitako lokaletan. Halaber, oposizioko hurrengo ariketa egiteko lekua, eguna eta ordua ezarriko ditu, gutxienez ere 48 ordu lehenagotik.
9. oinarria.-Probak gainditzen dituztenen zerrenda eta agirien aurkezpena.
9.1. Azken ariketaren kalifikazioa burututakoan, epaimahaiak gainditu dutenen zerrenda argitara emanen du Udalaren iragarki oholean, erdietsitako puntuazioaren hurrenkeran, ariketetan izangai bakoitzak lorturiko kalifikazioak batuz.
9.2. Epaimahaiak alkateari igorriko dio puntuazio altuena lortu duten izangaiak, deialdiko lanpostu kopuruan sartzen direnak, izendatzeko proposamena, eta hura Nafarroako ALDIZKARI OFIZIALean argitaratuko da.
Puntu berdinketa izanez gero, ariketen ordenari begiratuko zaio eta lehenengo ariketatik hasita puntuazio altuenak lortzen dituztenen alde joko da. Hala ere, berdinketak badirau, izangai zaharrenaren alde joko da.
9.3. Izendapen proposamena Nafarroako ALDIZKARI OFIZIALean argitara eman eta hogeita hamar egun naturaleko epearen barrenean, proposatutako izangaiak honako agiri hauek aurkeztu beharko ditu Udalaren Erregistro Orokorrean:
a) Nortasun Agiri Nazionalaren fotokopia konpultsatua.
b) Deialdiaren 3.1.c) oinarrian eskatutako tituluaren fotokopia konpultsatua.
c) Osasun txostena, karguaren eginkizunetan aritzea galarazten dion eritasunik edo akats fisiko edo psikikorik ez duela egiaztatzen duena. Aipatu txostena Udalak zehazten duen osasun zentroak luzatuko du.
d) Zinpeko aitorpena, eginkizun publikoetan aritzeko desgaitua edo gabetua ez dagoela eta inongo administrazio publikoren zerbitzutik ez dela baztertua izan erakusten duena.
e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin, eta karguari dagozkion eginkizunak zuzen beteko dituela.
9.4. Aipatu epearen barrenean, eta behar bezala arrazoitutako ezinbertzeko kasuetan salbu, agiri horiek aurkezten ez dituztenak ezin izanen dira izendatu, eta haien jarduketa guztiak baliorik gabe geldituko dira, eskabidean faltsukeria egiteagatik izan dezaketen erantzukizuna galarazi gabe.
9.5. Aurreko atalean aurreikusitako kasuan, alkateak puntuazioen zerrendan, 9.1 oinarrian aipatzen den horretan, ondo-ondotik heldu den izangaiarekin beteko du lanpostua, eta harekin aurreko ataletan adierazi bezala jokatuko da.
10. oinarria.-Izendapena eta jabetza hartzea.
10.1. Alkateak, ebazpen baten bidez, Orkoiengo Udaleko funtzionario izendatuko ditu aurreko oinarrian ezarritakoa betetzen duten izangaiak, garbiketako lanpostuak betetzeko.
Izendapena Nafarroako ALDIZKARI OFIZIALean argitaratuko da.
10.2. Izendatutako izangaiek hilabeteko epean hartu beharko dute lanpostuaren jabetza, izendapena jakinarazten denetik aitzina. Epe horretan eta ezinbertzeko kasuetan salbu, jabetza hartzen ez badute, Orkoiengo Udaleko funtzionario izateko eskubide guztiak galduko dituzte. Halakorik gertatuz gero, aurreko oinarrian ezarritakoari jarraituko zaio.
11. oinarria.-Hautapenaldiari buruzko informazioa.
Orkoiengo Udalak iragarki oholaren eta interneteko helbide honen bidez zabalduko ditu hautapenaldiari buruzko ebazpenak: www.orkoien.com.
Zabalkunde horrek argibidetarako baizik ez da, eta ez du legezko baliorik. Nafarroako ALDIZKARI OFIZIALean eta Udalaren iragarki oholean paratzen diren iragarkiek baino ez dute baliorik eta haiek soilik sortuko dituzte ondorio juridikoak.
12. oinarria.-Errekurtsoak.
Deialdi honen aurka nahiz bere oinarrien eta egintzen aurka, errekurtso hauetako bat aurkez daiteke: administrazioarekiko auzi-errekurtsoa, Nafarroako Auzitegi Nagusian dagokion Salari zuzendua, errekurritutako egintza jakinarazi nahiz argitara eman eta bi hilabeteko epean; eta, aukeran, gora jotzekoa, Nafarroako Administrazio Auzitegiari zuzendua, errekurritutako egintza jakinarazi nahiz argitara eman ondoko hilabetearen barrenean; eta berraztertzekoa, egintzaren organo egileari zuzendua, hilabeteko epean, egintza jakinarazi nahiz argitara eman eta biharamunetik hasita.
I. ERANSKINA
Eskabide eredua
Izena: ......................., adinez nagusia, Nortasun Agiri Nazionalaren zenbakia: ............., jaioteguna: ........, jaioterria: ........... (.............), nazionalitatea: ............, bizilekua: ........................... (.............), karrika ................, kodea: ................; telefonoak: .........................
Zure aitzinera agertu eta adierazten dut:
Onartua izatea eskatzen dudala Orkoiengoko Udaleko zerbitzu anitzetako bi lanpostu, garbiketa lanetarako, hautaproben bidez betetzeko deialdian (.......... zenbakiko Nafarroako ALDIZKARI OFIZIALean argitaratua, data: ............).
Ez dudala karguan aritzea galarazten didan eritasunik edo akats fisikorik nahiz psikikorik.
Ez dudala indarra duten xedapenetan ezarritako ezintasunik.
Ez naizela diziplina espediente bidez inongo administrazio publikoren zerbitzutik bereizia izan eta ez nagoela desgaitua eginkizun publikoak betetzeko.
Deialdian eskatzen den titulazioaren jabe naizela.
Eskabideak aurkezteko epea bukatzen den egunean, behar diren baldintza guztiak betetzen ditudala.
Ezgaitasunen bat dudala eta, horrenbertzez, azaltzen dudan egokitzapena eskatzen dudala, adierazten ditudan arrazoiengatik. (Bertze orri batean, ezgaitasunaren arrazoiak eta eskatutako egokitzapenak azalduko dira).
Horrenbertzez,
Orkoiengo Udaleko zerbitzu anitzetako bi lanpostu, garbiketa lanetarako, hautaproben bidez betetzeko deialdian parte hartzeko onar nazatela eskatzen dut.
Orkoienen, 2008ko .......aren ...(e)an
(Sinadura)
(Oharra: eskabidearekin batera NANaren fotokopia bat aurkeztu)
II. ERANSKINA
1. gaia.-Karriken garbiketa eta hondakin solidoak arautzen dituen ordenantza (Interneten orkoien.com, edo udal bulegoetan).
2. gaia.-Etxeko animaliak, bereziki zakurrak, arautzen dituen ordenantza (Interneten orkoien.com, edo 2007ko 116. Nafarroako ALDIZKARI OFIZIALean, irailaren 17koan).
3. gaia.-Herriko jabari publikoko lurzoru, hegalkin eta zorupearen erabilera pribatibo edo aprobetxamendua berezien tasak arautzen dituen ordenantza fiskala (Interneten orkoien.com, edo 2002ko 26. Nafarroako ALDIZKARI OFIZIALean) .
4. gaia.-Iruñerriko Mankomunitatearen hiri hondakinen kudeaketa arautzen duen ordenantza (1999ko 12. Nafarroako ALDIZKARI OFIZIALa, urtarrilaren 27koa; haren aldaketa 2001eko 6. Nafarroako ALDIZKARI OFIZIALean, urtarrilaren 12koan).
5. gaia.-Ibilgailuen, makinen eta erreminten lehen mailako mantentze lana eta erabilpena.
6. gaia.-Bideak, pasealekuak, egoteko eremuak eta jostatzeko eta haurren jolasetarako eremuak garbitu eta zaintzeko lanak.
7. gaia.-Hiri altzariak garbitu eta zaintzeko lanak.
8. gaia.-Agertokiak eta hesiak lekualdatzea eta muntatzea.
Orkoienen, 2008ko apirilaren 18an.-Alkate udalburua, Casimiro Larrea Ruiz.
Iragarkiaren kodea: L0806209
