I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
58/2008 FORU AGINDUA, martxoaren 28koa, Ekonomia eta Ogasun kontseilariak emana. Horren bidez, Arkitektura eta Kontserbazio Bulegoa Obra eta Azpiegitura Atalari atxikitzen zaio, eta José Antonio Uribarri Quintana jauna Ekonomia eta Ogasun Departamentuko Ondare Zerbitzuaren Obra eta Azpiegitura Ataleko Arkitektura eta Kontserbazio Bulegoko buru izendatzen da, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak, 24.4 artikuluan, ezartzen du bulegoak eta ataletatik beherako unitateak sortu, aldatu eta kentzea, unitate horiek non sartuko diren, departamentu horretako kontseilari titularraren foru aginduaren bidez eginen dela.
Abuztuaren 30eko 251/1993 Legegintzako Foru Dekretuak, Nafarroako administrazio publikoen zerbitzuko Langileriaren Estatutuaren testu bategina onesten duenak, hirugarren xedapen gehigarriaren bigarren atalean xedatzen du Foru Komunitateko Administrazioko atalburu eta bulegoburuak organo eskudunak izendatzen ahalko dituela bitarte baterako. Izendatuek, nahitaez, Foru Komunitateko Administrazioko funtzionarioak edo hari atxikirik dauden langileak izan beharko dute.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 24.4 artikuluak eta Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuak ematen dizkidaten ahalmenak erabiliz,
AGINDU DUT:
1. Arkitektura eta Kontserbazio Bulegoa Obra eta Azpiegitura Atalari atxikitzea.
2. José Antonio Uribarri Quintana jauna, Nafarroako Foru Komunitateko funtzionarioa, Ekonomia eta Ogasun Departamentuko Ondare Zerbitzuaren Obra eta Azpiegitura Ataleko Arkitektura eta Kontserbazio Bulegoko buru izendatzea, bitarte baterako.
3. Foru agindu jakinaraztea José Antonio Uribarri Quintanari, eta Ekonomia eta Ogasun Departamentuko Funtzio Publikoaren Zuzendaritza Nagusiari eta idazkaritza tekniko nagusiari, behar diren ondorioak izan ditzan.
4. Foru agindu hau Nafarroako ALDIZKARI OFIZIALean argitaratzea.
Iruñean, 2008ko martxoaren 28an.-Ekonomia eta Ogasun kontseilaria, Alvaro Miranda Simavilla.
Iragarkiaren kodea: F0804955
