I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
190/2008 EBAZPENA, otsailaren 18koa, Arriskuen Prebentziorako eta Lanaren zuzendari nagusiak emana, Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorearen lan hitzarmen kolektiboko 2007ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 30/2008).
Departamentu honetan 2008ko otsailaren 11n sartu da "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorearen lan hitzarmen kolektiboko 2007ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 64/2004).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorearen lan hitzarmen kolektiboko soldaten berrikuspenari buruzko akordioa erregistratzea Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan (hitzarmenaren kodea: 3103505), eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 18an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO ITURGINTZA, BEROKUNTZA, KLIMATIZAZIO, SUTEEN PREBENTZIO, GAS ETA ANTZEKOENENPRESA INSTALATZAILEEN SEKTOREAREN LAN HITZARMEN KOLEKTIBOKO 2007KO SOLDATEN BERRIKUSPENA
Iruñean, 2008ko otsailaren 5ean.
Bildurik:
Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorearen lan hitzarmen kolektiboaren negoziazio batzordea, ondotik adierazten diren pertsonak eta ordezkaritzak dituena:
-Nafarroako iturgintza, berokuntza, klimatizazio, suteen prebentzio, gas eta antzekoen enpresa instalatzaileen Elkartearen izenean:
Juan Carlos Zabalza Moreno jauna Andrés Aramendia Sanz jauna José Antonio Rivas Marín jauna Emilio Morales Apellaniz jauna Mariano Cardona Aznar jauna Andrés González González jauna Javier Sangüesa Pérez jauna eta Luis Soto Alegría jauna.
-Legelari aholkulari zereginetan Javier Adiego Reta jauna aritu da.
-Sindikatuen aldetik:
Unión General de Trabajadores (U.G.T.) sindikatuaren izenean, Baltasar García Salaverri jauna.
Langile Komisioak (CC.OO.) sindikatuaren izenean, Ana Zapata Aguirre andrea.
Adierazten dute:
INEren ziurtagiriaren bidez, jakin da 2007ko Kontsumorako Prezioen Indizea (KPI) behin betikoz finkatu dela eta %4,2koa izan dela. Bidezkoa da, beraz, lehenbiziko klausula gehigarriaren 4) atalean ezarritakoa betez, soldaten berrikuspena egitea.
Hori horrela, gaia eztabaidatu ondoren, batzordeko kideek, aho batez,
Erabaki dute:
Lehenbizikoa.-Lehenbiziko klausula gehigarriaren 4) atalean ezarritakoa gertatu baita, bidezkoa da soldaten berrikuspena egitea, xedapen horretan adierazten den moduan.
Bigarrena.-Hitzarmenak honela dio:
"2007. urterako soldaten igoeran urte horretako Estatuko KPI erreala eta 0,75 puntu gehiago bermatuko da gutxienez. Horregatik, eta berme hori gauzatu nahian, ezarri da 2007. urteko Estatuko KPI erreala zein den jakin bezain laster, ikusten baldin bada hasierako igoera (aurreikusitako KPIa gehi 0,75 puntu) berme hori berdintzeko adinakoa ez dela, behar den eragiketa matematikoa eginen dela eta soldatak igoko direla 2007. urteko Estatuko KPI erreala gehi 0,75 puntu gehiagoko bermera iristeraino."
Aplikatu behar den berrikuspenaren portzentajea %2,2koa da.
Hirugarrena.-Soldaten berrikuspena aplikatu ondotik, 2007. urteko soldaten behin betiko taula akta honen I. eranskinean dago.
Laugarrena.-Soldaten berrikuspenak 2007ko urtarrilaren 1etik sortuko ditu ondorioak. Horrenbestez, akta honen II. eranskinean agertzen diren diferentziak ordainduko dira, urte osoari dagozkionak.
Bosgarrena.-Hitzarmenaren 8. artikuluan ezarritakoarekin bat, 2007ko abenduaren 31tik aitzina urteko benetako lanaldia 1722 ordukoa izanen da.
Seigarrena.-Akordio hau Nafarroako Gobernuko Industria eta Teknologia, Merkataritza eta Lan Departamentura igorriko da, erregistratu eta ondoren Nafarroako ALDIZKARI OFIZIALean argitara dadin.
Eta honela jasoa gera dadin, eta adostasunaren proba izateko, akta hau idatzi eta, goiburuan azaltzen diren egun eta tokian, agertu diren guztiek sinatu egiten dute.
U.G.T., C.C.O.O., Nafarroako iturgintza, berokuntza, klimatizazio, suteen prebentzio, gas eta antzekoen enpresa instalatzaileen Elkartea.
2007. URTEKO SOLDATEN TAULA
LANBIDE EGUNEKO UZT. APART. ABEN. APART. GUZTIRA
KATEGORIA SOLDATA PAGA (30 eg.) PAGA (30 eg.) 2007. URTEA
Lehen mailako ofiziala 55,53 1665,90 1665,90 23.600,25
Bigarren mailako ofiziala 50,13 1.503,90 1.503,90 21.305,25
Hirugarren A mailako ofiziala 45,55 1.366,50 1.366,50 19.358,75
Hirugarren B mailako ofiziala 42,40 1.272,00 1.272,00 18.020,00
Espezialista 35,13 1.053,90 1.053,90 14.930,25
17 urteko langilea 27,23 816,90 816,90 11.572,75
16 urteko langilea 24,18 725,40 725,40 10.276,50
LANBIDE HILEKO UZTAILEKO ABENDUKO 2007. URTEA
KATEGORIA SOLDATA APART. PAGA APART. PAGA GUZTIRA
Biltegizaina/Menpekoa 1.062,92 1.062,92 1.062,92 14.880,88
Arduraduna/Ataleko burua 1.765,59 1.765,59 1.765,59 24.718,26
PRESTAKUNTZAKO LANGILEAK
1. urteko prestakuntzako langileak 616,32 616,32 616,32 8.628,48
2. urteko prestakuntzako langileak 694,79 694,79 694,79 9.727,06
3. urteko prestakuntzako langileak 833,72 833,72 833,72 11.672,08
ADMINISTRARIAK
Izangaia 714,43 714,43 714,43 10.002,02
Laguntzailea 894,67 894,67 894,67 12.525,38
2. mailako ofiziala 1.044,78 1.044,78 1.044,78 14.626,92
1. mailako ofiziala 1.372,83 1.372,83 1.372,83 19.219,62
TEKNIKARIAK
Goi mailako tituluduna 1.888,09 1.888,09 1.888,09 26.433,26
Erdi mailako tituluduna 1.806,41 1.806,41 1.806,41 25.289,74
1. hirurtekoa: 135,10.
2. hirurtekoa: 269,99.
3. hirurtekoa: 472,37.
4. hirurtekoa: 607,17.
5. hirurtekoa: 674,64.
6. hirurtekoa: 877,43.
7. hirurtekoa: 944,45.
Hortik gorako hirurteko bakoitzeko 70,40 euro gehiago ordainduko dira.
2007KO SOLDATA DIFERENTZIEN TAULA
LANBIDE GUZTIRA ORDAINDU BEHARREKOA
KATEGORIA (URTE OSOARI DAGOKIO)
Lehen mailako ofiziala 497,25
Bigarren mailako ofiziala 446,25
Hirugarren A mailako ofiziala 408,00
Hirugarren B mailako ofiziala 378,25
Espezialista 314,50
17 urteko langilea 238,00
16 urteko langilea 216,75
Biltegizaina/Menpekoa 311,92
Arduraduna/Ataleko burua 518,14
PRESTAKUNTZAKO LANGILEAK
1. urteko prestakuntzako langileak 180,88
2. urteko prestakuntzako langileak 203,84
3. urteko prestakuntzako langileak 244,58
ADMINISTRARIAK
Izangaia 209,72
Laguntzailea 262,64
2. mailako ofiziala 306,60
1. mailako ofiziala 402,78
TEKNIKARIAK
Goi mailako tituluduna 554,12
Erdi mailako tituluduna 530,18
HIRURTEKOAK
1. hirurtekoa 2,83
2. hirurtekoa 5,66
3. hirurtekoa 9,90
4. hirurtekoa 12,73
5. hirurtekoa 14,14
6. hirurtekoa 18,39
7. hirurtekoa 19,79
1,48 euro gehituko zaie gainerako hirurteko bakoitzeko.
Iragarkiaren kodea: F0802934
