I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
HEZKUNTZA DEPARTAMENTUA. Epatzeko ediktua.
Nafarroako Auzitegi Nagusiko Administrazioarekiko Auzien Salak eskatu du Ana M. Concepción Carasusán Gascón andreak Giza Baliabideen Zerbitzuko zuzendariaren azaroaren 16ko 2615/2007 Ebazpenaren aurka jarritako 31/2008 administrazioarekiko auzi-errekurtsoaren administrazio espedientea igor diezaiotela. Ebazpen horren bidez, Haur Hezkuntzaren espezializazioaren (gaztelaniaz) 3. epaimahaiak 2007ko abuztuaren 29an emandako Ebazpenaren kontra Ana M. Concepción Carasusán Gascón andreak berak jarritako gora jotzeko errekurtsoa ezetsi zen. Errekurritutako epaimahaiaren ebazpen hura Nafarroako Foru Komunitateko Administrazioaren zerbitzuko maisu-maistren kidegoan sartzeko prozesuaren oposizioaldian emandako kalifikazioa berrikusteko eskaerari buruzkoa zen. Prozesu horren deialdia Hezkuntza Departamentuko Giza Baliabideen Zerbitzuak martxoaren 22an emandako 492/2007 Ebazpenaren bidez onetsi zen.
Administrazioarekiko auzi-errekurtso hari buruzko prozedura judizialean ematen den epaiak Haur Hezkuntzaren espezialitatean (gaztelaniaz) maisu-maistren kidegoan sartzeko prozesua gainditu zuten parte-hartzaileen bidezko eskubide edo interesak ukitzen ahal dituenez, bidezko da Nafarroako Foru Komunitateko Administrazioaren zerbitzuko maisu-maistren kidegoan Haur Hezkuntzaren espezialitatean (gaztelaniaz) sartzeko prozesua gainditu duten izangai guztiak epatzea. Prozesu horren deialdia Hezkuntza Departamentuko Giza Baliabideen Zerbitzuak martxoaren 22an emandako 492/2007 Ebazpenaren bidez onetsi zen.
Horregatik guztiagatik, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan xedatutakoarekin bat, ediktu honen bidez Nafarroako Foru Komunitateko Administrazioko maisu-maistren kidegoan sartzeko Hezkuntza Departamentuko Giza Baliabideen Zerbitzuko zuzendariaren martxoaren 22ko 492/2007 Ebazpenaren bidez iragarri zen prozesua gainditu duten izangai guztiak epatzen dira, Ana M. Concepción Carasusán Gascón andreak eskaturik, Nafarroako Auzitegi Nagusiko Administrazioarekiko Auzien Salan tramitatzen ari den 31/2008 administrazioarekiko auzi-prozeduraren autoetan demandatu gisa ager daitezen, egoki iruditzen bazaie. Horretarako bederatzi eguneko epea izanen dute, ediktu hau Nafarroako ALDIZKARI OFIZIALean argitaratzen denetik hasita.
Iruñean, 2008ko otsailaren 20an-Idazkari tekniko nagusia, Ignacio Iriarte Aristu.
Iragarkiaren kodea: F0802903
