I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
191/2008 EBAZPENA, otsailaren 18koa, Arriskuen Prebentziorako eta Lanaren zuzendari nagusiak emana, Nafarroako "Drogeria, belar-denda, ortopedia eta lurrindegiak" sektorearen lan hitzarmen kolektiboko 2008ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 28/2008).
Departamentu honetan 2008ko otsailaren 8an sartu da Nafarroako "Drogeria, belar-denda, ortopedia eta lurrindegiak" sektorearen lan hitzarmen kolektiboko 2008ko soldaten berrikuspenari buruzko akordioa, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 57/2007).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentua da lan hitzarmen kolektiboak erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Nafarroako "Drogeria, belar-denda, ortopedia eta lurrindegiak" sektorearen lan hitzarmen kolektiboko soldaten berrikuspenari buruzko akordioa erregistratzea Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestatuta dagoen liburuan (hitzarmenaren kodea: 3101805), eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 18an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO DROGERIA, BELAR-DENDA, ORTOPEDIA ETA LURRINDEGIEN HITZARMENA
Iruñean, 2008ko otsailaren 7an, 12:00etan, Nafarroako "Drogeria, belar-denda, ortopedia eta lurrindegiak" sektorearen lan hitzarmena eztabaidatzeko Batzordea bildu zen, 2008ko soldaten taulak prestatzeko. Ondoan aipatzen direnak agertu ziren bilerara.
Bi aldeek legezko gaitasuna eta zilegitasuna aitortzen diote elkarri taula horiek prestatzeko.
Erreferentziazko taulak aztertu ondoren, bi alderdiek, ados daudela, hau erabaki dute.
2008rako soldaten taulak onestea, "Drogeria, belar-denda, ortopedia eta lurrindegiak" sektorearen indarreko lan hitzarmen kolektiboaren 7. artikuluko 3. idatz-zatian xedaturikoa aplikatuz. 2007ko abenduaren 31n indarra zuten taulei 2007ko KPI erreala gehi puntu bat gehitu zaie. Taulak Industria, Merkataritza, Turismo eta Lan Departamentura igorriko dira, arauzko izapidea izan dezaten.
Bi aldeek, ados daudela, erabaki dute sektoreko enpresei gomendatzea soldata taula horiek berehala aplikatu ditzatela, argitaratu arte itxaron gabe.
Eta adostasunaren adierazgarri, bertaraturikoek hala sinatzen dute goian ageri den lekuan eta egunean.
Langileen ordezkariak:
UGTren aldetik: Alicia Sanz. CCOOren aldetik: Juan Antonio Vidal. ELAren aldetik: Oscar Rodríguez. LABen aldetik: Javier Liaño.
Enpresaburuen ordezkariak:
Drogerien Elkartearen aldetik: Dario Ortega.
NAFARROAKO DROGERIA, BELAR-DENDA, ORTOPEDIA ETA LURRINDEGIETAKO SEKTOREAREN LAN HITZARMEN KOLEKTIBOKO SOLDATEN TAULAK
7. artikuluan aurreikusitakoa aplikatuz, 2007ko abenduaren 31n indarra zuten soldatei 2007ko KPI erreala (%4,2) gehi puntu 1 gehitu zaie (%5,2)
LEHENENGO MULTZOA
Goi mailako tituluduna 1.184,80
Erdi mailako tituluduna 1.079,04
Osasun laguntzaile teknikoa 1.015,47
BIGARREN MULTZOA
Zuzendaria 1.240,04
Dibisioko burua 1.128,43
Langileriaren burua 1.128,43
Erosketen burua 1.128,43
Salmenten burua 1.128,43
Arduradun nagusia 1.090,74
Sukurtsaleko burua 1.090,74
Biltegiko burua 1.090,74
Taldeko burua 1.071,92
Ataleko burua 1.034,27
Saltokiko burua 1.053,14
Saltzailea-Eroslea 1.053,14
Saltzaile bidaiaria 1.053,14
Hiri-artekaria 1.053,14
Saltzailea, bi urtetik goiti aritua 996,70
Bigarren urteko saltzailea 902,71
Lehenengo urteko saltzailea 857,53
HIRUGARREN MULTZOA
Kontulari kutxazaina 1.053,14
Administrari-ofiziala 996,70
Administrari laguntzailea 921,43
Kutxazain laguntzailea, lehen urtekoa 564,16
Kutxazain laguntzailea, bigarren urtekoa 852,51
Kutxazain laguntzailea, bi urtetik goiti aritua 921,50
LAUGARREN MULTZOA
Marrazkilaria 1.090,74
Erakusleiho-apaintzailea 1.090,74
1. mailako ofizioko profesionala 977,84
2. mailako ofizioko profesionala 940,29
Mutil espezializatua 880,43
Garbiketako langileak/Ordua 6,37
Iragarkiaren kodea: F0802939
