I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
104/2008 EBAZPENA, otsailaren 1ekoa, Arriskuen Prebentziorako eta Lanaren zuzendari nagusiak emana, Nafarroako "Bulegoak eta langelak" sektorerako lan hitzarmen kolektiboaren 2008ko soldaten berrikuspenari buruzko akordioa erregistratzea, gordetzea eta Nafarroako ALDIZKARI OFIZIALean argitaratzea erabakitzen duena (espediente zenbakia: 66/2007).
Departamentu honetan 2008ko urtarrilaren 18an sartu zen Nafarroako "Bulegoak eta langelak" sektorerako lan hitzarmen kolektiboaren 2008ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez sinatu eta onetsia (hasierako espedientearen zenbakia: 66/2007).
Berrikuntza, Enpresa eta Enplegu Departamentua da lan hitzarmen kolektiboaren testua erregistratzeko, gordetzeko eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Nafarroako "Bulegoak eta langelak" sektorerako lan hitzarmen kolektiboaren 2008ko soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 1ean.-Arriskuen Prebentziorako eta Lanaren zuzendari nagusia, Imelda Lorea Echavarren.
"BULEGOAK ETA LANGELAK" SEKTORERAKO LAN HITZARMEN KOLEKTIBOAREN 2008ko SOLDATEN BERRIKUSPENARI BURUZKO AKORDIOA
Iruñean, 2008ko urtarrilaren 15ean, 13:00etan, ondoren aipatzen direnak, Nafarroako Bulego eta Langeletako Hitzarmen Kolektibo Probintzialaren sinatzaileak, sektoreko langile gehienak ordezkatzen dituztenak, alde batetik, eta, bestetik, Asociación Navarra de Oficinas y Despachos (ASEODEN).
Langileen ordezkariak: UGTren izenean, Luis Hernández Inac eta M.ª Jesús Perfecto Busto. CC.OO.ren izenean, Josu Ros Azpiroz.
Enpresaren ordezkariak: Pedro Ucar Ayerra, Javier Hernández de la Merced, Juan Ramón Doral Brun.
ERABAKI DUTE:
Behar adinako lege gaitasuna aitortzea elkarri ekitaldi honetarako, eta horren ondorioz,
1. Soldaten taulak: 2008an indarra izanen duten soldaten taula onetsi da. 2007an indarra izan zuena oinarri hartu eta urte horretako KPIari %1 gehitu zaio; hau da, %5,2 guztira.
2. Nafarroako Gobernuan horren ardura duen departamentuari eskatzea hitzarmena Nafarroako ALDIZKARI OFIZIALean argitara dezala, orok jakin dezan, eta horretarako erregistroan artxiba dezala.
Beste gairik aztertu beharrik ez dagoenez, bilera hamahiruak eta hogeita hamarrean bukatu da.
BULEGOEN ETA LANGELEN 2008KO TAULA
EGUNEAN HILEAN URTEAN
1 55,44 1.685,39 25.280,82
2 53,21 1.617,59 24.263,83
3 51,00 1.550,43 23.256,44
4 48,78 1.482,95 22.244,25
5 44,34 1.347,99 20.219,86
6 42,13 1.280,83 19.212,47
7 39,91 1.213,35 18.200,27
8 39,29 1.194,48 17.917,24
9 (2. urtea) 36,19 1.100,14 16.502,09
9 (1. urtea) 32,05 974,45 14.616,82
10 30,39 923,93 13.858,88
1. urteko praktikak lanbide taldearen 100eko 70
2. urteko praktikak lanbide taldearen 100eko 85
1. urteko prestakuntza lan eginiko ordurako lanbide arteko
gutxieneko soldata
2. urteko prestakuntza lan eginiko ordurako lanbide arteko
gutxieneko soldata + 100eko 15
Iragarkiaren kodea: F0801928
