I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
101/2008 EBAZPENA, otsailaren 1ekoa, Lan zuzendari nagusiak emana, Nafarroako "Industria Siderometalurgikoa" sektorerako Lan Hitzarmen Kolektiboaren 2007ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 54/2004).
Departamentu honetan 2008ko urtarrilaren 24an sartu da "Nafarroako Industria Siderometalurgikoa" sektorerako Lan Hitzarmenaren 2007ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 54/2007).
Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legeko 22.1 artikuluak ematen dizkidan eskurantzak erabiliz.
EBATZI DUT:
1. Nafarroako "Industria siderometalurgikoa" sektorearen (kodea: 3106805) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko otsailaren 1ean.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO FORU KOMUNITATEKO INDUSTRIA SIDEROMETALURGIKOA SEKTORERAKO LAN HITZARMEN KOLEKTIBOAREN 2007KO LANSARIEN ALDAKETA
Iruñean, 2008ko urtarrilaren 24an.
Nafarroako Industria siderometalurgikorako 2004., 2005., 2006. eta 2007. urteetarako lan hitzarmen kolektiboaren presidentearen zuzendaritzapean bildu dira negoziazio mahaia osatzen duten kideak, sindikatu hauen ordezkariak: Unión General de Trabajadores (U.G.T.) eta Langile Komisioak (CC.OO.) eta enpresaburuen elkarte hauenak: Asociación de la Pequeña y Mediana Empresa del Metal de Navarra (A.P.M.E.N.) eta Asociación Navarra de Empresarios del Metal (A.N.E.M.) eta
Adierazten dute:
Lehendabizikoa .-Jakinik 2007rako Kontsumorako Prezioen Indize (KPI) benetakoa %4,2koa dela behin-behinekoz, Hitzarmen Kolektibo horretako 39. artikuluko B) idatz-zatiko a) lerroaldean xedaturikoa betetzeko, bidezko da 2007rako soldaten berrikuspena behin-behinekoz egitea.
Bigarrena.-Jakinik 2007. urteko benetako KPIa behin-behinekoz %4,2 dela, lansariak 100eko 2,2 gehituko dira.
Zenbateko horretan egiten den aldaketa hitzarmenean aldagarri direla esaten den kontzeptu guztietan ezarriko da, betiere 2006an izan zezaketen batez besteko balioan eta zenbatekoan, zeina oinarritzat hartu baitzen 2007. urteko hasierako igoerak aplikatzeko.
Hirugarrena.-2007ko Metaleko Hitzarmenaren lansarien taula, aldaketa aplikatu ondoren, akta honen eranskinean ematen da.
Laugarrena.-Lansarien aldaketa behin betikoz finkatzeko, EINek berretsi beharko du 2006. urteko behin betiko KPIa %4,2 dela.
Gero, behin betikoz finkatzean, KPI handitu edo gutxitu bada, enpresek behin-behineko aldaketa honen ondorioz pagaturiko dirua doituko dute eta 2007rako benetako KPIari lotuko zaizkio.
Bosgarrena.-Lansarien aldaketak 2007ko urtarrilaren 1az geroztik izanen ditu ondorioak, urte osan enpresan egonez gero.
Urte osoan aritu ezik, 2007. urtean lanean hasi edo lanetik gelditzeagatik, lanean emaniko denboran kobraturiko diruari dagokio aldaketa.
Seigarrena.-Lansarien aldaketa honen ondorioz langileei ordaindu beharreko zenbatekoa 2008ko lehen hiruhilekoan ordainduko diete enpresek.
Eta horrela ager dadin, akta hau egin da, bildu direnek sinatua, goian aipatu tokian eta egunean.
Lehendakaria, U.G.T., A.P.M.E.N., CC.OO., A.N.E.M
NAFARROAKO INDUSTRIA SIDEROMETALURGIKOA SEKTORERAKO LAN HITZARMEN KOLEKTIBOAREN SOLDATEN TAULA, 2007KO ABENDUAREN 31N
39. artikuluaren B) idatz-zatiko a) lerroaldean aurreikusitako soldaten aldaketa ezarri ondoren
BERR. BAINO LEHEN BERR. ETA GERO
(eurotan) (eurotan)
39. artikulua, C) idatz-zatia eta 70. art.
1. araua. 7. taldea 16.627,42 16.983,44
6. taldea 17.486,07 17.860,47
5. taldea 17.954,42 18.338,54
4. taldea 18.500,80 18.896,93
3. taldea 19.125,27 19.534,77
2. taldea 19.671,68 20.092,87
1. taldea 20.218,07 20.650,97
40. artikulua. Pizgarri gabeziaren plusa. 73,80 75,38
HIRUHILEKOETAKO GUTXIENEKO BALIOAK
44. artikulua. Antzinatasuna 1. hirurt.: 116,99 119,49
2. hirurt.: 233,95 238,96
3. hirurt.: 409,35 418,12
4. hirurt.: 526,20 537,46
5. hirurt.: 584,50 597,01
6. hirurt.: 760,96 776,74
7. hirurt.: 818,62 836,15
8. hirurt.: 877,11 895,89
Hortik aurr.: 59,88 61,26
47. artikulua. Bidaiak eta dietak. 32,46 33,16
39,53 40,38
18,81 19,21
48. artikulua, A idatz-zatia
Prestakuntzarako langileen soldatak
-Lehen urteko prestakuntzako lang. 492,53 503,07
-Bigarren urteko prestakuntzako lang. 584,69 597,21
Iragarkiaren kodea: F0801993
